{"id":519207,"date":"2022-04-22T12:31:53","date_gmt":"2022-04-22T10:31:53","guid":{"rendered":"https:\/\/www.hashtag.al\/?p=519207"},"modified":"2022-04-22T12:37:55","modified_gmt":"2022-04-22T10:37:55","slug":"nuk-pyeta-per-jeten-time-shqiptari-hero-ne-itali-shpetoi-foshnjen-qe-kishte-rene-ne-liqenin-e-ngrire","status":"publish","type":"post","link":"https:\/\/www.hashtag.al\/index.php\/2022\/04\/22\/nuk-pyeta-per-jeten-time-shqiptari-hero-ne-itali-shpetoi-foshnjen-qe-kishte-rene-ne-liqenin-e-ngrire\/","title":{"rendered":"\u201cNuk pyeta p\u00ebr jet\u00ebn time\u201d- Shqiptari hero n\u00eb Itali, shp\u00ebtoi foshnj\u00ebn q\u00eb kishte r\u00ebn\u00eb n\u00eb liqenin e ngrir\u00eb","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Nj\u00eb shqiptar \u00ebsht\u00eb kthyer n\u00eb hero n\u00eb Itali pasi ka shp\u00ebtuar t\u00eb h\u00ebn\u00ebn n\u00eb m\u00ebngjes nj\u00eb familje turist\u00ebsh t\u00eb cil\u00ebt ran\u00eb n\u00eb uj\u00ebrat e ngrira t\u00eb liqenit Braies, pasi po b\u00ebnin nj\u00eb sh\u00ebtitje mbi akull.<\/span><\/p>\n

Mediet<\/a> italiane shkruajn\u00eb se Tomorr Buzi ishte n\u00eb nj\u00eb udh\u00ebtim n\u00eb liqenin Braies me gruan dhe vajzat e tij, kur d\u00ebgjoi britmat e nj\u00eb gruaje q\u00eb k\u00ebrkonte d\u00ebshp\u00ebrimisht ndihm\u00eb, si dhe klithmat e nj\u00eb foshnje, djali i saj kat\u00ebr muajsh.<\/span><\/p>\n

Pa hezituar, Buzi vrapoi p\u00ebr t\u00eb shp\u00ebtuar t\u00eb voglin duke rrezikuar edhe jet\u00ebn e tij.<\/span><\/p>\n

Sipas asaj q\u00eb shkruajn\u00eb mediat<\/a> italiane, Buzi u zvarrit dhe u rrotullua me kujdes n\u00eb akull, p\u00ebr t\u00eb arritur tek f\u00ebmija n\u00eb rrezik edhe pse rrezikonte t\u00eb binte vet\u00eb brenda.<\/span><\/p>\n

\u201cAskush nuk mund t’i rezistonte kurr\u00eb klithmave t\u00eb nj\u00eb gruaje q\u00eb k\u00ebrkon ndihm\u00eb, aq m\u00eb pak klithm\u00ebs s\u00eb nj\u00eb foshnje. Ai ishte aq i vog\u00ebl dhe i pafuqish\u00ebm. Kur e pash\u00eb, i prekur nga instinkti, vrapova menj\u00ebher\u00eb p\u00ebr ta shp\u00ebtuar. \u00cbsht\u00eb \u00e7\u00ebshtje sekondash n\u00eb t\u00eb cilat ti nuk p\u00ebr asgj\u00eb tjet\u00ebr vecc misionit t\u00ebnd. I imi, n\u00eb at\u00eb moment, ishte ta shp\u00ebtoja at\u00eb.<\/em>\u201d-thot\u00eb shqiptari.<\/span><\/p>\n

Nuk i kushtoi r\u00ebnd\u00ebsi rrobave q\u00eb kishte veshur, as celularit dhe portofolit q\u00eb kishte n\u00eb xhep.<\/span><\/p>\n

