{"id":599019,"date":"2023-05-31T10:29:59","date_gmt":"2023-05-31T08:29:59","guid":{"rendered":"https:\/\/www.hashtag.al\/?p=599019"},"modified":"2023-05-31T10:31:22","modified_gmt":"2023-05-31T08:31:22","slug":"vonesat-ne-shkarkimin-e-anijeve-linjat-detare-leter-qeverise-na-jepni-zgjidhje-per-kostot-shtese-dhe-pagesat-nen-dore","status":"publish","type":"post","link":"https:\/\/www.hashtag.al\/index.php\/2023\/05\/31\/vonesat-ne-shkarkimin-e-anijeve-linjat-detare-leter-qeverise-na-jepni-zgjidhje-per-kostot-shtese-dhe-pagesat-nen-dore\/","title":{"rendered":"Vonesat n\u00eb shkarkimin e anijeve, linjat detare let\u00ebr Qeveris\u00eb: Na jepni zgjidhje p\u00ebr kostot shtes\u00eb dhe pagesat n\u00ebn dor\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Prej gati 3 jav\u00ebsh n\u00eb terminalin e kontejner\u00ebve n\u00eb portin e Durr\u00ebsit vijon t\u00eb ket\u00eb vonesa t\u00eb gjat\u00eb n\u00eb shkarkimin n\u00eb port t\u00eb anijeve, si dhe ngarkimit t\u00eb tyre n\u00eb kamion\u00eb.<\/span><\/p>\n

Pavar\u00ebsisht se Autoriteti Portual Durr\u00ebs (APD) \u00ebsht\u00eb angazhuar p\u00ebr zgjidhjen e problematik\u00ebs, situata vazhdon t\u00eb mbetet e nj\u00ebjt\u00eb sipas drejtuesve t\u00eb linjave detare. Ata ngren\u00eb shqet\u00ebsimin se vonesat po shkaktohen nga mungesa e mjeteve t\u00eb ngarkim-shkarkimit dhe produktivitetit t\u00eb tyre, p\u00ebr rrjedhoj\u00eb po shtohen kostot p\u00ebr ta dhe furnitor\u00ebt.<\/span><\/p>\n

Disa dit\u00eb m\u00eb par\u00eb 5 kompanit\u00eb e linjave detare, CMA CGM ALBANIA, MEDITERRANEAN SHIPPING COMPANY ALBANIA, STACON SHIPPING AL, HUB ADRIATIC, STELLA MARE nj\u00eb let\u00ebr drejtuar kreut t\u00eb autoritetit Portual Durr\u00ebs (APD) Pirro Vengu, ministres s\u00eb Infrastruktur\u00ebs dhe Energjetik\u00ebs (MIE) Belinda Balluku dhe kryeministrit Edi Rama ngren\u00eb shqet\u00ebsimin e kostove shtes\u00eb nga vonesat e gjata n\u00eb shkarkimin e anijeve.<\/span><\/p>\n

Operator\u00ebt theksojn\u00eb se e gjitha kjo vjen p\u00ebr shkak t\u00eb pamjaftueshm\u00ebris\u00eb s\u00eb mjeteve t\u00eb ngarkim-shkarkimit dhe produktivitetit t\u00eb kompanis\u00eb koncensionare, por teksa APD dhe koncensionari faj\u00ebsojn\u00eb nj\u00ebra-tjetr\u00ebn situata mbetet pa zgjidhje.<\/span><\/p>\n

\u201cN\u00eb shumic\u00ebn e koh\u00ebs q\u00eb ne evidentojm\u00eb dhe ju paraqesim problemin APD b\u00ebn fajtor operatorin e sh\u00ebrbimit \u201cMariner Adriatic\u201d, nd\u00ebrsa ky fundit na komunikon gjendjen problematike t\u00eb vin\u00e7ave dhe mjeteve t\u00eb ngarkim-shkarkimit. P\u00ebrfundimisht, ngelemi pa zgjidhje\u201d, theksojn\u00eb operator\u00ebt n\u00eb let\u00ebr.<\/span><\/p>\n

