{"id":516478,"date":"2022-04-08T17:32:06","date_gmt":"2022-04-08T15:32:06","guid":{"rendered":"https:\/\/www.hashtag.al\/?p=516478"},"modified":"2022-04-08T17:32:06","modified_gmt":"2022-04-08T15:32:06","slug":"larg-duart-nga-butrinti-analiza-e-ekspertit-te-se-drejtes-nderkombetare-agron-alibali","status":"publish","type":"post","link":"https:\/\/www.hashtag.al\/index.php\/2022\/04\/08\/larg-duart-nga-butrinti-analiza-e-ekspertit-te-se-drejtes-nderkombetare-agron-alibali\/","title":{"rendered":"“Larg duart nga Butrinti” – Analiza e ekspertit t\u00eb s\u00eb drejt\u00ebs nd\u00ebrkomb\u00ebtare Agron Alibali","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Shqet\u00ebsim t\u00eb ligjsh\u00ebm kan\u00eb shkaktuar planet p\u00ebr kalimin e Butrintit n\u00ebn menaxhimin efektiv t\u00eb nj\u00eb fondacioni t\u00eb huaj privat<\/span><\/p>\n

Nga Agron Alibali<\/span><\/strong><\/em><\/p>\n

(Jurist i s\u00eb Drejt\u00ebs Nd\u00ebrkomb\u00ebtare)<\/span><\/strong><\/p>\n

\"\"<\/span><\/strong><\/p>\n

Hyrje<\/span><\/strong><\/p>\n

Fundjav\u00ebn e 3-4 marsit 1933, Ministri amerikan n\u00eb Tiran\u00eb, Herman Bernstein e kaloi n\u00eb Butrint. I shoq\u00ebruar nga Kol\u00eb Kuqali, p\u00ebrkthyes zyrtar i Legat\u00ebs, Z. Bernstein takoi Prof. Ugolinin, i cili kryesonte ekipin e arkeolog\u00ebve q\u00eb po b\u00ebnin g\u00ebrmime n\u00eb Butrint, ku merrte pjes\u00eb edhe Hasan Ceka. Sipas nj\u00eb njoftimi t\u00eb gazet\u00ebs\u00a0 \u201cBESA\u201d t\u00eb 8 marsit 1933,\u00a0 -\u201cMinistri p\u00ebrshkroi si t\u00eb pakrahasueshme pasurin\u00eb arkeologjike dhe historike t\u00eb Butrintit, i cili lidh t\u00eb kaluar\u00ebn e Shqip\u00ebris\u00eb me t\u00eb tashmen e saj\u201d.<\/span><\/p>\n

Duke u kthyer n\u00eb dit\u00eb tona, Parku Komb\u00ebtar i Butrintit \u00ebsht\u00eb sot perla e turizmit shqiptar. I p\u00ebrfshir\u00eb edhe n\u00eb list\u00ebn e \u201cUNESCO\u201d-s si pjes\u00eb e Trash\u00ebgimis\u00eb Bot\u00ebrore, Butrinti ka Vler\u00eb t\u00eb Jasht\u00ebzakonshme Universale [Outstanding Universal Value] dhe mbrohet me kujdes t\u00eb ve\u00e7ant\u00eb nga legjislacioni shqiptar, i cili ka inkorporuar edhe disa konventa t\u00eb r\u00ebnd\u00ebsishme ku Shqip\u00ebria \u00ebsht\u00eb pal\u00eb.Nd\u00ebr to kryet e vendit e z\u00eb Konventa p\u00ebr Trash\u00ebgimin\u00eb Bot\u00ebrore e n\u00ebnshkruar n\u00eb Paris n\u00eb vitin 1972.<\/span><\/p>\n

1. Akrobacira t\u00eb habitshme juridike<\/span><\/strong><\/p>\n

Nd\u00ebrkoh\u00eb q\u00eb opinioni publik n\u00eb Shqip\u00ebri p\u00ebrcjell me v\u00ebmendje debatin demokratik lidhur me Teatrin Komb\u00ebtar n\u00eb Tiran\u00eb, me p\u00ebrjashtim t\u00eb pak prononcimeve, ekziston nj\u00eb indiferentiz\u00ebm i p\u00ebrkohsh\u00ebm p\u00ebr fatin e Teatrit Antik t\u00eb Butrintit dhe m\u00eb gjer\u00eb, p\u00ebr t\u00eb tashmen dhe t\u00eb ardhmen e mbar\u00eb Parkut Komb\u00ebtar t\u00eb Butrintit.<\/span><\/p>\n

