{"id":422123,"date":"2021-01-08T13:31:44","date_gmt":"2021-01-08T12:31:44","guid":{"rendered":"https:\/\/hashtag.al\/?p=422123"},"modified":"2021-01-08T13:34:46","modified_gmt":"2021-01-08T12:34:46","slug":"toka-e-banesa-te-permbytura-si-paraqitet-situata-ne-vend-pas-shirave-te-dendur-video","status":"publish","type":"post","link":"https:\/\/www.hashtag.al\/index.php\/2021\/01\/08\/toka-e-banesa-te-permbytura-si-paraqitet-situata-ne-vend-pas-shirave-te-dendur-video\/","title":{"rendered":"Banesa, toka e rrug\u00eb t\u00eb p\u00ebrmbytura, si paraqitet situata n\u00eb vend pas shirave t\u00eb dendur (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Q\u00eb prej disa dit\u00ebsh vendi \u00ebsht\u00eb p\u00ebrfshir\u00eb nga reshje t\u00eb dendura shiu. Ashtu si\u00e7 ishte paralajm\u00ebruar m\u00eb her\u00ebt nga IGJEUM (Instituti i Gjeoshkencave, Energjis\u00eb, Ujit e Mjedisit), nga data 6 janar deri m\u00eb 11 janar vendi pritet t\u00eb goditet nga reshje t\u00eb dendura shiu duke rrezikur p\u00ebrmbytje. <\/span><\/p>\n

Pas p\u00ebrmbytjeve t\u00eb djeshme n\u00eb Fush\u00eb Kruj\u00eb e Vlor\u00eb, situata \u00ebsht\u00eb b\u00ebr\u00eb kritike 24 or\u00ebt e fundit n\u00eb disa zona t\u00eb vendit, kryesisht n\u00eb veriper\u00ebndim.<\/span><\/p>\n

P\u00ebrmbytje masive ka pasur n\u00eb Fush\u00eb Kruj\u00eb, Lezh\u00eb, Shkod\u00ebr, Kurbin. N\u00eb Shkod\u00ebr, mij\u00ebra hektar\u00eb tok\u00eb jan\u00eb n\u00ebn uj\u00eb nd\u00ebrsa disa rrug\u00eb paraqesin v\u00ebshtir\u00ebsi n\u00eb qarkullim.<\/span><\/p>\n

Edhe n\u00eb zon\u00ebn e Lezh\u00ebs, ka pasur v\u00ebrshime uj\u00ebrash dhe n\u00eb fshatrat p\u00ebrreth tokat bujq\u00ebsore jan\u00eb n\u00ebn uj\u00eb. Brenda qytetit, n\u00eb zon\u00ebn e spitalit ka pasur rr\u00ebshqitje dheu oran\u00eb banesave duke \u00e7uar n\u00eb evakuimin e tyre p\u00ebr t\u00eb shmangur pasojat n\u00eb jet\u00ebn e banor\u00ebve.<\/span><\/p>\n

Sipas policis\u00eb disa ura n\u00eb zon\u00ebn e Lezh\u00ebs e Shkodr\u00ebs jan\u00eb p\u00ebrmbytur e kan\u00eb p\u00ebsuar d\u00ebmtimet strukturore. Urat e prekura jan\u00eb ato n\u00eb Kallmet, Daj\u00e7 e Gjad\u00ebr.\u00a0<\/span><\/p>\n

Tejet e goditur paraqitet Fush\u00eb Kruja me fshatrat p\u00ebrreth. Lumi Ish\u00ebm nga dal\u00eb nga shtrati dhe n\u00eb fshatrat Derven, Murqin\u00eb, Mallku\u00e7, Bilaj e Ish\u00ebm jan\u00eb p\u00ebrballur me p\u00ebrmbytje. <\/span><\/p>\n

P\u00ebrve\u00e7 tokave bujq\u00ebsore, n\u00ebn uj\u00eb kan\u00eb p\u00ebrfunduar dhjet\u00ebra banesa. N\u00eb Durr\u00ebs ka pasur p\u00ebrmbytje t\u00eb disa rrug\u00ebve nd\u00ebrsa n\u00eb zon\u00ebn e ur\u00ebs s\u00eb Dajlanit situata \u00ebsht\u00eb paraqitur kritike p\u00ebr shkak t\u00eb shp\u00ebrthimit t\u00eb pompave t\u00eb ujit aty.<\/span><\/p>\n

Lumi Shkumbin n\u00eb Shqip\u00ebrin\u00eb e mesme \u00ebsht\u00eb fryr\u00eb tej mase nga reshjet por nuk raportohen ende d\u00ebme t\u00eb shkaktuara prej tij.<\/span><\/p>\n

N\u00eb digat e hidrocentraleve t\u00eb Vaut t\u00eb Dej\u00ebs e Ulz\u00ebs ka nisur shkarkimi i uj\u00ebrave. KESH-i ka hapur portat p\u00ebr t\u00eb shmangur p\u00ebrmbytjen e hidrocentraleve megjithat\u00eb sipas drejtuesve t\u00eb korporat\u00ebs, shkarkimet jan\u00eb t\u00eb kontrolluara dhe nuk paraqesin rrezik p\u00ebr p\u00ebrmbytje.<\/span><\/p>\n

Dit\u00ebn e djeshme presidenti Meta i b\u00ebri thirrje qeveris\u00eb q\u00eb t\u00eb marr\u00eb seriozisht raportin e IGJEUM dhe t\u00eb marr\u00eb t\u00eb gjitha masat p\u00ebr t\u00eb parandaluar pasojat serioze nga p\u00ebrmbytjet.<\/span><\/p>\n

Edhe p\u00ebr dit\u00ebt n\u00eb vijim, jan\u00eb parashikuar reshje t\u00eb dendura shiu n\u00eb mbar\u00eb vendin.<\/span><\/p>\n

\"\"<\/span><\/p>\n