Sh\u00ebrbimi p\u00ebr p\u00ebrpunimin e anijeve n\u00eb terminalin e kontejner\u00ebve prej muajit mars 2021 funksionin me koncesion n\u00ebp\u00ebrmjet \u201cHili Company Limeted\u201d e p\u00ebrfaq\u00ebsuar n\u00eb Shqip\u00ebri nga filiali \u201cMariner Adriatic\u201d p\u00ebr nj\u00eb afat 5 vje\u00e7ar. Kompania koncesionare \u00ebsht\u00eb p\u00ebrgjegj\u00ebse vet\u00ebm p\u00ebr mir\u00ebmbajtjen e mjeteve q\u00eb p\u00ebrdoren p\u00ebr shkarkimin e anijeve, pasi asetet infrastrukturore dhe pajisjet sipas parashikimeve t\u00eb kontrat\u00ebs koncesionare jan\u00eb transferuar nga autoriteti kontraktor APD tek kontraktori \u201cMariner Adriatic\u201d.<\/span><\/p>\n

M\u00eb her\u00ebt sh\u00ebrbimi n\u00eb terminalin e kontejner\u00ebve administrohej nga kompania turke \u201cDurr\u00ebs Container Terminal\u201d e cila kishte n\u00ebnshkruar me qeverin\u00eb shqiptare n\u00eb 2011 kontrat\u00ebn koncesionare me afat 30 vje\u00e7ar. N\u00eb 2018 qeveria k\u00ebrkoi anulimin e koncesionit, duke hapur \u00e7\u00ebshtje gjyq\u00ebsore, pasi koncesionari nuk kishte p\u00ebrmbushur kushtet. P\u00ebr p\u00ebrfundimin e kontrat\u00ebs kompania turke i \u00ebsht\u00eb drejtuar Gjykat\u00ebs s\u00eb Arbitrazhit. Pas nj\u00eb periudhe q\u00eb sh\u00ebrbimi u menaxhua nga APD, gara p\u00ebr tenderin nd\u00ebrkomb\u00ebtar u fitua nga kompania malteze \u201cHili Company Limeted\u201d.<\/span><\/p>\n

Sipas p\u00ebrllogaritjeve t\u00eb operator\u00ebve detar\u00eb aktualisht r\u00ebnia e produktivitetit t\u00eb koncesionarit \u201cMariner Adriatic\u201d n\u00eb 22 deri 23 kontejner\u00eb n\u00eb or\u00eb krahasuar n\u00eb nj\u00eb sasi prej 30 kontejner\u00eb n\u00eb or\u00eb q\u00eb ishte produktiviteti p\u00ebrpunues i kompanis\u00eb s\u00eb m\u00ebparshme koncesionare turke, \u201cDurr\u00ebs Container Terminal\u201d ka shtuar 500 or\u00eb pritjet e anijeve p\u00ebr shkarkim.<\/span><\/p>\n

Letra e operator\u00ebve detar\u00eb<\/strong><\/span><\/p>\n

U b\u00eb koh\u00eb e gjat\u00eb q\u00eb terminali i kontejner\u00ebve shfaq probleme serioze n\u00eb lidhje me produktivitetin, duke shkaktuar vonesa dhe kosto t\u00eb shumta:<\/span><\/p>\n

1.Problemi m\u00eb i r\u00ebnd\u00ebsish\u00ebm lidhet me produktivitetin e vin\u00e7ave. Nga 2 vin\u00e7a q\u00eb p\u00ebrdoren nj\u00ebri prej tyre shfaq gjat\u00eb gjith\u00eb koh\u00ebs probleme teknike q\u00eb konsistojn\u00eb n\u00eb ndalesa t\u00eb shumta. Kjo p\u00ebrkthehet n\u00eb:<\/span><\/p>\n

