{"id":552097,"date":"2022-09-29T13:58:07","date_gmt":"2022-09-29T11:58:07","guid":{"rendered":"https:\/\/www.hashtag.al\/?p=552097"},"modified":"2022-09-29T13:59:14","modified_gmt":"2022-09-29T11:59:14","slug":"videomesazhi-i-rames-kjo-eshte-kontrata-e-pare-mbi-4-mije-metra-katrore-ndertim-pa-leje-ne-mes-te-tiranes-i-kalojne-shtetit","status":"publish","type":"post","link":"https:\/\/www.hashtag.al\/index.php\/2022\/09\/29\/videomesazhi-i-rames-kjo-eshte-kontrata-e-pare-mbi-4-mije-metra-katrore-ndertim-pa-leje-ne-mes-te-tiranes-i-kalojne-shtetit\/","title":{"rendered":"Videomesazhi i Ram\u00ebs: Kjo \u00ebsht\u00eb kontrata e par\u00eb, mbi 4 mij\u00eb metra katror\u00eb nd\u00ebrtim pa leje n\u00eb mes t\u00eb Tiran\u00ebs i kalojn\u00eb shtetit","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Kryeministri Edi Rama ka publikuar nj\u00eb videomesazh ku flet p\u00ebr nd\u00ebrtimet pa leje.<\/span><\/p>\n

Gjat\u00eb mesazhit t\u00eb tij, ai tregon dhe kontrat\u00ebn e par\u00eb, ku 4646 metra katror\u00eb n\u00eb mes t\u00eb Tiran\u00ebs i kan\u00eb kaluar shtetit.<\/span><\/p>\n

\u201cFIRMOSET AKTI I PAR\u00cb I DOR\u00cbZIMIT tek shteti i 4 mij\u00eb e 646 metrave katror\u00eb, nd\u00ebrtuar pa leje n\u00eb\u00a0qend\u00ebr t\u00eb Tiran\u00ebs, t\u00eb cilat do t\u00eb p\u00ebrdoren sipas ligjit p\u00ebr interes publik.\u201d-<\/em> shkruan ai krahas videos.\u00a0<\/span><\/p>\n

Rama shprehet n\u00eb fund t\u00eb mesazhit t\u00eb tij se i siguron t\u00eb gjith\u00eb ata q\u00eb duan nj\u00eb Shqip\u00ebri t\u00eb drejt\u00eb e q\u00eb ligji t\u00eb jet\u00eb nj\u00ebsoj p\u00ebr t\u00eb gjith\u00eb se \u201cnuk do t\u2019i tradhtoj\u00eb\u201d kurr\u00eb.<\/span><\/p>\n

\u00a0\u201cAskush, as opozitat q\u00eb nuk l\u00ebn\u00eb akuz\u00eb pa b\u00ebr\u00eb, as mediat q\u00eb nuk l\u00ebn\u00eb gj\u00eb pa th\u00ebn\u00eb, as drejt\u00ebsia jo e jo, q\u00eb nuk l\u00eb avlli apo papafingo n\u00ebp\u00ebr periferi pa nd\u00ebshkuar, nuk i pa, nuk i tha, nuk i d\u00ebgjoi, nuk i k\u00ebrkoi katet dhe metrat e nd\u00ebrtuara pa leje p\u00ebr q\u00ebllim fitimi deri dhe n\u00eb mes t\u00eb Tiran\u00ebs. Sepse t\u00eb t\u00ebr\u00eb, ose e kan\u00eb t\u00eb ngjyer gishtin, kush m\u00eb shum\u00eb e kush m\u00eb pak, kush direkt e kush indirekt, n\u00eb mjaltin e tullave e t\u00eb betonit, ose i kan\u00eb syt\u00eb kaq t\u00eb verbuara e vesh\u00ebt kaq tap\u00eb nga urrejtja q\u00eb i mbush goj\u00ebn me shpifje, me g\u00ebnjeshtra, me akuza q\u00eb jan\u00eb shum\u00eb t\u00eb fort\u00eb me t\u00eb dob\u00ebtit, por shum\u00eb t\u00eb dob\u00ebt me t\u00eb fortit.<\/span><\/em><\/p>\n

