{"id":590969,"date":"2023-04-17T22:08:05","date_gmt":"2023-04-17T20:08:05","guid":{"rendered":"https:\/\/www.hashtag.al\/?p=590969"},"modified":"2023-04-17T22:08:05","modified_gmt":"2023-04-17T20:08:05","slug":"2600-paund-per-vize-ne-angli-fiks-fare-si-po-mashtrohen-shqiptaret","status":"publish","type":"post","link":"https:\/\/www.hashtag.al\/index.php\/2023\/04\/17\/2600-paund-per-vize-ne-angli-fiks-fare-si-po-mashtrohen-shqiptaret\/","title":{"rendered":"\u201c2600 paund p\u00ebr viz\u00eb n\u00eb Angli\u201d-Fiks Fare: Si po mashtrohen shqiptar\u00ebt","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Shqiptar\u00ebt vijojn\u00eb t\u00eb largohen masivisht, kryesisht n\u00eb Europ\u00eb, Angli apo edhe n\u00eb Amerik\u00ebn e Veriut. N\u00ebp\u00ebrmjet azilit, kontratave t\u00eb pun\u00ebs apo edhe bashkimit familjar, mij\u00ebra persona kan\u00eb emigruar n\u00eb k\u00ebto vende p\u00ebr nj\u00eb jet\u00eb m\u00eb t\u00eb mir\u00eb.<\/span><\/p>\n

Shpesh her\u00eb ata kan\u00eb r\u00ebn\u00eb pre e mashtrimeve, duke u detyruar t\u00eb paguajn\u00eb persona apo firma fantazm\u00eb mij\u00ebra euro. N\u00eb redaksin\u00eb e emisionit investigativ \u201cFiks Fare\u201d kan\u00eb mb\u00ebrritur disa denoncime p\u00ebr raste mashtrimi p\u00ebr viza pune n\u00eb Angli dhe Europ\u00eb.<\/span><\/p>\n

Rasti i par\u00eb \u00ebsht\u00eb p\u00ebr nj\u00eb zyr\u00eb nd\u00ebrmjet\u00ebsimi \u201cB&M\u201d grup q\u00eb t\u00eb mund\u00ebson viza 3 vje\u00e7are angleze dhe kontrat\u00eb pune p\u00ebr n\u00eb Angli. N\u00eb rrjete sociale kjo zyr\u00eb nd\u00ebrmjet\u00ebsimi publikon mund\u00ebsit\u00eb e pun\u00ebsimit si dhe profesionet e k\u00ebrkuara.<\/span><\/p>\n

P\u00ebr nd\u00ebrmjet\u00ebsimin e kontrat\u00ebs dhe viz\u00ebs fillimisht duhet t\u00eb paguash 200 paund, viza dhe kontrata kushton n\u00eb total 2600 paund. Qytetari q\u00eb d\u00ebshiron t\u00eb aplikoj\u00eb sipas tyre duhet t\u00eb b\u00ebj\u00eb 2 marr\u00ebveshje me shkrim me zyr\u00ebn dhe pages\u00ebn prej 200 paund e b\u00ebn\u00eb n\u00eb zyr\u00eb me nj\u00eb mandat pagese t\u00eb thjesht\u00eb.<\/span><\/p>\n

Rasti i dyt\u00eb i mashtrimit \u00ebsht\u00eb p\u00ebr nj\u00eb viz\u00eb pune n\u00eb Suedi. Mashtruesi i ka marr\u00eb 1500 euro nj\u00eb qytetari, t\u00eb cilin do e pun\u00ebsonte shofer te i v\u00ebllai n\u00eb Suedi. Ai i ka dh\u00ebn\u00eb 1500 euro, nd\u00ebrkoh\u00eb q\u00eb mashtruesi p\u00ebr t\u2019u b\u00ebr\u00eb i besuar i ka l\u00ebn\u00eb pasaport\u00ebn dhe certifikat\u00ebn e tij. Por, personi nuk shkoi kurr\u00eb n\u00eb Suedi, nd\u00ebrsa qytetari tashm\u00eb ka n\u00eb dor\u00eb vet\u00ebm pasaport\u00ebn e mashtruesit.<\/span><\/p>\n

