![\"\"](\"https:\/\/hashtag.al\/wp-content\/uploads\/2020\/10\/Seladin-Xhezairi.jpg\")
<\/p>\n<\/p>\n
\u201cI mandatuari p\u00ebr formimin e qeveris\u00eb s\u00eb re malazeze, Zdravko Krivokapiq, ka pranuar se kryesfida e tij mbetet formimi i kabinetit qeveris\u00ebs nga ekspert\u00eb p\u00ebr disa fusha dhe nga njer\u00ebz t\u00eb cil\u00ebt jan\u00eb n\u00eb politik\u00eb dhe q\u00eb me nderin e vet politik do t\u00eb garantojn\u00eb se puna do t\u00eb kryhet sipas kursit t\u00eb cilin qytetar\u00ebt e njoh\u00ebn dhe votuan p\u00ebr t\u00eb me shumic\u00eb. Mir\u00ebpo, v\u00ebzhgues dhe ekspert\u00ebt paralajm\u00ebrojn\u00eb se n\u00eb k\u00ebt\u00eb rrafsh koalicioni fitues, politikisht tep\u00ebr heterogjen, mund t\u00eb has, jo n\u00eb sfida por problem serioze\u201d.<\/em><\/span><\/p>\n Shkruan: Seladin Xhezairi<\/strong><\/span><\/p>\n N\u00eb fakt, Zdravko Krivokapiq n\u00eb k\u00ebt\u00eb m\u00ebnyr\u00eb pranon v\u00ebshtir\u00ebsit\u00eb me t\u00eb cilat po p\u00ebrballet aktualisht p\u00ebr shkak t\u00eb pozicionimeve t\u00eb deritashme t\u00eb partner\u00ebve t\u00eb cil\u00ebt e krijuan mazhoranc\u00ebn parlamentare: Shumica prej tyre \u00ebsht\u00eb identifikuar deri tani n\u00eb sken\u00ebn politike t\u00eb vendit dhe k\u00ebt\u00eb as q\u00eb e fshehin \u2013 si pro-serbe dhe n\u00ebn ndikim t\u00eb Kish\u00ebs Ortodokse Serbe.<\/span><\/p>\n Njoftimet nga Podgorica flasin p\u00ebr p\u00ebrplasje serioze mes t\u00eb ashtuquajturit Front Demokratik me lidhje t\u00eb fuqishme me Beogradin, nga nj\u00ebra an\u00eb, dhe partis\u00eb qytetare Ura t\u00eb Dritan Abazoviqit, nga ana tjet\u00ebr, e cila angazhohet q\u00eb n\u00eb sektor\u00eb t\u00eb mbrojtjes e t\u00eb siguris\u00eb, po edhe t\u00eb pun\u00ebve t\u00eb jashtme t\u00eb mos ket\u00eb eksponent\u00eb politik t\u00eb cil\u00ebt edhe n\u00eb t\u00eb kaluar\u00ebn jo fort t\u00eb larg\u00ebt kan\u00eb mbrojtur q\u00ebndrime q\u00eb bien ndesh me vlerat euro-atlantike duke favorizuar lidhjet me Serbin\u00eb dhe Rusin\u00eb.<\/span><\/p>\n Duke u munduar t\u00eb anashkaloj\u00eb atmosfer\u00ebn e krijuar s\u00eb fundmi, Krivokapiq, kryeministri i ardhsh\u00ebm i republik\u00ebs malazeze me di\u00e7ka m\u00eb shum\u00eb se 620 mij\u00eb banor\u00eb, n\u00eb nj\u00eb shkrim autorial, k\u00ebt\u00eb t\u00eb enjte, ka em\u00ebrtuar ekonomin\u00eb si prioritetin num\u00ebr nj\u00eb, duke n\u00ebnvizuar se \u2018askush n\u00eb Mal t\u00eb Zi, po as n\u00eb komunitetin nd\u00ebrkomb\u00ebtar nuk ka p\u00ebr t\u00eb toleruar m\u00eb korrupsionin dhe kriminalitetin ose paaft\u00ebsin\u00eb\u2019.<\/span><\/p>\n N\u00eb t\u00eb nj\u00ebjt\u00ebn koh\u00eb, shefi i Delegacionit t\u00eb Parlamentit Evropian p\u00ebr Malin e Zi, Vladimir Bil\u00e7ik, po k\u00ebto dit\u00eb, ka t\u00ebrhequr v\u00ebrejtjen se me r\u00ebnd\u00ebsi par\u00ebsore p\u00ebr institucionet evropiane \u00ebsht\u00eb q\u00eb qeveria e re t\u00eb ruaj\u00eb qart\u00eb kursin proevropian, jo vet\u00ebm me fjal\u00eb, por \u2013 q\u00eb \u00ebsht\u00eb m\u00eb kryesore \u2013 me vepra\u2019.<\/span><\/p>\n Ekonomisti i njohur, Vladimir Gligorov, nga Instituti Nd\u00ebrkomb\u00ebtar i Vjen\u00ebs, nd\u00ebrkaq duke rikujtuar se fitorja e opozit\u00ebs malazeze nuk ishte e atill\u00eb sa t\u00eb reflektonte vullnetin e padyshimt\u00eb t\u00eb popullit p\u00ebr ndryshime radikale, thot\u00eb ai, solli ndarjen. Agazhimi i pushtetar\u00ebve t\u00eb rinj, argumenton Gligorov, jo p\u00ebr vazhdim\u00ebsi, por p\u00ebr ndryshime radikale, jo p\u00ebr q\u00ebndrueshmeri, por p\u00ebr revolucionaritet, mund t\u00eb sjell\u00eb probleme. Eksperti ka rezerva edhe ndaj angazhimeve p\u00ebr nj\u00eb qeveri ekspert\u00ebsh. Ajo \u00ebsht\u00eb e k\u00ebtill\u00eb \u2018n\u00ebse gjen m\u00ebnyr\u00ebn m\u00eb t\u00eb mir\u00eb p\u00ebr zbatimin e objektivave politike, kur zgjedhja e objektivave \u00ebsht\u00eb politike e jo profesionale.<\/span><\/p>\n N\u00eb zgjedhje \u2013 zgjedhin qytetar\u00ebt, pastaj qeveria i propozon parlamentit \u2018\u00e7ka\u2019 dhe \u2018si\u2019. Zakonisht p\u00ebr k\u00ebt\u00eb \u2018si\u2019 kompetent \u00ebsht\u00eb sh\u00ebrbimi profesional, jopolitik, \u00ebsht\u00eb administrata. Dometh\u00ebn\u00eb, Qeveria e ekspert\u00ebve \u00ebsht\u00eb sikur administrata t\u00eb merrte qeverin\u00eb,\u2019- S\u00eb k\u00ebndejmi, v\u00ebzhguesit nuk p\u00ebrjashtojn\u00eb mund\u00ebsin\u00eb q\u00eb gjat\u00eb tri jav\u00ebve n\u00eb vazhdim, deri n\u00eb zgjedhjen e qeveris\u00eb s\u00eb re Podgorica politike t\u00eb p\u00ebrballet me probleme ndaj t\u00eb cilave nuk ka p\u00ebr t\u00eb qen\u00eb indiferente as bashk\u00ebsia nd\u00ebrkomb\u00ebtare.<\/span><\/p>\n