Megjithat\u00eb, shqet\u00ebsim t\u00eb ligjsh\u00ebm kan\u00eb shkaktuar planet p\u00ebr kalimin e Parkut Komb\u00ebtar t\u00eb Butrintit n\u00ebn menaxhimin efektiv t\u00eb nj\u00eb fondacioni t\u00eb huaj privat. Hap\u00ebsira ligjore q\u00eb ka mund\u00ebsuar nj\u00eb hap t\u00eb till\u00eb, t\u00eb pashembullt n\u00eb historin\u00eb dhe praktik\u00ebn juridike t\u00eb vendit jan\u00eb Nenet 171-173 t\u00eb Ligjit Nr. 27\/2018, dat\u00eb 17.5.2018\u00a0 \u201cP\u00ebr trash\u00ebgimin\u00eb kulturore dhe muzet\u00eb\u201d.<\/span><\/p>\n

\"\"<\/span><\/p>\n

Lidhur me m\u00ebnyrat e administrimit t\u00eb pasurive kulturore ky Ligj p\u00ebrcakton \u00e7udit\u00ebrisht se \u201cPasurit\u00eb kulturore n\u00eb pron\u00eb si publike administrohen n\u00eb form\u00eb direkte ose indirekte. [Neni 171.1]. \u00cbsht\u00eb pik\u00ebrisht \u201cadministrimi indirekt\u201dq\u00eb u \u00e7el shtegun \u201cfondacioneve t\u00eb posa\u00e7me t\u00eb trash\u00ebgimis\u00eb kulturore\u201d<\/strong>[Neni 171.3.a].K\u00ebto krijohen sipas Nenit 172, i cili atyre u jep kompetenca shum\u00eb t\u00eb gjera administrimi. Dispozita u hap rrug\u00eb k\u00ebtyre fondacioneve t\u00eb posa\u00e7me q\u00eb, n\u00eb trajt\u00ebn e personave fizik\u00eb ose juridik\u00eb privat\u00eb \u201ct\u00eb huaj\u201d<\/strong>, t\u00eb fitojn\u00eb tagrin e marrjes s\u00eb Butrintit, \u201cn\u00eb p\u00ebrdorim t\u00eb drejtp\u00ebrdrejt\u00eb, dhe \u201cn\u00eb m\u00ebnyr\u00eb jo shteruese\u201d. E th\u00ebn\u00eb ndryshe, p\u00ebrmes akrobacive t\u00eb habitshme juridike q\u00eb nd\u00ebrmarrin kap\u00ebrcimin alogjik nga \u201cadministrimi indirekt\u201d tek \u201cp\u00ebrdorimi i drejtp\u00ebrdrejt\u00eb\u201d,\u00a0 k\u00ebto tri nene b\u00ebjn\u00eb q\u00eb Butrinti n\u00eb t\u00eb ardhmen t\u00eb menaxhohet jo m\u00eb nga institucionet e shtetit shqiptar, por n\u00eb thelb nga nj\u00eb fondacion i huaj.<\/span><\/p>\n

2. Ligji shqiptar n\u00eb kund\u00ebrshtim me Kushtetut\u00ebn dhe Konvent\u00ebn e Parisit<\/span><\/strong><\/p>\n

Dispozitat q\u00eb mund\u00ebsojn\u00eb menaxhimin e Parkut Komb\u00ebtar t\u00eb Butrintit nga fondacione t\u00eb huaja private, pavar\u00ebsisht nga fasadat apo instrumentet juridike t\u00eb p\u00ebrdorura, jan\u00eb n\u00eb kund\u00ebrshtim t\u00eb hapur me Kushtetut\u00ebn e Republik\u00ebs s\u00eb Shqip\u00ebris\u00eb, si dhe me frym\u00ebn dhe g\u00ebrm\u00ebn e Konvent\u00ebs s\u00eb Trash\u00ebgimis\u00eb Bot\u00ebrore t\u00eb v. 1972, ku Shqip\u00ebria \u2013 por edhe SHBA \u2013 jan\u00eb pal\u00eb. Me t\u00eb v\u00ebrtet\u00eb, Kushtetuta e Shqip\u00ebris\u00eb, Neni 5, p\u00ebrcakton se \u201cRepublika e Shqip\u00ebris\u00eb zbaton t\u00eb drejt\u00ebn nd\u00ebrkomb\u00ebtare t\u00eb detyrueshme p\u00ebr t\u00eb.\u201d M\u00eb tej, Neni 116 i Kushtetut\u00ebs p\u00ebrcakton se, sipas hierarkis\u00eb juridike, marr\u00ebveshjet nd\u00ebrkomb\u00ebtare t\u00eb ratifikuara kan\u00eb ep\u00ebrsi ndaj ligjeve. Pra, ligji shqiptar p\u00ebr trash\u00ebgimin\u00eb kulturore duhet t\u00eb jet\u00eb detyrimisht n\u00eb pajtim me Konvent\u00ebn e Trash\u00ebgimis\u00eb Bot\u00ebrore t\u00eb Parisit.<\/span><\/p>\n

