{"id":358107,"date":"2020-03-04T16:01:08","date_gmt":"2020-03-04T15:01:08","guid":{"rendered":"https:\/\/hashtag.al\/?p=358107"},"modified":"2020-03-04T16:01:08","modified_gmt":"2020-03-04T15:01:08","slug":"komiteti-shqiptar-i-helsinkit-anti-kck-ja-eshte-jo-kushtetues-krijon-mbivendosje","status":"publish","type":"post","link":"https:\/\/www.hashtag.al\/index.php\/2020\/03\/04\/komiteti-shqiptar-i-helsinkit-anti-kck-ja-eshte-jo-kushtetues-krijon-mbivendosje\/","title":{"rendered":"Komiteti Shqiptar i Helsinkit: Anti-K\u00c7K-ja \u00ebsht\u00eb jo-kushtetues, krijon mbivendosje","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Komiteti Shqiptar i Helsinkit ka reaguar nj\u00eb dit\u00eb para votimit n\u00eb Kuvend t\u00eb aktit normativ t\u00eb quajtur \u201cAnti-K\u00c7K\u201d.<\/span><\/p>\n

N\u00eb gjetjet<\/a> e KShH-s\u00eb thuhet se ky akt anashkalon kuadrin kushtetues, cenon parimin ndarjes s\u00eb pushteteve dhe lirit\u00eb dhe t\u00eb drejtat e nj\u00ebrit. \u00a0<\/span><\/p>\n

\u201cMe shqet\u00ebsim, t\u00ebrheqim v\u00ebmendjen e Kuvendit t\u00eb Shqip\u00ebris\u00eb, se Akti Normativ anashkalon kuadrin kushtetues t\u00eb vendit, cenon parimin e ndarjes dhe balancimit t\u00eb pushteteve, cenon t\u00eb drejtat dhe lirit\u00eb themelore t\u00eb njeriut, p\u00ebrfshir\u00eb lirin\u00eb e l\u00ebvizjes dhe t\u00eb drejt\u00ebn p\u00ebr proces t\u00eb rregullt gjyq\u00ebsor, dob\u00ebson pavar\u00ebsin\u00eb ligjore dhe efektive t\u00eb Prokuroris\u00eb dhe mund t\u00eb d\u00ebmtoj\u00eb luft\u00ebn kund\u00ebr krimit t\u00eb organizuar, p\u00ebr shkak se veprimet e nd\u00ebrmarra nga Operacioni Forca e Ligjit (OFL) si struktur\u00eb e ekzekutivit, n\u00eb disa raste edhe me efekt t\u00eb menj\u00ebhersh\u00ebm sipas k\u00ebtij akti, mund t\u00eb rr\u00ebzohen m\u00eb von\u00eb nga gjykatat si veprime jo n\u00eb p\u00ebrputhje me standardet kushtetuese dhe t\u00eb Konvent\u00ebs Evropiane t\u00eb t\u00eb Drejtave t\u00eb Njeriut<\/em>\u201d-thuhet n\u00eb njoftimin e KShH-s\u00eb.<\/span><\/p>\n

M\u00eb tej, KShH, thekson se ky akt normativ mund t\u00eb sjell\u00eb dh\u00ebnie t\u00eb vendimeve penalizuese n\u00eb Strasburg.<\/span><\/p>\n