\u201c2600 paund p\u00ebr kontrat\u00eb dhe viz\u00eb n\u00eb Angli\u201d<\/strong><\/span><\/p>\n

N\u00eb redaksin\u00eb e Fiks Fare mb\u00ebrrit\u00ebn 3 denoncime, p\u00ebr nj\u00eb zyr\u00eb e cila reklamonte se ofronte viza pune p\u00ebr n\u00eb Angli. Qytetar\u00ebt denoncuan se punonj\u00ebsit e k\u00ebsaj zyre iu k\u00ebrkonin deri n\u00eb 2600 paund p\u00ebr kontrat\u00eb pune dhe vize 3-vje\u00e7are p\u00ebr n\u00eb Lond\u00ebr, Man\u00e7ester dhe Liverpul.<\/span><\/p>\n

Denoncimi i par\u00eb \u2013\u00a0\u201cP\u00ebrsh\u00ebndetje, kam shkuar n\u00eb nj\u00eb agjenci n\u00eb Tiran\u00eb dhe kam aplikuar p\u00ebr nj\u00eb viz\u00eb pune angleze. Mendoj se \u00ebsht\u00eb nj\u00eb agjensi piranj\u00eb. Kemi paguar nga 200 paund parapages\u00eb dhe nuk jemi t\u00eb vetmit\u201d<\/em>.<\/span><\/p>\n

Pas disa dit\u00ebsh, na vjen nj\u00eb tjet\u00ebr mesazh \u2013\u00a0\u201cDua t\u00eb denoncoj k\u00ebt\u00eb faqen n\u00eb instagram q\u00eb kan\u00eb zyr\u00ebn n\u00eb q\u00ebnd\u00ebr t\u00eb Tiran\u00ebs, premtojn\u00eb kontrata pune dhe jan\u00eb 100% mashtrim sepse kontaktova me kompanin\u00eb n\u00eb Angli dhe ata mohuan \u00e7do gj\u00eb dhe nuk b\u00ebjn\u00eb sponsorship viza. Jan\u00eb mashtruar shum\u00eb njer\u00ebz dhe gjithashtu edhe familjar\u00ebt e mi\u201d<\/em>.<\/span><\/p>\n

Por, nuk p\u00ebrfundojn\u00eb k\u00ebtu, pasi p\u00ebr t\u00eb nj\u00ebjt\u00ebn zyr\u00eb nj\u00eb qytetare solli k\u00ebt\u00eb denoncim me mesazh zanor \u2013\u00a0\u201cP\u00ebrsh\u00ebndetje Fiks Fare, jam nj\u00eb qytetare q\u00eb jetoj n\u00eb Lond\u00ebr. Dua t\u00eb denoncoj nj\u00eb t\u00eb ashtuquajtur agjensi pun\u00ebsimi n\u00eb Tiran\u00eb B&M Recruitment Group q\u00eb ofron kontrata pune p\u00ebr n\u00eb Angli. Si fillim ata k\u00ebrkojn\u00eb nj\u00eb parapagim prej 200 paund. Familjar\u00ebt e mi kan\u00eb aplikuar dhe paguar. M\u00eb kan\u00eb njoftuar dhe e kam kuptuar q\u00eb \u00ebsht\u00eb mashtrim. Un\u00eb vet\u00eb u interesova k\u00ebtu n\u00eb Angli, telefonova kompanin\u00eb n\u00eb Liverpool dhe m\u00eb konfirmuan, q\u00eb ata nuk sponsorizojn\u00eb viza p\u00ebr pun\u00ebsim. Ky mashtrim duhet t\u00eb ndaloj\u00eb menj\u00ebher\u00eb q\u00eb njer\u00ebzit t\u00eb mos bien pre e tyre\u201d<\/em>.<\/span><\/p>\n