Duke kaluar tek Konventa e Parisit, parimi themelor i saj \u00ebsht\u00eb roli i padiskutuesh\u00ebm par\u00ebsor i shteteve an\u00ebtare, [\u201cShtete Pal\u00eb\u201d], n\u00eb administrimin e pasurive kulturore dhe natyrore n\u00eb territoret e tyre.<\/span><\/p>\n

Neni 4 i Konvent\u00ebs shprehet m\u00ebse qart\u00eb se \u201cdetyra\u201d [the duty], p\u00ebr t\u00eb siguruar identifikimin, mbrojtjen, konservimin, prezantimin dhe p\u00ebrcjelljen p\u00ebr brezat e ardhsh\u00ebm t\u00eb trash\u00ebgimis\u00eb kulturore dhe natyrore[\u2026] q\u00eb ndodhet n\u00eb territorin e tij i takon n\u00eb m\u00ebnyr\u00eb par\u00ebsore atij Shteti.\u201d<\/strong>. Si mund t\u00eb zbatohen k\u00ebto \u201cdetyra\u201d nga Shteti Pal\u00eb n\u00ebse ky nuk e menaxhon vet\u00eb sitin e trash\u00ebgimis\u00eb kulturore dhe natyrore?<\/span><\/p>\n

Po ashtu, Neni 6 .1, ripohon se \u201csovraniteti i Shteteve n\u00eb territorin e t\u00eb cilit ndodhet trash\u00ebgimia kulturore dhe natyrore respektohet plot\u00ebsisht\u201d<\/strong>, dhe \u201ct\u00eb drejtat pasurore t\u00eb mbrojtura n\u00eb legjislacionin komb\u00ebtar nuk paragjykohen\u201d.<\/span><\/p>\n

Kurse Neni 6.3, \u00ebsht\u00eb edhe m\u00eb eksplicit n\u00eb p\u00ebrcakimin e rolit unik dhe t\u00eb pazev\u00ebnd\u00ebsuesh\u00ebm t\u00eb Shteteve Pal\u00eb n\u00eb rregullimin e statutit juridik dhe menaxhimin apo administrimin e trash\u00ebgimis\u00eb kulturore dhe natyrore duke p\u00ebrcaktuar se \u201c\u00e7do \u201cShtet Pal\u00eb\u201d zotohet t\u00eb mos nd\u00ebrmarr\u00eb asnj\u00eb mas\u00eb t\u00eb q\u00ebllimshme, [deliberate measure], q\u00eb mund t\u00eb d\u00ebmtoj\u00eb direkt ose indirekt trash\u00ebgimin\u00eb kulturore dhe natyrore, [\u2026] q\u00eb gjendet n\u00eb territorin e nj\u00eb Shteti Pal\u00eb tjet\u00ebr\u201d.<\/span><\/p>\n

\"\"<\/p>\n

3. Fondacionet private vet\u00ebm mund t\u00eb nxisin donacione<\/span><\/strong><\/p>\n

Konventa e Trash\u00ebgimis\u00eb Bot\u00ebrore p\u00ebrkufizon fare qart\u00eb edhe rolin e fondacioneve t\u00eb ndryshme \u201cpublike ose private\u201d n\u00eb mbrojtjen e trash\u00ebgimis\u00eb kulturore dhe natyrore. Sipas Nenit 17 t\u00eb Konvent\u00ebs, k\u00ebto fondacione, s\u00eb pari, duhet t\u00eb jen\u00eb vendase, pra jo t\u00eb huaja [dhe n\u00eb fakt Konventa p\u00ebrdor termin \u201cnational\u201d]; s\u00eb dyti, ato mund t\u00eb angazhohen vet\u00ebm p\u00ebr q\u00ebllime filantropike. Vet\u00ebm kaq. Konventa nuk p\u00ebrmend\u00a0 askund se fondacionet vendase, [t\u00eb huajat jo se jo], t\u00eb angazhohen n\u00eb \u00e7far\u00ebdolloj m\u00ebnyre p\u00ebr q\u00ebllime drejtimi, menaxhimi, administrimi, t\u00eb dh\u00ebnies s\u00eb asistenc\u00ebs p\u00ebr hartim legjislacioni, etj. P\u00ebr qart\u00ebsi po p\u00ebrcjellim t\u00eb plot\u00eb tekstin e Nenit 17 t\u00eb Konvent\u00ebs s\u00eb Parisit, n\u00eb shqip dhe anglisht:<\/span><\/p>\n

