{"id":377497,"date":"2020-05-31T14:49:33","date_gmt":"2020-05-31T12:49:33","guid":{"rendered":"https:\/\/hashtag.al\/?p=377497"},"modified":"2020-05-31T14:51:27","modified_gmt":"2020-05-31T12:51:27","slug":"klevis-balliu-situata-me-kritike-sot-ne-pogradec-per-shkak-te-koramavirusit","status":"publish","type":"post","link":"https:\/\/www.hashtag.al\/index.php\/2020\/05\/31\/klevis-balliu-situata-me-kritike-sot-ne-pogradec-per-shkak-te-koramavirusit\/","title":{"rendered":"Klevis Balliu: Situata m\u00eb kritike sot n\u00eb Pogradec, p\u00ebr shkak t\u00eb “KoRamavirusit”","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/p>\n

Ish-deputeti demokrat Klevis Balliu, ka vizituar sot qytetin e Pogradecit ku pas takimeve me qytetar\u00ebt \u00ebsht\u00eb shprehur se ky \u00ebsht\u00eb qyteti me situat\u00ebn m\u00eb t\u00eb v\u00ebshtir\u00eb ekonomike sot n\u00eb Shqip\u00ebri.<\/span><\/p>\n

\u201cNga takimet e shumta q\u00eb kemi patur n\u00eb Pogradec me t\u00eb gjitha llojet e bizneseve, biznesin e vog\u00ebl dhe me hotelerin\u00eb, \u00ebsht\u00eb tanim\u00eb fare e dukshme se ndihma p\u00ebr Pogradecin e qeveris\u00eb s\u00eb Edi Ram\u00ebs \u00ebsht\u00eb zero.<\/span><\/em><\/p>\n

Qeveria ka vendosur q\u00eb parat\u00eb e qytetar\u00ebve t\u00eb mos i p\u00ebrdor\u00eb p\u00ebr qytetar\u00ebt, t\u00eb mos investoj\u00eb n\u00eb turiz\u00ebm por t\u2019i jap\u00eb ato p\u00ebr kulla p\u00ebr Fush\u00ebn tek Teatri, ka vendosur t\u2019i jap\u00eb 720 mij\u00eb euro band\u00ebs s\u00eb Lushnj\u00ebs tek incenerator\u00ebt, nd\u00ebrkoh\u00eb q\u00eb qytetar\u00ebve n\u00eb Pogradec, bashkia dhe qeveria u japin dy pako makarona.<\/span><\/em><\/p>\n

E nd\u00ebrkoh\u00eb u k\u00ebrkojn\u00eb qytetar\u00ebve q\u00eb t\u00eb paguajn\u00eb ujin dhe dritat, por jo me makarona. Ua k\u00ebrkojn\u00eb m\u00eb para. Por si t\u2019i paguajn\u00eb qytetar\u00ebt, ujin e dritat n\u00ebse qeveria nuk i ndihmon ata.<\/span><\/em><\/p>\n

\u00cbsht\u00eb tejet kritike situate e turizmit. Nuk ka asnj\u00eb gj\u00eb p\u00ebr Pogradecin n\u00eb Paket\u00ebn e Turizmit. Ku \u00ebsht\u00eb paketa e turizmit sot, sa fonde jan\u00eb alokuar p\u00ebr turizmin sot n\u00eb Pogradec? Zero fonde p\u00ebr Pogradecin. Ky qytet q\u00eb e ka bekuar Zoti me liqenin, me klim\u00ebn e vet, me gjith\u00e7ka\u2026 por e ka mallkuar qeveria e Edi Ram\u00ebs. E ka mallkuar duke mos investuar asnj\u00eb cent n\u00eb 7 vjet, duke i l\u00ebn\u00eb qytetar\u00ebt e Pogradecit me kat\u00ebr rrug\u00ebve, duke i l\u00ebn\u00eb ata pa pun\u00eb, pa investime p\u00ebr turizmin, p\u00ebr bujq\u00ebsin\u00eb. P\u00ebr k\u00ebt\u00eb arsye situata ekonomike \u00ebsht\u00eb tejet kritike. Mund t\u00eb jet\u00eb situata m\u00eb kritike p\u00ebrsa i p\u00ebrket ekonomis\u00eb sot n\u00eb Shqip\u00ebri, \u00ebsht\u00eb Pogradeci. Dhe jo p\u00ebr faj t\u00eb qytetar\u00ebve t\u00eb Pogradecit, por p\u00ebr faj t\u00eb qeveris\u00eb e Edi Ram\u00ebs.\u201d<\/em>– tha Balliu.<\/span><\/p>\n

