{"id":579852,"date":"2023-02-16T17:01:59","date_gmt":"2023-02-16T16:01:59","guid":{"rendered":"https:\/\/www.hashtag.al\/?p=579852"},"modified":"2023-02-16T17:03:44","modified_gmt":"2023-02-16T16:03:44","slug":"deputeti-i-vetevendosjes-akuzon-njerezit-prane-kurtit-per-zhdukjen-e-provave-te-rastit-dehari-video","status":"publish","type":"post","link":"https:\/\/www.hashtag.al\/index.php\/2023\/02\/16\/deputeti-i-vetevendosjes-akuzon-njerezit-prane-kurtit-per-zhdukjen-e-provave-te-rastit-dehari-video\/","title":{"rendered":"Deputeti i Vet\u00ebvendosjes akuzon njer\u00ebzit pran\u00eb Kurtit p\u00ebr zhdukjen e provave t\u00eb rastit \u2018Dehari\u2019 (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Deputeti i L\u00ebvizjes Vet\u00ebvendosje, Haki Abazi, gjat\u00eb nj\u00eb konference p\u00ebr shtyp ka akuzuar njer\u00ebzit pran\u00eb Albin Kurtit p\u00ebr zhdukjen e provave p\u00ebr rastin \u201cDehari\u201d.<\/span><\/p>\n

Abazi i cili ka p\u00ebrmendur disa audio-incizime sot n\u00eb konferenc\u00ebn e thirrur nga ai, u shpreh se ato konfirmojn\u00eb z\u00ebrin e deputet\u00ebve p\u00ebrbrenda parlamentit e ngufatin Saranda Bogujevci, Mimoza Kusari dhe Dejona Mihali.<\/span><\/p>\n

Sipas Abazit, tri grat\u00eb e p\u00ebrmendura m\u00eb lart\u00eb jan\u00eb ato q\u00eb e ngufasin z\u00ebrin e deputet\u00ebve.<\/span><\/p>\n

Deputeti Abazi gjat\u00eb nj\u00eb konference p\u00ebr media ka th\u00ebn\u00eb se prokuroria duhet t\u2019i k\u00ebrkoj video-incizimet p\u00ebr zhdukjen e mostrave t\u00eb rastit \u2018Dehari\u2019.<\/span><\/p>\n

Abazi hodhi dyshime se si \u00ebsht\u00eb e mundur q\u00eb n\u00eb qeverisjen e LVV-s\u00eb dhe nj\u00eb vend t\u00eb monitoruar 24 or\u00eb nga kamerat, t\u00eb zhduken mostrat e k\u00ebtij rasti.<\/span><\/p>\n

\u201cAudioinzicimet konfirmojn\u00eb diskutimin nd\u00ebrmjet Saranda Bogujevcit, Mimoza Kusarit dhe Dejona Mihalit p\u00ebr ngulfatjen e z\u00ebrit t\u00eb deputet\u00ebve p\u00ebrbrenda parlamentit. Videoincizimet jan\u00eb ato t\u00eb cilat ju duhet t\u2019i k\u00ebrkoni p\u00ebr t\u00eb konfirmuar se kush ka zhdukur mostrat e rastit Dehari<\/em>\u201d, u shpreh ai.<\/span><\/p>\n

Deputeti nga L\u00ebvizja Vet\u00ebvendosje, Haki Abazi, ka drejtuar akuza ndaj an\u00ebtares s\u00eb Kryesis\u00eb s\u00eb L\u00ebvizjes Vet\u00ebvendosjes, Dejona Mihalit, t\u00eb cil\u00ebn e ka quajtur \u201cmash\u00eb t\u00eb kontrollit t\u00eb Grupit Parlamentar t\u00eb Vet\u00ebvendosjes\u201d.<\/span><\/p>\n