\u201cShtetet Pal\u00eb t\u00eb k\u00ebsaj Konvente do t\u00eb marrin n\u00eb konsiderat\u00eb ose do t\u00eb inkurajojn\u00eb ngritjen e fondacioneve ose shoqatave vendase<\/strong> publike ose private, q\u00ebllimi i t\u00eb cilave \u00ebsht\u00eb t\u00eb ftojn\u00eb donacione<\/strong> p\u00ebr mbrojtjen e trash\u00ebgimis\u00eb kulturore dhe natyrore sikurse p\u00ebrcaktohet n\u00eb Nenin 1 dhe 2 t\u00eb Konvent\u00ebs\u201d. [theksimi yni, A.A.].<\/span><\/em><\/p>\n

The States Parties to this Convention shall consider or encourage the establishment of national public and private foundations or associations whose purpose is to invite donations for the protection of the cultural and natural heritage as defined in Articles 1 and 2 of this Convention.[1]<\/span><\/em><\/p>\n

Udh\u00ebzimet Operacionale p\u00ebr Zbatimin e Konvent\u00ebs s\u00eb Trash\u00ebgimis\u00eb Bot\u00ebrore e ripohojn\u00eb frym\u00ebn e Konvent\u00ebs p\u00ebr kufizimin e rolit t\u00eb fondacioneve private vet\u00ebm p\u00ebr \u201cdonacione\u201d. Me t\u00eb v\u00ebrtet\u00eb, Paragrafi 15, \u201cduke respektuar t\u00ebr\u00ebsisht sovranitetin e \u201cShteteve Pal\u00eb\u201d n\u00eb territorin e t\u00eb cilave ndodhet trash\u00ebgimia kulturore dhe natyrore\u201d, rithekson se ato mund \u201ct\u00eb konsiderojn\u00eb dhe inkurajojn\u00eb ngritjen e fondacioneve publike dhe private vendase p\u00ebr t\u00eb leht\u00ebsuar donacionet p\u00ebr mbrojtjen e Trash\u00ebgimis\u00eb Bot\u00ebrore\u201d.<\/span><\/p>\n

Partneriteti me \u201corganizata\u201d private p\u00ebrmendet vet\u00ebm n\u00eb Paragrafin 40, dhe vet\u00ebm n\u00eb kuadrin e \u201cinteresit\u201d p\u00ebrkonservimin dhe menaxhimin e Parqeve, bazuar n\u00eb Deklarat\u00ebn e OKB-s\u00eb p\u00ebr t\u00eb Drejtat e Popujve Indigjen\u00eb<\/strong>, pra parqeve t\u00eb ndodhura kryesisht n\u00eb shtete ish-koloniale q\u00eb zot\u00ebrohen nga popullsi indigjene. Partneriteti me \u201cfondacione\u201d vendase, dhe aq m\u00eb pak \u201cfondacione\u201d t\u00eb huaja nuk parashikohet aspak n\u00eb Udh\u00ebzimet Operacionale.<\/span><\/p>\n

4. Roli i \u00e7uditsh\u00ebm i AADF-s\u00eb<\/span><\/strong><\/p>\n

P\u00ebr habi, v\u00ebrejm\u00eb se Fondacioni Shqiptaro Amerikan i Zhvillimit [American Albanian Development Foundation \u2013 AADF], nj\u00eb fondacion i huaj privat i organizuar sipas ligjeve t\u00eb shtetit Dela\u00ebare n\u00eb SHBA, i paska v\u00ebn\u00eb vetes tagrin t\u00eb nd\u00ebrhyj\u00eb n\u00eb politikat sovrane kulturore t\u00eb shtetit shqiptar, \u00e7ka ve n\u00eb pik\u00ebpyetje detyrimin e padiskutuesh\u00ebm t\u00eb \u201cShtetit Pal\u00eb\u201d sipas s\u00eb drejt\u00ebs nd\u00ebrkomb\u00ebtare dhe t\u00eb brendshme, p\u00ebr zbatimin e dispozitave t\u00eb Konvent\u00ebs s\u00eb Parisit p\u00ebr Trash\u00ebgimin\u00eb Kulturore Bot\u00ebrore t\u00eb v. 1972.<\/span><\/p>\n

