{"id":539228,"date":"2022-07-31T21:15:52","date_gmt":"2022-07-31T19:15:52","guid":{"rendered":"https:\/\/www.hashtag.al\/?p=539228"},"modified":"2022-07-31T21:19:05","modified_gmt":"2022-07-31T19:19:05","slug":"tensionet-ne-veri-te-kosoves-kurti-mesazh-qytetareve-po-perballemi-me-shovinizmin-serbomadh-ditet-e-javet-ne-vijim-sfiduese","status":"publish","type":"post","link":"https:\/\/www.hashtag.al\/index.php\/2022\/07\/31\/tensionet-ne-veri-te-kosoves-kurti-mesazh-qytetareve-po-perballemi-me-shovinizmin-serbomadh-ditet-e-javet-ne-vijim-sfiduese\/","title":{"rendered":"Tensionet n\u00eb veri t\u00eb Kosov\u00ebs, Kurti mesazh qytetar\u00ebve: Po p\u00ebrballemi me shovinizmin serbomadh, dit\u00ebt e jav\u00ebt n\u00eb vijim sfiduese","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Kryeministri i Kosov\u00ebs, Albin Kurti, ka akuzuar presidentin serb Vu\u00e7i\u00e7 dhe drejtorin e Zyr\u00ebs p\u00ebe Kosov\u00ebn Petar Petkovi\u00e7 p\u00ebr tensionet e krijuara n\u00eb veri t\u00eb vendit. <\/span><\/p>\n

N\u00eb nj\u00eb videomesazh drejtuar qytetar\u00ebve p\u00ebrmes Facebook ai tha se tensionet e larta e kan\u00eb burimin te Beogradi. <\/span><\/p>\n

Kurti theksoi se qeveria e Kosov\u00ebs \u00ebsht\u00eb demokratike dhe respekton e zbaton ligjin, Kushtetut\u00ebn, paqen e sigurin\u00eb p\u00ebr t\u00eb gjith\u00eb qytetar\u00ebt pa dallim. M\u00eb tej ai u b\u00ebri thirrje qytetar\u00ebve q\u00eb t\u00eb ndjekin njoftimet nga qeveria e t\u00eb mos lejojn\u00eb dezinformimin nga ana e autoriteteve serbe apo t\u00eb ndonj\u00eb medieje n\u00eb Kosov\u00eb. <\/span><\/p>\n

Ai paralajm\u00ebroi s\u00eb koh\u00ebt n\u00eb vijim mund t\u00eb jen\u00eb sfiduese e problematike pasi Kosova po p\u00ebrballet me shovinizmin serbomadh i cili njihet mir\u00eb duke u zotuar se qeveria do jet\u00eb n\u00eb krye t\u00eb detyr\u00ebs p\u00ebr t\u00eb b\u00ebr\u00eb t\u00eb mundur zbatimin e ligjit e t\u00eb rendit.<\/span><\/p>\n

Policia e Kosov\u00ebs ka mbyllur kufirin p\u00ebr qarkullimin e mjeteve n\u00eb pikat kufitare n\u00eb B\u00ebrnjak dhe Jarinj\u00eb, p\u00ebr shkak t\u00eb bllokimit t\u00eb rrug\u00ebve nga ana e serb\u00ebve lokal\u00eb n\u00eb drejtim t\u00eb k\u00ebtyre pik\u00eb kalimeve kufitare.<\/span><\/p>\n

Ajo ka njoftuar qytetar\u00ebt q\u00eb t\u00eb shfryt\u00ebzojn\u00eb pikat e tjera kufitare p\u00ebr t\u00eb kaluar. Serb\u00ebt kan\u00eb bllokuar rrug\u00ebt n\u00eb shenj\u00eb pak\u00ebnaq\u00ebsie ndaj masave t\u00eb reciprocitetit t\u00eb autoriteteve kosovare p\u00ebr let\u00ebrnjoftimet dhe targat e l\u00ebshuara nga Serbia, t\u00eb cilat hyjn\u00eb n\u00eb fuqi nga dita e nes\u00ebrme.<\/span><\/p>\n

Serb\u00ebt n\u00eb veri t\u00eb Kosov\u00ebs kan\u00eb bllokuar me kamion\u00eb rrug\u00ebn magjistrale n\u00eb af\u00ebrsi t\u00eb pik\u00ebkalimit kufitar t\u00eb Jarinj\u00ebs, q\u00eb gjendet n\u00eb Komun\u00ebn e Leposaviqit.<\/span><\/p>\n

