{"id":528016,"date":"2022-06-05T14:38:04","date_gmt":"2022-06-05T12:38:04","guid":{"rendered":"https:\/\/www.hashtag.al\/?p=528016"},"modified":"2022-06-05T14:38:43","modified_gmt":"2022-06-05T12:38:43","slug":"presidenca-sqaron-firmosjen-e-dekretit-per-lirimin-e-begajt-nga-ushtria-procedura-u-perpilua-ne-tirane","status":"publish","type":"post","link":"https:\/\/www.hashtag.al\/index.php\/2022\/06\/05\/presidenca-sqaron-firmosjen-e-dekretit-per-lirimin-e-begajt-nga-ushtria-procedura-u-perpilua-ne-tirane\/","title":{"rendered":"Presidenca sqaron firmosjen e dekretit p\u00ebr lirimin e Begajt nga ushtria: Procedura u p\u00ebrpilua n\u00eb Tiran\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Presidenca n\u00ebp\u00ebrmjet nj\u00eb deklarate publike i \u00ebsht\u00eb p\u00ebrgjigjur kritikave mbi dekretin p\u00ebr lirimin nga detyra t\u00eb Bajram Begajt si Shef i Shtabit i P\u00ebrgjithsh\u00ebm t\u00eb Forcave t\u00eb Armatosura.<\/span><\/p>\n

Z\u00ebdh\u00ebn\u00ebsi p\u00ebr Mediat n\u00eb Presidenc\u00eb, Tedi Blushi thot\u00eb se propozimi i Kryeministrit dhe k\u00ebrkesa p\u00ebr dor\u00ebheqje jan\u00eb shqyrtuar nga stafi i Presidentit n\u00eb Tiran\u00eb m\u00eb pas \u00ebsht\u00eb firmosur dekreti n\u00eb Turqi nga Ilir Meta.<\/span><\/p>\n

Blushi thot\u00eb se Meta nuk donte q\u00eb t\u00eb b\u00ebhej penges\u00eb p\u00ebr ecurin\u00eb e procedurave parlamentare dhe kopja e dekretit t\u00eb n\u00ebnshkruar \u00ebsht\u00eb administruar elektronikisht n\u00eb Tiran\u00eb n\u00eb Presidenc\u00eb duke u p\u00ebrcjellur m\u00eb pas kjo kopje me vul\u00eb dhe firm\u00eb t\u00eb Sekretarit t\u00eb P\u00ebrgjithsh\u00ebm n\u00eb Kuvend.<\/span><\/p>\n

Z\u00ebdh\u00ebn\u00ebsi thekson se procedura administrative e p\u00ebrpilimit dhe sekretimit t\u00eb aktit t\u00eb dekretit \u00ebsht\u00eb b\u00ebr\u00eb e gjitha n\u00eb Tiran\u00eb.<\/span><\/p>\n

\u201cMiratimi i nj\u00eb dekreti Presidencial si form\u00eb e shprehjes s\u00eb vullnetit mund t\u00eb b\u00ebhet kudo, por shqyrtimi i praktik\u00ebs dhe hartimi i aktit, plot\u00ebsimi i ekremiteteve, num\u00ebrtimit, protokollimit, sekretimit, njehsimit, etj, jan\u00eb veprime administrative q\u00eb kryhen n\u00eb Tiran\u00eb, n\u00eb selin\u00eb e Institucionit t\u00eb Presidentit t\u00eb Republik\u00ebs nga ku kryhet sipas ligjit dhe p\u00ebrcjellja zyrtare e aktit nga Sekretari i P\u00ebrgjithsh\u00ebm i Institucionit p\u00ebr zbatim tek autoritetet p\u00ebrgjegj\u00ebse apo k\u00ebrkuese\u201d-shkruan nd\u00ebr t\u00eb tjera.<\/span><\/p>\n

Reagimi i plot\u00eb:<\/strong><\/span><\/p>\n

N\u00eb p\u00ebrgjigje t\u00eb interesimit t\u00eb mediave BalkanWeb, News 24, Ora News, ABC, Syri TV, Panorama Online, Euronews Albania, Klan Ne\u00ebs, gazeta Standard, si dhe n\u00eb sqarim t\u00eb opinionit publik, b\u00ebjm\u00eb me dije se:<\/span><\/p>\n

Propozimi i Kryeministrit dhe k\u00ebrkesa p\u00ebr dor\u00ebheqje e Shefit t\u00eb Shtabit t\u00eb P\u00ebrgjithsh\u00ebm nga detyra dhe lirimin nga sh\u00ebrbimi aktiv \u00ebsht\u00eb administruar n\u00eb Tiran\u00eb, \u00ebsht\u00eb shqyrtuar nga stafi i Presidentit t\u00eb Republik\u00ebs n\u00eb Selin\u00eb e Tij, po n\u00eb Tiran\u00eb.<\/span><\/p>\n

