{"id":412884,"date":"2020-11-21T23:07:12","date_gmt":"2020-11-21T22:07:12","guid":{"rendered":"https:\/\/hashtag.al\/?p=412884"},"modified":"2020-11-21T23:08:50","modified_gmt":"2020-11-21T22:08:50","slug":"nje-jave-me-pare-tentuan-ta-rrembenin-kush-eshte-shqiptari-adriatik-tresa-qe-u-ekzekutua-me-6-plumba-ne-ekuador-video","status":"publish","type":"post","link":"https:\/\/www.hashtag.al\/index.php\/2020\/11\/21\/nje-jave-me-pare-tentuan-ta-rrembenin-kush-eshte-shqiptari-adriatik-tresa-qe-u-ekzekutua-me-6-plumba-ne-ekuador-video\/","title":{"rendered":"Nj\u00eb jav\u00eb m\u00eb par\u00eb tentuan ta rr\u00ebmbenin, kush \u00ebsht\u00eb shqiptari Adriatik Tresa q\u00eb u ekzekutua me 6 plumba n\u00eb Ekuador (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

P\u00ebrplasja mes karteleve te drog\u00ebs ka sh\u00ebnuar viktim\u00ebn e radh\u00ebs shqiptare n\u00eb Ekuador. Adriatik Tresa, nj\u00eb em\u00ebr shum\u00eb i njohur p\u00ebr autoritetet policore t\u00eb vendit amerikano-latin, \u00ebsht\u00eb ekzekutuar n\u00eb sht\u00ebpin\u00eb e tij. <\/span><\/p>\n

Vrasja \u00ebsht\u00eb b\u00ebr\u00eb nga nj\u00eb grup personash t\u00eb veshur si polic\u00eb. Ata kan\u00eb b\u00ebr\u00eb t\u00eb mundur n\u00ebnshtrimin e rojeve t\u00eb siguris\u00eb dhe kan\u00eb p\u00ebrparuar 400 metra dhe kan\u00eb hyr\u00eb n\u00eb banes\u00ebn e shqiptarit Adriatik Tresa, duke e vrar\u00eb at\u00eb. Nj\u00eb person e q\u00eblloi 6 her\u00eb shqiptarin me origjin\u00eb nga periferia e Tiran\u00ebs.<\/span><\/p>\n

Adriatik Tresa, \u00ebsht\u00eb shqiptari q\u00eb u q\u00ebllua p\u00ebr vdekje nj\u00eb dit\u00eb m\u00eb par\u00eb n\u00eb qytetin e Guayakilit n\u00eb Ekuador. Nj\u00eb jav\u00eb m\u00eb par\u00eb ai i kishte shp\u00ebtuar nj\u00eb tentative pengmarrje, pasi rojet e Tres\u00ebs kishin mundur t\u00eb neutralizonin autor\u00ebt.<\/span><\/p>\n

Tresa njihet si person me precedent\u00eb penale n\u00eb Ekuador, pasi n\u00eb vitin 2017 ai \u00ebsht\u00eb arrestuar nga policia, pasi gjat\u00eb nj\u00eb kontrolli n\u00eb banes\u00eb,ku dyshohej se Tresa ishte i p\u00ebrfshir\u00eb n\u00eb vrasjen e nj\u00eb shqiptari tjet\u00ebr, policia i gjeti nj\u00eb pistolet\u00eb pa lej\u00eb. <\/span><\/p>\n

Mandej n\u00eb 2013 Tresa \u00ebsht\u00eb hetuar p\u00ebr akuz\u00ebn e pastrimit t\u00eb parave, por dhe ky hetim nuk ka sjell\u00eb rezultat. Vrasja e Tres\u00ebs lidhet me p\u00ebrplasjen e bandave rivale Shqiptare q\u00eb veprojn\u00eb n\u00eb Ekuador, ku aktivitet i tyre \u00ebsht\u00eb trafiku i kokain\u00eb. <\/span><\/p>\n

Tresa \u00ebsht\u00eb ekzekutuar brenda, n\u00eb vil\u00ebn e tij luksoze, ku e pranishme n\u00eb momentin e krimit, sipas mediave ekuadoriane, ka qen\u00eb dhe bashk\u00ebshortja e tij me komb\u00ebsi nga Ekuadori. <\/span><\/p>\n

