{"id":591159,"date":"2023-04-18T22:27:21","date_gmt":"2023-04-18T20:27:21","guid":{"rendered":"https:\/\/www.hashtag.al\/?p=591159"},"modified":"2023-04-18T22:27:21","modified_gmt":"2023-04-18T20:27:21","slug":"be-formon-me-kosoven-dhe-serbine-komitetin-per-te-monitoruar-zbatimin-e-marreveshjes","status":"publish","type":"post","link":"https:\/\/www.hashtag.al\/index.php\/2023\/04\/18\/be-formon-me-kosoven-dhe-serbine-komitetin-per-te-monitoruar-zbatimin-e-marreveshjes\/","title":{"rendered":"BE formon me Kosov\u00ebn dhe Serbin\u00eb Komitetin p\u00ebr t\u00eb monitoruar zbatimin e marr\u00ebveshjes","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Bashkimi Evropian tha se s\u00eb bashku me Kosov\u00ebn dhe Serbin\u00eb, ka krijuar sot nj\u00eb Komitet t\u00eb P\u00ebrbashk\u00ebt Monitorues p\u00ebr t\u00eb mbik\u00ebqyrur zbatimin e Marr\u00ebveshjes p\u00ebr normalizimin e marr\u00ebdh\u00ebnieve, nj\u00eb muaj pas pajtimit t\u00eb pal\u00ebve n\u00eb Oh\u00ebr p\u00ebr zbatimin e nj\u00eb plani evropian p\u00ebr k\u00ebt\u00eb \u00e7\u00ebshtje.<\/span><\/p>\n

Komiteti i P\u00ebrbashk\u00ebt i Monitorimit do t\u00eb kryesohet nga i d\u00ebrguari i posa\u00e7\u00ebm i BE-s\u00eb p\u00ebr bisedimet Miroslav Laj\u00e7ak. Kosova do t\u00eb p\u00ebrfaq\u00ebsohet nga ambasadori i saj n\u00eb Bruksel Agron Bajrami dhe Serbia nga kryenegociatori i saj Petar Petkovi\u00e7.<\/span><\/p>\n

Komiteti do t\u00eb takohet rregullisht n\u00eb Bruksel, thuhet n\u00eb nj\u00eb njoftim t\u00eb BE-s\u00eb n\u00eb t\u00eb cilin theksohet se holl\u00ebsit\u00eb do t\u00eb p\u00ebrmbyllen dhe miratohen n\u00eb takimin e par\u00eb t\u00eb Komitetit, i cili do t\u00eb mbahet pas takimit t\u00eb radh\u00ebs t\u00eb t\u00eb nivelit t\u00eb lart\u00eb q\u00eb pritet t\u00eb mbahet n\u00eb Bruksel m\u00eb 2 maj, p\u00ebrcjell VOA.<\/span><\/p>\n

Me 18 mars n\u00eb Oh\u00ebr, presidenti serb Aleksandar Vu\u00e7i\u00e7 dhe kryeministri i Kosov\u00ebs, Albin Kurti u pajtuan t\u00eb zbatojn\u00eb nj\u00eb plan t\u00eb mb\u00ebshtetur nga per\u00ebndimi p\u00ebr normalizimin e marr\u00ebdh\u00ebnieve, q\u00eb \u00ebsht\u00eb kusht p\u00ebr p\u00ebrmbushjen e aspiratave t\u00eb tyre p\u00ebr an\u00ebtar\u00ebsim n\u00eb Bashkimin Evropian.<\/span><\/p>\n

Marr\u00ebveshja e mb\u00ebshtetur edhe nga Shtetet e Bashkuara, k\u00ebrkon marr\u00ebdh\u00ebnie t\u00eb mira fqinj\u00ebsore, njohje t\u00eb dokumenteve dhe simboleve dhe respektim t\u00eb sovranitetit dhe t\u00ebr\u00ebsis\u00eb tok\u00ebsore t\u00eb nj\u00ebra tjetr\u00ebs. Ajo k\u00ebrkon q\u00eb pal\u00ebt t\u00eb mos pengojn\u00eb nj\u00ebra tjetr\u00ebn n\u00eb proceset integruese, por nuk k\u00ebrkon njohje t\u00eb nd\u00ebrsjell\u00eb. Plani parasheh edhe p\u00ebrmbushjen e t\u00eb gjitha marr\u00ebveshjeve t\u00eb arritura m\u00eb par\u00eb n\u00eb bisedimet e nd\u00ebrmjet\u00ebsuara nga Bashkimi Evropian, p\u00ebrfshir\u00eb at\u00eb p\u00ebr Asociacionin e komunave me shumic\u00eb serbe n\u00eb Kosov\u00eb.<\/span><\/p>\n

Zyrtar\u00eb t\u00eb Bashkimit Evropian kan\u00eb th\u00ebn\u00eb se Kosova dhe Serbia duhet t\u00eb zbatojn\u00eb n\u00eb t\u00ebr\u00ebsi marr\u00ebveshjen dhe \u00e7do refuzim p\u00ebr ta b\u00ebr\u00eb nj\u00eb gj\u00eb t\u00eb till\u00eb do t\u00eb ket\u00eb pasoja negative.<\/span><\/p>\n

N\u00eb fillim t\u00eb k\u00ebtij muaji kryenegociator\u00ebt e Kosov\u00ebs dhe Serbis\u00eb, u pajtuan p\u00ebr tekstin e nj\u00eb deklarate mbi personat e zhdukur gjat\u00eb luft\u00ebs, q\u00eb pritet t\u00eb miratohet n\u00eb takimin e 2 majit.<\/span><\/p>\n

\n

The EU, as the Facilitator of the Belgrade-Pristina Dialogue, together with Kosovo and Serbia, have today established a Joint Monitoring Committee to oversee the implementation of the Agreement on the path to normalisation between Kosovo and Serbia. More: https:\/\/t.co\/pTyOgI9qL5<\/a><\/p>\n

\u2014 European External Action Service – EEAS \ud83c\uddea\ud83c\uddfa (@eu_eeas) April 18, 2023<\/a><\/p><\/blockquote>\n