{"id":403867,"date":"2020-10-05T15:10:18","date_gmt":"2020-10-05T13:10:18","guid":{"rendered":"https:\/\/hashtag.al\/?p=403867"},"modified":"2020-10-05T15:14:17","modified_gmt":"2020-10-05T13:14:17","slug":"kryemadhi-rames-naten-con-emisare-per-te-shpetuar-koken-pas-25-prillit-e-ke-vendin-ne-qeli","status":"publish","type":"post","link":"https:\/\/www.hashtag.al\/index.php\/2020\/10\/05\/kryemadhi-rames-naten-con-emisare-per-te-shpetuar-koken-pas-25-prillit-e-ke-vendin-ne-qeli\/","title":{"rendered":"Kryemadhi-Ram\u00ebs: Nat\u00ebn \u00e7on emisar\u00eb p\u00ebr t\u00eb shp\u00ebtuar kok\u00ebn, pas 25 prillit e ke vendin n\u00eb qeli (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Kryetarja e LSI-s\u00eb, Kryemadhi, deklaroi sot se me votimin e nj\u00ebansh\u00ebm t\u00eb ndryshimeve n\u00eb Kodin Zgjedhor, kryeministri Rama tregoi se ka frik\u00eb nga populli, nga vota e popullit dhe nga partia e tij dhe vota e lir\u00eb e shqiptar\u00ebve. <\/span><\/p>\n

Ajo theksoi se me Rama nuk i hapi listat por i bunkerizoi ato p\u00ebr t\u00eb larguar vendin nga integrimi europian.<\/span><\/p>\n

\u201cFrikacaku Edi Rama tregoi sot se ka frik\u00eb nga populli i tij, nga verdikti i popullit t\u00eb tij, nga partia e tij por mbi t\u00eb gjitha nga vota e lir\u00eb e shqiptar\u00ebve. Ai jo vet\u00ebm q\u00eb sot nuk hapi listat p\u00ebr qytetar\u00ebt shqiptar\u00eb, por p\u00ebrkundrazi i bunkerizoi ato p\u00ebr t\u00eb larguar nj\u00ebher\u00eb e p\u00ebrgjithmon\u00eb vendin nga integrimi europian. Ai ka frik\u00eb nga partner\u00ebt nd\u00ebrkomb\u00ebtar\u00eb ku pak dit\u00eb m\u00eb par\u00eb u dekonspirua drejtori i tij i OFL-s\u00eb.\u201d<\/em> \u2013 tha Kryemadhi.<\/span><\/p>\n

Kryetarja e LSI-s\u00eb tha m\u00eb tej se Rama \u00ebsht\u00eb armik i m\u00ebsuesve, naft\u00ebtar\u00ebve, mjek\u00ebve, infermier\u00ebve dhe t\u00eb rinjve t\u00eb vendit.<\/span><\/p>\n

\u201cSot Edi Rama tregoi q\u00eb ka frik\u00eb dhe s\u2019mund t\u00eb ndahet nga bandat. Rilindja ngat\u00ebrron Lluc\u00ebn me Luc\u00ebn. \u00cbsht\u00eb armik i qytetar\u00ebve t\u00eb cil\u00ebt humb\u00ebn sht\u00ebpit\u00eb n\u00eb t\u00ebrmetin e 26 n\u00ebntorit. Edi Rama sot \u00ebsht\u00eb armik i naft\u00ebtar\u00ebve t\u00eb Ballshit, djersa e t\u00eb cil\u00ebve \u00ebsht\u00eb n\u00eb xhepat e familjar\u00ebve t\u00eb tij. Edi Rama sot \u00ebsht\u00eb armik i mjek\u00ebve dhe infermier\u00ebve shqiptar\u00eb q\u00eb prej disa muajsh nuk paguhen as nuk mbrohen nga pandemia. P\u00ebrkundrazi parat\u00eb e tyre i kalon me vendime sekrete tek xhepat e oligark\u00ebve. Ai \u00ebsht\u00eb armik i arsimit dhe m\u00ebsuesve q\u00eb n\u00eb kushtet mizerab\u00ebl p\u00ebrpiqen t\u00eb edukojn\u00eb f\u00ebmij\u00ebt e shqiptar\u00ebve. Jan\u00eb gjasht\u00eb muajt e fundit t\u00eb tij dhe nuk i mjaftojn\u00eb p\u00ebr t\u00eb pastruar pisll\u00ebqet e 8 viteve.\u201d<\/em> \u2013 shtoi ajo.<\/span><\/p>\n

N\u00eb fund, Kryemadhi tha se Rama \u00e7on nat\u00ebn emisar\u00eb p\u00ebr t\u00eb shp\u00ebtuar kok\u00ebn pas zgjedhjeve dhe se pas 25 prillit e ka vendin n\u00eb qeli.<\/span><\/p>\n

\u201cSot b\u00ebn si i fort\u00eb n\u00ebp\u00ebr televizione, por nat\u00ebn sjell emisar\u00ebt e tij p\u00ebr t\u00eb shp\u00ebtuar kok\u00ebn pas 25 prillit. M\u00eb kot lodhesh, era e qelbur e kufom\u00ebs politike q\u00eb t\u00eb rrethon s\u2019mund ta mbulojn\u00eb as parfumet m\u00eb t\u00eb shtrenjta t\u00eb Rilindjes brenda dhe jasht\u00eb vendit. Ti e ke vendin aty tek bashk\u00ebpun\u00ebtor\u00ebt e tu, aty ku i ke \u00e7uar dhe si\u00e7 ndodh r\u00ebndim do t\u00eb jesh koleg i qelis\u00eb s\u00eb tyre.\u201d<\/em> – mbylli Kryemadhi.<\/span><\/p>\n