2.Vonesa n\u00eb koh\u00ebn operacionale t\u00eb anijeve = kosto shtes\u00eb<\/span><\/p>\n

3.Akumulim i anijeve dhe pritje n\u00eb rad\u00eb = kosto shtes\u00eb<\/span><\/p>\n

4.Akumulim i ngarkesave brenda n\u00eb terminal, duke penguar dhe produktivitetin n\u00eb tok\u00eb (brenda terminalit). Kjo e fundit shkakton vonesa n\u00eb evadim q\u00eb p\u00ebrkthehen n\u00eb dit\u00eb magazinimi = kosto shtes\u00eb.<\/span><\/p>\n

5.Koh\u00eb e shtuar p\u00ebr ngarkimin e eksporteve p\u00ebr shkak t\u00eb arsyeve t\u00eb sip\u00ebrp\u00ebrmendura = Kosto shtes\u00eb.<\/span><\/p>\n

6.Problem i dyt\u00eb ka lidhje me pamjaftueshm\u00ebrin\u00eb e mjeteve t\u00eb ngarkim-shkarkimit brenda n\u00eb terminal (reach-stackers). Megjith\u00ebse beh\u00ebn p\u00ebrpjekje t\u00eb vazhdueshme dhe flitet p\u00ebr rritje n\u00eb num\u00ebr apo blerje t\u00eb reja, rezultati \u00ebsht\u00eb i nj\u00ebjt\u00eb:<\/span><\/p>\n

7.Vonesa n\u00eb ngarkim apo shkarkim t\u00eb kontejner\u00ebve plot = kosto shtes\u00eb<\/span><\/p>\n

8.Vonesa n\u00eb dor\u00ebzimin e kontejner\u00ebve bosh apo ngarkimin e tyre p\u00ebr eksport = kosto shtes\u00eb<\/span><\/p>\n

9.Rradh\u00eb t\u00eb gjata n\u00eb hyrje t\u00eb terminalit t\u00eb cilat krijojn\u00eb vonesa (= kosto), acarim (\u00e7do dit\u00eb d\u00ebgjohen nga zyrat tona, borit\u00eb e kamion\u00ebve n\u00eb shenj\u00eb proteste) dhe kosto p\u00ebr importuesit dhe eksportuesit tan\u00eb n\u00eb m\u00ebnyr\u00eb t\u00eb pashmangshme.<\/span><\/p>\n

Nd\u00ebrkoh\u00eb q\u00eb produktiviteti ka r\u00ebn\u00eb (krahasuar me kompanin\u00eb koncesionare t\u00eb m\u00ebparshme), tarifat jan\u00eb rritur. K\u00ebto t\u00eb fundit edhe pse jan\u00eb diskutuar, disa prej k\u00ebrkesave tona nuk jan\u00eb marr\u00eb parasysh.<\/span><\/p>\n

Na u komunikua q\u00eb s\u00eb shpejti do t\u00eb kemi kontrata nga operatori i sh\u00ebrbimit. Sot, vazhdojm\u00eb akoma t\u00eb punojm\u00eb pa kontrata. Pra, nj\u00ebanshm\u00ebria e kushteve t\u00eb bashk\u00ebpunimit \u00ebsht\u00eb e dukshme, kur nuk ka nj\u00eb marr\u00ebveshje ligjore q\u00eb rregullon ato.<\/span><\/p>\n

Na \u00ebsht\u00eb njoftuar q\u00eb s\u00eb shpejti do t\u00eb operonim me 2 anije nj\u00ebher\u00ebsh. Vazhdojm\u00eb t\u00eb operojm\u00eb me 1 anije dhe kushte tep\u00ebr t\u00eb v\u00ebshtira. Shpesh here detyrohemi t\u00eb devijojm\u00eb nga itinerari ose t\u00eb presim me dit\u00eb. Sot q\u00eb po flasim anija CONTSHIP ECO pret prej 3 dit\u00ebsh n\u00eb rad\u00eb.<\/span><\/p>\n

