{"id":390035,"date":"2020-07-27T11:20:46","date_gmt":"2020-07-27T09:20:46","guid":{"rendered":"https:\/\/hashtag.al\/?p=390035"},"modified":"2020-07-27T11:30:52","modified_gmt":"2020-07-27T09:30:52","slug":"edmond-budina-ka-nje-kerkese-per-kryeministrin-me-ler-te-jap-nje-shfaqje-ne-truallin-e-teatrit-kombetar","status":"publish","type":"post","link":"https:\/\/www.hashtag.al\/index.php\/2020\/07\/27\/edmond-budina-ka-nje-kerkese-per-kryeministrin-me-ler-te-jap-nje-shfaqje-ne-truallin-e-teatrit-kombetar\/","title":{"rendered":"Edmond Budina ka nj\u00eb k\u00ebrkes\u00eb p\u00ebr kryeministrin: M\u00eb l\u00ebr t\u00eb jap nj\u00eb shfaqje n\u00eb truallin e Teatrit Komb\u00ebtar","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/strong><\/span><\/p>\n

Regjisori dhe aktori Edmond Budina, ka nj\u00eb thirrje p\u00ebr kryeministrin Edi Rama. Pran\u00eb truallit t\u00eb Teatrit Komb\u00ebtar, Budina tha n\u00eb nj\u00eb deklarat\u00eb p\u00ebr mediat se kishte nj\u00eb k\u00ebrkes\u00eb p\u00ebr kryeministrin Edi Rama, t\u00eb vinte n\u00eb sken\u00eb nj\u00eb shfaqje n\u00eb truallin e Teatrit t\u00eb shembur.<\/span><\/p>\n

\u201cKy \u00ebsht\u00eb vendi i shenjt\u00eb ku \u00ebsht\u00eb luajtur teat\u00ebr profesionist.\u201d<\/em> \u2013 thot\u00eb Budina, i pyetur nga gazetar\u00ebt se p\u00ebrse k\u00ebrkon ta realizoj\u00eb shfaqjen pik\u00ebrisht n\u00eb truallin e Teatrit.<\/span><\/p>\n

Budina theksoi se gjith\u00e7ka do b\u00ebhej konform rregullave t\u00eb p\u00ebrcaktuara nga Ministria e Sh\u00ebndet\u00ebsis\u00eb p\u00ebr t\u2019u mbrojtur nga Covid-19.<\/span><\/p>\n

\u201cMeqen\u00ebse ju jeni pronar i hap\u00ebsirave publike dhe i keni njohur t\u00eb drejt\u00ebn vetes t\u00eb transferoni pron\u00ebsin\u00eb nga pushteti q\u00ebndror n\u00eb at\u00eb lokal, po ashtu sikund\u00ebr un\u00eb legjitimohem n\u00eb t\u00eb drejt\u00ebn kushtetuese t\u00eb ushtrimit t\u00eb profesionit dhe t\u00eb fjal\u00ebs s\u00eb lir\u00eb, ju k\u00ebrkoj t\u00eb m\u00eb lejoni t\u00eb jap nj\u00eb shfaqje n\u00eb truallin e Teatrit Komb\u00ebtar, q\u00eb p\u00ebr qytetar\u00ebt ka qen\u00eb konsideruar p\u00ebrher\u00eb si nj\u00eb hap\u00ebsir\u00eb lirie.<\/em><\/span><\/p>\n

Ju siguroj q\u00eb nuk do t\u00eb ket\u00eb eksploziv, molotov, arm\u00eb, por vet\u00ebm art. Po ashtu ju siguroj q\u00eb shfaqja do t\u00eb jet\u00eb konform rregullave dhe protokollit t\u00eb p\u00ebrcaktuar nga Ministria e Sh\u00ebndet\u00ebsis\u00eb p\u00ebr mbrojtjen nga Covid-19, duke marr\u00eb n\u00eb konsiderat\u00eb distancimin fizik t\u00eb artdash\u00ebsve.\u201d-<\/em> tha Budina.<\/span><\/p>\n

M\u00eb pas ai i thot\u00eb kryeministrit Rama se n\u00ebse ka shqet\u00ebsime p\u00ebr p\u00ebrmbajtjen mund t\u2019ja l\u00ebr\u00eb n\u00eb dispozicion, si dhe e fton t\u00eb marr\u00eb pjes\u00eb si spektator.<\/span><\/p>\n

\u201cN\u00ebse \u00ebsht\u00eb n\u00eb rutin\u00ebn tuaj t\u00eb kontrolloni m\u00eb par\u00eb tekstin, konceptin regjizorial ose \u00e7do lloj informacioni, un\u00eb jam i gatsh\u00ebm t\u2019jua v\u00eb n\u00eb dispozicion. Po ashtu nuk hezitoj t\u2019ju ftoj t\u00eb merrni pjes\u00eb n\u00eb shfaqje, natyrisht si spektator.<\/em><\/span><\/p>\n

N\u00eb momentin e par\u00eb q\u00eb ai do t\u00eb na lejoj\u00eb si pronar i k\u00ebtij vendi. Shfaqjen e kam gati dhe mund ta realizoj n\u00eb \u00e7do moment.\u201d-<\/em> thot\u00eb Budina.<\/span><\/p>\n

Regjisori tha se shfaqja titullohet “Profeti i Kokoshkave” dhe \u00ebsht\u00eb shkruar nga ai, vihet n\u00eb sken\u00eb nga ai, dhe interpretohet nga ai. Dhe kjo \u00ebsht\u00eb nj\u00eb ide q\u00eb i ka lindur gjat\u00eb izolimit p\u00ebr shkak t\u00eb pandemis\u00eb.<\/span><\/p>\n