Ama kush ka kujtes\u00eb e di q\u00eb luft\u00ebn me nd\u00ebrtimet pa leje dhe betej\u00ebn p\u00ebr shijen urbanizuese dhe modernizimin civilizues e kam nisur bashk\u00eb me politik\u00ebn, pa e reshtur kurr\u00eb, me shum\u00eb arritje, por dhe me disa d\u00ebshtime.<\/span><\/em><\/p>\n

E kemi ulur dhjet\u00eb fish numrin e metrave katror\u00eb pa leje q\u00eb nd\u00ebrtuesit e pallateve i kishin dikur buk\u00eb e djath\u00eb mu k\u00ebtu n\u00eb kryeqytetin e Shqip\u00ebris\u00eb, por ende nuk i kemi ndalur dot p\u00ebr fare, sepse gjithsesi e kan\u00eb gjetur gjithnj\u00eb rrug\u00ebn p\u00ebr ta bler\u00eb t\u00eb drejt\u00ebn q\u00eb nuk e kan\u00eb, duke paguar inspektor\u00eb, ndonj\u00eb polic, ndonj\u00eb shef komisariati, por sigurisht duke marr\u00eb peng gjykat\u00ebs e prokuror\u00eb t\u00eb cil\u00ebt kan\u00eb patur gjithnj\u00eb kollaj ta tregojn\u00eb zellin e tyre me m\u00eb t\u00eb dob\u00ebtit, p\u00ebr nj\u00eb avlli apo dhe nj\u00eb \u00e7ati pa leje si\u00e7 thash\u00eb.<\/span><\/em><\/p>\n

Ama tani kemi ardhur tek kapitulli i fundit i k\u00ebsaj p\u00ebrpjekje t\u00eb gjat\u00eb dhe pasi e kemi par\u00eb q\u00eb drejt\u00ebsia e shitur p\u00ebr lek\u00ebt e metrave pa leje u ka hapur vazhdimisht nj\u00eb shteg shp\u00ebtimi, kemi marr\u00eb nj\u00eb vendim t\u00eb ri qeverie dhe e kemi mbyllur \u00e7do shteg, sepse mua dhe k\u00ebt\u00eb qeveri, ta harrojn\u00eb, nuk na blejn\u00eb dot, askush! Un\u00eb e kjo qeveri jemi t\u00eb vendosur ta \u00e7ojm\u00eb deri n\u00eb fund \u00e7do p\u00ebrpjekje pa u lodhur as nga kthesat shpesh her\u00eb t\u00eb forta, as nga t\u00eb p\u00ebrpjetat, as nga tat\u00ebpjetat t\u00eb panum\u00ebrta, t\u00eb p\u00ebrditshme, n\u00eb k\u00ebto koh\u00eb kaq t\u00eb v\u00ebshtira.<\/span><\/em><\/p>\n

Ja ku \u00ebsht\u00eb edhe akti i par\u00eb i dor\u00ebzimit! 4646 metra katror\u00eb pa leje n\u00eb mes t\u00eb Tiran\u00ebs, i kalojn\u00eb shtetit me kontrat\u00eb noteriale. E ky \u00ebsht\u00eb vet\u00ebm akti i par\u00eb i marrjes p\u00ebr interes publik t\u00eb pasurive n\u00eb metra katror\u00eb t\u00eb paligjshme, q\u00eb do t\u00eb pasohet nga t\u00eb tjer\u00ebt deri n\u00eb metrin e fundit katror. Prandaj, kush merret me mua e me ne duke na treguar si ata q\u00eb fshihen pas kullave e pas pallateve, le ta shoh\u00eb mir\u00eb t\u00eb v\u00ebrtet\u00ebn ose le t\u00eb vazhdoj\u00eb t\u00eb leh\u00eb, por un\u00eb i siguroj t\u00eb gjith\u00eb ata q\u00eb duan nj\u00eb Shqip\u00ebri t\u00eb drejt\u00eb e q\u00eb duan nj\u00eb Shqip\u00ebri ku ligji t\u00eb jet\u00eb nj\u00ebsoj p\u00ebr t\u00eb gjith\u00eb e t\u00eb mos ket\u00eb t\u00eb fort\u00eb para ligjit, se nuk do t\u2019i tradhtoj kurr\u00eb!\u201d<\/em>– thot\u00eb Rama n\u00eb k\u00ebt\u00eb videomesazh.<\/span><\/p>\n