{"id":572007,"date":"2023-01-08T14:42:19","date_gmt":"2023-01-08T13:42:19","guid":{"rendered":"https:\/\/www.hashtag.al\/?p=572007"},"modified":"2023-01-08T14:42:19","modified_gmt":"2023-01-08T13:42:19","slug":"pl-kritika-qeverise-per-mbeshtetjen-e-bujqesise-te-marre-shembullin-e-kosoves-rilindja-zero-mbeshtetje","status":"publish","type":"post","link":"https:\/\/www.hashtag.al\/index.php\/2023\/01\/08\/pl-kritika-qeverise-per-mbeshtetjen-e-bujqesise-te-marre-shembullin-e-kosoves-rilindja-zero-mbeshtetje\/","title":{"rendered":"PL kritika qeveris\u00eb p\u00ebr mb\u00ebshtetjen e bujq\u00ebsis\u00eb: T\u00eb marr\u00eb shembullin e Kosov\u00ebs, \u201cRilindja\u201d zero mb\u00ebshtetje","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Sekretari i P\u00ebrgjithsh\u00ebm i Partis\u00eb s\u00eb Liris\u00eb, Tedi Blushi, n\u00eb nj\u00eb deklarat\u00eb p\u00ebr mediat theksoi se n\u00eb Shqip\u00ebri \u00ebsht\u00eb jetike q\u00eb t\u00eb mb\u00ebshtetet prodhimi vendas dhe fermer\u00ebt.<\/span><\/p>\n

Ai u shpreh se duhet ndjekur shembulli i Kosov\u00ebs, t\u00eb cil\u00ebt i kan\u00eb dh\u00ebn\u00eb nj\u00eb mb\u00ebshtetje t\u00eb madhe bujq\u00ebsis\u00eb.<\/span><\/p>\n

Blushi ka renditur t\u00eb gjitha masat e marra nga qeveria e Kosov\u00ebs p\u00ebr subvencionimin e bujq\u00ebsis\u00eb duke th\u00ebn\u00eb se jan\u00eb shum\u00eb m\u00eb t\u00eb larta se skemat e p\u00ebrdorura nga qeveria Rama.<\/span><\/p>\n

Deklarata e plot\u00eb:<\/strong><\/span><\/p>\n

\u00cbsht\u00eb jetike q\u00eb n\u00eb Shqip\u00ebri t\u00eb mb\u00ebshtetet prodhimi, t\u00eb mb\u00ebshtetet fermeri, t\u00eb mb\u00ebshtetet zhvillimi i q\u00ebndruesh\u00ebm i vendit.<\/span><\/p>\n

Bujq\u00ebsia n\u00eb Shqip\u00ebri \u00ebsht\u00eb n\u00eb gjendje zie sepse \u201cRilindja\u201d nuk ka asnj\u00eb plan dhe jep pothuajse zero mb\u00ebshtetje p\u00ebr t\u00eb.<\/span><\/p>\n

I shk\u00eblqyer shembulli i Qeveris\u00eb s\u00eb Kosov\u00ebs, q\u00eb me shpalljen e rritjes s\u00eb re t\u00eb pagesave t\u00eb drejtp\u00ebrdrejta, po aplikon bujq\u00ebsi t\u00eb standarteve europiane, duke dh\u00ebn\u00eb shembullin e shk\u00eblqyer dhe patriotik se si mb\u00ebshtetet realisht bujq\u00ebsia.<\/span><\/p>\n

Megjithse Kosova ka nj\u00eb buxhet m\u00eb t\u00eb vog\u00ebl se Shqip\u00ebria dhe nj\u00eb klime m\u00eb t\u00eb pafavorshme i mb\u00ebshtet n\u00eb m\u00ebnyr\u00eb dinjitoze fermer\u00ebt q\u00eb t\u00eb punojn\u00eb n\u00eb vendin e tyre, ndryshe nga Qeveria e Ram\u00ebs q\u00eb i mjeron fermer\u00ebt dhe i largon nga vendi.<\/span><\/p>\n

Ja pagesat e shpallura nga Ministri i Bujq\u00ebsis\u00eb s\u00eb Qeveris\u00eb Kurti n\u00eb Kosov\u00eb, p\u00ebrmes Programit p\u00ebr Pagesa Direkte \u2013 Subvencione 2023.<\/span><\/p>\n

Gruri do t\u00eb p\u00ebrkrahet me 474 euro p\u00ebr hektar.<\/span><\/p>\n

Misri 329 euro p\u00ebr hektar\u00eb;<\/span><\/p>\n

Patatja 654 euro p\u00ebr hektar\u00eb;<\/span><\/p>\n

Fasulja 654 euro p\u00ebr hektar\u00eb;<\/span><\/p>\n

Kulturat pem\u00ebtar\u00eb subvenciohen me 504 euro p\u00ebr hektar\u00eb.<\/span><\/p>\n

