{"id":499793,"date":"2022-01-24T18:25:58","date_gmt":"2022-01-24T17:25:58","guid":{"rendered":"https:\/\/www.hashtag.al\/?p=499793"},"modified":"2022-01-24T18:26:32","modified_gmt":"2022-01-24T17:26:32","slug":"nano-ben-analizen-e-dvp-fier-e-vlore-policia-ka-bere-progres-per-ceshtjet-ne-hetim-do-kemi-rezultate-pozitive","status":"publish","type":"post","link":"https:\/\/www.hashtag.al\/index.php\/2022\/01\/24\/nano-ben-analizen-e-dvp-fier-e-vlore-policia-ka-bere-progres-per-ceshtjet-ne-hetim-do-kemi-rezultate-pozitive\/","title":{"rendered":"Nano b\u00ebn analiz\u00ebn e DVP Fier e Vlor\u00eb: Policia ka b\u00ebr\u00eb progres p\u00ebr \u00e7\u00ebshtjet n\u00eb hetim, do kemi rezultate pozitive","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Drejtori i P\u00ebrgjithsh\u00ebm i Policis\u00eb s\u00eb Shtetit, \u00a0Gledis Nano nga Vlora ka folur p\u00ebr analizat vjetore t\u00eb pun\u00ebs s\u00eb strukturave t\u00eb Policis\u00eb s\u00eb DVP Fier dhe DVP Vlor\u00eb.<\/span><\/p>\n

Drejtor Nano ka k\u00ebrkuar angazhim maksimal p\u00ebr parandalimin e krimeve kund\u00ebr personit e pron\u00ebs, p\u00ebr zgjidhjen n\u00eb koh\u00eb t\u00eb konflikteve p\u00ebr t\u00eb mos u p\u00ebrshkall\u00ebzuar n\u00eb ngjarje t\u00eb r\u00ebnda kriminale, dominimin.<\/span><\/p>\n

N\u00eb nj\u00eb prononcim p\u00ebr mediat Nano deklaroi se dy nga prioritetet e Policis\u00eb jan\u00eb parandalimi i ngjarjeve kriminale dhe ulja e kultivimit t\u00eb kanabisit.<\/span><\/p>\n

Ai theksoi se Policia ka n\u00eb hetim \u00e7\u00ebshtje t\u00eb cilat po i kryen me progres t\u00eb cilat pritet t\u00eb ken\u00eb rezultat pozitiv.<\/span><\/p>\n

Pyetje: Gjat\u00eb analiz\u00ebs vjetore kan\u00eb qen\u00eb dy pika t\u00eb cilat jan\u00eb theksuar si m\u00eb problematiket ose q\u00eb kan\u00eb nevoj\u00eb t\u00eb punohen: zbardhja e ngjarjeve t\u00eb r\u00ebnda kriminale dhe kanabisi. A ka nj\u00eb politik\u00eb q\u00eb do ndiqet gjat\u00eb k\u00ebtij viti, p\u00ebr t\u00eb sjell\u00eb nj\u00eb performanc\u00eb m\u00eb t\u00eb mir\u00eb t\u00eb Policis\u00eb s\u00eb Vlor\u00ebs?<\/span><\/p>\n

\u201cDy nga prioritetet q\u00eb diskutuam n\u00eb analiz\u00ebn e zhvilluar sot, me Drejtorin\u00eb e Policis\u00eb Vlor\u00eb, ishin parandalimi i ngjarjeve t\u00eb r\u00ebnda kriminale, po ashtu dhe zbulimi i tyre, nj\u00ebkoh\u00ebsisht dhe parandalimi apo ulja e numrit n\u00eb drejtim t\u00eb kultivimit t\u00eb kanabisit. K\u00ebto jan\u00eb dy pika shum\u00eb t\u00eb forta ku personalisht do t\u00eb q\u00ebndroj fort, n\u00eb \u00e7do Drejtori Vendore t\u00eb Policis\u00eb ku kemi zhvilluar dhe do t\u00eb zhvillojm\u00eb analizat e pun\u00ebs. P\u00ebr hir t\u00eb s\u00eb v\u00ebrtet\u00ebs, Policia e Shtetit ka aktualisht n\u00eb dor\u00eb, hetime t\u00eb cilat po i kryen me nj\u00eb progres n\u00eb vazhdim. Nuk dua t\u00eb jap asnj\u00eb p\u00ebrgjigje n\u00eb k\u00ebto momente q\u00eb flasim, pasi jan\u00eb \u00e7\u00ebshtje n\u00eb hetim, por jan\u00eb hetime premtuese nga t\u00eb cilat presim nj\u00eb rezultat pozitiv n\u00eb nj\u00eb koh\u00eb t\u00eb caktuar. P\u00ebrsa i p\u00ebrket kultivimit t\u00eb kanabisit, edhe kjo \u00ebsht\u00eb nj\u00eb pik\u00eb tjet\u00ebr t\u00eb cil\u00ebn e kam marr\u00eb si sfid\u00eb personale dhe nuk do t\u00eb toleroj asnj\u00eb punonj\u00ebs policie, i cili me veprimet apo mosveprimet e tij, do t\u00eb implikohet n\u00eb k\u00ebt\u00eb lloj procesi. Bashk\u00ebpunimi me t\u00eb gjitha agjencit\u00eb e tjera t\u00eb siguris\u00eb n\u00eb vend, si\u00e7 jan\u00eb ato ligjzbatuese dhe t\u00eb inteligjenc\u00ebs, \u00ebsht\u00eb n\u00eb nivelin maksimal. \u00cbsht\u00eb k\u00ebrkuar bashk\u00ebpunim dhe e kemi mb\u00ebshtetjen. N\u00ebn drejtimin po ashtu dhe t\u00eb Prokuroris\u00eb s\u00eb Rrethit Gjyq\u00ebsor Vlor\u00eb dhe Sarand\u00eb do t\u00eb zhvillojm\u00eb t\u00eb gjitha hetimet n\u00eb lidhje me k\u00ebt\u00eb figur\u00eb krimi dhe besoj q\u00eb ky vit do jet\u00eb nj\u00eb vit ndryshe p\u00ebrsa i p\u00ebrket fenomenit apo problematik\u00ebs s\u00eb kultivimit t\u00eb kanabisit\u201d-<\/em>tha Nano.<\/span><\/p>\n