Na \u00ebsht\u00eb th\u00ebn\u00eb q\u00eb me ndryshimet logjistike n\u00eb terminal (ndryshimi i portave hyr\u00ebse\/dal\u00ebse n\u00eb terminal) do t\u00eb kishim nj\u00eb menaxhim m\u00eb t\u00eb mir\u00eb t\u00eb hap\u00ebsir\u00ebs si dhe n\u00eb performance. Rezultati \u00ebsht\u00eb radh\u00eb t\u00eb gjata kamion\u00ebsh q\u00eb presin t\u00eb shkarkojn\u00eb edhe kontejner\u00ebt bosh (dikur menaxhohej jasht\u00eb terminalit n\u00eb nj\u00eb shesh t\u00eb dedikuar).<\/span><\/p>\n

N\u00eb shumic\u00ebn e koh\u00ebs q\u00eb ne evidentojm\u00eb dhe ju paraqesim problemin APD b\u00ebn fajtor operatorin e sh\u00ebrbimit Mariner Adriatic, nd\u00ebrsa ky fundit na komunikon gjendjen problematike t\u00eb vin\u00e7ave dhe mjeteve t\u00eb ngarkim-shkarkimit. P\u00ebrfundimisht, ngelemi pa zgjidhje.<\/span><\/p>\n

Dhe sikur mos mjaftojn\u00eb k\u00ebto p\u00ebrballemi dhe me probleme t\u00eb tjera q\u00eb ndoshta nuk lidhen drejtp\u00ebrs\u00ebdrejti me ju, por q\u00eb ndikojn\u00eb akoma m\u00eb tep\u00ebr n\u00eb proces.<\/span><\/p>\n

Kosto e lart\u00eb e sh\u00ebrbimit monopol t\u00eb rimorkimit. Shpesh her\u00eb p\u00ebr shkak t\u00eb vonesave duhet t\u00eb paguajm\u00eb tarifa t\u00eb kripura jasht\u00eb orarit, nd\u00ebrkoh\u00eb q\u00eb shumic\u00ebn e rasteve rimorkiator\u00ebt jan\u00eb vet\u00ebm n\u00eb gatishm\u00ebri (larg anijes) dhe jo n\u00eb asistenc\u00eb (duke e shtyr\u00eb apo t\u00ebrhequr k\u00ebt\u00eb t\u00eb fundit).<\/span><\/p>\n

Pagesa n\u00eb dor\u00eb (cash) e plumb\u00e7eve n\u00eb dogan\u00eb. Edhe pse u p\u00ebrfol disa her\u00eb ky problem, vazhdon t\u00eb jap\u00eb pasojat e veta duke ju shtuar zinxhirit t\u00eb problemeve t\u00eb shumta. Nd\u00ebrkoh\u00eb q\u00eb flitet p\u00ebr luft\u00ebn kund\u00ebr informalitetit, ky i fundit fillon t\u00eb shfaqet q\u00eb n\u00eb pik\u00ebn kufitare hyr\u00ebse n\u00eb portin e Durr\u00ebsit, me pages\u00ebn me para n\u00eb dor\u00eb t\u00eb plumb\u00e7eve t\u00eb dogan\u00ebs. Kjo problematik\u00eb \u00ebsht\u00eb shtuar nd\u00ebr vite dhe nuk ka gjetur asnj\u00ebher\u00eb zgjidhje.<\/span><\/p>\n

Duke shpresuar q\u00eb t\u00eb merrni seriozisht n\u00eb konsiderat\u00eb k\u00ebt\u00eb ankes\u00eb ju informojm\u00eb q\u00eb dedikimi yn\u00eb maksimal n\u00eb lidhje me aktivitetin n\u00eb terminalin e kontejner\u00ebve nuk ka munguar. Ajo q\u00eb mungon \u00ebsht\u00eb suporti juaj p\u00ebr t\u00eb qen\u00eb konkurrues n\u00eb tregun vendas dhe rajonal.<\/span><\/p>\n

