{"id":351347,"date":"2020-02-04T22:26:33","date_gmt":"2020-02-04T21:26:33","guid":{"rendered":"https:\/\/hashtag.al\/?p=351347"},"modified":"2020-02-08T16:52:26","modified_gmt":"2020-02-08T15:52:26","slug":"bashkia-e-tiranes-e-akuzon-bashen-se-ka-hyre-ne-konviktin-e-studenteve-me-dhune-reagon-pd-ate-qe-nuk-e-beri-ramiz-alia-po-e-ben-erion-veliaj","status":"publish","type":"post","link":"https:\/\/www.hashtag.al\/index.php\/2020\/02\/04\/bashkia-e-tiranes-e-akuzon-bashen-se-ka-hyre-ne-konviktin-e-studenteve-me-dhune-reagon-pd-ate-qe-nuk-e-beri-ramiz-alia-po-e-ben-erion-veliaj\/","title":{"rendered":"Bashkia e Tiran\u00ebs e akuzon Bash\u00ebn se ka hyr\u00eb n\u00eb konviktin e student\u00ebve me dhun\u00eb, reagon PD: At\u00eb q\u00eb nuk e b\u00ebri Ramiz Alia po e b\u00ebn Erion Veliaj","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

N\u00eb nj\u00eb deklarat\u00eb p\u00ebr mediat, Bashkia e Tiran\u00ebs ka akuzuar kryetarin e Partis\u00eb Demokratike Lulzim Basha, se s\u00eb bashku me 4 shoq\u00ebrues t\u00eb tij, pasditen e k\u00ebsaj t\u00eb marte kan\u00eb hyr\u00eb me dhun\u00eb n\u00eb ambientet e godin\u00ebs Num\u00ebr 4 n\u00eb Qytetin Studenti, duke dhunuar recepsionisten e k\u00ebsaj godine. Bashkia d\u00ebnon dhun\u00ebn q\u00eb sipas saj \u00ebsht\u00eb ushtruar ndaj punonj\u00ebses n\u00eb fjal\u00eb dhe shprehet se ka nisur procedurat p\u00ebr denoncimin e Bash\u00ebs.<\/span><\/p>\n

\u201cPasditen e sotme, kryetari i Partis\u00eb Demokratike, Lulzim Basha, s\u00eb bashku me 4 shoq\u00ebrues t\u00eb tij, jo student\u00eb, t\u00eb pajisur me kamera p\u00ebr sho\u00eb-n e radh\u00ebs, ka hyr\u00eb me dhun\u00eb n\u00eb mjediset e brendshme t\u00eb Godin\u00ebs Nr. 4 n\u00eb Qytetin Studenti. Bashkia e Tiran\u00ebs d\u00ebnon dhun\u00ebn e ushtruar ndaj recepsionistes s\u00eb Godin\u00ebs nr. 4 n\u00eb Qytetin Studenti nga qytetari Basha dhe tabori i tij i figurant\u00ebve, q\u00eb prej disa dit\u00ebsh kan\u00eb nisur t\u00eb xhirojn\u00eb klipe n\u00ebp\u00ebr Tiran\u00eb, si k\u00ebng\u00ebtar\u00eb tallavaje, dhe d\u00ebshiron t\u00eb informoj\u00eb qytetar\u00ebt se ka nisur menj\u00ebher\u00eb procedurat p\u00ebr denoncimin e tij para organeve ligjzbatuese si dhunues<\/em>\u201d.<\/span><\/p>\n

Bashkia e Tiran\u00ebs sqaron m\u00eb tej se n\u00eb mjediset e godinave t\u00eb Qytetit Studenti mund t\u00eb hyhet vet\u00ebm duke marr\u00eb nj\u00eb leje paraprake pran\u00eb Drejtoris\u00eb s\u00eb Konvikteve, procedur\u00eb e cila ndiqet rigorozisht edhe nga familjar\u00ebt e student\u00ebve q\u00eb banojn\u00eb n\u00eb ato godina. Sipas Bashkis\u00eb, Lulzim Basha nuk ka k\u00ebrkuar dhe nuk ka marr\u00eb leje p\u00ebr t\u00eb hyr\u00eb n\u00eb Godin\u00ebn nr.4.<\/span><\/p>\n

