{"id":574745,"date":"2023-01-22T12:28:39","date_gmt":"2023-01-22T11:28:39","guid":{"rendered":"https:\/\/www.hashtag.al\/?p=574745"},"modified":"2023-01-22T12:28:39","modified_gmt":"2023-01-22T11:28:39","slug":"ps-i-kerkon-spak-ut-te-terheqe-dosjen-e-21-janarit-nga-prokuroria-e-tiranes","status":"publish","type":"post","link":"https:\/\/www.hashtag.al\/index.php\/2023\/01\/22\/ps-i-kerkon-spak-ut-te-terheqe-dosjen-e-21-janarit-nga-prokuroria-e-tiranes\/","title":{"rendered":"PS i k\u00ebrkon SPAK-ut t\u00eb t\u00ebrheq\u00eb dosjen e \u201c21 Janarit\u201d nga Prokuroria e Tiran\u00ebs","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Taulant Balla, nga selia e Partis\u00eb Socialiste ka k\u00ebrkuar q\u00eb SPAK t\u00eb t\u00ebrheq\u00eb nga Prokuroria e Tiran\u00ebs dosjen \u201c21 Janari\u201d.<\/span><\/p>\n

Sipas kreut t\u00eb grupit Parlamentar t\u00eb Partis\u00eb Socialiste, dosja penale dhe vendimet e gjykatave ka l\u00ebn\u00eb pa autor vrasjen e Faik Myrtajt si edhe Aleks Nik\u00ebs.<\/span><\/p>\n

\u201cMe daljen e audios s\u00eb re, Ndrea Prendi duket se \u00ebsht\u00eb urdh\u00ebruesi i atyre vrasjeve\u201d-tha Balla.<\/span><\/p>\n

Balla shtoi se ekspert\u00ebt e PS kan\u00eb filluar hartimin e nj\u00eb kall\u00ebzimi t\u00eb ri penal drejtuar Prokuroris\u00eb s\u00eb Posa\u00e7me.<\/span><\/p>\n

\u201cM\u00eb 22 prill 2011 jan\u00eb paraqitur nga PS pran\u00eb prokuroris\u00eb s\u00eb Tiran\u00ebs ku kam d\u00ebrguar prova t\u00eb tjera p\u00ebr vrasjen protestuesve. Lidhur me k\u00ebt\u00eb kall\u00ebzim asnj\u00ebher\u00eb nuk kemi marr\u00eb p\u00ebrgjigje p\u00ebr t\u00eb dh\u00ebn\u00eb shpjegime si pal\u00eb akuzuese apo e d\u00ebmtuar.\u00a0 Dosja penale nga 3 nga 4 vrasjet dhe vendimet e gjykatave \u00ebsht\u00eb nj\u00eb turpet m\u00eb t\u00eb m\u00ebdha. Edhe pse u v\u00ebrtetua se Bereta e Gard\u00ebs s\u00eb republik\u00ebs ka q\u00eblluar, vrasja e Faik Myrtajt \u00ebsht\u00eb cil\u00ebsuar nga gjykata pa autor. Aleks Nika \u00ebsht\u00eb nj\u00eb tjet\u00ebr dosje penale pa vras\u00ebs, pa autor. Ne duke qen\u00eb forc\u00eb qeveris\u00ebse jemi p\u00ebrpjekur q\u00eb t\u00eb ruajm\u00eb ndarjen e pushteteve. Gjithmon\u00eb kemi qen\u00eb n\u00eb an\u00ebn e drejt\u00ebsis\u00eb me besimin se i takon asaj q\u00eb vendos. <\/em><\/span><\/p>\n

20 janar 2021 policia i ka k\u00ebrkuar prokuroris\u00eb s\u00eb Tiran\u00ebs urdhrin p\u00ebr kryerjen e ekzaminimeve t\u00eb tjera p\u00ebr vrasjen e d\u00ebshmor\u00ebve Aleks Nika dhe Hekuran Deda por edhe plagosjen e gazetarit Fatos Mahmutaj. Maj 2011 prokuroria hapi hetimet p\u00ebr ngjarjet e m\u00ebsip\u00ebrme. Janar 2022 i kam k\u00ebrkuar drejtuesit t\u00eb SPAK p\u00ebr t\u00ebrheqjen e k\u00ebsaj dosjeje nga prokuroria e Tiran\u00ebs<\/em><\/span><\/p>\n

Ne kemi k\u00ebrkuar shpalljen e moskompetenc\u00ebs s\u00eb prokuroria s\u00eb Tiran\u00ebs p\u00ebr dosjen e Aleks Nik\u00ebs dhe kalimin e k\u00ebsaj dosjeje te Prokuroria e Posa\u00e7me. Nd\u00ebrkoh\u00eb q\u00eb nj\u00eb tjet\u00ebr prov\u00eb e re materiale \u00ebsht\u00eb publikuar s\u00eb fundmi. Komandanti i Gard\u00ebs Ndrea Prendi ka urdh\u00ebruar vrasjet, duke zgjedhur edhe vet\u00eb vras\u00ebsit. Madje duket qart\u00eb se ai \u00ebsht\u00eb urdh\u00ebruesi. Berisha nuk e fshehu dot krimin.<\/em><\/span><\/p>\n

Kjo \u00e7\u00ebshtje duhet t\u00eb kishte shkuar me koh\u00eb n\u00eb SPAK. Prej 27 korrikut ka n\u00eb fakt edhe nj\u00eb k\u00ebrkes\u00eb procedurale nga pala e d\u00ebmtuar q\u00eb e k\u00ebrkon kalimin e dosjes n\u00eb Prokurorin\u00eb e Posa\u00e7me. T\u2019i japim fund pand\u00ebshkueshm\u00ebris\u00eb t\u00eb atyre q\u00eb u p\u00ebrfshin\u00eb n\u00eb urdhrat e 21 janarit. Ekspert\u00ebt e PS-s\u00eb kan\u00eb filluar pun\u00ebn p\u00ebr hartimin e nj\u00eb kall\u00ebzimi tjet\u00ebr penal drejtuar Prokuroris\u00eb s\u00eb Posa\u00e7me<\/em>\u201d, tha Taulant Balla.<\/span><\/p>\n