{"id":490653,"date":"2021-12-11T19:50:22","date_gmt":"2021-12-11T18:50:22","guid":{"rendered":"https:\/\/www.hashtag.al\/?p=490653"},"modified":"2021-12-11T19:54:10","modified_gmt":"2021-12-11T18:54:10","slug":"nga-zhberja-e-strukturave-ekzistuese-te-shkarkimi-me-vote-i-bashes-gjithcka-ndodhi-ne-kuvendin-e-berishes-sot-foto-video","status":"publish","type":"post","link":"https:\/\/www.hashtag.al\/index.php\/2021\/12\/11\/nga-zhberja-e-strukturave-ekzistuese-te-shkarkimi-me-vote-i-bashes-gjithcka-ndodhi-ne-kuvendin-e-berishes-sot-foto-video\/","title":{"rendered":"Nga zhb\u00ebrja e strukturave ekzistuese te shkarkimi me vot\u00eb i Bash\u00ebs. Gjith\u00e7ka ndodhi n\u00eb Kuvendin e Berish\u00ebs sot (Foto\/Video)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Dit\u00ebn e sotme n\u00eb stadiumin \u201cAir Albania\u201d u mblodh Kuvendi i thirrur nga Sali Berisha.<\/span><\/p>\n

N\u00eb stadiumin komb\u00ebtar delegat\u00ebt q\u00eb kishin firmosur p\u00ebr mbledhjen e tij ishin ulur t\u00eb ndar\u00eb nga mb\u00ebshtet\u00ebs apo an\u00ebtar\u00eb t\u00eb thjesht\u00eb t\u00eb Partis\u00eb Demokratike.<\/span><\/p>\n

N\u00eb fush\u00ebn e blert\u00eb ishte instaluar nj\u00eb platform\u00eb nga ku u mbajt\u00ebn fjalime.<\/span><\/p>\n

Delegat\u00ebt identifikoheshin n\u00ebp\u00ebrmjet nj\u00eb barkodi unik dhe skanoheshin elektronikisht kartat e tyre t\u00eb delegatit duke paraqitur edhe dokumentet e identifikimit.<\/span><\/p>\n

\"\"<\/span><\/p>\n

N\u00eb p\u00ebrfundim t\u00eb regjistrimit n\u00eb ekranin qendror t\u00eb stadiumit numri u fiksua n\u00eb 4934 delegat\u00eb t\u00eb pranish\u00ebm.<\/span><\/p>\n

N\u00eb Kuvend u krijua edhe nj\u00eb Komision i cili u kryesua nga Belind K\u00eblli\u00e7i nd\u00ebrsa an\u00ebtar\u00eb t\u00eb tij ishin Ervin Minarolli, Sekretar Organizativ i PD-s\u00eb, Ivi Kaso Sekretar Zgjedhor i PD-s\u00eb, Albana Vokshi, kryetarja e LDG-s\u00eb e deputete, Edmond Spaho, ish-n\u00ebnkryetar.<\/span><\/p>\n

\"\"

Komisioni i Kuvendit<\/span><\/p><\/div>\n

Komisioni lexoi edhe statutin e ri i cili u votua me ngritjen e dor\u00ebs s\u00eb delegat\u00ebve t\u00eb pranish\u00ebm n\u00eb Kuvend.<\/span><\/p>\n

Pas miratimit t\u00eb ndryshimeve n\u00eb Statut ai zhb\u00ebri disa struktura drejtuese t\u00eb PD-s\u00eb zyrtare. Po ashtu edhe Kuvendin e thirrur m\u00eb 18 Dhjetor nga kryetari Lulzim Basha.<\/span><\/p>\n

Gjithashtu n\u00eb Kuvendin Komb\u00ebtar \u00ebsht\u00eb zgjedhur Komisioni i Rithemelimit t\u00eb PD-s\u00eb me 27 an\u00ebtar\u00eb.<\/span><\/p>\n

M\u00eb 22 Mars, do t\u00eb mblidhet p\u00ebrs\u00ebri Kuvendi p\u00ebr t\u00eb zgjedhur strukturat e reja t\u00eb PD-s\u00eb.<\/span><\/p>\n

\"\"<\/span><\/p>\n

An\u00ebtar\u00ebt e k\u00ebtij Komisioni do t\u00eb jen\u00eb: Agron Shehaj, Albana Vokshi, Aldo Bum\u00e7i, Arben Ristani., Belind K\u00eblli\u00e7i, Blendi Him\u00e7i, Bujar Nishani, \u00c7lirim Gjata, Edith Harxhi, Edi Paloka, Edmond Spaho, Eno Bozdo, Ervin Minarolli, Flamur Noka, Genc Deromemaj, Genc Pollo, Gent Strazimiri, Rigels Mu\u00e7ollari, Ivi Kaso, Keltis Kruja, Klevis Balliu, Ledina Mandija, Luan Ba\u00e7i, Lorenc Luka, Mimoza Hajdarmataj, Oerd Bylykbashi, Sali Berisha.<\/span><\/p>\n

