![\"\"](\"https:\/\/www.hashtag.al\/wp-content\/uploads\/2023\/02\/punonjes-768x513-1.jpg\")
<\/p>\n<\/p>\n
K\u00ebrkesa e bizneseve p\u00ebr t\u00eb pasur mund\u00ebsi t\u00eb pun\u00ebsojn\u00eb t\u00eb huaj n\u00eb kushtet e kriz\u00ebs s\u00eb shkaktuar nga emigrimi i lart\u00eb duket se ka b\u00ebr\u00eb q\u00eb autoritetet t\u00eb reflektojn\u00eb p\u00ebr koordinim m\u00eb t\u00eb mir\u00eb instiotucional me efekt p\u00ebrshpejtimin e procesit.<\/span><\/p>\n Nj\u00eb udh\u00ebzim i p\u00ebrbashk\u00ebt i ministrit t\u00eb Brendsh\u00ebm dhe asaj t\u00eb Ekonomis\u00eb dhe Financave tregon hapat q\u00eb do t\u00eb hidhen n\u00eb k\u00ebt\u00eb proces dhe miratimin e nj\u00eb leje unike.<\/span><\/p>\n K\u00ebshtu k\u00ebrkesa p\u00ebr pajisje me leje unike ose p\u00ebr rip\u00ebrt\u00ebritjen e saj, b\u00ebhet p\u00ebrmes sistemit elektronik t\u00eb sigurt online, drejtuar drejtoris\u00eb s\u00eb kufirit dhe migracionit n\u00eb rajonin ku kryhet aktiviteti.<\/span><\/p>\n Udh\u00ebzimi n\u00eb pik\u00ebn tret \u00eb tij thekson se p\u00ebr kategorit\u00eb e t\u00eb huajve, pun\u00ebmarr\u00ebs, punonj\u00ebs stinor\u00eb, t\u00eb transferuar brenda nd\u00ebrmarrjes, punonj\u00ebs me kualifikim t\u00eb lart\u00eb, vullnetar\u00eb, sportist\u00eb dhe sh\u00ebrbime kontraktuale, k\u00ebrkesa shqyrtohet fillimisht nga autoriteti p\u00ebrgjegj\u00ebs rajonal\/vendor i Agjencis\u00eb Komb\u00ebtare t\u00eb Pun\u00ebsimit dhe Aft\u00ebsive (AKPA), q\u00eb mbulon territorin ku i huaji kryen aktivitetin, sipas k\u00ebtyre kategorive: a) t\u00eb huaj q\u00eb k\u00ebrkojn\u00eb miratimin p\u00ebr plot\u00ebsimin e kushtit t\u00eb dh\u00ebn\u00eb n\u00eb shkronj\u00ebn \u201c\u00e7\u201d, t\u00eb pik\u00ebs 7, t\u00eb nenit 74, t\u00eb ligjit 79\/2021, \u201cP\u00ebr t\u00eb huajt\u201d, shpallje t\u00eb vendit t\u00eb lir\u00eb t\u00eb pun\u00ebs: i. pun\u00ebmarr\u00ebs; ii. pun\u00ebtor stinor; \u00eb huajt q\u00eb nuk k\u00ebrkojn\u00eb shpallje t\u00eb vendit t\u00eb lir\u00eb t\u00eb pun\u00ebs: i. t\u00eb transferuar brenda nd\u00ebrmarrjes; ii. me kualifikim t\u00eb lart\u00eb; iii. sportist\u00eb; iv. sh\u00ebrbime kontraktuese; v. vullnetar\u00eb.<\/span><\/p>\n Udh\u00ebzimi p\u00ebrcakton nj\u00eb afat brenda t\u00eb cilit duhet t\u00eb jet\u00eb kthyer p\u00ebrgjigje p\u00ebr aprovim apo refuzim ndaj aplikimeve t\u00eb paraqitura n\u00eb sistem.<\/span><\/p>\n \u201cAutoriteti p\u00ebrgjegj\u00ebs rajonal\/vendor i Agjencis\u00eb Komb\u00ebtare t\u00eb Pun\u00ebsimit dhe Aft\u00ebsive, shprehet n\u00eb sistemin elektronik online, me aprovim apo refuzim t\u00eb k\u00ebrkes\u00ebs p\u00ebr miratim pun\u00ebsimi, brenda 2 jav\u00ebve (10 dit\u00eb pune) nga marrja e k\u00ebrkes\u00ebs dhe kur jan\u00eb plot\u00ebsuar t\u00eb gjitha kriteret e tjera ligjore ose nga momenti i plot\u00ebsimit t\u00eb tyre\u201d<\/em> thuhet n\u00eb pik\u00ebn 5.