\u201cGruaja ime dhe vajzat e mia kishin frik\u00eb, un\u00eb jo. N\u00eb at\u00eb moment provova gjith\u00e7ka. Por kurr\u00eb nuk kam pasur frik\u00eb p\u00ebr jet\u00ebn time. Ai f\u00ebmij\u00eb ishte n\u00eb rrezik, nd\u00ebrsa familja ime ishte e sigurt dhe kjo mjaftoi p\u00ebr t\u00eb m\u00eb b\u00ebr\u00eb t\u00eb drejtoja veten p\u00ebr nga i vogli\u201d.<\/em><\/span><\/p>\n

Pasi e nxori nga uji i ngrir\u00eb, Tomorr Buzi e vendosi foshnj\u00ebn n\u00eb sip\u00ebrfaqen e ngrir\u00eb duke pritur ndihm\u00eb. Ai vet\u00eb q\u00ebndroi n\u00eb ujin e akullt. Pasi mb\u00ebrriti ndihma, t\u00eb dy u shp\u00ebtuan.<\/span><\/p>\n

Pas disa dit\u00ebsh, burri thot\u00eb se \u00ebsht\u00eb krenar p\u00ebr veprimin e tij dhe tregon se sa krenar\u00eb jan\u00eb edhe gruaja dhe vajzat e tij, pavar\u00ebsisht shqet\u00ebsimit t\u00eb fillimit.<\/span><\/p>\n

\u201cM\u00eb vjen keq q\u00eb shqet\u00ebsova familjen time, por e dija q\u00eb po b\u00ebja gj\u00ebn\u00eb e duhur dhe e di q\u00eb edhe ata thell\u00eb brenda vetes menduan t\u00eb nj\u00ebjt\u00ebn gj\u00eb. N\u00ebse do t\u00eb kthehesha, do ta b\u00ebja p\u00ebrs\u00ebri.\u201d- p\u00ebrfundon 43-vje\u00e7ari nga Romano.<\/em><\/span><\/p>\n

Ai mori urime nga t\u00eb njohur, miqt\u00eb e tij por edhe nga kryetari i bashkis\u00eb n\u00eb Romano, Sebastian Nicoli, i cili m\u00ebngjesin e s\u00eb enjtes takoi dhe falenderoi personalisht bashk\u00ebqytetarin e tij.<\/span><\/p>\n

\u201cRreshteri m\u00eb tha se Tomorri, kur pa f\u00ebmij\u00ebn dhe prind\u00ebrit e rinj n\u00eb rrezik, nuk ngurroi t’i vinte n\u00eb ndihm\u00eb. Pavar\u00ebsisht se familja e tij e shqet\u00ebsuar i k\u00ebrkonte t\u00eb mos rrezikonte jet\u00ebn e tij, Tomorr u zvarrit mbi akullin e brisht\u00eb derisa arriti tek foshnja, e cila qante gjithnj\u00eb e m\u00eb dob\u00ebt. Rreshteri, i pushtuar nga emocioni p\u00ebr t\u00eb kujtuar ato momente dramatike, m\u00eb tregoi se si e priti vet\u00eb, nga krah\u00ebt e Tomorrit, k\u00ebt\u00eb f\u00ebmij\u00eb, i cili i shp\u00ebtoi vdekjes s\u00eb sigurt vet\u00ebm fal\u00eb nd\u00ebrhyrjes heroike dhe n\u00eb koh\u00eb t\u00eb bashk\u00ebqytetarit ton\u00eb. K\u00ebrkova q\u00eb sot n\u00eb m\u00ebngjes t\u00eb mund t\u00eb takohem personalisht me zotin Tomorr Buzi, t\u00eb kem nderin t’i shtr\u00ebngoj dor\u00ebn, ta fal\u00ebnderoj dhe t\u00eb shpreh, n\u00eb em\u00ebr t\u00eb gjith\u00eb komunitetit ton\u00eb, sa krenar\u00eb jemi p\u00ebr t\u00eb.\u201d<\/em>– kryebashkiaku Nicoli.<\/span><\/p>\n