{"id":469729,"date":"2021-08-26T16:24:34","date_gmt":"2021-08-26T14:24:34","guid":{"rendered":"https:\/\/hashtag.al\/?p=469729"},"modified":"2021-08-26T19:05:43","modified_gmt":"2021-08-26T17:05:43","slug":"becchetti-fillon-ekzekutimin-e-gjobes-konfiskon-miliona-euro-ne-eurocontrol-video","status":"publish","type":"post","link":"https:\/\/www.hashtag.al\/index.php\/2021\/08\/26\/becchetti-fillon-ekzekutimin-e-gjobes-konfiskon-miliona-euro-ne-eurocontrol-video\/","title":{"rendered":"Becchetti fillon ekzekutimin e gjob\u00ebs, konfiskon miliona euro n\u00eb Eurocontrol (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Ndon\u00ebse kryeministri Edi Rama zotohet publikisht se Shqip\u00ebria nuk do ta paguaj\u00eb gjob\u00ebn 110 milion\u00eb euro p\u00ebr Becchetin, pagesa e saj tashm\u00eb ka nisur.<\/span><\/p>\n

MCN zbulon ekskluzivisht se biznesmeni italian ka bllokuar llogarit\u00eb e Shqip\u00ebris\u00eb n\u00eb Eurocontrol duke konfiskuar miliona euro t\u00eb ardhura q\u00eb duhet t\u00eb vinin n\u00eb Albcontrol. Megjith\u00ebse lajmi n\u00eb Tiran\u00eb mbahet sekret shtet\u00ebror nga qeveria, MCN arriti ta konfirmoj\u00eb at\u00eb nga tre burime t\u00eb pavarura n\u00eb nivelet m\u00eb t\u00eb larta, nj\u00ebri prej t\u00eb cil\u00ebve pjes\u00eb e Eurocontrol.<\/span><\/p>\n

Por si po merren parat\u00eb?<\/span><\/strong><\/p>\n

\u00c7do vend q\u00eb b\u00ebn pjes\u00eb n\u00eb hap\u00ebsir\u00ebn e p\u00ebrbashk\u00ebt ajrore europiane, pra q\u00eb \u00ebsht\u00eb pjes\u00eb e Eurocontrol, fiton t\u00eb ardhura nga p\u00ebrdorimi i hap\u00ebsir\u00ebs s\u00eb tij ajrore. E th\u00ebn\u00eb me qarta, \u00e7do avion q\u00eb kalon n\u00eb hap\u00ebsir\u00ebn ajrore t\u00eb Shqip\u00ebris\u00eb, paguan nj\u00eb tarif\u00eb t\u00eb caktuar, e cila n\u00eb termin teknik njihet si en-route charge.<\/span><\/p>\n

K\u00ebto tarifa, shoq\u00ebrit\u00eb e fluturimit ja paguajn\u00eb Eurocontrolit n\u00eb Bruksel. M\u00eb pas, Eurocontrol i shp\u00ebrndan ato te vendet p\u00ebrkat\u00ebse n\u00eb m\u00ebnyr\u00eb periodike. N\u00eb rastin e Shqip\u00ebris\u00eb, Eurocontrol i derdh parat\u00eb n\u00eb ark\u00ebn e Albcontrol, shoq\u00ebris\u00eb shqiptare t\u00eb sh\u00ebrbimeve t\u00eb navigimit ajror.\u00a0<\/span><\/p>\n

N\u00eb vitin 2019, Shqip\u00ebria fitoi 25.3 milion\u00eb euro nga tarifa e p\u00ebrdorimit t\u00eb hap\u00ebsir\u00ebs ajrore. N\u00eb vitin 2020, kur trafiku ajror u reduktua ndjesh\u00ebm p\u00ebr shkak t\u00eb pandemis\u00eb shum\u00eb ra n\u00eb 11 milion\u00eb euro. Por k\u00ebt\u00eb vit, me rim\u00ebk\u00ebmbjen e industris\u00eb ajrore, fluturimet kan\u00eb sh\u00ebnuar nj\u00eb rritje t\u00eb ndjeshme dhe t\u00eb ardhurat po ashtu duhet t\u00eb rriteshin. Megjithat\u00eb, n\u00eb arkat e Albcontrol nuk po hyn m\u00eb asnj\u00eb e ardhur nga tarifa e p\u00ebrdorimit t\u00eb hap\u00ebsir\u00ebs ajrore.<\/span><\/p>\n

Llogaria e Albcontrol n\u00eb Eurocontrol \u00ebsht\u00eb e bllokuar dhe prej muajsh t\u00eb ardhurat q\u00eb duhet t’i derdheshin Shqip\u00ebris\u00eb kalojn\u00eb direkt n\u00eb llogarin\u00eb e biznesmenit italian.<\/span><\/p>\n

MCN ka m\u00ebsuar se deri m\u00eb tani, Becchetti ka konfiskuar minimalisht 3 deri n\u00eb 4 milion\u00eb euro.<\/span><\/p>\n

Llogaria e Shqip\u00ebris\u00eb n\u00eb Eurocontrol do t\u00eb vazhdoj\u00eb t\u00eb q\u00ebndroj\u00eb e bllokuar derisa biznesmeni italian t\u00eb konfiskoj\u00eb t\u00eb gjith\u00eb shum\u00ebn e gjob\u00ebs 110 milion\u00eb euro, e cila bashk\u00eb me interesat tashm\u00eb ka arritur n\u00eb 120 milion\u00eb euro.<\/span><\/p>\n

Pra Shqip\u00ebria ka nisur tashm\u00eb t\u00eb paguaj\u00eb hara\u00e7in e r\u00ebnd\u00eb t\u00eb gjyqit me Becchetin, nd\u00ebrkoh\u00eb q\u00eb qeveria n\u00eb Tiran\u00eb zotohet se Beccheti nuk do t\u00eb marr\u00eb asnj\u00eb lek.<\/span><\/p>\n

VINI RE<\/strong><\/span>: Ky material \u00ebsht\u00eb pron\u00ebsi intelektuale e MCN<\/span><\/a><\/span><\/p>\n