Reagimi i koncensinarit<\/strong><\/span><\/p>\n

Kompania koncesionare Mariner Adriatic pohoi p\u00ebr Monitor se arsyeja kryesore e vonesave n\u00eb shkarkimin e kontejner\u00ebve mbetet rritja e v\u00ebllimit t\u00eb mallrave. Kompania koncesionare thekson se ka rritur pun\u00ebn p\u00ebr mir\u00ebmbajtjen e mjeteve me q\u00ebllim shtimin e produktivitetit.<\/span><\/p>\n

\u201cMariner Adriatic, si Kompania e Menaxhimit dhe Operacionit t\u00eb Terminalit t\u00eb Kontejner\u00ebve n\u00eb Portin e Durr\u00ebsit, koh\u00ebt e fundit ka nj\u00eb rritje t\u00eb mir\u00eb dhe t\u00eb konsiderueshme t\u00eb v\u00ebllimit t\u00eb kontejner\u00ebve. V\u00ebllimi i muajit prillit 2023 ishte rreth 43% m\u00eb i lart\u00eb se prilli 2022. Tendenca mbetet e ngjashme edhe sot.<\/span><\/p>\n

Ne kemi zbatuar plot\u00ebsisht operacionet e specializuara t\u00eb kontejner\u00ebve dhe sistemin e planifikimit NavisN4 p\u00ebr t\u00eb arritur produktivitet m\u00eb t\u00eb mir\u00eb t\u00eb oborrit dhe pajisjeve. Terminali i kontejner\u00ebve \u00ebsht\u00eb i disponuesh\u00ebm p\u00ebr t\u00eb punuar 24\/7.<\/span><\/p>\n

Koh\u00ebt e fundit kemi rritur hap\u00ebsir\u00ebn e oborrit p\u00ebr t\u00eb ruajtur m\u00eb shum\u00eb kontejner\u00eb, Autoriteti Portual i Durr\u00ebsit ka dor\u00ebzuar reachstacker t\u00eb ri p\u00ebr operimet n\u00eb oborr dhe s\u00eb shpejti do t\u00eb dor\u00ebzoj\u00eb nj\u00eb vin\u00e7 t\u00eb ri p\u00ebr operimin e anijeve. Mariner Adriatic \u00ebsht\u00eb n\u00eb diskutime me Autoritetin Portual t\u00eb Durr\u00ebsit p\u00ebr disa propozime p\u00ebr p\u00ebrmir\u00ebsime t\u00eb m\u00ebtejshme n\u00eb efi\u00e7enc\u00eb\u201d, theksohet n\u00eb reagimin e Mariner Adriatic.<\/span><\/p>\n

Reagimi i APD p\u00ebr operator\u00ebt<\/strong><\/span><\/p>\n

\u201cAutoriteti Portual Durr\u00ebs monitoron n\u00eb koh\u00eb reale t\u00eb gjith\u00eb aktivitetin p\u00ebrpunues n\u00eb terminalet portuale dhe ndan shqet\u00ebsimin e t\u00eb gjith\u00eb p\u00ebrdoruesve, linjave kontejnerik\u00eb, agjencive doganore dhe spedicionere n\u00eb lidhje me vonesat e shkaktuara p\u00ebrgjat\u00eb jav\u00ebve t\u00eb fundit n\u00eb procesin e ngarkim-shkarkimit si dhe n\u00eb pjes\u00ebn e magazinimit t\u00eb kontejner\u00ebve.<\/span><\/p>\n

Sikurse jeni n\u00eb dijeni, n\u00eb bashk\u00ebpunim me stafet tuaja dhe Administrat\u00ebn Doganore, Autoriteti Portual Durr\u00ebs ka marr\u00eb masa n\u00eb m\u00ebnyr\u00eb t\u00eb vazhdueshme p\u00ebr t\u00eb krijuar leht\u00ebsi n\u00eb p\u00ebrpunimin dhe evadimin e kontejner\u00ebve n\u00eb import\/eksport, duke marr\u00eb n\u00eb konsiderat\u00eb dhe kufizimet objektive t\u00eb infrastruktur\u00ebs dhe makinerive portuale ekzistuese.<\/span><\/p>\n

