{"id":406619,"date":"2020-10-19T15:33:27","date_gmt":"2020-10-19T13:33:27","guid":{"rendered":"https:\/\/hashtag.al\/?p=406619"},"modified":"2020-10-19T15:33:27","modified_gmt":"2020-10-19T13:33:27","slug":"a-i-dha-presidenti-nje-mesazh-te-koduar-lulzim-bashes","status":"publish","type":"post","link":"https:\/\/www.hashtag.al\/index.php\/2020\/10\/19\/a-i-dha-presidenti-nje-mesazh-te-koduar-lulzim-bashes\/","title":{"rendered":"A i dha presidenti nj\u00eb mesazh t\u00eb koduar Lulzim Bash\u00ebs?","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Nj\u00eb deklarat\u00eb e presidentit Meta dit\u00ebn e sotme ka shkaktuar jo pak paqart\u00ebsi dhe efekt mediatik, por jo vet\u00ebm.<\/span><\/p>\n

Teksa kreu i shtetit po u p\u00ebrgjigjej pyetjeve t\u00eb gazetar\u00ebve gjat\u00eb bashk\u00ebbisedimit n\u00eb Presidenc\u00eb, n\u00eb fund t\u00eb saj ai u \u2018ngacmua\u2019 lidhur me nj\u00eb deklarat\u00eb t\u00eb Bash\u00ebs.<\/span><\/p>\n

Gazetarja iu drejtua Met\u00ebs duke i th\u00ebn\u00eb: \u201cDua ta nis me nj\u00eb pyetje nga nj\u00eb deklarat\u00eb e kreut t\u00eb PD-s\u00eb se ju mund t\u00eb b\u00ebni rolin e kryetarit t\u00eb opozit\u00ebs vet\u00ebm n\u00ebse z. Basha b\u00ebn rolin presidentit. A e shihni si nj\u00eb mesazh q\u00eb ju jep ju z. Basha q\u00eb mos t\u00eb nd\u00ebrhyni shum\u00eb n\u00eb territorin e tij?\u201d<\/em><\/span><\/p>\n

K\u00ebsaj pyetjeje, Meta iu p\u00ebrgjigj duke th\u00ebn\u00eb se mbrojtja e Kushtetu\u00ebs \u00ebsht\u00eb detyra e par\u00eb e Presidentit t\u00eb Republik\u00ebs dhe se ai \u00ebsht\u00eb ushtar i par\u00eb i saj. <\/span><\/p>\n

Por le t\u00eb ndalemi pak te pjesa e fundit e p\u00ebrgjigjes s\u00eb Met\u00ebs lidhur me pyetjen q\u00eb iu p\u00ebr deklarat\u00ebn e Bash\u00ebs. <\/span><\/p>\n

Meta tha tekstualisht: \u201cDhe atij zot\u00ebris\u00eb i them p\u00ebrpiqu t\u00eb b\u00ebsh aq sa b\u00ebn Izetbegovi\u00e7 kur e mor\u00ebn peng. Thuaji popullit t\u00eb q\u00eb jam peng dhe vazhdo pun\u00ebn t\u00ebnde. Sepse k\u00ebt\u00eb popull dhe k\u00ebt\u00eb vend nuk e merr askush peng m\u00eb n\u00eb k\u00ebt\u00eb qiell dhe n\u00eb k\u00ebt\u00eb tok\u00eb.\u201d<\/em><\/span><\/p>\n

Pik\u00ebrisht kjo deklarat\u00eb u shp\u00ebrnda menj\u00ebher\u00eb n\u00eb mediat n\u00eb vend duke nxitur nj\u00eb reagim t\u00eb menj\u00ebhersh\u00ebm t\u00eb z\u00ebdh\u00ebn\u00ebsit t\u00eb presidentit, Tedi Blushi.<\/span><\/p>\n

N\u00eb nj\u00eb postim n\u00eb Facebook, ai sqaron se termi \u2018peng\u2019 i p\u00ebrdorur nga presidenti Meta i adresohet direkt kryeministrit n\u00eb detyr\u00eb, i cili duhet t\u00eb heq\u00eb dor\u00eb urgjentisht nga pengmarrja e s\u00eb ardhmes europiane t\u00eb Shqip\u00ebris\u00eb.<\/span><\/p>\n

\u00a0\u201cNj\u00eb sqarim p\u00ebr t\u00eb gjith\u00eb koleg\u00ebt e nderuar gazetar\u00eb: Referenca p\u00ebr “pengun” i adresohet direkt Kryeministrit ende n\u00eb detyr\u00eb q\u00eb duhet t\u00eb heq\u00eb urgjentisht dor\u00eb nga pengmarrja e s\u00eb ardhmes europiane t\u00eb Shqip\u00ebris\u00eb! Kjo \u00ebsht\u00eb e qart\u00eb!\u201d<\/em> \u2013 shkruan Blushi n\u00eb Facebook.<\/span><\/p>\n

Megjithat\u00eb \u00ebsht\u00eb e v\u00ebshtir\u00eb t\u00eb ndash n\u00ebse presidenti Meta ka folur drejtp\u00ebrdrejt p\u00ebr Bash\u00ebn, apo ka shkaktuar nj\u00eb keqkuptim t\u00eb madh duke folur p\u00ebr Edi Ram\u00ebn, nd\u00ebrsa i p\u00ebrgjigjej nj\u00eb pyetjeje q\u00eb kishte t\u00eb b\u00ebnte me Lulzim Bash\u00ebn.<\/span><\/p>\n

Mohimi zyrtar nga ana e Presidenc\u00ebs gjithsesi \u00ebsht\u00eb i pafuqish\u00ebm p\u00ebr t\u00eb shuar efektin q\u00eb shkaktoi deklarata e presidentit. \/Hashtag.al<\/span><\/span><\/p>\n