\u201cAkti normativ, n\u00ebse miratohet nga Kuvendi, mund t\u00eb sjell\u00eb dh\u00ebnien e vendimeve penalizuese nga Gjykata e Strasburgut, n\u00eb favor t\u00eb individ\u00ebve q\u00eb i n\u00ebnshtrohen masave kufizuese dhe q\u00eb mund ti drejtohen k\u00ebsaj gjykate n\u00eb t\u00eb ardhmen. N\u00eb oponenc\u00ebn ton\u00eb ligjore, analizohen nd\u00ebr t\u00eb tjerash, disa vendime t\u00eb Gjykat\u00ebs s\u00eb Strasburgut, ku nd\u00ebr m\u00eb t\u00eb r\u00ebnd\u00ebsishmit \u00ebsht\u00eb vendimi unanim i Dhom\u00ebs s\u00eb Madhe t\u00eb k\u00ebsaj gjykate, De Thommaso, ku shteti Italian \u00ebsht\u00eb penalizuar p\u00ebr shkak t\u00eb cenimit t\u00eb t\u00eb drejt\u00ebs s\u00eb l\u00ebvizjes dhe t\u00eb drejt\u00ebs p\u00ebr proces t\u00eb rregullt, si rezultat i zbatimit t\u00eb nj\u00eb kuadri ligjor jo t\u00eb qart\u00eb dhe t\u00eb paparashikuesh\u00ebm nga individ\u00ebt, p\u00ebr masat parandaluese n\u00eb kuad\u00ebr t\u00eb luft\u00ebs kund\u00ebr krimit t\u00eb organizuar. Paqart\u00ebsi dhe mang\u00ebsi t\u00eb ngjashme v\u00ebrehen n\u00eb dispozita t\u00eb caktuara t\u00eb aktit normativ me fuqin\u00eb e ligjit (t\u00eb analizuara n\u00eb oponenc\u00ebn ligjore)\u201d-<\/em>thot\u00eb KShH.<\/span><\/p>\n

Gjithashtu, Komiteti, v\u00ebren se ky akt normativ ngarkon edhe pun\u00ebn e SPAK dhe Gjykat\u00ebn e Posa\u00e7me me kompetenca n\u00eb tejkalim t\u00eb atyre kushtetuese.<\/span><\/p>\n

\u201cAkti normativ mbingarkon SPAK dhe Gjykat\u00ebn e Posa\u00e7me kund\u00ebr korrupsionit dhe krimit t\u00eb organizuar me kompetenca n\u00eb tejkalim t\u00eb atyre kushtetuese, nd\u00ebrkoh\u00eb q\u00eb k\u00ebto institucione po p\u00ebrballen aktualisht me nj\u00eb num\u00ebr voluminoz dosjesh t\u00eb mbartura nga organet e m\u00ebparshme t\u00eb drejt\u00ebsis\u00eb. <\/em><\/span><\/p>\n

Ky aspekt si dhe p\u00ebrfshirja e drejtuesit t\u00eb Prokuroris\u00eb s\u00eb Posa\u00e7me n\u00eb Komitetin Komb\u00ebtar t\u00eb Koordinimit p\u00ebr Parandalimin dhe Luft\u00ebn kund\u00ebr Krimit t\u00eb Organizuar vler\u00ebsojm\u00eb se do t\u00eb ndikoj\u00eb n\u00eb dob\u00ebsimin e efektshm\u00ebris\u00eb s\u00eb k\u00ebtyre organeve t\u00eb specializuara, t\u00eb cilat duhet t\u00eb ken\u00eb n\u00eb fokus t\u00eb ve\u00e7ant\u00eb t\u00eb veprimtaris\u00eb s\u00eb tyre, nd\u00ebr t\u00eb tjerash, hetimin dhe nd\u00ebshkimin veprave penale t\u00eb kryera nga zyrtar\u00eb apo ish zyrtar\u00eb t\u00eb nivelit t\u00eb lart\u00eb. Vlen t\u00eb theksojm\u00eb se, pand\u00ebshkueshm\u00ebria e zyrtar\u00ebve t\u00eb nivelit t\u00eb lart\u00eb ka qen\u00eb nd\u00ebr arsyet kryesore t\u00eb reformimit t\u00eb sistemit t\u00eb drejt\u00ebsis\u00eb<\/em>\u201d-thuhet n\u00eb p\u00ebrfundim t\u00eb njoftimit t\u00eb Komitetit Shqiptar t\u00eb Helsinkit.<\/span><\/p>\n

Postimi i plot\u00eb:<\/strong><\/p>\n