{"id":531398,"date":"2022-06-21T17:00:29","date_gmt":"2022-06-21T15:00:29","guid":{"rendered":"https:\/\/www.hashtag.al\/?p=531398"},"modified":"2022-06-21T17:29:45","modified_gmt":"2022-06-21T15:29:45","slug":"shteti-donte-te-me-eliminonte-e-gjeta-veten-mes-200-plumbave-rrefimi-i-te-tmerrshmit-te-beratit-lulzim-caka-intervista","status":"publish","type":"post","link":"https:\/\/www.hashtag.al\/index.php\/2022\/06\/21\/shteti-donte-te-me-eliminonte-e-gjeta-veten-mes-200-plumbave-rrefimi-i-te-tmerrshmit-te-beratit-lulzim-caka-intervista\/","title":{"rendered":"\u201cShteti donte t\u00eb m\u00eb eliminonte, e gjeta veten mes 200 plumbave\u201d- Rr\u00ebfimi i \u201ct\u00eb tmerrshmit t\u00eb Beratit\u201d Lulzim Caka (INTERVISTA)","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Lulzim Caka, i njohur si i \u201ctmerrshmi i Beratit\u201d dhe nj\u00eb prej kriminel\u00ebve m\u00eb t\u00eb njohur t\u00eb historis\u00eb s\u00eb Shqip\u00ebris\u00eb \u00ebsht\u00eb shfaqur sot n\u00eb nj\u00eb intervist\u00eb televizive.<\/span><\/p>\n

N\u00eb studion e emisionit \u201cShqip\u00ebria Live\u201d n\u00eb \u201cTop Channel\u201d, Caka ka treguar historin\u00eb e tij, hasm\u00ebrin\u00eb mes \u00c7alajve dhe Yzeir\u00ebve, akuzat ndaj tij dhe pretendimet se shteti si\u00e7 shprehet ai \u201cdonte ta eliminonte\u201d.<\/span><\/p>\n

Edhe pse \u00ebsht\u00eb nj\u00eb nga personat m\u00eb t\u00eb k\u00ebrkuar nga drejt\u00ebsia shqiptare, ai \u00ebsht\u00eb i mbrojtur nga pala greke dhe sot \u00ebsht\u00eb i lir\u00eb.<\/span><\/p>\n

\u201cUn\u00eb jam mir\u00eb, ndihem mir\u00eb n\u00eb shtetin grek. Falenderoj shtetin grek q\u00eb m\u00eb dha mund\u00ebsin\u00eb dhe m\u00eb njohu t\u00eb drejt\u00ebn q\u00eb shteti im nuk ma ka njohur kurr\u00eb.\u201d<\/em>-k\u00ebshtu e nis ai k\u00ebt\u00eb intervist\u00eb.<\/span><\/p>\n

\u201cNuk kam lidhje me bandat\u201d<\/strong><\/span><\/p>\n

Caka ka treguar se nuk ka pasur asnj\u00ebher\u00eb lidhje me bandat, por \u00ebsht\u00eb akuzuar p\u00ebr shkak t\u00eb bindjeve t\u00eb tij t\u00eb djathta.<\/span><\/p>\n

\u00a0\u201cNuk kam pasur asnj\u00ebher\u00eb lidhje me banda. Nuk kam pasur asnj\u00eb an\u00ebtar bande. Na quanin band\u00eb se kishim bindjet tona t\u00eb djathta, nuk b\u00ebheshim t\u00eb majt\u00eb.\u201d-<\/em> \u00ebsht\u00eb shprehur ai.<\/span><\/p>\n

Konflikti mes \u00c7alajve dhe Yzeir\u00ebve<\/strong><\/span><\/p>\n

N\u00eb 97-\u00ebn, Caka e gjen veten mes hasm\u00ebrive mes \u00c7alajve dhe Yzeir\u00ebve dhe u akuzua p\u00ebr vrasjen e tre personave nga familja e fundit.<\/span><\/p>\n

