{"id":556742,"date":"2022-10-22T10:04:35","date_gmt":"2022-10-22T08:04:35","guid":{"rendered":"https:\/\/www.hashtag.al\/?p=556742"},"modified":"2022-10-22T10:10:14","modified_gmt":"2022-10-22T08:10:14","slug":"u-filmua-duke-goditur-nje-shtetas-procedohet-penalisht-dhe-largohet-nga-struktura-polici-i-rrugores-ne-pogradec","status":"publish","type":"post","link":"https:\/\/www.hashtag.al\/index.php\/2022\/10\/22\/u-filmua-duke-goditur-nje-shtetas-procedohet-penalisht-dhe-largohet-nga-struktura-polici-i-rrugores-ne-pogradec\/","title":{"rendered":"U filmua duke goditur nj\u00eb shtetas, procedohet penalisht dhe largohet nga struktura polici i rrugores n\u00eb Pogradec","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Agjencia e Mbik\u00ebqyrjes Policore ka nisur procedimin penal ndaj punonj\u00ebsit t\u00eb policis\u00eb rrugore n\u00eb Pogradec i cili u shfaq n\u00eb nj\u00eb video duke goditur shtetasin A.T pasagjer n\u00eb nj\u00eb automjet q\u00eb ishte ndaluar.<\/span><\/p>\n

P\u00ebrve\u00e7 punonj\u00ebsit t\u00eb policis\u00eb kall\u00ebzim penal \u00ebsht\u00eb b\u00ebr\u00eb edhe ndaj shtetasit A.T si dhe \u00ebsht\u00eb sekuestruar materiali filmik.<\/span><\/p>\n

\u201cM\u00eb dat\u00eb 22.10.2022, Drejtoria Rajonale e AMP Kor\u00e7\u00eb ka referuar n\u00eb Prokurori materialet proceduriale p\u00ebr kryerjen e vepr\u00ebs penale \u201cKryerja e veprimeve arbitrare\u201d, ndaj punonj\u00ebsit t\u00eb policis\u00eb t\u00eb Qarkullimit Rrugor n\u00eb Komisariatin e Policis\u00eb Pogradec, Inspektor A. S.<\/em><\/span><\/p>\n

Veprimet hetimore ndaj k\u00ebtij punonj\u00ebsi policie u kryen pasi m\u00eb dat\u00eb 21.10.2022, n\u00eb rrjete sociale \u00ebsht\u00eb publikuar nj\u00eb material filmik ku ai shfaqet duke debatuar dhe goditur shtetasin A. T., i cili ishte pasagjer n\u00eb nj\u00eb automjet q\u00eb ishte ndaluar pasi drejtuesi i saj u konstatua duke p\u00ebrdorur telefonin dhe pa vendosur rrip sigurimi.<\/em><\/span><\/p>\n

N\u00eb konsultim edhe me Prokurorin e gatsh\u00ebm, nga ana e Drejtoris\u00eb Rajonale t\u00eb AMP Kor\u00e7\u00eb \u00ebsht\u00eb administruar materiali filmik, \u00ebsht\u00eb marr\u00eb kall\u00ebzimi i shtetasit A. T. dhe deklarimet e pal\u00ebve, si edhe \u00ebsht\u00eb b\u00ebr\u00eb k\u00ebqyrja e jashtme e k\u00ebtij shtetasi n\u00eb prani t\u00eb mjekut ligjor.<\/em><\/span><\/p>\n

Materialet proceduriale u referuan n\u00eb Prokurorin\u00eb pran\u00eb Gjykat\u00ebs s\u00eb Shkall\u00ebs s\u00eb Par\u00eb Pogradec<\/em>\u201d-njofton AMP.<\/span><\/p>\n

P\u00ebr rastin ka reaguar edhe Policia e Shtetit e cila n\u00eb nj\u00eb njoftim thot\u00eb se Drejtori i P\u00ebrgjithsh\u00ebm ka urdh\u00ebruar largimin e menj\u00ebhersh\u00ebm nga struktura t\u00eb efektivit t\u00eb rrugores nd\u00ebrsa \u00ebsht\u00eb transferuar n\u00eb nj\u00eb struktur\u00eb tjet\u00ebr\u00a0 policiore efektivi L.H i cili nuk ka nd\u00ebrhyr\u00eb p\u00ebr t\u00eb parandaluar veprimin e kolegut t\u00eb tij.\u00a0<\/span><\/p>\n

\n
“Bazuar n\u00eb d\u00ebshmin\u00eb e dh\u00ebn\u00eb n\u00eb Prokurori, nga shtetasi N. H. (drejtues i automjetit), si dhe n\u00eb analiz\u00ebn e pamjeve filmike t\u00eb publikuara n\u00eb rrjetet sociale, n\u00eb t\u00eb cilat shfaqet punonj\u00ebsi i Policis\u00eb Rrugore, shtetasi A. S., n\u00eb tejkalim t\u00eb kompetencave q\u00eb i jep ligji, ndaj drejtuesit t\u00eb automjetit, Drejtori i P\u00ebrgjithsh\u00ebm i Policis\u00eb s\u00eb Shtetit ka urdh\u00ebruar p\u00ebrjashtimin e menj\u00ebhersh\u00ebm nga Policia e Shtetit, t\u00eb punonj\u00ebsit t\u00eb Sektorit t\u00eb Policis\u00eb Rrugore Kor\u00e7\u00eb, inspektor A. S.<\/em><\/span><\/div>\n
<\/div>\n<\/div>\n
\n
P\u00ebr k\u00ebt\u00eb punonj\u00ebs policie ka nisur edhe hetimi penal nga Prokuroria pran\u00eb Gjykat\u00ebs s\u00eb Rrethit Gjyq\u00ebsor Pogradec.<\/em><\/span><\/div>\n<\/div>\n
\n
Gjithashtu, \u00ebsht\u00eb vendosur transferimi n\u00eb nj\u00eb struktur\u00eb tjet\u00ebr policore, p\u00ebr punonj\u00ebsin tjet\u00ebr t\u00eb Policis\u00eb, shtetasin L. H., i cili nuk ka nd\u00ebrhyr\u00eb p\u00ebr t\u00eb parandaluar veprimin e paligjsh\u00ebm t\u00eb kolegut t\u00eb tij<\/em>“-njofton policia.<\/span><\/div>\n
<\/div>\n<\/div>\n