M\u00eb tej ai b\u00ebri nj\u00eb krahasim me Maqedonin\u00eb e Veriut dhe tha se arsyeja pse Shqip\u00ebria pritet t\u00eb ket\u00eb nj\u013d r\u00ebnie shum\u00eb her\u013d m\u00eb t\u00eb lart\u00eb ekonomike \u00ebsht\u00eb p\u00ebr shkak t\u00eb Ko-Rama-Virusit.<\/span><\/p>\n

\u201cMjafton t\u00eb shoh\u00ebsh Maqedonin\u00eb, q\u00eb ne e kemi ngjitur k\u00ebtu. Maqedonia pritet t\u00eb ket\u00eb nj\u00eb r\u00ebnie prej 1.8% – 2% t\u00eb ekonomis\u00eb, kurse Shqip\u00ebria pritet t\u00eb ket\u00eb nj\u00eb r\u00ebnie prej 9%. Po pse?! A nuk kishte vrus atje?! Kishte, kishte k\u00ebtu virus, kishte n\u00eb t\u00eb gjith\u00eb bot\u00ebn, por pse ekonomia bie m\u00eb shum\u00eb pik\u00ebrisht n\u00eb Shqip\u00ebri? Sepse k\u00ebtu kemi nj\u00eb virus tjet\u00ebr q\u00eb \u00ebsht\u00eb nj\u00eb mij\u00eb her\u00eb m\u00eb i\u00a0 zi, e nj\u00eb mij\u00eb her\u00eb m\u00eb i posht\u00ebr q\u00eb e ka emrin KoRamavirus, jo Koronavirus. \u00cbsht\u00eb KoRamavirusi q\u00eb nuk jep para p\u00ebr qytetar\u00ebt e Pogradecit. \u00cbsht\u00eb KoRamavirus q\u00eb nuk ka b\u00ebr\u00eb asnj\u00eb investim p\u00ebr Pogradecin, q\u00eb ka dh\u00ebn\u00eb vet\u00ebm 2 pako makarona p\u00ebr qytetar\u00ebt e Pogradecit.\u201d<\/em>– tha Balliu.<\/span><\/p>\n

Balliu e quajti k\u00ebt\u00eb nj\u00eb masak\u00ebr, q\u00eb kryeministri Edi Rama e ka b\u00ebr\u00eb me q\u00ebllim p\u00ebr t\u00eb vjedhur parat\u00eb e qytetar\u00ebve.<\/span><\/p>\n

\u201cT\u00eb vjedh\u00ebsh para n\u00eb k\u00ebt\u00eb koh\u00eb, n\u00eb k\u00ebt\u00eb kriz\u00eb ekonomike nuk duhet t\u00eb akuzohesh m\u00eb vet\u00ebm p\u00ebr vjedhje por duhet t\u00eb akuzohesh p\u00ebr vrasje. Duke vjedhur sot Edi Rama sot po vret ekonomin\u00eb, qytetar\u00ebt, turizmin, sepse sot kur qytetar\u00ebt kan\u00eb m\u00eb shum\u00eb nevoj\u00eb se kurr\u00eb p\u00ebr ndihm\u00ebn e qeveris\u00eb, Edi Rama po i merr parat\u00eb e po i shp\u00ebrndan tek ato 4-5 miq e oligark\u00eb t\u00eb tij.<\/span><\/em><\/p>\n

PD e ka ila\u00e7in p\u00ebr KoRamavirusin. Dhe \u00ebsht\u00eb formula shum\u00eb e thjesht\u00eb: Taksa t\u00eb ul\u00ebta, rroga t\u00eb larta, investime n\u00eb t\u00eb mir\u00eb t\u00eb qytetar\u00ebve dhe jo n\u00eb t\u00eb mir\u00eb t\u00eb oligark\u00ebve. \u201c<\/em>– tha ish-deputeti.<\/span><\/p>\n

Balliu u zotua se n\u00ebn nj\u00eb qeveri t\u00eb drejtuar nga Lulzim Basha, Pogradeci do t\u00eb g\u00ebzoj\u00eb nj\u00eb v\u00ebmendje t\u00eb ve\u00e7ant\u00eb.<\/span><\/p>\n