M\u00eb konkretisht kemi mund\u00ebsuar zgjerimin e hap\u00ebsirave t\u00eb Terminalit t\u00eb Kontejner\u00ebve, dhe s\u00eb fundmi kemi krijuar infrastruktur\u00ebn e nevojshme q\u00eb kontejner\u00ebt bosh t\u00eb depozitohen jasht\u00eb Terminalit, mas\u00eb kjo q\u00eb leht\u00ebson qarkullimin dhe rrit shpejt\u00ebsin\u00eb e procesit t\u00eb evadimit t\u00eb kontejner\u00ebve.<\/span><\/p>\n

P\u00ebr sa parashtroni n\u00eb lidhje me gjendjen teknike t\u00eb makinerive t\u00eb r\u00ebnda dhe terminalit n\u00eb t\u00ebr\u00ebsi, ju sqarojm\u00eb se:<\/span><\/p>\n

\u2013 Sikurse jeni n\u00eb dijeni ka pasur nj\u00eb avari n\u00eb vin\u00e7in portual MHC 2120, \u00e7ka pritet t\u00eb gjej\u00eb zgjidhje n\u00eb dit\u00ebt n\u00eb vijim, me mb\u00ebrritjen dit\u00ebn e h\u00ebn\u00eb t\u00eb pjes\u00ebve t\u00eb k\u00ebmbimit p\u00ebrkat\u00ebse;<\/span><\/p>\n

\u2013 P\u00ebr sa i p\u00ebrket mjeteve l\u00ebviz\u00ebse (reach-stackers) n\u00eb bashk\u00ebpunim dhe me operatorin e terminalit do t\u00eb kemi funksional shtes\u00eb n\u00eb terminal dhe 2 (dy) reach-stackers t\u00eb tjer\u00eb, ku po kryhen sot instalimet p\u00ebrkat\u00ebse softuerik\u00eb n\u00eb p\u00ebrputhje me sistemin operativ NAVIS;<\/span><\/p>\n

\u2013 P\u00ebrgjat\u00eb muajve t\u00eb kaluar jan\u00eb realizuar investime dhe p\u00ebrmir\u00ebsime cil\u00ebsor\u00eb n\u00eb instalimet p\u00ebr kontejner\u00ebt frigoriferik\u00eb, duke eliminuar k\u00ebsisoj nj\u00eb pjes\u00eb t\u00eb mir\u00eb t\u00eb shqet\u00ebsimeve p\u00ebr p\u00ebrpunimin e tyre.<\/span><\/p>\n

Krahas masave t\u00eb sip\u00ebrcituara t\u00eb marra nga APD, na duhet t\u00eb theksojm\u00eb faktin se gjendemi n\u00eb sezonin e lart\u00eb t\u00eb aktivitetit portual dhe n\u00eb kat\u00ebr muajt e par\u00eb t\u00eb k\u00ebtij viti kemi konstatuar nj\u00eb rritje t\u00eb konsiderueshme t\u00eb volumeve tregtare q\u00eb p\u00ebrpunohen n\u00eb Portin e Durr\u00ebsit : madje b\u00ebhet fjal\u00eb p\u00ebr volumin m\u00eb t\u00eb lart\u00eb t\u00eb kontejner\u00ebve edhe n\u00eb krahasim me vitin rekord 2021 (nga 45,000 nj\u00ebsi n\u00eb 4 muaj n\u00eb 48,000 nj\u00ebsi sot, ku evidentojm\u00eb gjithashtu nj\u00eb rritje t\u00eb kontejner\u00ebve me mallra p\u00ebr eksport).<\/span><\/p>\n

