{"id":532897,"date":"2022-06-30T12:50:35","date_gmt":"2022-06-30T10:50:35","guid":{"rendered":"https:\/\/www.hashtag.al\/?p=532897"},"modified":"2022-06-30T12:53:25","modified_gmt":"2022-06-30T10:53:25","slug":"qeveria-jep-me-koncesion-edhe-kompleksin-e-pallatit-te-brigadave-per-20-deri-ne-40-vjet","status":"publish","type":"post","link":"https:\/\/www.hashtag.al\/index.php\/2022\/06\/30\/qeveria-jep-me-koncesion-edhe-kompleksin-e-pallatit-te-brigadave-per-20-deri-ne-40-vjet\/","title":{"rendered":"Qeveria jep me koncesion edhe kompleksin e Pallatit t\u00eb Brigadave p\u00ebr 20 deri n\u00eb 40 vjet","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Ministria e Kultur\u00ebs i ka hapur rrug\u00ebn menaxhimit t\u00eb integruar Pallatit t\u00eb Brigadave, me partner strategjik. Nj\u00eblloj sikurse k\u00ebrkohet t\u00eb veprohet me Parkun e Butrintit.<\/span><\/p>\n

N\u00eb plan-projektin e publikuar nga gazeta Panorama<\/a><\/span>, thuhet se kjo pron\u00eb do t\u2019i mbes\u00eb shtetit dhe vet\u00eb Ministria e Kultur\u00ebs do t\u00eb garantoj\u00eb q\u00eb menaxhimi me investitor\u00eb strategjik\u00eb t\u00eb zbatohet pa cenuar hap\u00ebsir\u00ebn dhe vlerat e tij.<\/span><\/p>\n

\u201cKjo hap\u00ebsir\u00eb do t\u00eb kthehet n\u00eb hap\u00ebsir\u00eb mikprit\u00ebse p\u00ebr personalitete t\u00eb ndryshme dhe do t\u00eb jet\u00eb e hapur p\u00ebr organizime kulturore dhe edukative, ku \u00e7do p\u00ebrdorues do t\u00eb paguaj\u00eb nj\u00eb tarif\u00eb.\u201d-<\/em> thuhet n\u00eb shkres\u00eb.<\/span><\/p>\n

Projekti i restuarimit t\u00eb Pallatit t\u00eb Brigadave, p\u00ebr muaj me radh\u00eb u mbajt sekret. I plot\u00eb vendimi p\u00ebr Planin e Menaxhimit t\u00eb Integruar t\u00eb Ansamblit Historik t\u00eb Pallatit Presidencial u botua vet\u00ebm dje n\u00eb Fletoren Zyrtare.<\/span><\/p>\n

Qeveria vendosi t\u00eb menaxhoj\u00eb Ansamblin Historik t\u00eb Pallatit t\u00eb Brigadave p\u00ebrmes nj\u00eb partneriteti t\u00eb quajtur PMI (Plan Menaxhimi i Integruar).<\/span><\/p>\n

N\u00eb vendimin e botuar n\u00eb fletoren zyrtare theksohet se ky menaxhim do t\u00eb b\u00ebhet n\u00eb partneritet me nj\u00eb periudh\u00eb prej 20 vitesh, ku pala e interesuar duhet t\u00eb ket\u00eb financimin e duhur dhe p\u00ebrvoj\u00ebn p\u00ebr rijet\u00ebzimin e k\u00ebtij Ansambli.<\/span><\/p>\n

Por, vendimi i qeveris\u00eb i referohet ligjit 27\/2018 \u201cP\u00ebr trash\u00ebgimin kulturore dhe Muzet\u00eb\u201d ku n\u00eb pik\u00ebn 5 t\u00eb saj thuhet: \u201cKontrata e rijet\u00ebzimit lidhet p\u00ebr nj\u00eb koh\u00ebzgjatje deri n\u00eb 20 vjet, me t\u00eb drejt\u00eb rinovimi vet\u00ebm nj\u00eb her\u00eb, n\u00ebse subjekti ka p\u00ebrmbushur me korrekt\u00ebsi t\u00eb gjitha detyrimet kontraktuese, n\u00eb baz\u00eb t\u00eb raportit t\u00eb Inspektoratit Komb\u00ebtar t\u00eb Trash\u00ebgimis\u00eb Kulturore.\u201d<\/em><\/span><\/p>\n

\u00a0Nj\u00eb gj\u00eb e till\u00eb n\u00ebnkupton q\u00eb fondacioni, i cili e ka marr\u00eb me koncesion restaurimin e Pallatit Presidencial dhe q\u00eb mbahet sekret, ka t\u00eb drejt\u00eb rinovimi edhe p\u00ebr 20 vite t\u00eb tjera, \u00e7ka do t\u00eb thot\u00eb p\u00ebr 40 vite.<\/span><\/p>\n