Nd\u00ebrkaq, Bashkia thot\u00eb se Godina nr.4 \u00ebsht\u00eb nj\u00eb nga nd\u00ebrtesat e cila do t\u00eb rikonstruktohet sipas projektit t\u00eb kancelares gjermane Angela Merkel, i cili po zbatohet nga KF\u00cb-ja. Kjo e fundit ka ndihmuar edhe n\u00eb rikonstruksionin e godinave t\u00eb student\u00ebve t\u00eb Fakultetit t\u00eb Inxhinieris\u00eb, tashm\u00eb t\u00eb p\u00ebrfunduara, e nd\u00ebrkoh\u00eb po vijon pun\u00ebn p\u00ebr rikonstruksionin e 4 godinave t\u00eb tjera n\u00eb Qytetin Studenti. N\u00eb total, Bashkia e Tiran\u00ebs ka rikonstruktuar 22 konvikte p\u00ebr student\u00ebt q\u00eb studiojn\u00eb n\u00eb Tiran\u00eb.<\/span><\/p>\n

Pas deklarat\u00ebs s\u00eb Bashkis\u00eb s\u00eb Tiran\u00ebs \u00ebsht\u00eb ka reaguar z\u00ebdh\u00ebnsja e Partis\u00eb Demokratike, Ina Zhupa e cila ka publikuar videon kur kryetari i PD-s\u00eb zhvillon nj\u00eb diskutim me kujdestaren e konviktit e cila i thot\u00eb se nuk lejohet t\u00eb xhirohet n\u00eb ambientet e konviktit.<\/span><\/p>\n

N\u00eb reagimin e saj Zhupa shprehet se kryeopozitari nuk mund t\u00eb pengohet t\u00eb vizitoj\u00eb nj\u00eb ambient publik apo t\u00eb takoj\u00eb student\u00eb dhe se ekund\u00ebrta ndodh vet\u00ebm n\u00eb vendet diktatoriale ose n\u00eb Tiran\u00ebn e Erion Velis\u00eb.<\/span><\/p>\n

\u201cAt\u00ebher\u00eb kur mendon se ka prekur limitet e qesharakes Erion Veliaj befason s\u00ebrish. K\u00ebt\u00eb her\u00eb, p\u00ebrtej fasad\u00ebs q\u00eb p\u00ebrcjell n\u00eb videot dhe fotot e propagand\u00ebs s\u00eb tij, ndihet i frik\u00ebsuar nga vizita q\u00eb kryetari i PD i b\u00ebn disa t\u00eb rinjve n\u00eb dhom\u00ebn e tyre n\u00eb konvikt.<\/em><\/span><\/p>\n

At\u00eb q\u00eb s\u2019e ka b\u00ebr\u00eb dot Ramiz Alia n\u00eb grahmat e komunizmit n\u00eb qytetin Studenti, mundohet ta realizoj\u00eb pinjolli i rilindjes n\u00eb krye t\u00eb bashkis\u00eb moniste.<\/em><\/span><\/p>\n

N\u00eb asnj\u00eb vend t\u00eb bot\u00ebs s\u00eb lir\u00eb kryetari i opozit\u00ebs nuk pengohet t\u00eb vizitoj\u00eb nj\u00eb ambjent publik apo t\u00eb takoj\u00eb studente. Kjo mund t\u00eb ndodh\u00eb n\u00eb Koren\u00eb e Veriut. Ose n\u00eb Tiran\u00ebn e Erion Velis\u00eb. Ku thjesht nj\u00eb vizit\u00eb i tremb p\u00ebr vdekje se mos \u00e7jerr fasad\u00ebn q\u00eb p\u00ebrcjell propaganda, Edi Rama, Erion Veliaj dhe gjjth\u00eb t\u00eb tjer\u00ebt t\u00eb jen\u00eb t\u00eb sigurt se Lulzim Basha do t\u00eb vijoj\u00eb t\u00eb takoj\u00eb qytetare \u00e7do dit\u00eb. Askush nuk mund ta ndaloj\u00eb misionin e opozit\u00ebs. T\u00eb tregoj\u00eb t\u00eb vertet\u00ebn q\u00eb propaganda e stisur dhe e bler\u00eb shtrenjt\u00eb nga oligark\u00ebt e qeveris\u00eb p\u00ebrpiqet t\u2019u servir\u00eb shqiptar\u00ebve<\/em>\u201d-shkruan Zhupa..<\/span><\/p>\n

 <\/p>\n