Volume n\u00eb rritje jan\u00eb nj\u00eb lajm i mir\u00eb p\u00ebr ekonomin\u00eb ton\u00eb por sigurisht dhe nj\u00eb sfid\u00eb p\u00ebr infrastruktur\u00ebn portuale. Kjo \u00ebsht\u00eb pik\u00ebrisht nj\u00eb prej arsyeve kryesore p\u00ebrse Qeveria shqiptare ka vendosur t\u00eb investoj\u00eb n\u00eb nj\u00eb terminal t\u00eb ri n\u00eb Porto Romano p\u00ebr t\u00eb siguruar dyfishim t\u00eb thell\u00ebsis\u00eb aktuale dhe trefishim t\u00eb kapacitetit p\u00ebrpunues.<\/span><\/p>\n

N\u00eb lidhje me sa parashtroni p\u00ebr munges\u00ebn e nj\u00eb kontrate mes Jush dhe operatorit t\u00eb terminalit, sqarojm\u00eb se tarifat e sh\u00ebrbimeve jan\u00eb t\u00eb miratuara me udh\u00ebzim t\u00eb p\u00ebrbashk\u00ebt \u201cP\u00ebr p\u00ebrcaktimin e tarifave dhe sh\u00ebrbimeve portuale n\u00eb Autoritetin Portual Durr\u00ebs t\u00eb Ministris\u00eb s\u00eb Infrastruktur\u00ebs dhe Energjis\u00eb dhe Ministris\u00eb s\u00eb Financave dhe Ekonomis\u00eb dhe jan\u00eb publike. Gjithashtu jemi t\u00eb mendimit se mungesa e nj\u00eb kontrate t\u00eb till\u00eb me operatorin e terminalit nuk e ka cenuar n\u00eb t\u00eb kaluar\u00ebn mbar\u00ebvajtjen e bashk\u00ebpunimit mes pal\u00ebve.<\/span><\/p>\n

Gjithsesi, duke mir\u00ebkuptuar k\u00ebrkes\u00ebn tuaj p\u00ebr t\u00eb krijuar nj\u00eb marr\u00ebdh\u00ebnie juridike mes Linjave kontejnerike dhe Portit t\u00eb Durr\u00ebsit, e cila do t\u00eb p\u00ebrcaktonte t\u00eb drejtat dhe detyrimet mes pal\u00ebve p\u00ebr t\u00eb krijuar m\u00eb shum\u00eb siguri juridike dhe operacionale, Autoriteti Portual \u00ebsht\u00eb n\u00eb dispozicionin tuaj p\u00ebr t\u00eb negociuar dhe dakord\u00ebsuar nj\u00eb marr\u00ebveshje t\u00eb till\u00eb, pa cenuar kuadrin ligjor dhe financiar ekzistues.<\/span><\/p>\n

Ne lidhje me shqet\u00ebsimet e tjera q\u00eb parashtroni, si\u00e7 jan\u00eb kostot e rimorkimit apo plugimi i kontejner\u00ebve, theksojm\u00eb se k\u00ebto \u00e7\u00ebshtje nuk jan\u00eb kompetenc\u00eb e Autoritetit Portual, por mbetemi n\u00eb dispozicionin tuaj p\u00ebr t\u2019i adresuar bashk\u00ebrisht pran\u00eb institucioneve p\u00ebrkat\u00ebse.<\/span><\/p>\n

N\u00eb m\u00ebnyr\u00eb q\u00eb t\u00eb trajtojm\u00eb t\u00eb gjitha k\u00ebto problematika n\u00eb funksion t\u00eb p\u00ebrmir\u00ebsimit t\u00eb sh\u00ebrbimeve portuale n\u00eb t\u00ebr\u00ebsi, ju ftojm\u00eb n\u00eb nj\u00eb takim n\u00eb ambientet e APD-s\u00eb, dit\u00ebn e h\u00ebn\u00eb dat\u00eb 29.05.2023 ora 10:30.\u201d\/ D.Azo<\/span><\/p>\n\n\t\t