I pyetur mbi indikator\u00ebt e kanabisit dhe krimet e r\u00ebnda kund\u00ebr personit p\u00ebr Vlor\u00ebn, n\u00eb vitin 2021, Nano tha: \u201cJu e dini q\u00eb problematika p\u00ebrsa i p\u00ebrket krimeve t\u00eb r\u00ebnda n\u00eb Vlor\u00eb \u00ebsht\u00eb nj\u00eb problematik\u00eb q\u00eb nuk \u00ebsht\u00eb zhvilluar sot apo s\u00eb fundmi. \u00cbsht\u00eb nj\u00eb problematik\u00eb e cila ka qen\u00eb dhe m\u00eb p\u00ebrpara<\/em>\u201d.<\/span><\/p>\n

Nano theksoi edhe p\u00ebr p\u00ebrdorimin e teknologjis\u00eb n\u00eb zbulimin e krimit si dhe bashk\u00ebpunimin me agjenict\u00eb e tjera ligjzbatuese.<\/span><\/p>\n

\u201cSi\u00e7 e shikoni dhe ju sot, po e zhvillojm\u00eb k\u00ebt\u00eb intervist\u00eb n\u00eb sall\u00ebn e re operative t\u00eb Drejtoris\u00eb s\u00eb Policis\u00eb Vlor\u00eb. Qasja q\u00eb ne kemi n\u00eb drejtim t\u00eb parandalimit dhe zbardhjes s\u00eb ngjarjeve kriminale nuk \u00ebsht\u00eb qasje vet\u00ebm me burimet njer\u00ebzore q\u00eb Policia e Shtetit ka, apo bashk\u00ebpunimi me agjencit\u00eb e tjera t\u00eb inteligjenc\u00ebs dhe ligjzbatuese, por \u00ebsht\u00eb qasje q\u00eb do t\u00eb nd\u00ebrthuret edhe me teknologji nga m\u00eb t\u00eb fundit n\u00eb drejtim t\u00eb kontrollit t\u00eb territorit. K\u00ebshtu q\u00eb s\u00eb shpejti do t\u00eb anon\u00e7ojm\u00eb dhe do t\u00eb kemi t\u00eb reja n\u00eb k\u00ebt\u00eb aspekt, n\u00eb k\u00ebt\u00eb drejtim. Besoj dhe jam shum\u00eb i bindur se ashtu si\u00e7 agjencit\u00eb e tjera europiane punojn\u00eb, ne do t\u00eb kemi nj\u00eb rezultat tjet\u00ebr p\u00ebr sa i p\u00ebrket shtrirjes s\u00eb teknologjis\u00eb m\u00eb t\u00eb fundit n\u00eb terren, e cila do t\u00eb na ndihmoj\u00eb dhe do t\u00eb na jap\u00eb shum\u00eb dor\u00ebn lidhur me k\u00ebt\u00eb<\/em>\u201d-tha Nano.<\/span><\/p>\n

I pyetur p\u00ebr rezultatet p\u00ebr personat e zhdukur n\u00eb Vlor\u00eb, Drejtori i P\u00ebrgjithsh\u00ebm i Policis\u00eb tha: \u201cJan\u00eb \u00e7\u00ebshtje n\u00eb hetim p\u00ebr t\u00eb cilat ne do t\u00eb kemi komunikime sapo t\u00eb kemi di\u00e7ka t\u00eb re lidhur me k\u00ebto ngjarje<\/em>\u201d.<\/span><\/p>\n