{"id":510556,"date":"2022-03-12T12:37:15","date_gmt":"2022-03-12T11:37:15","guid":{"rendered":"https:\/\/www.hashtag.al\/?p=510556"},"modified":"2022-03-12T13:11:11","modified_gmt":"2022-03-12T12:11:11","slug":"presor-iliri-ju-palaco-protestues-beni-lojen-e-putinit-ndersa-une-mbaj-zi-per-ukrainen","status":"publish","type":"post","link":"https:\/\/www.hashtag.al\/index.php\/2022\/03\/12\/presor-iliri-ju-palaco-protestues-beni-lojen-e-putinit-ndersa-une-mbaj-zi-per-ukrainen\/","title":{"rendered":"Presor Iliri: Ju pala\u00e7o protestues b\u00ebni loj\u00ebn e Putinit, nd\u00ebrsa un\u00eb mbaj zi p\u00ebr Ukrain\u00ebn","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Presor Ilir Yzeiri, nj\u00eb lojtar i kategoris\u00eb s\u00eb dyt\u00eb n\u00eb mbrojtje t\u00eb qeveris\u00eb, incenerator\u00ebve dhe Fondacionit Soros, \u00ebsht\u00eb m\u00ebrzitur shum\u00eb me protestuesit. <\/span><\/p>\n

N\u00eb nj\u00eb sh\u00ebnim t\u00eb gjat\u00eb n\u00eb Facebook, presori pohon se nj\u00eb shoq\u00ebri e qytet\u00ebruar duhet t\u00eb respektoj\u00eb zin\u00eb q\u00eb ka goditur planetin. <\/span><\/p>\n

Sipas tij, t\u00eb vetmit q\u00eb dalin t\u00eb protestojn\u00ebn\u00eb rrug\u00eb jan\u00eb ultranacionalist\u00ebt serb\u00eb dhe qesharak\u00ebt n\u00eb Shqip\u00ebri.<\/span><\/p>\n

\u201cNj\u00eb shoq\u00ebri e qytet\u00ebruar respekton zin\u00eb. Planeti \u00ebsht\u00eb n\u00eb zi. T\u00eb vetmit q\u00eb protestojn\u00eb apo t\u00eb vetmit q\u00eb dalin n\u00eb rrug\u00eb jan\u00eb manifestuesit me flamujt e Ukrain\u00ebs q\u00eb solidarizohen me t\u00eb, ultranacioalist\u00ebt serb\u00eb q\u00eb mb\u00ebshtesin Putinin dhe k\u00ebta qesharak\u00ebt tan\u00eb. Shqiptar\u00ebt dalin n\u00eb shesh dhe i k\u00ebrkojn\u00eb llogari qeveris\u00eb p\u00ebr \u00e7mimet e karburantit q\u00eb jo vet\u00ebm jan\u00eb rritur n\u00eb t\u00eb gjith\u00eb globin, por n\u00ebse konflikti do t\u00eb thellohet dhe n\u00ebse Europa ashtu si SHBA-t\u00eb do t\u00eb bojkotoj\u00eb eksportin e hidrokarbureve nga Rusia q\u00eb p\u00ebrb\u00ebn rreth 30% t\u00eb nevojave bot\u00ebrore, at\u00ebher\u00eb jo vet\u00ebm \u00e7mimi do t\u00eb rritet, por at\u00eb do t\u00eb jet\u00eb v\u00ebshtir\u00eb ta gjesh n\u00eb treg. Po at\u00ebher\u00eb \u00e7far\u00eb do t\u00eb b\u00ebjn\u00eb k\u00ebta qesharak\u00ebt e protestave n\u00eb koh\u00ebn e vdekjes s\u00eb madhe ? Do t\u00eb dalin n\u00eb krah t\u00eb Putinit sepse k\u00ebshtu ta do logjika.\u201d<\/em> – shkruan Yzeiri.<\/span><\/p>\n

Presori e shtjellon m\u00eb tej iden\u00eb duke theksuar se protesta, bllokimi i rrug\u00ebve dhe marr\u00ebzi t\u00eb tjera t\u00eb shqiptar\u00ebve i japin protest\u00ebs karakter politik. <\/span><\/p>\n

Sipas Yzeirit, t\u00eb b\u00ebsh protest\u00eb n\u00eb koh\u00ebn e vdekjes s\u00eb madhe \u00ebsht\u00eb makabritet dhe e neveritshme. Madje ai shkon m\u00eb tej duke theksuar se kjo gj\u00eb i tregon shqiptar\u00ebt n\u00eb sy t\u00eb bot\u00ebs si entitet i shp\u00eblar\u00eb, zvaranik\u00eb e qaraman\u00eb.<\/span><\/p>\n

\u201cProtestat, bllokimi i rrug\u00ebve dhe marr\u00ebzi t\u00eb tjera shqiptar\u00ebsh i japin asaj karakter politik dhe t\u00eb b\u00ebsh politik\u00eb n\u00eb koh\u00ebn e vdekjes s\u00eb madhe \u00ebsht\u00eb makabritet, \u00ebsht\u00eb e neveritshme dhe na tregon ne shqiptar\u00ebve n\u00eb sy t\u00eb bot\u00ebs si nj\u00eb entitet t\u00eb shp\u00eblar\u00eb, pa asnj\u00eb lloj grinte, si zvarranik\u00eb e qaraman\u00eb q\u00eb nuk dim\u00eb si ta menaxhojm\u00eb zem\u00ebrimin dhe nuk dim\u00eb t\u00eb ndajm\u00eb dhimbjen e tjetrit me ne, q\u00eb nuk dim\u00eb t\u00eb b\u00ebhemi nj\u00eb komb i madh q\u00eb n\u00eb nj\u00eb koh\u00eb t\u00eb till\u00eb t\u00eb tmerrshme tregon se \u00e7far\u00eb \u00ebsht\u00eb n\u00eb gjendje t\u00eb b\u00ebj\u00eb p\u00ebr ta ndihmuar viktim\u00ebn dhe jo t\u00eb tregoj\u00eb se ai vet\u00eb \u00ebsht\u00eb nj\u00eb viktim\u00eb e pash\u00ebrueshme.<\/em> – vijon presor Yzeiri.<\/span><\/p>\n