{"id":568985,"date":"2022-12-20T22:30:15","date_gmt":"2022-12-20T21:30:15","guid":{"rendered":"https:\/\/www.hashtag.al\/?p=568985"},"modified":"2022-12-20T22:37:48","modified_gmt":"2022-12-20T21:37:48","slug":"zbrit-poshte-do-te-nxjerr-zvarre-tensione-mes-punonjesve-dhe-aktivisteve-pasi-nisin-punimet-ne-truallin-e-teatrit-kombetar-video","status":"publish","type":"post","link":"https:\/\/www.hashtag.al\/index.php\/2022\/12\/20\/zbrit-poshte-do-te-nxjerr-zvarre-tensione-mes-punonjesve-dhe-aktivisteve-pasi-nisin-punimet-ne-truallin-e-teatrit-kombetar-video\/","title":{"rendered":"\u201cZbrit posht\u00eb, do t\u00eb nxjerr zvarr\u00eb!\u201d \u2013 Tensione mes punonj\u00ebsve dhe aktivist\u00ebve pasi nisin punimet n\u00eb truallin e Teatrit Komb\u00ebtar (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Tensione n\u00eb sheshin e Teatrit Komb\u00ebtar t\u00eb shembur para dy vitesh. Lajm\u00ebrimi nga Bashkia e Tiran\u00ebs se nes\u00ebr do nis\u00eb puna p\u00ebr nd\u00ebrtimin e Teatrit t\u00eb Ri \u00ebsht\u00eb pritur me protesta nga aktivist\u00ebt e Aleanc\u00ebs p\u00ebr Mbrojtjen e Teatrit.<\/span><\/p>\n

Ata jan\u00eb p\u00ebrplasur me punonj\u00ebsit q\u00eb ndodheshin atje, t\u00eb cil\u00ebt mesa duket kishin nisur q\u00eb sot pun\u00ebn p\u00ebr t\u00eb pregatitur rehabilitimin e zon\u00ebs q\u00eb do t\u2019i hap\u00eb rrug\u00ebn Teatrit t\u00eb Ri.<\/span><\/p>\n

N\u00eb rrjet ka qarkulluar edhe nj\u00eb video e avokates Adriana Kalaja, nd\u00ebrsa ajo p\u00ebrplaset me nj\u00eb punonj\u00ebs, t\u00eb cilin e ka k\u00ebrc\u00ebnuar se do ta nxirrte me forc\u00eb nga eskavatori.<\/span><\/p>\n

\u201cZbrit mo posht\u00eb, zbrit posht\u00eb ti. Zbrit mo posht\u00eb, ej zbrit posht\u00eb. Zbrit posht\u00eb se do t\u00eb nxjerr zvarr\u00eb. Zbrit posht\u00eb. At\u00eb q\u00eb kemi b\u00ebr\u00eb ne p\u00ebr Teatrin s’ju l\u00ebm\u00eb ju\u2026 Zbrit posht\u00eb dhe mos e zgjat fare! K\u00ebtu nuk ka shanse, jo ti por asnj\u00eb n\u00eb bot\u00eb, t\u00eb futet dhe t\u00eb punoj\u00eb. Jo mo, se kshu b\u00ebni ju \u2018Jemi p\u00ebr buk\u00ebn e goj\u00ebs\u2019.\u201d<\/em>– d\u00ebgjohet t\u00eb thot\u00eb Adriana Kalaja.<\/span><\/p>\n

https:\/\/www.hashtag.al\/wp-content\/uploads\/2022\/12\/KALAJA.mp4<\/a><\/video><\/div>\n

Nd\u00ebrkoh\u00eb punonj\u00ebsi d\u00ebgjohet duke th\u00ebn\u00eb se vet\u00ebm po b\u00ebn detyr\u00ebn.<\/span><\/p>\n

P\u00ebrfaq\u00ebsues t\u00eb Aleanc\u00ebs p\u00ebr Teatrin por edhe nga opozita kan\u00eb protestuar pasditen e k\u00ebsaj t\u00eb marte n\u00eb vendin ku ndodhej Teatri Komb\u00ebtar.<\/span><\/p>\n

\u201cSi\u00e7 e shikoni forcat e Policis\u00eb Bashkiake jan\u00eb shtuar n\u00eb num\u00ebr, vazhdojn\u00eb n\u00eb m\u00ebnyr\u00eb t\u00eb paprecedent\u00eb t\u00eb mos na tregojn\u00eb asnj\u00eb dokument zyrtar, se p\u00ebr \u00e7far\u00eb sot kan\u00eb prishur rrethimin dhe jan\u00eb futur n\u00eb nj\u00eb pron\u00eb publike. Nga ana tjet\u00ebr punonj\u00ebsit q\u00eb po punonin me mjetin, kan\u00eb hequr targ\u00ebn nga mjeti dhe jan\u00eb larguar. Por ajo q\u00eb ndodhi n\u00eb k\u00ebto or\u00eb t\u00eb vona, tregon fytyr\u00ebn e v\u00ebrtet\u00eb, vendin se ku ndodhet Policia e Shtetit. <\/em><\/span>
\nUn\u00eb e telefonova Policin\u00eb e Shtetit, p\u00ebr ca veprime q\u00eb konstatuam n\u00eb Sheshin e Teatrit e mbi t\u00eb gjitha n\u00eb nj\u00eb pron\u00eb publike. U paraqit\u00ebn 5 polic\u00eb nga komisariati Nr.1, ua evidentova t\u00eb gjith\u00eb situat\u00ebn se p\u00ebr \u00e7far\u00eb ne jemi k\u00ebtu dhe p\u00ebr \u00e7far\u00eb i kemi th\u00ebrritur. N\u00eb m\u00ebnyr\u00ebn m\u00eb t\u00eb pashpjegueshme, n\u00eb m\u00ebnyr\u00ebn m\u00eb absurde, jo vet\u00ebm q\u00eb Policia e Shtetit u largua nga vendi i ngjarjes pa na dh\u00ebn\u00eb asnj\u00eb informacion, pa i k\u00ebrkuar asnj\u00eb dokument Policis\u00eb bashkiake, apo punonj\u00ebsve q\u00eb po punonin, por nga ana tjet\u00ebr kan\u00eb ardhur disa forca t\u00eb FNSH-s\u00eb, nuk e kuptoj arsyen p\u00ebr \u00e7far\u00eb kan\u00eb ardhur sepse ishim ne q\u00eb k\u00ebrkuam policin\u00eb p\u00ebr disa veprime t\u00eb paligjshme dhe arbitrare t\u00eb Bashkis\u00eb Tiran\u00eb dhe FNSH, kan\u00eb rrethuar hyrjen t\u00eb cil\u00ebn vet\u00eb n\u00eb fakt e kan\u00eb prishur, dhe nuk lejon asnj\u00eb qytetar t\u00eb Tiran\u00ebs t\u00eb futet n\u00eb k\u00ebt\u00eb pron\u00eb publike. Un\u00eb s\u00eb pari i b\u00ebj thirrje Bashkis\u00eb Tiran\u00eb t\u00eb t\u00ebrhiqet nga k\u00ebto veprime t\u00eb kundraligjshme, q\u00eb bien n\u00eb kund\u00ebrshtim me vendimin e Gjykat\u00ebs Kushtetuese, veprime t\u00eb cilat p\u00ebrb\u00ebjn\u00eb vep\u00ebr penale.\u201d<\/em> \u2013 tha Kalaja n\u00eb nj\u00eb deklarat\u00eb p\u00ebr mediet.<\/span><\/p>\n