{"id":362065,"date":"2020-03-21T09:29:54","date_gmt":"2020-03-21T08:29:54","guid":{"rendered":"https:\/\/hashtag.al\/?p=362065"},"modified":"2020-03-21T09:30:42","modified_gmt":"2020-03-21T08:30:42","slug":"meta-nxjerr-videon-prekese-bilanci-me-tragjik-italia-do-ta-kaloje-me-kurajo","status":"publish","type":"post","link":"https:\/\/www.hashtag.al\/index.php\/2020\/03\/21\/meta-nxjerr-videon-prekese-bilanci-me-tragjik-italia-do-ta-kaloje-me-kurajo\/","title":{"rendered":"Meta nxjerr videon prek\u00ebse: Bilanci m\u00eb tragjik, Italia do ta kaloj\u00eb me kurajo","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Presidenti i vendit Ilir Meta, ka shprehur ngush\u00ebllimet e tij p\u00ebr shkak t\u00eb humbjeve t\u00eb jet\u00ebve q\u00eb ka p\u00ebsuar Italia nga koronavirusi, mbi t\u00eb gjitha n\u00eb 24 or\u00ebt e fundit.<\/span><\/p>\n

Meta thot\u00eb se dita e djeshme sh\u00ebnoi nj\u00eb tjet\u00ebr bilanc tragjik, nd\u00ebrsa i uron sh\u00ebrim t\u00eb shpejt\u00eb t\u00eb gjith\u00eb t\u00eb s\u00ebmur\u00ebve. Ai shprehet i bindur se Italia do ta kaloj\u00eb k\u00ebt\u00eb kriz\u00eb dhe gjith\u00e7ka do t\u00eb shkoj\u00eb mir\u00eb.<\/span><\/p>\n

Presidenti ka publikuar edhe nj\u00eb video t\u00eb disa avion\u00ebve q\u00eb formojn\u00eb ngjyrat e flamurit t\u00eb Italis\u00eb mbi det.<\/span><\/p>\n

\u201cDita e djeshme sh\u00ebnoi nj\u00eb tjet\u00ebr bilanc tragjik p\u00ebr Italin\u00eb ton\u00eb t\u00eb dashur.<\/em><\/span>
\nN\u00eb k\u00ebto momente tep\u00ebr t\u00eb v\u00ebshtira, lutjet dhe mendimet tona shkojn\u00eb p\u00ebr familjet q\u00eb kan\u00eb humbur t\u00eb dashurit e tyre, t\u00eb cilave ju shpreh t\u00eb gjith\u00eb solidaritetin e popullit shqiptar.<\/em><\/span>
\nMe urimin p\u00ebr sh\u00ebrim t\u00eb shpejt\u00eb p\u00ebr t\u00eb gjith\u00eb t\u00eb prekurit nga kjo pandemi, dhe sh\u00ebndet t\u00eb plot\u00eb p\u00ebr mbar\u00eb popullin italian, i cili me kultur\u00ebn dhe civilizimin e tij i ka frym\u00ebzuar t\u00eb gjith\u00eb kombet p\u00ebr progres shoq\u00ebror, shpreh bindjen se n\u00ebn drejtimin e udh\u00ebheq\u00ebsve t\u00eb saj, Italia do ta kaloj\u00eb k\u00ebt\u00eb kriz\u00eb t\u00eb r\u00ebnd\u00eb p\u00ebr t\u00eb, por edhe p\u00ebr ne, dhe Europ\u00ebn!<\/em><\/span>
\nMe v\u00ebmendje dhe shqet\u00ebsim t\u00eb ve\u00e7ant\u00eb jam duke ndjekur \u00e7do dit\u00eb edhe situat\u00ebn n\u00eb bashk\u00ebsit\u00eb tona t\u00eb dashura arb\u00ebreshe duke u interesuar p\u00ebr sh\u00ebndetin e tyre, si edhe t\u00eb qindra mijra shqiptar\u00ebve, t\u00eb cil\u00ebt jetojn\u00eb, punojn\u00eb dhe kontribuojn\u00eb prej vitesh n\u00eb Itali, s\u00eb bashku me familjet e tyre.<\/em><\/span>
\nNj\u00eb mir\u00ebnjohje dua t\u00eb shpreh p\u00ebr t\u00eb gjith\u00eb mjek\u00ebt dhe personelin shqiptar t\u00eb integruar n\u00eb sistemin sh\u00ebndet\u00ebsor italian, t\u00eb cil\u00ebt me profesionaliz\u00ebm, p\u00ebrkushtim dhe sakrifica t\u00eb pashembullta po b\u00ebjn\u00eb \u00e7do gj\u00eb p\u00ebr t\u00eb ndihmuar qytetar\u00ebt e k\u00ebtij vendi kaq t\u00eb r\u00ebnd\u00ebsish\u00ebm p\u00ebr kombin shqiptar.<\/em><\/span>
\nNe u jemi thell\u00ebsisht falenderues, pasi angazhimi i tyre fisnik dhe njer\u00ebzor b\u00ebhet, jo vet\u00ebm n\u00eb em\u00ebr t\u00eb humanizmit, por edhe t\u00eb mir\u00ebnjohjes s\u00eb mbar\u00eb popullit shqiptar, i cili sa her\u00eb ka p\u00ebrjetuar tragjedi dhe kriza t\u00eb m\u00ebdha, ndihm\u00ebn dhe mb\u00ebshtetjen e par\u00eb e ka gjetur te Italia dhe populli i saj bujar dhe i mrekulluesh\u00ebm.<\/em><\/span>
\nKam besimin e pal\u00ebkundur se Italia jon\u00eb e dashur do ta kaloj\u00eb me kurajo e vendosm\u00ebri k\u00ebt\u00eb kriz\u00eb t\u00eb r\u00ebnd\u00eb.<\/em><\/span>
\n#Andr\u00e0TuttoBene\u201d<\/em>– shkruan presidenti.<\/span><\/p>\n