![\"\"](\"https:\/\/www.hashtag.al\/wp-content\/uploads\/2022\/12\/bursa-1.jpg\")
<\/p>\n<\/p>\n
Bursa e Energjis\u00eb q\u00eb m\u00eb her\u00ebt u deklarua se do t\u00eb niste funksionimin n\u00eb 23 n\u00ebntor 2022 do t\u00eb shtyhet edhe p\u00ebr pak muaj.<\/span><\/p>\n Kjo lidhet m\u00eb shum\u00eb me kalimin e t\u00eb gjitha hallkave t\u00eb nevojshme p\u00ebr krijimin e kushteve t\u00eb funksionimit ku s\u00eb pari mbeten ende p\u00ebr t\u2019u miratuar nga Enti Rregullator i Energjis\u00eb rregullat e tregut.<\/span><\/p>\n N\u00eb mbledhjen e dat\u00ebs 27 dhjetor Bordi ka parashikuar n\u00eb diskutim vendimin \u201cP\u00ebr miratimin e rregullave t\u00eb tregut t\u00eb energjis\u00eb elektrike (Rregullat, p\u00ebrkufizimet, procedura e tregtimit si dhe procedura e klerimit dhe shlyerjes) t\u00eb Burs\u00ebs Shqiptare t\u00eb Energjis\u00eb Elektrike, ALPEX sh.a\u201d.<\/span><\/p>\n Burime nga Ministria e Infrastruktur\u00ebs dhe Energjis\u00eb than\u00eb se shtyrja e dat\u00ebs s\u00eb funksionimit t\u00eb burs\u00ebs lidhet me krijimin e kushteve t\u00eb p\u00ebrshtatshme p\u00ebr t\u00eb nisur aktivitetin. Kjo do t\u00eb thot\u00eb q\u00eb fillimisht duhet t\u00eb b\u00ebhen gati t\u00eb gjitha kushtet n\u00eb m\u00ebnyr\u00eb q\u00eb pjes\u00ebmarr\u00ebsit t\u00eb din\u00eb m\u00ebnyr\u00ebn e funksionimit, leverdishm\u00ebrin\u00eb q\u00eb kan\u00eb nga kjo mund\u00ebsi e re por edhe t\u00eb jen\u00eb t\u00eb interesuar p\u00ebr t\u00eb qen\u00eb pjes\u00eb e saj. <\/span><\/p>\n \u201cHapja e nj\u00eb burse pa pasur pal\u00eb t\u00eb interesuara p\u00ebr t\u00eb tregtuar n\u00eb t\u00eb nuk ka vler\u00eb\u201d<\/em> pohuan t\u00eb nj\u00ebjtat burime.<\/span><\/p>\n Aktualisht Bursa Shqiptare e Energjis\u00eb ka deklaruar se po kalon nj\u00eb faz\u00eb trajnimesh me pal\u00ebt e tregut dhe me miratimin e rregullave q\u00eb pritet q\u00eb t\u00eb b\u00ebhen nga ana e Entit Rregullator t\u00eb Energjis\u00eb hapet rruga edhe p\u00ebr nisjen e regjistrimeve.<\/span><\/p>\n \u201cMiratimi i rregullave duhet t\u00eb b\u00ebhet nga dy Borde si nga ai rregullator i joni edhe i Kosov\u00ebs. N\u00eb baz\u00eb t\u00eb k\u00ebsaj b\u00ebhet m\u00eb pas legjitime nisja e regjistrimeve. Ka shum\u00eb r\u00ebnd\u00ebsi q\u00eb nga trajnimi q\u00eb po zhvillohet an\u00ebtar\u00ebt t\u00eb jen\u00eb t\u00eb k\u00ebnaqur me funksionimin e burs\u00ebs. Kur ka nj\u00eb num\u00ebr t\u00eb caktuar an\u00ebtar\u00ebsh q\u00eb kan\u00eb interes p\u00ebr burs\u00ebn at\u00ebher\u00eb edhe data e funksionimit t\u00eb saj merr r\u00ebnd\u00ebsi.\u00a0<\/span><\/em>Ne besojm\u00eb q\u00eb deri n\u00eb fund t\u00eb tremujorit t\u00eb par\u00eb t\u00eb vitit t\u00eb ardhsh\u00ebm do t\u00eb dalim n\u00eb konkluzionin p\u00ebr t\u00eb dal\u00eb me nj\u00eb dat\u00eb zyrtare. Gjith\u00e7ka do t\u00eb jet\u00eb konsoliduar edhe me trajnimet dhe do jen\u00eb b\u00ebr\u00eb dhe regjistrimet p\u00ebr t\u2019i hapur rrug\u00eb procesit\u201d<\/em> than\u00eb burimet nga MIE.<\/span><\/p>\n Bursa e energjis\u00eb \u00ebsht\u00eb nj\u00eb nga projektet m\u00eb t\u00eb zvarritur t\u00eb sektorit dhe arsyet e k\u00ebsaj situate i jan\u00eb faturuar situatave t\u00eb ndryshme. Jo n\u00eb pak raste vonesa e burs\u00ebs \u00ebsht\u00eb b\u00ebr\u00eb objekt kritikash i Sekretariatit t\u00eb Komunitetit t\u00eb Energjis\u00eb apo edhe aktor\u00ebve t\u00eb tregut t\u00eb cil\u00ebt e cil\u00ebsojn\u00eb funksionimin e saj si jetik n\u00eb rritjen e transparenc\u00ebs dhe konkurrenc\u00ebs.<\/span><\/p>\n Bursa e Energjis\u00eb konsiderohet si nj\u00eb hallk\u00eb e r\u00ebnd\u00ebsishme edhe p\u00ebr momentin ku ndodhet aktualisht tregu i energjis\u00eb ku pas liberalizimit t\u00eb bizneseve t\u00eb lidhur n\u00eb tension 35 kv n\u00eb vitin 2018 n\u00eb janar 2022 n\u00eb treg t\u00eb lir\u00eb ligj\u00ebrisht kan\u00eb dal\u00eb edhe 7600 biznese t\u00eb lidhur n\u00eb tension 20,10,6 kv por q\u00eb p\u00ebr shkak t\u00eb kriz\u00ebs liberalizimi i tyre \u00ebsht\u00eb i pjessh\u00ebm duke u furnizuar me nj\u00eb \u00e7mim preferencial prej 18.2 lek\u00ebsh.\/N.Maho<\/span><\/p>\n