Kjo gj\u00eb shfaqet m\u00ebse qart\u00eb nga nj\u00eb hulumtim i faqeve zyrtare t\u00eb AADF-s\u00eb, ku del se kjo e fundit paska pasur si synim, qysh m\u00eb 2014, hartimin e Ligjit problematik p\u00ebr Trash\u00ebgimin\u00eb Kulturore dhe Muzet\u00eb, madje ka sponsorizuar draftet e k\u00ebtij ligji. Nga njoftime t\u00eb shtypit m\u00ebsojm\u00eb edhe faktin e \u00e7uditsh\u00ebm, q\u00eb mund t\u00eb interpretohet edhe si trysni e t\u00ebrthort\u00eb e nj\u00eb shtetasi t\u00eb huaj ndaj institucioneve t\u00eb nj\u00eb vendi sovran, se n\u00eb seanc\u00ebn e miratimit nga Kuvendi i Shqip\u00ebris\u00eb me 17 maj 2018 t\u00eb ligjit t\u00eb m\u00ebsip\u00ebrm, paska qen\u00eb i pranish\u00ebm edhe vet\u00eb Kryetari i Bordit t\u00eb AADF-s\u00eb, z. Michael Granoff. Me interes t\u00eb ve\u00e7ant\u00eb do t\u00eb ishte b\u00ebrja publike e nj\u00eb instrumenti tjet\u00ebr dypal\u00ebsh, Marr\u00ebveshjes Mirela Kumbaro \u2013 Martin Mata t\u00eb 18 korrikut 2018, midis Ministris\u00eb s\u00eb Kultur\u00ebs dhe AADF-s\u00eb, e cila qenka \u201crrjedhoj\u00eb e mb\u00ebshtetjes q\u00eb AADF-ja ofron p\u00ebr zhvillimin e q\u00ebndruesh\u00ebm t\u00eb siteve t\u00eb trash\u00ebgimis\u00eb kulturore dhe turizmit n\u00eb Shqip\u00ebri. Theksojm\u00eb se Konventa e sip\u00ebrcituar e Parisit e v. 1972, nuk p\u00ebrmban askund n\u00eb tekst konceptin e \u201czhvillimit t\u00eb q\u00ebndruesh\u00ebm\u201d<\/strong>, p\u00ebr trash\u00ebgimin\u00eb kulturore dhe natyrore. <\/span><\/p>\n

Vet\u00ebm n\u00eb vitin 2015, \u201cUNESCO\u201d, miratoi nj\u00eb Dokument t\u00eb Politikave p\u00ebr Integrimin e Perspektivave t\u00eb Zhvillimit t\u00eb Q\u00ebndruesh\u00ebm n\u00eb Proceset e Konvent\u00ebs s\u00eb Trash\u00ebgimis\u00eb Bot\u00ebrore. N\u00eb pajtim t\u00eb plot\u00eb me frym\u00ebn dhe germ\u00ebn e Konvent\u00ebs, Dokumenti gjithnj\u00eb dhe n\u00eb \u00e7do rast q\u00eb lidhet me zbatimin e parimeve t\u00eb zhvillimit t\u00eb q\u00ebndruesh\u00ebm u referohet ekskluzivisht \u201cShteteve Pal\u00eb\u201d, dhe aspak \u201cfondacioneve t\u00eb huaja private\u201d. Vet\u00ebm n\u00eb paragrafin 25 t\u00eb Dokumentit p\u00ebrmenden shkarazi \u201cpartneritetet publike- private\u201d, por jo n\u00eb rrug\u00eb detyruese, [where appropriate- \u00ebsht\u00eb gjuha e p\u00ebrdorur], dhe vet\u00ebm p\u00ebr rastet kur sitet e trash\u00ebgimis\u00eb kulturore dhe natyrore jan\u00eb n\u00eb pron\u00ebsi private. Pra, nj\u00eb partneritet i till\u00eb publik privat kurrsesi nuk mund t\u00eb zbatohet brenda territorit dhe perimetrit t\u00eb mbrojtur t\u00eb Parkut Komb\u00ebtar t\u00eb Butrintit, q\u00eb \u00ebsht\u00eb n\u00eb pron\u00ebsi t\u00eb shtetit shqiptar.<\/span><\/p>\n

