{"id":473514,"date":"2021-09-18T21:47:52","date_gmt":"2021-09-18T19:47:52","guid":{"rendered":"https:\/\/hashtag.al\/?p=473514"},"modified":"2021-09-18T22:23:39","modified_gmt":"2021-09-18T20:23:39","slug":"makina-luksoze-e-rames-vjen-pergjigja-e-qeverise-eshte-marre-me-qira-nga-partia-socialiste-per-kreun-e-saj","status":"publish","type":"post","link":"https:\/\/www.hashtag.al\/index.php\/2021\/09\/18\/makina-luksoze-e-rames-vjen-pergjigja-e-qeverise-eshte-marre-me-qira-nga-partia-socialiste-per-kreun-e-saj\/","title":{"rendered":"Makina luksoze e Ram\u00ebs, p\u00ebrgjigjet zyra e kryeministrit: \u00cbsht\u00eb marr\u00eb me qira nga Partia Socialiste p\u00ebr kreun e saj","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Kryeministri Rama \u00ebsht\u00eb par\u00eb sot t\u00eb shkoj\u00eb n\u00eb Presidenc\u00eb me nj\u00eb makin\u00eb luksoze GMC. Megjithat\u00eb kreu i qeveris\u00eb ka koh\u00eb q\u00eb l\u00ebviz me nj\u00eb mjet q\u00eb kushton jo pak. Supermjeti ka t\u00ebrhequr jo pak v\u00ebmendjen dhe kureshtjen e publikut teksa rrjetet sociale kan\u00eb zier nga komentet e pyetjet. <\/span><\/p>\n

Gazetarja Esiona Konomi, shkruan se i ka drejtuar qeveris\u00eb prej disa dit\u00ebsh disa pyetje lidhur me mjetin luksoz. Ajo pyet n\u00ebse makina \u00ebsht\u00eb e bler\u00eb me fonde nga buxheti i shtetit, kush \u00ebsht\u00eb E.Hoxhallari dhe a ia ka dh\u00ebn\u00eb ajo makin\u00ebn n\u00eb p\u00ebrdorim Ram\u00ebs. Po k\u00ebshtu Konomi pyet pse i \u00ebsht\u00eb dashur kryeministrit nj\u00eb makin\u00eb e re dhe \u00e7far\u00eb element\u00ebsh sigurie ka ajo.<\/span><\/p>\n

Dit\u00ebn e sotme ka ardhur p\u00ebrgjigja e zyr\u00ebs s\u00eb shtypit t\u00eb kryeministrit Rama q\u00eb sqaron se makina nuk \u00ebsht\u00eb bler\u00eb por \u00ebsht\u00eb n\u00eb pron\u00ebsi t\u00eb nj\u00eb subjekti privat q\u00eb shet e jep me qira mjete. <\/span><\/p>\n

N\u00eb p\u00ebrgjigjen e Fug\u00ebs thuhet se PS-ja ka nj\u00eb kontrat\u00eb me k\u00ebt\u00eb subjekt privat dhe se mjeti i marr\u00eb me qira nuk ka asnj\u00eb element t\u00eb ve\u00e7ant\u00eb sigurie po \u00ebsht\u00eb marr\u00eb p\u00ebr shkak t\u00eb amortizimit t\u00eb mjetit t\u00eb m\u00ebp\u00ebrparsh\u00ebm n\u00eb p\u00ebrdorim nga kreu i PS-s\u00eb. <\/span><\/p>\n

N\u00eb gjith\u00eb k\u00ebt\u00eb histori mbetet ende mister emri i administratores s\u00eb kompanis\u00eb q\u00eb ka dh\u00ebn\u00eb mjetin me qira, q\u00eb deri tani identifikohet vet\u00ebm si E.Hoxhallari.<\/span><\/p>\n

P\u00ebrgjigjia zyrtare e zyr\u00ebs s\u00eb shtypit t\u00eb Ram\u00ebs<\/strong><\/span><\/p>\n

\u201cAutomjeti n\u00eb fjal\u00eb \u00ebsht\u00eb n\u00eb pron\u00ebsi t\u00eb nj\u00eb subjekti privat, me aktivitet tregtar t\u00eb regjistruar sipas ligjeve n\u00eb fuqi. Partia Socialiste ka nj\u00eb kontrat\u00eb qeraje me subjektin, i cili ushtron prej m\u00eb shum\u00eb se 5 vitesh aktivitet n\u00eb fush\u00ebn e shitjes dhe dh\u00ebnies me qera t\u00eb automjeteve. Automjeti nuk ka element\u00eb t\u00eb ve\u00e7anta sigurie. Ai \u00ebsht\u00eb marr\u00eb pasi automjeti i m\u00ebparsh\u00ebm n\u00eb p\u00ebrdorim t\u00eb Kryetarit t\u00eb PS, nuk plot\u00ebsonte m\u00eb standardet e l\u00ebvizjes p\u00ebr shkak t\u00eb amortizimit si pasoj\u00eb e vjet\u00ebrsis\u00eb dhe numrit t\u00eb madh t\u00eb kilometrave t\u00eb kryer. Me k\u00ebt\u00eb rast theksojm\u00eb se kryeministri nuk ka bler\u00eb nj\u00eb automjet t\u00eb ri me fondet e buxhetit t\u00eb shtetit, qysh nga ardhja e tij n\u00eb detyr\u00eb.\u201d<\/em><\/span><\/p>\n

Makina e kryeministrit \u00ebsht\u00eb GMC Yukon XL, q\u00eb fillon nga 50-60 mij\u00eb dollar\u00eb p\u00ebr modelet baz\u00eb, por mund t\u00eb kap\u00eb vlera shum\u00eb m\u00eb t\u00eb m\u00ebdha n\u00eb var\u00ebsi t\u00eb opsioneve apo modifikimeve q\u00eb mjeti mund t\u00eb p\u00ebsoj\u00eb p\u00ebr \u00e7\u00ebshtje sigurie apo performance. <\/span><\/p>\n

Nuk dihet ende si duket makina e kreut t\u00eb qeveris\u00eb nga brenda por nj\u00eb GMC Yukon XL e vitit 2020, e ngjashm\u00eb me at\u00eb t\u00eb kreut t\u00eb qeveris\u00eb ka k\u00ebt\u00eb pamje nga brenda.<\/span><\/p>\n