<\/span><\/p>\n \u201cAutoriteti p\u00ebrgjegj\u00ebs rajonal\/vendor i AKPA-s\u00eb, miraton k\u00ebrkes\u00ebn p\u00ebr pun\u00ebsim n\u00ebse jan\u00eb plot\u00ebsuar kriteret e pik\u00ebs 7, t\u00eb nenit 74, t\u00eb ligjit \u201cP\u00ebr t\u00eb huajt\u201d, kriteret dhe dokumentacionin sipas vendimit t\u00eb K\u00ebshillit t\u00eb Ministrave nr. 858, dat\u00eb 29.12.2021, \u201cP\u00ebr p\u00ebrcaktimin e kritereve, t\u00eb procedurave e t\u00eb dokumentacionit p\u00ebr hyrjen, q\u00ebndrimin dhe trajtimin e t\u00eb huajve n\u00eb Republik\u00ebn e Shqip\u00ebris\u00eb\u201d, t\u00eb ndryshuar, si dhe duke u bazuar n\u00eb dokumentacionin e siguruar n\u00ebp\u00ebrmjet konsultimit me sisteme t\u00eb tjera informatike\u201d<\/em> thuhet n\u00eb udh\u00ebzim.<\/span><\/p>\n I nj\u00ebjti sakt\u00ebson se p\u00ebr rip\u00ebrt\u00ebritjen e lejes respektohet e nj\u00ebjta procedur\u00eb si aplikimi apo pun\u00ebsimi p\u00ebr her\u00eb t\u00eb par\u00eb me p\u00ebrjashtim t\u00eb kushtit t\u00eb shpalljes s\u00eb vendit t\u00eb lir\u00eb t\u00eb pun\u00ebs.<\/span><\/p>\n Nd\u00ebrkoh\u00eb n\u00eb rast se miratimi p\u00ebr pun\u00ebsimin e nj\u00eb t\u00eb huaji revokohet, autoriteti p\u00ebrgjegj\u00ebs rajonal\/ vendor i AKPA-s\u00eb, shprehet n\u00eb sistemin elektronik online p\u00ebr revokimin e miratimit p\u00ebr pun\u00ebsim. Autoriteti p\u00ebrgjegj\u00ebs vendor p\u00ebr kufirin dhe migracionin dhe autoriteti p\u00ebrgjegj\u00ebs rajonal\/vendor i AKPA-s\u00eb, shk\u00ebmbejn\u00eb informacione n\u00eb sistem p\u00ebr rastet kur ka ndryshim t\u00eb kushteve t\u00eb pun\u00ebsimit apo kur Agjencia Komb\u00ebtare e Pun\u00ebsimit dhe Aft\u00ebsive refuzon t\u00eb jap\u00eb miratimin p\u00ebr pun\u00ebsimin e nj\u00eb t\u00eb huaji.<\/span><\/p>\n Sipas udh\u00ebzimit autoritetet shtet\u00ebrore p\u00ebrgjegj\u00ebse q\u00eb mbulojn\u00eb \u00e7\u00ebshtjet e kufirit dhe migracionit, autoritetet shtet\u00ebrore p\u00ebrgjegj\u00ebse q\u00eb mbulojn\u00eb \u00e7\u00ebshtjet e pun\u00ebsimit t\u00eb t\u00eb huajve, apo dhe autoritetet q\u00eb mbulojn\u00eb \u00e7\u00ebshtjet e siguris\u00eb komb\u00ebtare, rendit kushtetues dhe rendit publik, shk\u00ebmbejn\u00eb informacion p\u00ebr rastet e refuzimit dhe anulimit t\u00eb lejes unike.<\/span><\/p>\n Shqip\u00ebria tashm\u00eb ka disa praktika t\u00eb pun\u00ebsimit t\u00eb t\u00eb huajve n\u00eb sektor\u00eb t\u00eb ndrysh\u00ebm si fasoneria apo turizmi me shtetas nga Bangladeshi, Filipinet p\u00ebr shkak t\u00eb munges\u00ebs s\u00eb krahut t\u00eb pun\u00ebs vendas por k\u00ebto t\u00eb fundit nuk po rezultojn\u00eb shum\u00eb t\u00eb suksesshme.<\/span><\/p>\n Jo n\u00eb pak raste punonj\u00ebsit e huaj jan\u00eb larguar duke p\u00ebrdorur Shqip\u00ebrin\u00eb si trampolin\u00eb p\u00ebr t\u00eb emigruar n\u00eb Europ\u00eb nd\u00ebrkoh\u00eb q\u00eb ka pik\u00ebpyetje mbi produktivitetin e punonj\u00ebsve t\u00eb huaj dhe kostot e tyre n\u00eb raport me punonj\u00ebsit shqiptar\u00eb.<\/span><\/p>\n Duke par\u00eb tendenc\u00ebn e emigrimit q\u00eb u b\u00eb masiv pas pandemis\u00eb qeveria nisi nj\u00eb s\u00ebr\u00eb rregullimesh t\u00eb kuadrit ligjor q\u00eb synonin leht\u00ebsimin e procedurave p\u00ebr lejet e pun\u00ebsimit p\u00ebr t\u00eb huajt.\/N.Maho<\/span><\/p>\n