\"\"<\/p>\n

5. Plani i Menaxhimit t\u00eb Integruar (2020 \u2013 2030)<\/span><\/strong><\/p>\n

Me 16 tetor 2019, Kryetari i Bordit i AADF-s\u00eb, Michael Granoff, i dor\u00ebzoi zyrtarisht autoriteteve shqiptare Planin e ri t\u00eb Menaxhimit t\u00eb Integruar (2020-2030) t\u00eb Parkut Komb\u00ebtar t\u00eb Butrintit, t\u00eb hartuar nga nj\u00eb kompani britanike, p\u00ebr t\u00eb cilin AADF-ja ka shpenzuar 250,000 dollar\u00eb. Kjo \u201cdhurat\u00eb\u201d e shtrenjt\u00eb dhe e pak\u00ebrkuar ofron disa t\u00eb dh\u00ebna interesante. S\u00eb pari, p\u00ebrmendim \u201csqarimin\u201d n\u00eb faqen 1,\u00a0 se \u201cnuk jepet asnj\u00eb garanci q\u00eb parashikimet apo treguesit [e Dokumentit] do t\u00eb p\u00ebrmbushen\u201d. Me fjal\u00eb t\u00eb tjera, vet\u00eb autor\u00ebt pranojn\u00eb se Plani i Menaxhimit nuk \u00ebsht\u00eb Bibla. S\u00eb dyti, Plani i Menaxhimit, sa i takon drejtimit, mb\u00ebshtetet n\u00eb \u201cmodele t\u00eb Siteve t\u00eb Trash\u00ebgimis\u00eb Bot\u00ebrore n\u00eb pron\u00ebsi t\u00eb p\u00ebrbashk\u00ebt, (private, publike dhe jofitimprur\u00ebse), n\u00eb kontekstin e nj\u00eb organizate t\u00eb re jo fitimprur\u00ebse, q\u00eb do t\u00eb marr\u00eb p\u00ebrsip\u00ebr menaxhimin dhe zhvillimin e sitit, ku shteti mban pron\u00ebsin\u00eb e vlerave kulturore dhe natyrore n\u00eb em\u00ebr t\u00eb tij\u201d. Ky, pra \u00ebsht\u00eb thelbi i strategjis\u00eb s\u00eb planit t\u00eb ri t\u00eb menaxhimit, ku shteti kalon n\u00eb rolin e sehirxhiut, dhe \u00e7el\u00ebsat e Butrintit i merr \u201cfondacioni i posa\u00e7\u00ebm i trash\u00ebgimis\u00eb kulturore\u201d, i parashikuar n\u00eb Nenin 171.2, dhe i p\u00ebrmendur m\u00eb lart.<\/span><\/p>\n

Shembujt specifik\u00eb ku autor\u00ebt e mb\u00ebshtesin strategjin\u00eb e tyre jan\u00eb:<\/span><\/p>\n

Stonehenge, Kulla e Londr\u00ebs, Versaja, qyteti romak i Pompeit, dhe Sh\u00ebrbimi Komb\u00ebtar i Parqeve n\u00eb SHBA.<\/span><\/p>\n

Le t\u00eb fillojm\u00eb nga e fundit. Sh\u00ebrbimi Komb\u00ebtar i Parqeve i SHBA-sw, (National Park Service \u2013 NPS), \u00ebsht\u00eb agjenci shtet\u00ebrore federale n\u00eb var\u00ebsi t\u00eb Departamentit t\u00eb Brendsh\u00ebm (Department of Interior) n\u00eb SHBA. NPS-ja, si instrument shtet\u00ebror, ka n\u00eb pron\u00ebsi federale dhe nj\u00ebkoh\u00ebsisht menaxhon qindra parqe komb\u00ebtare n\u00eb mbar\u00eb territorin amerikan, disa prej t\u00eb cilave jan\u00eb pjes\u00eb e Trash\u00ebgimis\u00eb Bot\u00ebrore. Autor\u00ebt e Planit t\u00eb Menaxhimit me t\u00eb drejt\u00eb p\u00ebrmendin se NPS-ja,\u00a0 \u201cka ofruar modelet dhe praktikat m\u00eb t\u00eb mira t\u00eb menaxhimit t\u00eb parqeve komb\u00ebtare, duke p\u00ebrfshir\u00eb \u2026partneritetet publike private (p\u00ebr hotele, hostele, restorante dhe kampe)\u201d. Autor\u00ebt, pra, pranojn\u00eb vet\u00eb se roli i vet\u00ebm i \u00e7do lloj partneri jo-shtet\u00ebror n\u00eb menaxhimin e parqeve komb\u00ebtare, p\u00ebrfshir\u00eb \u201cpartner\u00eb strategjik\u00eb\u201d, \u00ebsht\u00eb tek PPP-t\u00eb \u201cp\u00ebr hotele, hostele, restorante dhe kampe\u201d. Pra, edhe n\u00eb rastin e Parkut Komb\u00ebtar t\u00eb Butrintit, \u00e7do partner privat jo shtet\u00ebror, p\u00ebrfshir\u00eb AADF-n\u00eb mund t\u00eb hyj\u00eb n\u00eb marr\u00ebdh\u00ebnie partneriteti si PPP-\u00eb me Ministrin\u00eb e Kultur\u00ebs vet\u00ebm \u2013 p\u00ebrs\u00ebrisim \u2013 \u201cp\u00ebr hotele, hostele, restorante dhe kampe\u201d. Kaq.<\/span><\/p>\n