Sipas tij, \u00c7alajt kan\u00eb t\u00eb drejt\u00eb, Yzeir\u00ebt u b\u00ebn\u00eb prit\u00eb dhe i gjuajt\u00ebn mbi 20 veta. Caka ka shtuar se nuk e ka vrar\u00eb ai Nezir Yzeirin, Aishen dhe Ilirin.<\/span><\/p>\n

\u00a0\u201cJe i p\u00ebrfshir\u00eb n\u00eb vrasjen e 3-fisht\u00eb?\u201d- <\/em>ishte pyetja q\u00eb iu drejtua.<\/span><\/p>\n

\u201cAbsolutisht jo. Biles ata m\u00eb kan\u00eb z\u00ebn\u00eb prit. Kishin z\u00ebn\u00eb 20-30 veta prit\u00eb, e gjet\u00ebm veten mes plumbash. Nuk kishin pse t\u00eb gjuanin n\u00eb prezenc\u00ebn time. E din\u00eb t\u00eb gjith\u00eb historin\u00eb. Mehmeti ka d\u00ebrguar gjithmon\u00eb miq p\u00ebr ta mbyllur k\u00ebt\u00eb.\u201d<\/em>– tha ai.<\/span><\/p>\n

Vrasja e P\u00ebllumb Eminit<\/strong><\/span><\/p>\n

Nj\u00eb tjet\u00ebr em\u00ebr q\u00eb p\u00ebrmendet \u00ebsht\u00eb edhe P\u00ebllumb Emini, t\u00eb cilin akuzohet se e ka vrar\u00eb dhe ka nj\u00eb d\u00ebnim ndaj tij.<\/span><\/p>\n

\u201cNuk kam asnj\u00eb lidhje me P\u00ebllumb Eminin . Than\u00eb se e kam vrar\u00eb un\u00eb, por e ka vrar\u00eb nj\u00eb 13-14 vje\u00e7 dhe nuk kam asnj\u00eb lidhje. Policia ma bashk\u00ebngjiti vrasjen se donte t\u00eb m\u00eb mbante n\u00eb burg.\u201d-<\/em> shprehet ai.<\/span><\/p>\n

\u201cShteti donte t\u00eb m\u00eb eliminonte\u201d<\/strong><\/span><\/p>\n

Gjat\u00eb intervist\u00ebs, Caka \u00ebsht\u00eb shprehur se shteti ka dashur q\u00eb ta vras\u00eb p\u00ebr shkak se ishte i djatht\u00eb.<\/span><\/p>\n

\u201cMua tre dit\u00eb para se t\u00eb donin t\u00eb m\u00eb b\u00ebnin atentat, shteti, mua m\u00eb ka ardhur nj\u00eb njoftim. Nj\u00eb fonogram nga Ministria e Brendshme e asaj kohe ku thuhej se t\u00eb gjith\u00eb prototipat, t\u00eb gjith\u00eb ata q\u00eb kishin p\u00ebrkrahur spektrin e djatht\u00eb, un\u00eb jam i djatht\u00eb. Nuk mund ta mohoj kurr\u00eb dhe s\u2019e mohoj sa t\u00eb jem gjall\u00eb, t\u00eb m\u00eb eliminonin fizikisht. Pse duhej t\u00eb m\u00eb eliminonin fizikisht? Mua m\u00eb kan\u00eb z\u00ebn\u00eb prit\u00eb 200 veta atje, do m\u00eb kishin b\u00ebr\u00eb shosh\u00eb me plumba. Un\u00eb kam shp\u00ebtuar me 4 plumba n\u00eb trup.\u201d<\/em>– tha ai.<\/span><\/p>\n

M\u00eb pas nisi t\u00eb shpjegonte: \u201cMora nj\u00eb informacion nga nj\u00eb polic dhe nj\u00eb mik i imi. Erdh\u00ebn n\u00eb fshat, takuan maman\u00eb dhe v\u00ebllain dhe i than\u00eb se ‘Lulin do ta vrasin’. Kush? ‘Shteti’.\u201d<\/em><\/span><\/p>\n

