{"id":578204,"date":"2023-02-08T18:35:02","date_gmt":"2023-02-08T17:35:02","guid":{"rendered":"https:\/\/www.hashtag.al\/?p=578204"},"modified":"2023-02-08T18:35:44","modified_gmt":"2023-02-08T17:35:44","slug":"rrefehet-david-packouz-shkelzen-berisha-priti-diverolin-ne-zyre-bashke-me-nje-mafioz-negociuan-cmimin-e-municioneve","status":"publish","type":"post","link":"https:\/\/www.hashtag.al\/index.php\/2023\/02\/08\/rrefehet-david-packouz-shkelzen-berisha-priti-diverolin-ne-zyre-bashke-me-nje-mafioz-negociuan-cmimin-e-municioneve\/","title":{"rendered":"Rr\u00ebfehet David Packouz: Shk\u00eblzen Berisha priti Diverolin n\u00eb zyr\u00eb, bashk\u00eb me nj\u00eb mafioz negociuan \u00e7mimin e municioneve","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

David Packouz, ortaku i Efraim Diverolit, me t\u00eb cilin fitoi marr\u00ebveshjen 300 milion\u00eb dollar\u00ebshe nga Pentagoni p\u00ebr t\u00eb siguruar municione nga Shqip\u00ebria, ka rr\u00ebfyer s\u00eb fundmi intrigat, marr\u00ebveshjet dhe korrupsionin ku Diveroli n\u00eb at\u00eb koh\u00eb 21-vje\u00e7ar u p\u00ebrfshi me zyrtar\u00ebt e lart\u00eb shqiptar\u00eb.<\/span><\/p>\n

N\u00eb nj\u00eb intervist\u00eb t\u00eb dh\u00ebn\u00eb p\u00ebr podkastin \u201cKoncrete\u201d, Packouz ka rr\u00ebfyer se si Diveroli arriti t\u00eb negocionte me djalin e ish-kryeministrit Sali Berisha p\u00ebr uljen e \u00e7mimit t\u00eb fishek\u00ebve kinez\u00eb, nd\u00ebrsa ka kujtuar me detaje bisedat e Kosta Trebick\u00ebs dhe Ylli Pinarit.<\/span><\/p>\n

David Packouz, i kompanis\u00eb \u201cAEY\u201d, kujton se si b\u00ebn\u00eb marr\u00ebveshje me Kosta Trebick\u00ebn, p\u00ebr ripaketimin e municioneve, duke zhdukur shenjat kineze, p\u00ebr shkak t\u00eb frik\u00ebs se municionet me origjin\u00eb kineze ishin n\u00ebn embargo nga SHBA.<\/span><\/p>\n

\u201cEfraimi mori vendimin q\u00eb nuk donte t\u00eb kishte rrezikun t\u00eb humbiste nj\u00eb kontrat\u00eb 300 milion\u00eb dollar\u00ebshe, k\u00ebshtu q\u00eb n\u00eb vend q\u00eb t\u2019i tregonte<\/em> Ushtris\u00eb Amerikane dhe t\u00eb pranonte riskun q\u00eb mund t\u2019i hiqnin kontrat\u00ebn, ai vendosi t\u00eb merrte dik\u00eb q\u00eb t\u00eb ripaketonte municionin. Ta hiqte nga kutit\u00eb me shenja kineze dhe t\u2019i vendosnin n\u00eb qese plastike dhe m\u00eb pas n\u00eb kuti kartoni. N\u00eb fakt donim ta b\u00ebnim k\u00ebt\u00eb p\u00ebrpara se zbuluam q\u00eb municioni ishte kinez. P\u00ebr shkak se n\u00eb at\u00eb koh\u00eb ishte rritur \u00e7mimi i karburantit, dhe transporti me avion ishte shum\u00eb i shtrentj\u00eb. Ndaj menduam se municioni ishte i paketuar n\u00eb kuti druri t\u00eb r\u00ebnda, dhe n\u00ebse i hiqnim, do t\u00eb ulnim shum\u00eb pesh\u00ebn, dhe do t\u00eb d\u00ebrgonim m\u00eb shum\u00eb municion, n\u00eb k\u00ebmbim do t\u00eb fitonim m\u00eb shum\u00eb.<\/em><\/span><\/p>\n