Sa u takon siteve t\u00eb tjera t\u00eb p\u00ebrmendura, t\u00eb gjitha ato, p\u00ebrfshir\u00eb Stonehenge, jan\u00eb n\u00eb pron\u00ebsi shtet\u00ebrore dhe drejtohen, administrohen, apo menaxhohen p\u00ebrkat\u00ebsisht nga shteti anglez, francez dhe italian, p\u00ebrmes organizmave specifik\u00eb administrative me struktur\u00eb dhe em\u00ebrtime t\u00eb ndryshme sipas legjislacionit t\u00eb brendsh\u00ebm dhe kurdoher\u00eb n\u00eb p\u00ebrputhje me Konvent\u00ebn p\u00ebr Trash\u00ebgimin\u00eb Bot\u00ebrore t\u00eb Parisit. N\u00eb asnj\u00eb rast, n\u00eb dijenin\u00eb ton\u00eb, drejtimi, administrimi apo menaxhimi i tyre nuk u besohen fondacioneve vendase private, aq m\u00eb pak t\u00eb huaja. Roli i fondacioneve \u00ebsht\u00eb kryesisht filantropik.<\/span><\/p>\n

M\u00eb tej, edhe sa i takon menaxhimit ekologjik, biodiversitetit dhe zhvillimit e komunitetit, autor\u00ebt e Planit t\u00eb Menaxhimit t\u00eb Integruar, citojn\u00eb si praktika m\u00eb t\u00eb mira parqet komb\u00ebtare amerikane n\u00eb shtetet Vermont, Luisiana, Delaware dhe Florida. P\u00ebrs\u00ebri ata pranojn\u00eb vet\u00eb se k\u00ebto site administrohen nga Sh\u00ebrbimi Komb\u00ebtar i Parqeve i SHBA-s\u00eb, dhe jo nga fondacione private.<\/span><\/p>\n

Mir\u00ebpo, n\u00eb kund\u00ebrshtim me praktikat m\u00eb t\u00eb mira t\u00eb administrimit t\u00eb parqeve nga organizma administrative t\u00eb Shteteve Pal\u00eb, t\u00eb cituara nga vet\u00eb autor\u00ebt, Plani i propozuar i Menaxhimit t\u00eb Integruar t\u00eb Parkut Komb\u00ebtar t\u00eb Butrintit paraqet n\u00eb ff. 95-98 skem\u00ebn se si realizohet kalimi i Parkut Komb\u00ebtar t\u00eb Butrintit n\u00ebn drejtimin, administrimin apo menaxhimin e nj\u00eb fondacioni t\u00eb huaj, t\u00eb quajtur me eufemiz\u00ebm \u201cpartner strategjik\u201d, n\u00eb p\u00ebrputhje me \u201cakrobacin\u00eb juridike\u201d t\u00eb parashikuar n\u00eb Nenet 171-173 t\u00eb Ligjit p\u00ebr Trash\u00ebgimin\u00eb Kulturore e Muzet\u00eb, 27\/2018. Kjo nj\u00ebmend\u00ebsohet p\u00ebrmes ngritjes s\u00eb nj\u00eb \u201cfondacioni t\u00eb ri\u201d, si mbules\u00eb juridike e partnerit strategjik.<\/span><\/p>\n

Fondacioni i Ri, nuk \u00ebsht\u00eb gj\u00eb tjet\u00ebr ve\u00e7se nj\u00eb sajes\u00eb juridike q\u00eb ka p\u00ebr q\u00ebllim \u00e7veshjen e shtetit shqiptar nga prerogativat sovrane p\u00ebr drejtimin, administrimin dhe menaxhimin e pasurive t\u00eb veta kulturore dhe natyrore, n\u00eb rastin ton\u00eb, t\u00eb Parkut Komb\u00ebtar t\u00eb Butrintit. P\u00ebr m\u00eb tep\u00ebr, struktura e Fondacionit t\u00eb Ri \u00ebsht\u00eb n\u00eb kund\u00ebrshtim me frym\u00ebn dhe germ\u00ebn e Konvent\u00ebs s\u00eb Trash\u00ebgimis\u00eb Bot\u00ebrore t\u00eb Parisit, q\u00eb u njeh vet\u00ebm Shteteve Pal\u00eb \u201cdetyr\u00ebn p\u00ebr t\u00eb siguruar identifikimin, mbrojtjen, konservimin, prezantimin dhe p\u00ebrcjelljen p\u00ebr brezat e ardhsh\u00ebm t\u00eb trash\u00ebgimis\u00eb kulturore dhe natyrore[\u2026] q\u00eb ndodhet n\u00eb territorin e tij [dhe q\u00eb]i takon n\u00eb m\u00ebnyr\u00eb par\u00ebsore atij Shteti.<\/strong>\u201d [Neni 4].\u00a0 <\/span><\/p>\n

