{"id":515545,"date":"2022-04-04T18:51:16","date_gmt":"2022-04-04T16:51:16","guid":{"rendered":"https:\/\/www.hashtag.al\/?p=515545"},"modified":"2022-04-04T18:51:16","modified_gmt":"2022-04-04T16:51:16","slug":"porosia-e-fshehur-e-regjistrimit-te-popullsise-ne-maqedonine-e-veriut","status":"publish","type":"post","link":"https:\/\/www.hashtag.al\/index.php\/2022\/04\/04\/porosia-e-fshehur-e-regjistrimit-te-popullsise-ne-maqedonine-e-veriut\/","title":{"rendered":"Porosia e fshehur e regjistrimit t\u00eb popullsis\u00eb n\u00eb Maqedonin\u00eb e Veriut","gt_translate_keys":[{"key":"rendered","format":"text"}]},"content":{"rendered":"

\"\"<\/strong><\/span><\/p>\n

Nga Xhelal Neziri<\/strong><\/span><\/p>\n

Ka koh\u00eb q\u00eb n\u00eb Maqedonin\u00eb e Veriut ka nj\u00eb gar\u00eb p\u00ebr t\u00eb d\u00ebshmuar fuqin\u00eb e bazuar n\u00eb numra apo p\u00ebrqindje t\u00eb nj\u00eb etnie. Thelbi i k\u00ebsaj gare ka p\u00ebr baz\u00eb filozofin\u00eb se \u201csa m\u00eb shum\u00eb shtetas ka nj\u00eb etni, aq m\u00eb shum\u00eb t\u00eb drejta g\u00ebzon\u201d. Ose, e kund\u00ebrta \u2013 \u201csa m\u00eb pak shtetas q\u00eb ka, aq m\u00eb pak t\u00eb drejta g\u00ebzon\u201d. Kjo, deri diku, \u00ebsht\u00eb e logjikshme dhe e pritshme p\u00ebr shkak se t\u00eb drejtat kolektive t\u00eb popujve n\u00eb Kushtetut\u00ebn e vendit jan\u00eb rregulluar n\u00eb at\u00eb m\u00ebnyr\u00eb q\u00eb t\u00eb favorizojn\u00eb nj\u00eb gar\u00eb t\u00eb till\u00eb. P\u00ebr shembull, t\u00eb drejtat gjuh\u00ebsore t\u00eb etnive joshumic\u00eb kan\u00eb nj\u00eb prag demografik \u2013 pra, i g\u00ebzojn\u00eb vet\u00ebm ato q\u00eb jan\u00eb mbi 20 p\u00ebr qind. Po t\u00eb biesh nd\u00ebr k\u00ebt\u00eb prag demografik me automatiz\u00ebm e humb t\u00eb drejt\u00ebn e p\u00ebrdorimit zyrtar t\u00eb gjuh\u00ebs. Nj\u00ebjt\u00eb si n\u00eb modelet zgjedhore q\u00eb kan\u00eb prag, ku partit\u00eb q\u00eb nuk kalojn\u00eb pragun nuk mund t\u00eb fitojn\u00eb vende n\u00eb Parlament. Apo n\u00eb rastin e flamurit etnik \u2013 e p\u00ebrdorin etnit\u00eb vet\u00ebm n\u00eb komunat ku jan\u00eb mbi 50 p\u00ebr qind. Me p\u00ebrqindje lidhet edhe p\u00ebrfaq\u00ebsimi i drejt\u00eb n\u00eb administrat\u00eb.<\/span><\/p>\n

Si t\u00eb ndalet ikja?<\/strong><\/span><\/p>\n

Kjo gar\u00eb p\u00ebr dominim biologjik l\u00eb an\u00ebsh gar\u00ebn e vlerave civilizuese midis etnive, gar\u00ebn e zhvillimit ekonomik midis komunave apo gar\u00ebn p\u00ebr avancimin e kualitetit t\u00eb demokracis\u00eb. Kjo natyrisht se ka prodhuar etnizim t\u00eb politik\u00ebs, administrat\u00ebs dhe t\u00eb demokracis\u00eb, dukuri q\u00eb ka kontribuar q\u00eb vendi t\u00eb mos ket\u00eb nj\u00eb temp zhvillimi normal socio-ekonomik, i cili do t\u00eb krijonte perspektiva t\u00eb reja p\u00ebr t\u00eb rinjt\u00eb.<\/span><\/p>\n