P\u00ebr ta b\u00ebr\u00eb k\u00ebt\u00eb, miku im Alex shkoi n\u00eb Shqip\u00ebri dhe gjeti nj\u00eb prodhues kutish prej kartoni dhe e pun\u00ebsoi. Aty e kuptuam q\u00eb ishte municion kinez, pasi vendos\u00ebm ta ripaketonim. At\u00ebher\u00eb ne tham\u00eb \u201cduhet ta ripaketojm\u00eb gjithsesi, por duhet t\u00eb sigurohemi t\u00eb heqim edhe shenjat kineze\u201d. Ne u treguam shum\u00eb budallenj dhe e d\u00ebrguam k\u00ebt\u00eb me e-mail, duke l\u00ebn\u00eb mund\u00ebsi t\u00eb m\u00ebdha gjurmim<\/em>i\u201d, shprehet David Packouz.<\/span><\/p>\n

Ai kujton m\u00eb tej se si Patrick Henry i kompanis\u00eb \u201cAlbademil\u201d e blente 1 fishek kinez p\u00ebr 2 cent dhe ua shiste atyre p\u00ebr 4 cent. Kjo shkaktoi zem\u00ebrimin e Efraim Diverolit, i cili k\u00ebrkoi ta nxirrte Henry-n jasht\u00eb loje, duke b\u00ebr\u00eb marr\u00ebveshje direkte me shqiptar\u00ebt. Por Henry, sipas Packouz, ishte mik i mir\u00eb me Shk\u00eblzen Berish\u00ebn.<\/span><\/p>\n

\u201cPo kursenim shum\u00eb para me transportin ajror. Mendoj se paguam 100 mij\u00eb dollar\u00eb, apo 200 mij\u00eb dollar\u00eb, nuk e mbaj mend mir\u00eb, p\u00ebr t\u00eb gjith\u00eb ripaketimin n\u00eb tota. Personi q\u00eb pun\u00ebsuam p\u00ebr ripaketimin, ishte pronar i nj\u00eb kompanie q\u00eb prodhonte kuti kartonash, k\u00ebshtu q\u00eb meq\u00ebn\u00ebse kishte fabrik\u00ebn dhe pun\u00ebtor\u00ebt, pse mos ta merrnim. Emri i tij ishte Kosta Trebicka. Ai ishte i lumtur ta b\u00ebnte pun\u00ebn, por ajo q\u00eb ndodhi ishte se Efraimi donte t\u00eb b\u00ebnte m\u00eb shum\u00eb para. Ai donte gjithnj\u00eb e m\u00eb shum\u00eb dhe i k\u00ebrkonte shqiptar\u00ebve t\u00eb ulnin \u00e7mimin, ia k\u00ebrkoi p\u00ebrmes Henry-t sepse ai e b\u00ebri marr\u00ebveshjen p\u00ebr ne. I thoshte \u201cdua nj\u00eb \u00e7mim m\u00eb t\u00eb mir\u00eb\u201d, dhe Henry i thoshte \u201cnuk e ndryshoj dot \u00e7mimin\u201d. Efraimi fluturon n\u00eb Shqip\u00ebri dhe nis t\u00eb bisedoj\u00eb me Kost\u00ebn, dhe Kosta i thot\u00eb \u201ckam nj\u00eb mik n\u00eb Ministrin\u00eb e Mbrojtjes, mund t\u00eb t\u00eb jap ca informacione\u201d. Dhe Kosta m\u00ebson se Ministria e Drejt\u00ebsis\u00eb, \u00ebsht\u00eb zyrtarisht duke e shitur municionin p\u00ebr 7.62\u00d739mm te Henry p\u00ebr 2 cent copn\u00eb. Dhe Henry na e shiste ne p\u00ebr 4 cent fishekun. Kjo e zem\u00ebroi Efraimin. Ne ia shisnim qeveris\u00eb amerikane p\u00ebr 10.5 cent fishekun, por duhet t\u00eb paguanim edhe p\u00ebr transportin, q\u00eb ishte 3 apo 4 cent p\u00ebr fishek q\u00eb i bie se b\u00ebnim gati sa \u00e7far\u00eb b\u00ebnte Henry<\/em>\u201d, thot\u00eb Packouz.<\/span><\/p>\n