Bllokadat vijn\u00eb nj\u00eb dit\u00eb para se t\u00eb hyjn\u00eb n\u00eb fuqi dy vendime t\u00eb Qeveris\u00eb s\u00eb Kosov\u00ebs q\u00eb kan\u00eb t\u00eb b\u00ebjn\u00eb me targat dhe dokumentet serbe.<\/span><\/p>\n

Qeveria ka th\u00ebn\u00eb se m\u00eb 1 gusht do t\u00eb nis\u00eb l\u00ebshimi i t\u00eb ashtuquajturave dokumente p\u00ebr hyrje-dalje p\u00ebr t\u00eb gjith\u00eb shtetasit e Serbis\u00eb q\u00eb hyjn\u00eb n\u00eb Kosov\u00eb.<\/span><\/p>\n

Ky dokument do l\u00ebshohet n\u00eb t\u00eb gjitha pik\u00ebkalimet tok\u00ebsore dhe ajrore dhe do jet\u00eb i vlefsh\u00ebm p\u00ebr 90 dit\u00eb, ashtu sikurse dokumenti q\u00eb autoritetet serbe l\u00ebshojn\u00eb p\u00ebr shtetasit e Kosov\u00ebs kur t\u00eb hyjn\u00eb n\u00eb Serbi.<\/span><\/p>\n

\u201cT\u00eb dashur qytetar\u00eb t\u00eb Republik\u00ebs s\u00eb Kosov\u00ebs,<\/em><\/span><\/p>\n

Ende pa filluar l\u00ebshimi yn\u00eb i dokumenteve t\u00eb hyrje-daljeve n\u00eb vendkalimet kufitare me Serbin\u00eb, strukturat ilegale serbe n\u00eb veri filluan me bllokim rrug\u00ebsh dhe t\u00eb sht\u00ebna arm\u00ebsh. Atyre ju paraprin\u00eb deklaratat, takimet dhe mbledhjet e frik\u00ebs dhe k\u00ebrc\u00ebnimit n\u00eb Beograd dhe n\u00eb Rashk\u00eb. Aty u planifikuan dhe u nxit\u00ebn k\u00ebto veprime agresive q\u00eb po ndodhin sot. Vu\u00e7iq dhe Petkoviq jan\u00eb p\u00ebrgjegj\u00ebsit kryesor\u00eb p\u00ebr trazirat.<\/em><\/span><\/p>\n

Qeveria e Republik\u00ebs s\u00eb Kosov\u00ebs \u00ebsht\u00eb demokratike e progresiste, q\u00eb e don, respekton dhe zbaton ligjin dhe kushtetushm\u00ebrin\u00eb, paqen dhe sigurin\u00eb, p\u00ebr t\u00eb gjith\u00eb qytetar\u00ebt pa dallim dhe p\u00ebr mbar\u00eb vendin ton\u00eb t\u00eb p\u00ebrbashk\u00ebt. Organet e rendit dhe t\u00eb siguris\u00eb s\u00eb shtetit ton\u00eb po mbledhin informacion, po mbik\u00ebqyrin gjendjen dhe do t\u00eb veprojn\u00eb, n\u00eb mbrojtje t\u00eb ligjit dhe t\u00eb qytetar\u00ebve, t\u00eb sovranitetit dhe integritetit ton\u00eb territorial.<\/em><\/span><\/p>\n

P\u00ebrcjellni me v\u00ebmendje njoftimet nga qeveria jon\u00eb, nga Ministria e Pun\u00ebve t\u00eb Brendshme dhe Policia e Kosov\u00ebs, dhe, mos lejoni t\u00eb dezinformoheni nga mediet e Beogradit zyrtar apo edhe ndonj\u00eb medie n\u00eb Kosov\u00eb q\u00eb me vet\u00ebdije u sh\u00ebrben atyre apo pa vet\u00ebdije bie pre e tyre.<\/em><\/span><\/p>\n

Or\u00ebt e dit\u00ebt e jav\u00ebt n\u00eb vijim mund t\u00eb jen\u00eb sfiduese e problematike. Po p\u00ebrballemi me nacional-shovinizmin serbomadh q\u00eb e njohim mir\u00eb. Do t\u00eb punojm\u00eb dit\u00eb e nat\u00eb, do t\u00eb jemi n\u00eb krye t\u00eb detyr\u00ebs, p\u00ebr juve si qytetar\u00eb dhe p\u00ebr Republik\u00ebn ton\u00eb demokratike. Dhe, s\u00eb bashku arrijm\u00eb t\u00eb ngadh\u00ebnjej\u00eb rendi e ligji duke i vendosur ato n\u00eb \u00e7do cep t\u00eb vendit.\u00a0 <\/em><\/span><\/p>\n

Ju falemnderit p\u00ebr mb\u00ebshtetjen.\u201d<\/em> – tha Kurti.<\/span><\/p>\n