{"id":505891,"date":"2022-02-19T20:12:26","date_gmt":"2022-02-19T19:12:26","guid":{"rendered":"https:\/\/www.hashtag.al\/?p=505891"},"modified":"2022-02-19T20:12:26","modified_gmt":"2022-02-19T19:12:26","slug":"zyrtari-i-fda-se-zbulon-planin-e-biden-do-te-vaksinoje-sa-me-shume-industrite-farmaceutike-na-paguajne-qindra-milione-dollare-ne-vit-video-e-fshehte","status":"publish","type":"post","link":"https:\/\/www.hashtag.al\/index.php\/2022\/02\/19\/zyrtari-i-fda-se-zbulon-planin-e-biden-do-te-vaksinoje-sa-me-shume-industrite-farmaceutike-na-paguajne-qindra-milione-dollare-ne-vit-video-e-fshehte\/","title":{"rendered":"Zyrtari i FDA-s\u00eb zbulon planin e Biden: Do t\u00eb vaksinoj\u00eb sa m\u00eb shum\u00eb, industrit\u00eb farmaceutike na paguajn\u00eb qindra milion\u00eb dollar\u00eb n\u00eb vit (Video e fsheht\u00eb)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Gazeta investigative Project Veritas ka publikuar pamjet e nj\u00eb ekzekutivi t\u00eb Administrat\u00ebs s\u00eb Ushqimit dhe Barnave (FDA) duke pretenduar se vaksinat vjetore t\u00eb Covid-19 jan\u00eb n\u00eb rrug\u00eb e sip\u00ebr, edhe p\u00ebr f\u00ebmij\u00ebt n\u00ebn pes\u00eb vje\u00e7.<\/span><\/p>\n

N\u00eb pjes\u00ebn e par\u00eb t\u00eb nj\u00eb serie videosh t\u00eb fshehta me dy pjes\u00eb, Christopher Cole, nj\u00eb oficer ekzekutiv n\u00eb FDA dhe kreu i Nism\u00ebs Kund\u00ebr Masave, i tha nj\u00eb gazetari t\u00eb Project Veritas se ai \u00ebsht\u00eb i p\u00ebrfshir\u00eb n\u00eb \u2018procesin e miratimit p\u00ebr vaksinat e ndryshme\u2019 t\u00eb Covid. <\/span><\/p>\n

N\u00eb videon e publikuar t\u00eb mart\u00ebn, Cole pretendoi se m\u00eb shum\u00eb hapa jan\u00eb n\u00eb pritje p\u00ebr t\u00eb gjith\u00eb dhe pranoi \u2018nxitjen me an\u00eb t\u00eb parave\u2019 nga ana e kompanive si Pfizer p\u00ebr t\u00eb nxitur m\u00eb shum\u00eb vaksinim.<\/span><\/p>\n

\u201cDo t\u00eb jet\u00eb nj\u00eb burim i p\u00ebrs\u00ebritur t\u00eb ardhurash. Fillimisht mund t\u00eb mos jet\u00eb aq shum\u00eb, por do t\u00eb p\u00ebrs\u00ebritet\u2026 n\u00ebse ata mund t\u00eb sigurojn\u00eb se do vaksinojn\u00eb \u00e7do person n\u00eb nj\u00eb vaksin\u00eb vjetore, ky \u00ebsht\u00eb nj\u00eb kthim i p\u00ebrs\u00ebritur i parave q\u00eb shkojn\u00eb n\u00eb kompanin\u00eb e tyre,”<\/em> tha Cole p\u00ebr prodhuesit e vaksinave. N\u00eb nj\u00eb pik\u00eb tjet\u00ebr t\u00eb filmimit, zyrtari i FDA-s\u00eb gjithashtu pranoi se vet\u00eb kompanit\u00eb q\u00eb FDA rregullon, hedhin \u2018pothuajse nj\u00eb miliard\u00eb dollar\u00eb n\u00eb vit\u2019 n\u00eb buxhetin e saj.<\/span><\/p>\n

Cole tha se edhe f\u00ebmij\u00ebt e vegj\u00ebl do t\u00eb p\u00ebrfshihen n\u00eb k\u00ebt\u00eb k\u00ebrkes\u00eb vjetore t\u00eb vaksin\u00ebs, megjith\u00ebse ai pranoi se nuk ka pasur testime t\u00eb mjaftueshme p\u00ebr efektet afatgjata t\u00eb vaksinave n\u00eb grupe t\u00eb ndryshme, duke p\u00ebrfshir\u00eb f\u00ebmij\u00ebt e vegj\u00ebl dhe grat\u00eb shtatz\u00ebna. I pyetur se si e dinte se mund t\u00eb vinte nj\u00eb urdh\u00ebr i till\u00eb, ai tha: “Nga gjith\u00e7ka q\u00eb kam d\u00ebgjuar, FDA do e miratoj\u00eb at\u00eb.”<\/em><\/span><\/p>\n

Vaksina vjetore do t\u00eb jet \u2018ashtu si vaksina kund\u00ebr gripit\u2019, tha Cole, dhe do t\u00eb k\u00ebrkohet teksa efektiviteti i vaksinave \u2018ulet\u2019.<\/span><\/p>\n

FDA l\u00ebshoi \u200b\u200bnj\u00eb deklarat\u00eb duke iu p\u00ebrgjigjur videos s\u00eb Veritas t\u00eb m\u00ebrkur\u00ebn, duke th\u00ebn\u00eb se Cole \u2018nuk punon n\u00eb \u00e7\u00ebshtjet e vaksinave\u2019 dhe se \u2018nuk p\u00ebrfaq\u00ebson pik\u00ebpamjet e FDA-s\u00eb”\u2019.<\/span><\/p>\n

Presidenti i SHBA-s\u00eb Joe Biden nuk ka miratuar nj\u00eb vaksin\u00eb vjetore, por Cole tha se presidenti \u2018d\u00ebshiron t\u00eb vaksinoj\u00eb sa m\u00eb shum\u00eb njer\u00ebz t\u00eb jet\u00eb e mundur\u2019. Zyrtar\u00ebt sh\u00ebndet\u00ebsor\u00eb t\u00eb Biden kan\u00eb hedhur gjithashtu iden\u00eb e vaksinave t\u00eb rregullta. <\/span><\/p>\n

K\u00ebshilltari sh\u00ebndet\u00ebsor i Sht\u00ebpis\u00eb s\u00eb Bardh\u00eb, Dr. Anthony Fauci, ka qen\u00eb i hapur n\u00eb bisedimet e fundit p\u00ebr iden\u00eb q\u00eb vaksinat p\u00ebrforcuese t\u00eb nevojiten rregullisht, megjith\u00ebse ai nuk i ka miratuar vaksinat vjetore p\u00ebr t\u00eb gjith\u00eb.<\/span><\/p>\n

P\u00ebrgatiti p\u00ebr Hashtag.al,<\/span> Klodian Manjani<\/span><\/p>\n