{"id":400799,"date":"2020-09-20T19:09:48","date_gmt":"2020-09-20T17:09:48","guid":{"rendered":"https:\/\/hashtag.al\/?p=400799"},"modified":"2020-09-20T19:09:49","modified_gmt":"2020-09-20T17:09:49","slug":"ndikimet-e-pandemise-covid-19-tek-jeta-e-personave-me-aftesi-te-kufizuara","status":"publish","type":"post","link":"https:\/\/www.hashtag.al\/index.php\/2020\/09\/20\/ndikimet-e-pandemise-covid-19-tek-jeta-e-personave-me-aftesi-te-kufizuara\/","title":{"rendered":"Ndikimet e pandemis\u00eb Covid \u2013 19 tek jeta e personave me aft\u00ebsi t\u00eb kufizuara","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Autore: Fjori Sinoruka<\/strong><\/em><\/span><\/p>\n

Personat me aft\u00ebsi t\u00eb kufizuara n\u00eb p\u00ebrditshm\u00ebrin\u00eb e tyre p\u00ebrballen me mungesa dhe kufizime t\u00eb ndryshme, por pandemia e shkaktuar nga virusi COVID-19 e v\u00ebshtir\u00ebsoi m\u00eb shum\u00eb interaktivitetin social duke krijuar edhe barr\u00eb psikologjike.<\/span><\/p>\n

Suela Lala, drejtuese e Fondacionit \u201cS\u00eb Bashku\u201d i cili ka n\u00eb fokus t\u00eb drejtat e personave me aft\u00ebsi t\u00eb kufizuara, shprehet se situata e shkaktuar nga koronavirusi i ka shkaktuar frik\u00eb dhe pasiguri p\u00ebr veten dhe njer\u00ebzit e af\u00ebrt.<\/span><\/p>\n

\"\"

<\/span> Suela Lala – Fondacioni “S\u00eb Bashku”<\/span><\/p><\/div>\n

\u201cN\u00ebse do t\u00eb s\u00ebmurem, nuk e di n\u00ebse ka masa, pra akomodim t\u00eb mjaftuesh\u00ebm p\u00ebr personat me aft\u00ebsi t\u00eb kufizuara n\u00eb spitalet tona, k\u00ebshtu q\u00eb padyshim frika \u00ebsht\u00eb ndjesia q\u00eb mbizot\u00ebron\u201d<\/em>, shprehet ajo.<\/span><\/p>\n

Lala thekson se personat me aft\u00ebsi t\u00eb kufizuara ndjesin\u00eb e frik\u00ebs dhe t\u00eb humbjes s\u00eb kontrollit, e kan\u00eb pothuajse permanente dhe i shoq\u00ebron gjat\u00eb gjith\u00eb koh\u00ebs, p\u00ebr shkak t\u00eb izolimit dhe t\u00eb barrierave q\u00eb p\u00ebrjetojn\u00eb n\u00eb shoq\u00ebri.<\/span><\/p>\n

Para 6 dit\u00ebsh, Qendra p\u00ebr Kontrollin dhe Parandalimin e S\u00ebmundjeve<\/a> (CDC), sqaroi se \u201cdisa persona me aft\u00ebsi t\u00eb kufizuara mund t\u00eb jen\u00eb n\u00eb risk m\u00eb t\u00eb lart\u00eb p\u00ebr marrjen e virusit p\u00ebr shkak t\u00eb problemeve t\u00eb tjera sh\u00ebndet\u00ebsore q\u00eb mund t\u00eb ken\u00eb.\u201d<\/span><\/p>\n

Gjithashtu sipas CDC, \u201cT\u00eb rriturit me aft\u00ebsi t\u00eb kufizuara jan\u00eb 3 \u2013 fish m\u00eb t\u00eb rrezikuar nga s\u00ebmundje t\u00eb zemr\u00ebs, diabeti dhe kanceri sesa t\u00eb rriturit t\u00eb cil\u00ebt nuk jan\u00eb me aft\u00ebsi t\u00eb kufizuara.\u201d<\/em><\/span><\/p>\n

\"\"<\/span><\/p>\n

T\u00eb gjitha s\u00ebmundjet e m\u00ebsip\u00ebrme, ndikojn\u00eb n\u00eb sistemin ton\u00eb imunitar duke e dob\u00ebsuar at\u00eb. Virusi COVID\u201319, njihet si nj\u00eb virus i cili sulmon sistemin ton\u00eb imunitar dhe ndikon akoma dhe m\u00eb shum\u00eb tek personat t\u00eb cil\u00ebt kan\u00eb probleme ekzistuese sh\u00ebndet\u00ebsore.<\/span><\/p>\n

P\u00ebr shkak t\u00eb nevojave sh\u00ebndet\u00ebsore t\u00eb shtuara, rrjedhimisht dhe kujdesi duhet t\u00eb jet\u00eb i shtuar. Mir\u00ebpo, n\u00eb nj\u00eb prill t\u00eb k\u00ebtij viti komisionet e KEMP \u2013 it u mbyll\u00ebn p\u00ebr shkak t\u00eb situat\u00ebs s\u00eb krijuar nga koronavirusi. Kryeministri Rama deklaroi n\u00eb at\u00eb koh\u00eb<\/a> se pagesat do t\u00eb vijonin t\u00eb merreshin normalisht, kjo krijoi nj\u00eb gjendje t\u00eb v\u00ebshtir\u00eb p\u00ebr personat q\u00eb aplikonin p\u00ebr her\u00eb t\u00eb par\u00eb.<\/span><\/p>\n

\"\"

<\/span> Dan Myzyraj<\/span><\/p><\/div>\n

Dan Myzyraj, banues n\u00eb Durr\u00ebs me v\u00ebshtir\u00ebsi n\u00eb shikim, ka aplikuar p\u00ebr her\u00eb t\u00eb par\u00eb n\u00eb 18 qershor p\u00ebr pages\u00ebn e KEMP- it, por akoma nuk ka marr\u00eb nj\u00eb p\u00ebrgjigje p\u00ebr vijimin e k\u00ebsaj procedure. <\/span><\/p>\n

Ai tregon se \u00ebsht\u00eb n\u00eb pritje, por ende nuk e di se kur duhet t\u00eb paraqitet pran\u00eb komisionit t\u00eb vler\u00ebsimit.<\/span><\/p>\n

Bazuar n\u00eb nj\u00eb deklarat\u00eb t\u00eb OKB<\/a> n\u00eb qershor t\u00eb k\u00ebtij viti, jan\u00eb disa hapa q\u00eb duhet t\u00eb nd\u00ebrmerren p\u00ebr t\u00eb siguruar standardin e duhur p\u00ebr p\u00ebrballimin e COVID-19 nga personat me aft\u00ebsi t\u00eb kufizuara.<\/span><\/p>\n