N\u00eb nj\u00eb moment gjat\u00eb intervist\u00ebs, Packouz tregon edhe padin\u00eb e Shk\u00eblzen Berish\u00ebs, i cili pretendoi se rr\u00ebfimi n\u00eb librin \u201cArm\u00ebt dhe \u00e7unat\u201d p\u00ebr takimin e tij me Diverolin, ishte i pav\u00ebrtet\u00eb. Gjykata n\u00eb SHBA gjithsesi vendosi ta pushoj\u00eb \u00e7\u00ebshtjen. Packouz madje i drejtohet Shk\u00eblzen Berish\u00ebs gjat\u00eb intervist\u00ebs, duke i th\u00ebn\u00eb \u201cmos m\u00eb padit s\u00ebrish\u201d.<\/span><\/p>\n

\u201cNe ishim t\u00eb sigurt se Henry paguante disa politikan\u00eb aty. Pasi ai ishte shum\u00eb mik me djalin e kryeministrit, Sali Berisha ishte kryeministri. Djali (Shk\u00eblzeni) vendosi t\u00eb m\u00eb padiste mua dhe Efraimin, p\u00ebr shpifje, u nxorr nga salla, ndaj zoti Berisha mos m\u00eb padit m\u00eb. Fatmir\u00ebsisht p\u00ebr mua e nxorr\u00ebn nga gjykata, ishte pa merit\u00eb. Por Simoni humbi t\u00eb gjitha parat\u00eb e nxjerra nga libri pasi duhet t\u00eb mbulonte t\u00eb gjitha shpenzimet. Henry kishte marr\u00ebdh\u00ebnie t\u00eb ngusht\u00eb me djalin e kryeministrit, n\u00eb k\u00ebt\u00eb m\u00ebnyr\u00eb e arriti aksesin te municione. Ne dyshojm\u00eb se ai paguante njer\u00ebz, nuk e mbante t\u00eb gjith\u00eb 2 cent-shin p\u00ebr vete. Por Efraimi s\u2019mund ta besonte si Henry po na zhvaste, dhe donte ta nxirrte jasht\u00eb marr\u00ebveshjes. Ndaj tha \u201cUn\u00eb do e nxjerr Henry-n jasht\u00eb marr\u00ebveshjes, do shkoj do b\u00ebj vet\u00eb marr\u00ebveshje me shqiptar\u00ebt<\/em>\u201d\u2019, thot\u00eb m\u00eb tej Packouz.<\/span><\/p>\n

M\u00eb tej Packouz rr\u00ebfen takimin e Efraim Diverolit me Sali Berish\u00ebn n\u00eb prani t\u00eb Ylli Pinarit dhe nj\u00eb mafiozi t\u00eb madh shqiptar, ku u vendos q\u00eb Kosta Trebicka, i cili kryente paketimin, t\u00eb nxirrej jasht\u00eb loje, ripaketimin ta merrnin ata dhe si k\u00ebmbim t\u2019i b\u00ebnin nj\u00eb ulje t\u00eb vog\u00ebl n\u00eb \u00e7mimin e blerjes s\u00eb municioneve, raporton Newsbomb.al.<\/span><\/p>\n