Nga Kuvendi u lajm\u00ebrua se PD-ja do ket\u00eb logo dhe vul\u00eb t\u00eb re duke zhb\u00ebr\u00eb n\u00eb k\u00ebt\u00eb m\u00ebnyr\u00eb \u00e7do gj\u00eb q\u00eb ka pasur lidhje me PD-n\u00eb q\u00eb njohim deri m\u00eb tani.<\/span><\/p>\n

\"\"N\u00eb Kuvend u morr edhe vendimi q\u00eb shkarkimi i Lulzim Bash\u00ebs t\u00eb votohej edhe me votim t\u00eb fsheht\u00eb n\u00eb ambientet e stadiumit ku ishte b\u00ebr\u00eb gati infrastruktura me flet\u00ebt e votimit dhe listat e delegat\u00ebve.<\/span><\/p>\n

Fjala e Berish\u00ebs<\/strong><\/span><\/p>\n

N\u00eb Kuvendin e sot\u00ebm Sali Berisha mbajti nj\u00eb fjalim ku shpalli edhe rithemelimin e Partis\u00eb Demokratike dhe hodhi tezat se do jet\u00eb nj\u00eb parti m\u00eb konservatore dhe synim do ket\u00eb kund\u00ebrshtin\u00eb ndaj George Soros.<\/span><\/p>\n

\u201cSot \u00ebsht\u00eb ngjarje historike p\u00ebr konservator\u00eb kudo q\u00eb ndodhen n\u00eb bot\u00eb, sepse ai mblidhet si Kuvend shp\u00ebtimtar i vlerave t\u00eb m\u00ebdha q\u00eb ne ndajm\u00eb me ta kudo q\u00eb jan\u00eb, sepse ai mblidhet si Kuvend i cili p\u00ebrballet me sukses i vendosur t\u00eb rr\u00ebzoj\u00eb narkoshtetin n\u00eb Shqip\u00ebri por i vendosur gjithashtu t\u00eb ngrej\u00eb PD si parti konservatore n\u00eb piedestalin q\u00eb meriton, duke u p\u00ebrballur me mafien m\u00eb t\u00eb rrezikshme t\u00eb planetit, me mafien e armikut m\u00eb t\u00eb eg\u00ebr t\u00eb interesave shqiptare multimiliarderit George Soros<\/em>\u201d-tha Berisha.<\/span><\/p>\n

Gjithashtu ai foli edhe p\u00ebr shpalljen non grata ku k\u00ebrkoi rishqyrtimin e vendimit nga Departamenti Amerikan i Shtetit si dhe paraqitjen e provave n\u00eb Gjykat\u00ebn e Parisit p\u00ebr t\u00eb provuar akuzat ndaj tij.<\/span><\/p>\n

Kam muaj q\u00eb pres, asnj\u00eb fakt, dokument, prov\u00eb, p\u00ebr faktin e vet\u00ebm se nuk ekzistojn\u00eb. Edhe nj\u00eb her\u00eb nga kjo sall\u00eb u b\u00ebj thirrje zyrtar\u00ebve t\u00eb DASH t\u00eb \u00e7ojn\u00eb n\u00eb Paris \u00e7do prov\u00eb q\u00eb kan\u00eb, t\u2019i b\u00ebjn\u00eb publike, dhe un\u00eb marr \u00e7do vendim ndaj vetes sime. Ftoj cilindo mbi Tok\u00eb q\u00eb ka nj\u00eb prov\u00eb t\u00eb vetme ta paraqes publikisht. Sali Berisha merr vendimin e duhur. Duke qen\u00eb i p\u00ebrulur para t\u00eb v\u00eb\u00ebrtet\u00ebs do vazhdoj pakthyesh\u00ebm misionin tim.<\/em><\/span><\/p>\n

\"\"<\/em><\/span><\/p>\n

Si besimtar i zotit dhe dinjitetit t\u00eb njeriut, beteja ime nuk do ndalet kurr\u00eb. Ftoj zyrtar\u00ebt e DASH t\u00eb rishqyrtojn\u00eb vendimet e tyre, sepse arroganca dhe gabimi nuk jan\u00eb virtyte t\u00eb njer\u00ebzve t\u00eb lir\u00eb. Ju garantoj se do vazhdoj i pal\u00ebkundur misionin tim s\u00eb bashku me ju p\u00ebr t\u00eb p\u00ebrmbysur narko-shtetin n\u00eb Shqip\u00ebri, p\u00ebr t\u00eb rikthyer n\u00eb pushtet PD-n\u00eb, si parti e vlerave t\u00eb liris\u00eb.\u201d-<\/em>tha Berisha.<\/span><\/p>\n

Berisha nuk la pa sulmuar edhe Ambasadoren Yuri Kim duke e cil\u00ebsuar sjelljen e saj si guvernator\u00eb dhe e krahasoi me ambasadorin sovjetik dikur n\u00eb Shqip\u00ebri.<\/span><\/p>\n

\u201c\u00cbsht\u00eb e trishtuar, e dhimbshme t\u00eb shoh\u00ebsh ambasador\u00eb t\u00eb SHBA-ve t\u00eb sillet si guvernator\u00eb, nj\u00eblloj si dikur ambasadori Sovjetik n\u00eb Tiran\u00eb\u201d-<\/em>tha Berisha.<\/em><\/span><\/p>\n