Struktura e propozuar \u00ebsht\u00eb po ashtu n\u00eb shkelje t\u00eb\u00a0 Nenit 17 t\u00eb Konvent\u00ebs s\u00eb Trash\u00ebgimis\u00eb Bot\u00ebrore, q\u00eb p\u00ebrcakton se roli i \u201cfondacioneve\u201d \u00ebsht\u00eb p\u00ebr t\u00eb \u201cftuar donacione\u201d, dhe kurrsesi p\u00ebr q\u00ebllime drejtimi, menaxhimi apo administrimi. Dhe s\u00eb fundi, struktura e propozuar \u00ebsht\u00eb n\u00eb kund\u00ebrshtim me praktikat m\u00eb t\u00eb mira nd\u00ebrkomb\u00ebtare t\u00eb cituara nga vet\u00eb autor\u00ebt, sikurse u theksua m\u00eb lart.<\/span><\/p>\n

VINI RE<\/strong><\/span>: Ky material \u00ebsht\u00eb pron\u00ebsi intelektuale e Telegraf<\/span><\/a><\/span><\/p>\n

*<\/span>Ky shkrim \u00ebsht\u00eb botuar p\u00ebr her\u00eb t\u00eb par\u00eb m\u00eb 22 qershor 2020<\/span><\/em><\/p>\n

\"\"\"\"<\/p>\n","protected":false,"gt_translate_keys":[{"key":"rendered","format":"html"}]},"excerpt":{"rendered":"

Shqet\u00ebsim t\u00eb ligjsh\u00ebm kan\u00eb shkaktuar planet p\u00ebr kalimin e Butrintit n\u00ebn menaxhimin efektiv t\u00eb nj\u00eb fondacioni t\u00eb huaj privat Nga Agron Alibali (Jurist i s\u00eb Drejt\u00ebs Nd\u00ebrkomb\u00ebtare) Hyrje Fundjav\u00ebn e 3-4 marsit 1933, Ministri amerikan n\u00eb Tiran\u00eb, Herman Bernstein e kaloi n\u00eb Butrint. I shoq\u00ebruar nga Kol\u00eb Kuqali, p\u00ebrkthyes zyrtar i Legat\u00ebs, Z. Bernstein takoi […]<\/p>\n","protected":false,"gt_translate_keys":[{"key":"rendered","format":"html"}]},"author":51,"featured_media":516491,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[65,13],"tags":[],"class_list":["post-516478","post","type-post","status-publish","format-standard","has-post-thumbnail","hentry","category-lajme","category-te-fundit"],"gt_translate_keys":[{"key":"link","format":"url"}],"_links":{"self":[{"href":"https:\/\/www.hashtag.al\/index.php\/wp-json\/wp\/v2\/posts\/516478","targetHints":{"allow":["GET"]}}],"collection":[{"href":"https:\/\/www.hashtag.al\/index.php\/wp-json\/wp\/v2\/posts"}],"about":[{"href":"https:\/\/www.hashtag.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.hashtag.al\/index.php\/wp-json\/wp\/v2\/users\/51"}],"replies":[{"embeddable":true,"href":"https:\/\/www.hashtag.al\/index.php\/wp-json\/wp\/v2\/comments?post=516478"}],"version-history":[{"count":0,"href":"https:\/\/www.hashtag.al\/index.php\/wp-json\/wp\/v2\/posts\/516478\/revisions"}],"wp:featuredmedia":[{"embeddable":true,"href":"https:\/\/www.hashtag.al\/index.php\/wp-json\/wp\/v2\/media\/516491"}],"wp:attachment":[{"href":"https:\/\/www.hashtag.al\/index.php\/wp-json\/wp\/v2\/media?parent=516478"}],"wp:term":[{"taxonomy":"category","embeddable":true,"href":"https:\/\/www.hashtag.al\/index.php\/wp-json\/wp\/v2\/categories?post=516478"},{"taxonomy":"post_tag","embeddable":true,"href":"https:\/\/www.hashtag.al\/index.php\/wp-json\/wp\/v2\/tags?post=516478"}],"curies":[{"name":"wp","href":"https:\/\/api.w.org\/{rel}","templated":true}]}}