{"id":563087,"date":"2022-11-22T16:51:32","date_gmt":"2022-11-22T15:51:32","guid":{"rendered":"https:\/\/www.hashtag.al\/?p=563087"},"modified":"2022-11-22T17:09:51","modified_gmt":"2022-11-22T16:09:51","slug":"bashkeshortja-e-rames-hap-kanal-ne-youtube-me-cfare-po-merrem-video","status":"publish","type":"post","link":"https:\/\/www.hashtag.al\/index.php\/2022\/11\/22\/bashkeshortja-e-rames-hap-kanal-ne-youtube-me-cfare-po-merrem-video\/","title":{"rendered":"Bashk\u00ebshortja e Ram\u00ebs hap kanal n\u00eb \u201cYoutube\u201d: Me \u00e7far\u00eb po merrem (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Bashk\u00ebshortja e kryeministrit Edi Rama, ka hapur kanalin e saj n\u00eb \u201cYoutube\u201d. Pas nj\u00eb kohe t\u00eb gjat\u00eb larg postimeve n\u00eb rrjete sociale, Linda Rama duket se s\u2019ka mundur dot m\u00eb t\u2019i rezistoj\u00eb bot\u00ebs virtuale, duke vendosur t\u2019i bashkohet m\u00eb n\u00eb fund p\u00ebrmes nj\u00eb kanali n\u00eb \u201cYoutube\u201d, q\u00eb sipas saj do t\u00eb b\u00ebj\u00eb nj\u00eb nd\u00ebrthurje t\u00eb jet\u00ebs s\u00eb saj profesionale dhe asaj publike.<\/span><\/p>\n

Ajo ka ftuar qytetar\u00ebt t\u00eb cil\u00ebt jan\u00eb t\u00eb interesuar t\u00eb din\u00eb mbi aktivitetin e saj profesional dhe angazhimet e saj si qytetare q\u00eb ta ndjekin n\u00eb k\u00ebt\u00eb kanal q\u00eb mban emrin e saj.<\/span><\/p>\n

\u201cMe \u00e7far\u00eb merrem un\u00eb si profesioniste e kush jam si qytetare e angazhuar? K\u00ebdo q\u00eb e ka k\u00ebt\u00eb k\u00ebrsh\u00ebri e ftoj t\u00eb klikoj\u00eb n\u00eb http:\/\/linda.al.\u201d<\/a>– <\/em>shkruan ajo.<\/span><\/p>\n

N\u00eb video-mesazhin e par\u00eb Linda Rama ka treguar pse erdhi ky vendim.<\/span><\/p>\n

\u201cNuk kam aktivitet n\u00eb rrjetet sociale. Jam shfaqur n\u00eb ekran rrall\u00eb, kur arsyeja m\u00eb \u00ebsht\u00eb dukur v\u00ebrtet e fort\u00eb. Shum\u00eb njer\u00ebz m\u00eb pyesin me \u00e7far\u00eb merrem. Profesionist\u00ebt m\u00eb s\u00eb shumti jan\u00eb k\u00ebshtu, larg protagonizmit dhe v\u00ebmendjes publike. Por kqyr\u00ebs t\u00eb ndjesh\u00ebm t\u00eb sfer\u00ebs s\u00eb interesave t\u00eb p\u00ebrbashk\u00ebta, kontribuues t\u00eb dobish\u00ebm p\u00ebr shoq\u00ebrin\u00eb. Ata e ushqejn\u00eb dhe e konsumojn\u00eb pa buj\u00eb pasionin p\u00ebr profesionin.<\/em><\/span><\/p>\n

K\u00ebshtu ka qen\u00eb gjithmon\u00eb. Por, n\u00eb koh\u00ebt e sotme t\u00eb bot\u00ebs s\u00eb zhurmshme dixhitale realiteti i profesionist\u00ebve i p\u00ebrket inekzistenc\u00ebs, nd\u00ebrkoh\u00eb q\u00eb protagonist\u00ebt e sfer\u00ebs virtuale ngjajn\u00eb i vetmi realitet.<\/em><\/span><\/p>\n

Linda.al nuk \u00ebsht\u00eb nj\u00eb akt pendese p\u00ebr mosqenien n\u00eb rrjetet sociale por hapja e nj\u00eb porte t\u00eb bot\u00ebs dixhitale mbi jet\u00ebn time profesionale dhe qytetare. Nj\u00eb dritare p\u00ebr k\u00ebdo q\u00eb ka k\u00ebrsh\u00ebrin\u00eb p\u00ebr t\u00eb kuptuar me \u00e7far\u00eb merrem un\u00eb si profesioniste dhe kush jam un\u00eb si qytetare e angazhuar.<\/em><\/span><\/p>\n