Pse etnizimi p\u00ebrb\u00ebn problem? Qytetari, apo shtetasi, \u00ebsht\u00eb resursi kryesor i nj\u00eb shteti. Nj\u00eb shtet demokratik \u00ebsht\u00eb funksional vet\u00ebm n\u00ebse t\u00eb gjith\u00eb shtetasit jan\u00eb t\u00eb barabart\u00eb, pa marr\u00eb parasysh prapavij\u00ebn e tyre familjare, sociale, etnike, religjioze, gjeografike apo gjinore. Identiteti etnik dhe religjioz i p\u00ebrket m\u00eb shum\u00eb sfer\u00ebs private. Para shtetit t\u00eb gjith\u00eb jan\u00eb t\u00eb barabart\u00eb. Kjo barabar\u00ebsi nuk garantohet nga madh\u00ebsia e nj\u00eb etnie, apo nga p\u00ebrqindja e saj, por nga nj\u00eb sistem politik q\u00eb mbron t\u00eb drejtat, ve\u00e7orit\u00eb etno-kulturore, mund\u00ebsit\u00eb e barabarta, lirin\u00eb dhe dinjitetin e \u00e7donj\u00ebrit q\u00eb ka shtet\u00ebsi, qoft\u00eb t\u00eb jet\u00eb edhe nj\u00eb person i vet\u00ebm.<\/span><\/p>\n

Gara biologjike midis dy etnive m\u00eb t\u00eb m\u00ebdha n\u00eb vend \u2013 asaj maqedonase dhe shqiptare \u2013 duket se nuk ka prodhuar rezultatet e pritura te asnj\u00ebra pal\u00eb. N\u00eb nivel shteti ka diku 185 mij\u00eb banor\u00eb m\u00eb pak n\u00eb krahasim me regjistrimin e vitit 2002, anipse n\u00eb regjistrimin e fundit p\u00ebr banor rezident \u00ebsht\u00eb llogaritur \u00e7donj\u00ebri q\u00eb brenda nj\u00eb viti ka q\u00ebndruar s\u00eb paku nj\u00eb her\u00eb n\u00eb Maqedonin\u00eb e Veriut (N\u00eb vitin 2002 Ligji i regjistrimit i definonte si rezident\u00eb t\u00eb gjith\u00eb ata q\u00eb kan\u00eb q\u00ebndruar s\u00eb paku nj\u00eb her\u00eb n\u00eb vend n\u00eb periudh\u00eb kohore prej gjasht\u00eb muajsh). R\u00ebnie m\u00eb t\u00eb madhe t\u00eb popullsis\u00eb rezidente ka etnia maqedonase me 225 mij\u00eb m\u00eb pak, nd\u00ebrkoh\u00eb q\u00eb shqiptar\u00ebt etnik\u00eb jan\u00eb tkurrur p\u00ebr af\u00ebrsisht 63 mij\u00eb banor\u00eb.<\/span><\/p>\n

N\u00eb gati t\u00eb gjitha komunat ka r\u00ebnie t\u00eb madhe t\u00eb numrit t\u00eb popullsis\u00eb. Duket se porosia e k\u00ebtij regjistrimi \u00ebsht\u00eb lodhja nga gara se cili do t\u00eb dominoj\u00eb biologjikisht. N\u00eb vend t\u00eb k\u00ebsaj, rezultatet imponojn\u00eb nd\u00ebrtimin e politikave t\u00eb tjera shtet\u00ebrore, n\u00ebp\u00ebrmjet t\u00eb t\u00eb cilave do t\u00eb krijohet nj\u00eb e ardhme m\u00eb optimiste p\u00ebr gjeneratat e reja. N\u00ebse l\u00ebvizjet n\u00eb numrin e popullsis\u00eb determinohen nga nataliteti, moratliteti dhe emigrimi, duket se kjo e fundit ka qen\u00eb m\u00eb \u201cmeritore\u201d n\u00eb zbrazjen e vendbanimeve tona. Pra, problemi \u00ebsht\u00eb si t\u00eb ndalet ky hov i ikjes, si t\u00eb de-etnizohet funksionimi i shtetit, si t\u00eb demokratizohet Kushtetuta (me heqjen e 20%, 50% apo p\u00ebrqindjeve tjera), si t\u00eb imponohet nj\u00eb gar\u00eb tjet\u00ebr m\u00eb produktive n\u00eb vend t\u00eb asaj biologjike dhe si t\u00eb rritet cil\u00ebsia i demokracis\u00eb.<\/span><\/p>\n

R\u00ebnie n\u00eb t\u00eb gjitha Komunat, p\u00ebrve\u00e7 n\u00eb Shkup<\/strong><\/span><\/p>\n

N\u00eb total, numri i banor\u00ebve rezident\u00eb ka ra nga 2.1 n\u00eb 1.8 milion\u00eb p\u00ebr nj\u00eb periudh\u00eb 20-vje\u00e7are.<\/span><\/p>\n

Tabela 1: Maqedonia e Veriut<\/em><\/strong><\/span><\/p>\n

Qyteti i Shkupit, nd\u00ebrkoh\u00eb sh\u00ebnon nj\u00eb rritje t\u00eb popullsis\u00eb prej diku 20 mij\u00eb banor\u00eb. Maqedonasit etnik\u00eb kan\u00eb nj\u00eb r\u00ebnie prej af\u00ebr 30 mij\u00eb banor\u00ebsh, nd\u00ebrkoh\u00eb q\u00eb shqiptar\u00ebt etnik\u00eb nj\u00eb ngritje prej af\u00ebr 16 mij\u00eb banor\u00ebsh.<\/span><\/p>\n