Pas k\u00ebtyre denoncimeve, gazetar\u00ebt e Fiks Fare shkuan n\u00eb k\u00ebt\u00eb zyr\u00eb, e cila gjendet n\u00eb qend\u00ebr t\u00eb Tiran\u00ebs. Punonj\u00ebsja e zyr\u00ebs jep t\u00eb gjith\u00eb informacionin se \u201cB&M Group\u201d ofron kontrata pune dhe viza 3 vje\u00e7are n\u00eb bashk\u00ebpunim me \u201cB&M Retail Group\u201d n\u00eb 3 qytete t\u00eb Anglis\u00eb, Lond\u00ebr, Liverpul, dhe Man\u00e7ester. Sipas punonj\u00ebsve t\u00eb zyr\u00ebs n\u00eb Tiran\u00eb, \u201ckompania angleze ofron kontrat\u00ebn e pun\u00ebs sipas profesionit q\u00eb aplikanti k\u00ebrkon\u201d. M\u00eb tej ata vijojn\u00eb se kompania m\u00ebm\u00eb angleze t\u00eb ofron akomodimin p\u00ebr 3 vjet dhe aplikon n\u00eb Angli p\u00ebr leje q\u00ebndrimi. \u201cAplikanti fillimisht duhet t\u00eb paguaj 200 paund paradh\u00ebnie. Kontrata dhe viza e pun\u00ebs n\u00eb total kushton 2600 paund nd\u00ebrsa p\u00ebr f\u00ebmij\u00eb kushton vet\u00ebm viza 750 paund. Aplikanti ka mund\u00ebsi ta paguaj n\u00eb k\u00ebste k\u00ebt\u00eb pages\u00eb. Viza merret br\u00ebnda 15 dit\u00ebve nga aplikimi n\u00eb ambasad\u00eb\u201d pohojn\u00eb punonj\u00ebsit. Ata garantojn\u00eb kthimin e parapages\u00ebs vet\u00ebm n\u00eb rast se refuzohet viza.<\/span><\/p>\n

Kompania angleze: Nuk bashk\u00ebpunojm\u00eb me zyra n\u00eb Shqip\u00ebri!<\/strong><\/span><\/p>\n

Pas denoncimeve dhe premtimeve t\u00eb zyr\u00ebs s\u00eb mund\u00ebsonte viz\u00ebn angleze p\u00ebr 15 dit\u00eb, Fiksi u interesua te Konsullata e Mbret\u00ebris\u00eb s\u00eb Bashkuar n\u00eb Tiran\u00eb, n\u00ebse kan\u00eb ndonj\u00eb marr\u00ebveshje me ndonj\u00eb kompani p\u00ebr viza pun\u00ebsimi. Konsullata mohon kategorikisht t\u00eb ket\u00eb ndonj\u00eb marr\u00ebveshje.<\/span><\/p>\n

Fiksi kthehet dhe pyet s\u00ebrish te zyra. K\u00ebsaj her\u00eb, punonj\u00ebsja e zyr\u00ebs thot\u00eb se aplikimin p\u00ebr viz\u00eb n\u00eb konsullat\u00ebn angleze n\u00eb Tiran\u00eb s\u00eb bashku me kontrat\u00ebn e pun\u00ebs e b\u00ebn vet\u00eb kompania Angleze \u201cB&M Retail Group\u201d. Zyra d\u00ebrgon dokumentat n\u00eb Angli dhe ata mund\u00ebsojn\u00eb takimin n\u00eb ambasad\u00eb, ku aplikanti pas takimit br\u00ebnda 5 deri n\u00eb 15 dit\u00eb pajiset me viz\u00eb pun\u00eb. Gjithashtu punonj\u00ebsja tregon se deri n\u00eb muajin dhjetor t\u00eb vitit 2023 kan\u00eb kontrat\u00eb me kompanin\u00eb angleze.<\/span><\/p>\n