Nga sot Linda.al \u00ebsht\u00eb nj\u00eb port\u00eb e hapur p\u00ebr t\u00eb pritur vizitor\u00ebt e saj, studiuesit, ekonomist\u00ebt, student\u00ebt dhe jo vet\u00ebm. \u00cbsht\u00eb nj\u00eb port\u00eb p\u00ebr \u00e7do kureshtar q\u00eb mund t\u00eb ket\u00eb interes se \u00e7far\u00eb trajtohet n\u00eb rreth 50 publikime t\u00eb botuara nd\u00ebr vite si autore, bahk\u00ebautore, kontribuuese apo p\u00ebr opinionet dhe mendimet e dh\u00ebna n\u00eb daljet e mia jo t\u00eb shpeshta publike.\u201d-<\/em> tha zonja Linda.<\/span><\/p>\n

Kryeministri Rama n\u00eb llogarin\u00eb e tij n\u00eb \u201cTwitter\u201d ka ripostuar postimin e bashk\u00ebshortes s\u00eb tij.<\/span><\/p>\n

\u00a0N\u00eb k\u00ebt\u00eb video t\u00eb par\u00eb, Linda Rama ka treguar nj\u00eb histori nga f\u00ebmij\u00ebria dhe momentin kur ka p\u00ebsuar \u201ctronditjen e par\u00eb\u201d n\u00eb jet\u00eb.<\/span><\/p>\n

\u201cUn\u00eb kam lindur n\u00eb dhjetor. N\u00eb shtatorin kur isha 5 vje\u00e7e e 8 muaj \u00ebnd\u00ebrroja t\u00eb filloja klas\u00ebn e par\u00eb s\u00ebbashku me shok\u00ebt e mi.<\/span><\/em><\/p>\n

E prisja k\u00ebt\u00eb moment me nj\u00eb g\u00ebzim dhe kuriozitet t\u00eb patreguar. Prind\u00ebrit shkuan t\u00eb m\u00eb regjistronin por kur u kthyen m\u00eb than\u00eb q\u00eb nuk mund t\u00eb nisja klas\u00ebn e par\u00eb at\u00eb vit pasi isha m\u00eb e vog\u00ebl se sa mosha e lejuar. Duhej t\u00eb isha 6 vje\u00e7. Fillova t\u00eb qaja me vones\u00eb dhe e kujtoj at\u00eb 1 shtator si nj\u00eb dit\u00eb t\u00eb nj\u00eb m\u00ebrzie t\u00eb madhe. Deri n\u00eb at\u00eb moment i kisha par\u00eb prind\u00ebrit e mi si ata q\u00eb p\u00ebr mua b\u00ebnin gjith\u00e7ka. K\u00ebtu ishte pik\u00ebnisja kur un\u00eb fillova t\u00eb kuptoj q\u00eb \u00e7ka prind\u00ebrit d\u00ebshironin t\u00eb b\u00ebnin p\u00ebr mua jo gjithnj\u00eb varej prej tyre dhe rregulli ishte m\u00eb i fuqish\u00ebm se ata.<\/span><\/em><\/p>\n

N\u00eb shkoll\u00eb vajta nj\u00eb vit m\u00eb von\u00eb. Pak muaj pasi kishim nisur teksa u shfaq\u00ebn urimet p\u00ebr dit\u00eblindje pikasa q\u00eb kishte shok\u00eb q\u00eb kishin mundur t\u00eb regjistroheshin pa mbushur 6 vje\u00e7, duke sh\u00ebnuar edhe tronditjen time t\u00eb par\u00eb. Rregullat nuk ishin p\u00ebr t\u00eb gjith\u00eb nj\u00ebsoj dhe prind\u00ebrit nuk mund t\u00eb zgjidhnin gjith\u00e7ka p\u00ebr mua. Ky ishte rrug\u00ebtimi q\u00eb m\u00eb m\u00ebsoi q\u00eb liria \u00ebsht\u00eb mund\u00ebsi p\u00ebr t\u00eb marr\u00eb mbi vete p\u00ebrgjegj\u00ebsi dhe si e till\u00eb duhet p\u00ebrdorur me men\u00e7uri.\u201d<\/em>– tha ajo.<\/span><\/p>\n