Kat\u00ebr vras\u00ebsit, kan\u00eb mundur t\u00eb hyjn\u00eb n\u00eb vil\u00ebn ku banonte Adriatik Tresa, duke u prezantuar si polici dhe se kishin nj\u00eb mandat kontrolli n\u00eb banes\u00eb. Si\u00e7 duket n\u00eb k\u00ebto pamje filmike autor\u00ebt e krimit kan\u00eb qen\u00eb t\u00eb veshur si polic\u00eb, nd\u00ebrkoh\u00eb q\u00eb dy automjetet me t\u00eb cilat ata jan\u00eb shfaqur n\u00eb hyrje t\u00eb vil\u00ebs rezidenciale t\u00eb shqiptarit, Adriatik Tresa, kan\u00eb qen\u00eb t\u00eb pajisura me fenelina policie.<\/span><\/p>\n

Pamjet filmike tregojn\u00eb qart\u00eb se autor\u00ebt kan\u00eb hyr\u00eb shum\u00eb t\u00eb qet\u00eb brenda n\u00eb banes\u00eb, dhe mandej kan\u00eb dep\u00ebrtuar n\u00eb brend\u00ebsi t\u00eb ambienteve t\u00eb sht\u00ebpis\u00eb, derisa kan\u00eb gjetur objektivin e tyre, Adriatik Tresa. <\/span><\/p>\n

Sapo ky i fundit \u00ebsht\u00eb gjendur p\u00ebrball\u00eb personave t\u00eb veshur si polici, ata kan\u00eb nxjerr\u00eb nga posht\u00eb xhupave, pushk\u00eb automatike, duke q\u00eblluar nga nj\u00eb distanc\u00eb e af\u00ebrt plot 6 her\u00eb, objektivin Adriatik Tresa. E pranishme, gjat\u00eb momentit t\u00eb vrasjes ka qen\u00eb dhe gruaja e Tres\u00ebs, por fatmir\u00ebsisht ajo nuk ka p\u00ebsuar asnj\u00eb l\u00ebndim nga grupi i vras\u00ebsve.<\/span><\/p>\n

Tresa p\u00ebr policin\u00eb ekuadorian\u00eb, konsiderohej si person i p\u00ebrfshir\u00eb n\u00eb trafikun e kokain\u00ebs. Ky biznes me sa duket \u00ebsht\u00eb b\u00ebr\u00eb shkak p\u00ebr vrasjen e tij mafioze. <\/span><\/p>\n

\u201cT\u00eb pakt\u00ebn shtat\u00eb persona mor\u00ebn pjes\u00eb n\u00eb vrasje: dy shofer\u00eb, dy q\u00eb q\u00ebndruan n\u00eb kutin\u00eb e rojeve dhe tre q\u00eb hyn\u00eb n\u00eb sht\u00ebpi dhe ekzekutuan t\u00eb huajin, i cili ishte martuar me nj\u00eb grua ekuadoriane dhe mbante nj\u00eb ID komb\u00ebtare\u201d<\/em> – jan\u00eb shprehur autoritetet m\u00eb t\u00eb larta t\u00eb policis\u00eb ekuadoriane.<\/span><\/p>\n

Tresa, 42 vjec, \u00ebsht\u00eb shqiptari i 5-t\u00eb i vrar\u00eb n\u00eb Ekuador n\u00eb tre vite. I pari \u00ebsht\u00eb vrar\u00eb n\u00eb 2017, e m\u00eb pas pasoi nj\u00eb seri vrasjes ende t\u00eb pazbardhura. <\/span><\/p>\n

N\u00eb vitin 2017\u00a0 jan\u00eb vrar\u00eb Ilir Hidri nga Vora, nj\u00eb vit m\u00eb von\u00eb u ekzekutua Adriatik Llagji nga Borshi dhe Fadil Ka\u00e7aniq. <\/span><\/p>\n

Po n\u00eb vitin 2018 nj\u00eb tjet\u00ebr shqiptar q\u00eb l\u00ebvizte me makin\u00eb t\u00eb blinduar iu b\u00eb atentat po n\u00eb qytetin e Guayaquil. <\/span><\/p>\n

P\u00ebr k\u00ebto vrasje policia shqiptare \u00ebsht\u00eb njoftuar nga Interpol Ekuador se lidhen me trafikun e drog\u00ebs por ende nuk kan\u00eb asnj\u00eb t\u00eb dh\u00ebn\u00eb. <\/span><\/p>\n

Tresa 7 vite m\u00eb par\u00eb ka qen\u00eb i arrestuar edhe si i dyshuar p\u00ebr vrasjen e nj\u00eb gazetari n\u00eb Ekuador por l\u00ebn\u00eb i lir\u00eb n\u00eb munges\u00eb provash.<\/span><\/p>\n

VINI RE<\/strong><\/span>: Ky material \u00ebsht\u00eb pron\u00ebsi intelektuale e Shqiptarja<\/span><\/a><\/span><\/p>\n