Punonj\u00ebsit e zyr\u00ebs k\u00ebmb\u00ebngul\u00ebn se aplikimin p\u00ebr viz\u00eb e b\u00ebn kompania angleze, e cila quhet \u201cB&M Retail Group Limited\u201d. Fiksi, n\u00eb bashk\u00ebpunim me nj\u00eb denoncuese, kontakton n\u00ebp\u00ebrmjet e-mailit me kompanin\u00eb m\u00ebm\u00eb angleze, e cila citohet n\u00eb marr\u00ebveshjen q\u00eb aplikant\u00ebt duhet t\u00eb n\u00ebnshkruajn\u00eb n\u00eb zyr\u00ebn n\u00eb Tiran\u00eb. Sipas k\u00ebsaj kontrate, emri i firm\u00ebs q\u00eb ofronte pun\u00eb \u00ebsht\u00eb \u201cB&M Retail Limited\u201d, me adres\u00eb \u201cDakota Drive\u201d n\u00eb qytetin e Liverpulit n\u00eb Angli. Kodi i adres\u00ebs \u00ebsht\u00eb L24 8 RJ.<\/span><\/p>\n

Fiksi b\u00ebri nj\u00eb v\u00ebzhgim n\u00eb internet p\u00ebr emrin, adres\u00ebn dhe kodin q\u00eb ndodhej n\u00eb k\u00ebt\u00eb kontrat\u00eb. T\u00eb dh\u00ebnat jan\u00eb t\u00eb firm\u00ebs \u201cB&M Retail Limited\u201d. Pra, adresa \u00ebsht\u00eb e sakt\u00eb!<\/span><\/p>\n

Por, a \u00ebsht\u00eb v\u00ebrtet\u00eb firma angleze pas zyr\u00ebs n\u00eb Tiran\u00eb?! N\u00eb dat\u00ebn 23 mars 2023, Fiksi dhe qytetarja M.P., i d\u00ebrgon nj\u00eb e-mail firm\u00ebs \u201cB&M Retail Limited\u201d, n\u00eb adres\u00ebn \u2018recruitment@bmstores.co.uk<\/a>\u2019, e cila ndodhet n\u00eb faqen zyrtare t\u00eb internetit. Fiksi e pyet n\u00ebse kjo kompani bashk\u00ebpunon, ofron kontrata dhe aplikon p\u00ebr viza pune p\u00ebr qytetar\u00ebt shqiptar\u00eb. Bashk\u00eblidhur i d\u00ebrgojn\u00eb edhe nj\u00eb kopje t\u00eb modelit t\u00eb kontrat\u00ebs, e cila u mund\u00ebsohet aplikant\u00ebve n\u00eb zyr\u00ebn n\u00eb Tiran\u00eb.<\/span><\/p>\n

Pas 5 dit\u00ebsh, n\u00eb dat\u00ebn 28 mars 2023 menaxherja e rekrutimeve t\u00eb k\u00ebsaj firme, Victoria Read, d\u00ebrgon nj\u00eb e-mail, ku shkruan se;\u00a0\u201cMund t\u00eb konfirmoj q\u00eb \u2018B&M Retail\u2019 nuk po ofron sponsorizim dhe ky komunikim nuk \u00ebsht\u00eb d\u00ebrguar nga ne. Faleminderit q\u00eb e soll\u00ebt n\u00eb v\u00ebmendjen ton\u00eb dhe ne do ta shqyrtojm\u00eb m\u00eb tej\u201d.<\/em>\u00a0Pra, e shkruar mjaft qart\u00eb se kompania angleze nuk bashk\u00ebpunon me asnj\u00eb zyr\u00eb apo firm\u00eb n\u00eb Shqip\u00ebri!<\/span><\/p>\n