Pasi \u00ebsht\u00eb arritur n\u00eb p\u00ebrfundimin se, propozimi i Kryeministrit dhe dor\u00ebheqja e Shefit t\u00eb Shtabit t\u00eb P\u00ebrgjithsh\u00ebm duhej pranuar, pa vones\u00eb dhe n\u00eb m\u00ebnyr\u00eb q\u00eb Presidenti Meta t\u00eb mos b\u00ebhej penges\u00eb p\u00ebr ecurin\u00eb e procedurave parlamentare p\u00ebr zgjedhjen e Presidentit t\u00eb ri, praktika administrative dhe Dekreti i Presidentit \u00ebsht\u00eb punuar n\u00eb Tiran\u00eb, \u00ebsht\u00eb hartuar n\u00eb Tiran\u00eb, \u00ebsht\u00eb num\u00ebrtuar n\u00eb Tiran\u00eb dhe i \u00ebsht\u00eb p\u00ebrcjell\u00eb Presidentit, i cili e ka shprehur vullnetin e Tij publikisht p\u00ebrmes n\u00ebnshkrimit t\u00eb aktit.<\/span><\/p>\n

N\u00eb vijim kopje e dekretit t\u00eb n\u00ebnshkruar \u00ebsht\u00eb administruar elektronikisht n\u00eb Tiran\u00eb n\u00eb selin\u00eb e Presidentit, nga ku sipas procedurave ligjore administrative \u00ebsht\u00eb sekretuar dhe kopje e k\u00ebtij dekreti e vulosur me shkres\u00eb zyrtare t\u00eb Sekretarit t\u00eb P\u00ebrgjithsh\u00ebm t\u00eb Institucionit t\u00eb Presidentit i \u00ebsht\u00eb p\u00ebrcjell\u00eb zyrtarisht autoriteteve k\u00ebrkuese (Kryemimistrit dhe Ministrit t\u00eb Mbrojtjes).<\/span><\/p>\n

Forma, p\u00ebrmbajtja dhe ekstremitetet e dekretit t\u00eb Presidentit t\u00eb Republik\u00ebs nuk ndryshojn\u00eb, pavar\u00ebsisht vendit nga ku \u00ebsht\u00eb b\u00ebr\u00eb publik vullneti dhe n\u00ebnshkruar ky akt.<\/span><\/p>\n

Miratimi i nj\u00eb dekreti Presidencial si form\u00eb e shprehjes s\u00eb vullnetit mund t\u00eb b\u00ebhet kudo, por shqyrtimi i praktik\u00ebs dhe hartimi i aktit, plot\u00ebsimi i ekremiteteve, num\u00ebrtimit, protokollimit, sekretimit, njehsimit, etj, jan\u00eb veprime administrative q\u00eb kryhen n\u00eb Tiran\u00eb, n\u00eb selin\u00eb e Institucionit t\u00eb Presidentit t\u00eb Republik\u00ebs nga ku kryhet sipas ligjit dhe p\u00ebrcjellja zyrtare e aktit nga Sekretari i P\u00ebrgjithsh\u00ebm i Institucionit p\u00ebr zbatim tek autoritetet p\u00ebrgjegj\u00ebse apo k\u00ebrkuese.<\/span><\/p>\n

Kushtetuta n\u00eb nenin 93 parashikon vet\u00ebm se, Presidenti i Republik\u00ebs, n\u00eb zbatim t\u00eb kompetencave t\u00eb tij, nxjerr dekrete.<\/span><\/p>\n

P\u00ebr \u00e7do t\u00eb interesuar q\u00eb d\u00ebshiron t\u00eb njihet me p\u00ebrmbajtjen e dekretit e gjen at\u00eb t\u00eb publikuar si gjithmon\u00eb n\u00eb faqen e institucionit n\u00eb linkun e m\u00ebposht\u00ebm:<\/span><\/p>\n

Presidenti Meta dekreton lirimin nga detyra t\u00eb Shefit t\u00eb Shtabit t\u00eb P\u00ebrgjithsh\u00ebm t\u00eb Forcave t\u00eb Armatosura t\u00eb Republik\u00ebs s\u00eb Shqip\u00ebris\u00eb, Gjeneralmajor Bajram Rushit Begaj, si dhe nxjerrjen n\u00eb lirim nga sh\u00ebrbimi aktiv n\u00eb Forcat e Armatosura<\/a><\/p><\/blockquote>\n