Sipas Abazit, Mihali \u00ebsht\u00eb njeriu kryesor q\u00eb kontrollon dhe menaxhon me Grupin Parlamentar t\u00eb L\u00ebvizjes Vet\u00ebvendosje dhe vendimmarrjen q\u00eb b\u00ebhet.<\/span><\/p>\n

Prokuroria Speciale e Kosov\u00ebs ka reaguar pas deklaratave t\u00eb deputetit t\u00eb LVV-s\u00eb, Haki Abazi p\u00ebr zhdukjen e provave p\u00ebr rastin \u2018Dehari\u2019.<\/span><\/p>\n

Prokuroria thot\u00eb se ka d\u00ebgjuar m\u00eb v\u00ebmendje deklarat\u00ebn e Abazit gjat\u00eb konferenc\u00ebs s\u00eb sotme p\u00ebr shtyp dhe i nj\u00ebjti s\u00eb shpejti do t\u00eb intervistohet nga ta.<\/span><\/p>\n

\u201cProkuroria Speciale e Republik\u00ebs s\u00eb Kosov\u00ebs, njofton opinionin publik se ka d\u00ebgjuar me v\u00ebmendje deklaratat e deputetit t\u00eb Kuvendit t\u00eb Kosov\u00ebs, Haki Abazi, dh\u00ebn\u00eb sot p\u00ebr media, dhe se i nj\u00ebjti s\u00eb shpejti do t\u00eb ftohet p\u00ebr intervistim<\/em>\u201d- thuhet n\u00eb njoftim.<\/span><\/p>\n

P\u00ebr deklaratat e deputetit Abazi reagoi edhe Ministria e Drejt\u00ebsis\u00eb n\u00eb Kosov\u00eb.<\/span><\/p>\n

Zyra p\u00ebr komunikim e MD-s\u00eb i tha se ministrja Haxhiu e ka dh\u00ebn\u00eb d\u00ebshmin\u00eb e saj para institucioneve t\u00eb drejt\u00ebsis\u00eb dhe tani radh\u00ebn e ka deputeti Abazi.<\/span><\/p>\n

Por MD uron q\u00eb Abazi \u201ct\u00eb mos tentoj\u00eb t\u00eb fshihet prapa imunitetit prej deputeti\u201d.<\/span><\/p>\n

Gjithashtu, MD thot\u00eb se \u00ebsht\u00eb e \u201cpapranueshme tendenca e deputetit p\u00ebr t\u00eb keqp\u00ebrdorur k\u00ebt\u00eb rast p\u00ebr q\u00ebllime t\u00eb ulta\u201d.<\/span><\/p>\n

\u201cSapo jemi njoftuar lidhur me deklaratat e tilla, kemi njoftuar kryeprokurorin e shtetit. Ky rast \u00ebsht\u00eb shum\u00eb i ndjesh\u00ebm sikurse edhe ka v\u00ebmendjen e opinionit publik. Ministrja Haxhiu ka dh\u00ebn\u00eb d\u00ebshmin\u00eb e saj para institucioneve t\u00eb drejt\u00ebsis\u00eb. D\u00ebshmitari i radh\u00ebs \u00ebsht\u00eb deputeti Abazi. E ka p\u00ebrgjegj\u00ebsin\u00eb ligjore q\u00eb t\u00eb flas p\u00ebr secilin pretendim. Urojm\u00eb q\u00eb t\u00eb mos tentoj\u00eb t\u00eb fshihet prapa imunitetit prej deputeti. Ne e konsiderojm\u00eb t\u00eb papranuesh\u00ebm tendenc\u00ebn e tij p\u00ebr t\u00eb keqp\u00ebrdorur k\u00ebt\u00eb rast p\u00ebr q\u00ebllime t\u00eb ul\u00ebta<\/em>\u201d, thuhet n\u00eb p\u00ebrgjigjen e Ministris\u00eb s\u00eb Drejt\u00ebsis\u00eb dh\u00ebn\u00eb Gazet\u00ebs Express.<\/span><\/p>\n