Ai ka shtuar se Gani Malushi dhe Ilir Ngresi i kan\u00eb b\u00ebr\u00eb atentat n\u00eb vitin 1998.<\/span><\/p>\n

\u201cE kam gjetur veten mes 200 plumbave nga policia e drejtuar prej tyre. shp\u00ebtova me kat\u00ebr plumba dhe m\u00eb arrestuan. Xhevahir Cela u vra me plumb n\u00eb ball\u00eb.\u201d<\/em>– tha m\u00eb tej Caka, por sipas tij policia e ka inskenuar sikur ishte ai vras\u00ebsi i Xhevahirit.<\/span><\/p>\n

\u201cDo t\u00eb vras si\u00e7 t\u00eb vrava n\u00ebn\u00ebn\u201d<\/span><\/strong><\/p>\n

Caka foli edhe p\u00ebr vrasjen e n\u00ebn\u00ebs s\u00eb tij, e cila ishte nisur t\u00eb takonte at\u00eb n\u00eb burg, por p\u00ebrfundoi e masakruar n\u00eb Seman nga armiqt\u00eb e t\u00eb birit. Ai akuzon Ilir Ngresin p\u00ebr k\u00ebt\u00eb ngjarje.<\/span><\/p>\n

\u201cM\u00eb vjen nj\u00eb polic sh\u00ebrbimi, isha n\u00eb ajrosje. E parandjeva se do kishte ndodhur di\u00e7ka se n\u00ebna nuk m\u00eb rrinte pa ardhur. Vjen polici m\u00eb thot\u00eb: Si e ke emrin?. I them. \u2018Do t\u00eb them nj\u00eb llaf m\u00eb tha mua, por mos e b\u00ebj publike se m\u00eb heqin nga puna\u2019. E pyeta pse. M\u00eb tha mua, n\u00ebn\u00ebn ta kan\u00eb vrar\u00eb. Faleminderit i thash\u00eb. <\/em><\/span><\/p>\n

E mbajta veten, pastaj pyeta shefin. M\u00eb than\u00eb se e kan\u00eb rr\u00ebmbyer n\u00eb komisariat dhe e kan\u00eb vrar\u00eb. E imagjinoni, shteti ishte i aft\u00eb t\u00eb m\u00eb kapte mua n\u00eb 98-\u00ebn, nuk ishte i aft\u00eb n\u00eb 99-\u00ebn ta gjente?. T\u00eb marr\u00ebsh nj\u00eb plak\u00eb 56-vje\u00e7e e ta pushkatosh n\u00eb Seman, e mos ta kap\u00ebsh? Si e mendon? Ishte e mir\u00eborganizuar, n\u00ebna ime u vra me shtet n\u00eb at\u00eb koh\u00eb. T\u00eb vij\u00eb Ilir Ngresi, t\u00eb marr\u00eb n\u00ebn\u00ebn time n\u00eb Seman e ta pushkatoj\u00eb n\u00eb Seman. Ilir Ngresi dhe v\u00ebllai i Ilir Ngresit q\u00eb sot \u00ebsht\u00eb b\u00ebr\u00eb an\u00ebtar i Gjykat\u00ebs s\u00eb Lart\u00eb. Ku ka shtet n\u00eb Shqip\u00ebri, q\u00eb v\u00ebllan\u00eb e vras\u00ebsit t\u00eb mamas\u00eb time ti ta b\u00ebsh an\u00ebtar t\u00eb Gjykat\u00ebs s\u00eb Lart\u00eb. Ilir Ngresi m\u00eb ka v\u00ebn\u00eb piistolet\u00ebn n\u00eb sall\u00eb t\u00eb gjyqit.\u201d-<\/em> tha Caka i cili shtoi se Ngresi i tha \u201dDo t\u00eb vras si\u00e7 t\u00eb vrava n\u00ebn\u00ebn\u201d<\/em>. Sipas tij ka d\u00ebshmitar\u00eb p\u00ebr k\u00ebt\u00eb.<\/span><\/p>\n