Ai thot\u00eb se Kosta Trebicka u zem\u00ebrua pasi u nxorr jasht\u00eb loje dhe vendosi t\u00eb kontaktoj\u00eb mediat dhe autoritetet n\u00eb SHBA, t\u00eb cil\u00ebt nis\u00ebn hetimet. Gabimi m\u00eb i madh i Kost\u00ebs, thot\u00eb Packouz, ishte se kontaktoi edhe mediat shqiptare ku ekspozoi korrupsioin. Kjo sipas Packouz, i kushtoi jet\u00ebn Kosta Trebick\u00ebs.<\/span><\/p>\n

\u201cEfraimi shkon n\u00eb Shqip\u00ebri dhe takohet me Pinarin, ishte i organizat\u00ebs s\u00eb eksportit shqiptar. Nj\u00eb kompani shtet\u00ebrore q\u00eb ishte e ngarkuar t\u00eb shiste \u00e7do lloj municioni q\u00eb donte qeveria ta shiste. Ai u takua me Pinarin, ky takim \u00ebsht\u00eb dhe n\u00eb lib\u00ebr, dhe p\u00ebr k\u00ebt\u00eb na paditi zoti Berisha (Shk\u00eblzeni). U takua me Pinarin dhe djalin e kryeministrit, dhe nj\u00eb person tjet\u00ebr q\u00eb ishte nj\u00eb mafioz shqiptar. Nuk ia mbaj mend emrin.<\/em><\/span><\/p>\n

Efraim kuptoi se me k\u00eb kishte t\u00eb b\u00ebnte, ai zakonisht flet shum\u00eb, Alex ishte atje dhe m\u00eb tha se sapo hyri aty, e uli menj\u00ebher\u00eb z\u00ebrin. Ata i than\u00eb, shiko nuk do t\u00eb t\u00eb japim nj\u00eb \u00e7mim m\u00eb t\u00eb mir\u00eb, ky \u00ebsht\u00eb \u00e7mimi m\u00eb i mir\u00eb n\u00eb Europ\u00eb. Megjithat\u00eb e dim\u00eb se b\u00ebn edhe ripaketimin, dhe ke pun\u00ebsuar k\u00ebt\u00eb tipin q\u00eb nuk \u00ebsht\u00eb pjes\u00eb e organizat\u00ebs ton\u00eb, dhe po i paguan atij goxha para. N\u00ebse e heq qafe at\u00eb dhe na paguan ne, p\u00ebr ta b\u00ebr\u00eb ne paketimin, do t\u00eb t\u00eb b\u00ebjm\u00eb ulje. Dhe Efraimi i thot\u00eb \u201cmarr\u00ebveshje\u201d. E heq Kost\u00ebn nga marr\u00ebveshja dhe Kosta u revoltua shum\u00eb, se i mbet\u00ebn 20 mij\u00eb dollar\u00eb kuti, nuk ia paguan. Kosta u inatos shum\u00eb, sepse ai e dinte \u00e7far\u00eb po ndodhte, ne i kishim th\u00ebn\u00eb kujdesu q\u00eb t\u00eb mos ket\u00eb shenja kineze, dhe ai shkon e i thot\u00eb Nju Jork Times, dhe zyrtarv\u00ebe amerikan\u00eb. Dhe ata nis\u00ebn hetimin. Por gabimi i tij m\u00eb i madh ishte se kontaktoi shtypin shqiptar, dhe u tha se ka korrupsion t\u00eb madh me k\u00ebt\u00eb marr\u00ebveshje, se politikan\u00ebt po marrin rryshfet. Ai p\u00ebrfundoi i vdekur n\u00eb rethana misterioze. Nj\u00eb muaj m\u00eb pas, ai ishte duke udh\u00ebtuar vet\u00ebm n\u00eb nj\u00eb rrug\u00eb t\u00eb shesht\u00eb dhe papritmas p\u00ebsoi nj\u00eb aksident ku p\u00ebrfundoi disa metra larg makin\u00ebs. E cil\u00ebsuan si aksident, por ishte aksident shum\u00eb i \u00e7uditsh\u00ebm<\/em>\u201d, thot\u00eb n\u00eb rr\u00ebfimin e tij Packouz.<\/span><\/p>\n