Perimet n\u00eb sip\u00ebrfaqe t\u00eb hapur me 554 euro p\u00ebr hektar\u00eb,<\/span><\/p>\n

Perimet n\u00eb sip\u00ebrfaqe t\u00eb mbyllura subvencionohen me 904 euro p\u00ebr hektar\u00eb.<\/span><\/p>\n

Nj\u00eb hektar luledielli do t\u00eb subvencionohet me 454 euro.<\/span><\/p>\n

Risi tjet\u00ebr \u00ebsht\u00eb p\u00ebrkrahja financiare e g\u00ebshtenj\u00ebs e cila do t\u00eb subvencionohet si pem\u00ebt e tjera me 504 euro p\u00ebr hektar\u00eb.<\/span><\/p>\n

Gjithashtu k\u00ebt\u00eb vit Kosova do t\u00eb vazhdoj\u00eb mbulimin e vler\u00ebs s\u00eb akciz\u00ebs s\u00eb naft\u00ebs n\u00eb vler\u00eb prej 0.36 cent p\u00ebr lit\u00ebr si dhe subvencionimin e pjessh\u00ebm t\u00eb pleh\u00ebrave artificiale n\u00eb vler\u00eb prej 150 euro p\u00ebr hektar\u00eb p\u00ebr kultur\u00ebn e grurit nd\u00ebrsa 100euro p\u00ebr hektar\u00eb p\u00ebr misrin patatet dhe fasulet monokultur\u00eb.<\/span><\/p>\n

Risi tjet\u00ebr k\u00ebt\u00eb vit \u00ebsht\u00eb pagesa direkte p\u00ebr far\u00ebn e grurit ku p\u00ebrve\u00e7 pages\u00ebs p\u00ebr sip\u00ebrfaqe 250 euro, do t\u00eb subvencionohen 150 euro per pleherimin, 54 euro per naften dhe 0.04cent per kilogram apo nje mesatare prej\u00a0\u00a0 prej 160 euro e qe ne total arrin 614 euro per hektar.<\/span><\/p>\n

Edhe pagesa p\u00ebr prodhimtarin\u00eb e materialit fidanor t\u00eb pem\u00ebve drufrutore do t\u00eb subvencionohet me 0.25 euro p\u00ebr cop\u00eb.<\/span><\/p>\n

Tek pagesa direkte p\u00ebr bim\u00ebt mjeksore dhe aromatike, \u00ebsht\u00eb shtuar subvencionimi p\u00ebr bim\u00ebt mjalt\u00ebdh\u00ebn\u00ebs\u00eb me 450 euro p\u00ebr hektar\u00eb.<\/span><\/p>\n

Sa i p\u00ebrket bujq\u00ebsis\u00eb organike, k\u00ebt\u00eb vit do t\u00eb subvencionohen n\u00eb Kosov\u00eb me shtes\u00eb 50 euro p\u00ebr hektar\u00eb sip\u00ebrfaqet q\u00eb jan\u00eb n\u00eb konvertim nd\u00ebrsa \u00ebsht\u00eb rritur p\u00ebrkrahje n\u00eb 100 euro p\u00ebr hektar\u00eb p\u00ebr sip\u00ebrfaqet e certifikuara.<\/span><\/p>\n

P\u00ebr her\u00eb t\u00eb par\u00eb do t\u00eb subvencionohen zogjt\u00eb me 0.20 euro p\u00ebr zog.<\/span><\/p>\n

Tek subvencionimi i grurit pragu minimal i aplikimit do t\u00eb jet\u00eb nj\u00eb 1 hektar nd\u00ebrsa sasia e dor\u00ebzuar e grurit n\u00eb mulli do t\u00eb startoj\u00eb nga 3000kg.<\/span><\/p>\n

Tani Kosova nuk \u00ebsht\u00eb m\u00eb 20 her\u00eb m\u00eb lart se ne (n\u00eb vitin 2018 ne e paguanim fermerin 3 euro \/ha ndersa ata 69 euro\/ha) por tani pagesa shkon deri n\u00eb 100 her\u00eb m\u00eb shum\u00eb n\u00eb krahasim me ne.<\/span><\/p>\n

Kosova \u00ebsht\u00eb shembulli pse Edi Rama duhet larguar sa m\u00eb par\u00eb!<\/span><\/p>\n

Sepse p\u00ebr shqiptar\u00ebt e Shqip\u00ebris\u00eb, p\u00ebr bujqit dhe blegtor\u00ebt tan\u00eb, prodhimet e t\u00eb cil\u00ebve kalben n\u00eb sera dhe nuk gjejn\u00eb treg, taksat e t\u00eb cil\u00ebve vidhen papushim me incenerator\u00eb, koncensione dhe rrug\u00eb t\u00eb florinjta, laku i varf\u00ebris\u00eb po ngushtohet dhe kosto e jetes\u00ebs po b\u00ebhet m\u00eb e pap\u00ebrballueshme, sepse Qeveria e tyre mendon dhe kujdeset vet\u00ebm p\u00ebr xhepat e Edi Ram\u00ebs dhe ministrave t\u00eb tij.<\/span><\/p>\n

Ky \u00ebsht\u00eb \u201cproduktiviteti\u201d dhe konkurrueshm\u00ebria e ekonomis\u00eb ton\u00eb n\u00eb raport me fqinj\u00ebt n\u00ebn drejtimin e \u201cRilindjes\u201d.<\/span><\/p>\n

K\u00ebto jan\u00eb shanset e humbura p\u00ebr Shqip\u00ebrin\u00eb, vende pune t\u00eb humbura, eksporte t\u00eb humbura, zhvillim ekonomik i munguar, varf\u00ebri dhe d\u00ebshp\u00ebrim q\u00eb detyron t\u00eb fermer\u00ebt dhe t\u00eb rinjt\u00eb shqiptar\u00eb t\u00eb ikin nga vendi sepse nj\u00eb ekonomi jo konkurruese nuk prodhon as t\u00eb ardhme, as pun\u00eb, as siguri.<\/span><\/p>\n

Prandaj sot nga Kosova ik\u00ebn 1 qytetar, nd\u00ebrsa nga Shqip\u00ebria 5, sepse k\u00ebtu Qeveria nuk ka plan p\u00ebr mb\u00ebshtetjen e Bujq\u00ebsis\u00eb, por falimentimin e saj n\u00ebp\u00ebrmjet \u201cBallkanit t\u00eb Hapur\u201d.<\/span><\/p>\n

Partia e Liris\u00eb ka nj\u00eb program konkret p\u00ebr mb\u00ebshtetjen e fermer\u00ebve p\u00ebr t\u2019i dh\u00ebn\u00eb frym\u00ebmarrjen dhe mb\u00ebshtetjen e merituar bujq\u00ebsis\u00eb n\u00ebp\u00ebrmjet:<\/span><\/p>\n

Rritjes s\u00eb investimeve bujq\u00ebsore p\u00ebrmes mbeshtetjes me kredi t\u00eb buta dhe fonde grant t\u00eb fermer\u00ebve.<\/span><\/p>\n

Nxitjen e prodhimit bujq\u00ebsor dhe uljen e kostos s\u00eb tij, duke ulur ndjesh\u00ebm barr\u00ebn tatimore dhe tarifore p\u00ebr l\u00ebnd\u00ebn e par\u00eb n\u00eb bujq\u00ebsi.<\/span><\/p>\n

Uljen e taksave dhe tarifave p\u00ebr naft\u00ebn e bujq\u00ebsis\u00eb.<\/span><\/p>\n

Pajisjen me Kart\u00ebn e Fermerit p\u00ebr t\u00eb mund\u00ebsuar dhe garantuar zbritjen automatike t\u00eb pages\u00ebs s\u00eb TVSh-s\u00eb p\u00ebr inputet bujq\u00ebsore, (plehra kimike, fidan\u00eb, fara, naft\u00eb).<\/span><\/p>\n

Promovimin dhe mbrojtjen e prodhimit vendas nga diskriminimi, spekulimi me \u00e7mimet dhe konkurrenca e pandershme.<\/span><\/p>\n

Heqjen e TVSH p\u00ebr imputet bujq\u00ebsore.<\/span><\/p>\n

L\u00ebnien e tavanit prej 50 milion\u00eb lek\u00eb investim, p\u00ebr p\u00ebrfitimin e uljes s\u00eb TVSH t\u00eb makinerive bujq\u00ebsore.<\/span><\/p>\n

Nj\u00eb shtes\u00eb prej 5 miliard\u00eb Lek\u00eb, p\u00ebr mb\u00ebshtetjen e prodhimit bujq\u00ebsor-blegtoral, agroindsturial dhe marketingut.<\/span><\/p>\n

Kosova \u00ebsht\u00eb shembulli i shk\u00eblqyer pse Edi Rama duhet larguar sa m\u00eb par\u00eb sepse axhenda e tij \u00ebsht\u00eb vet\u00ebm vjedhja, falimentimi dhe shpopullimi i Shqip\u00ebris\u00eb!<\/span><\/p>\n