{"id":333753,"date":"2019-11-12T23:40:44","date_gmt":"2019-11-12T22:40:44","guid":{"rendered":"https:\/\/hashtag.al\/?p=333753"},"modified":"2019-11-12T23:35:58","modified_gmt":"2019-11-12T22:35:58","slug":"duam-te-kthehemi-ne-vendin-tone-deshmite-e-shqiptareve-nga-kampi-i-al-hawl","status":"publish","type":"post","link":"https:\/\/www.hashtag.al\/index.php\/2019\/11\/12\/duam-te-kthehemi-ne-vendin-tone-deshmite-e-shqiptareve-nga-kampi-i-al-hawl\/","title":{"rendered":"\u201cDuam t\u00eb kthehemi n\u00eb vendin ton\u00eb\u201d-D\u00ebshmit\u00eb e shqiptar\u00ebve nga kampi i Al Hawl","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Fytyrat e f\u00ebmij\u00ebve mes pluhurit dhe mbeturinave t\u00eb shoq\u00ebrojn\u00eb kudo n\u00eb kampin Al-Hawl. P\u00ebrreth tyre, gra dhe vajza q\u00eb bartin ushqimet e paketuara dhe tentojn\u00eb t\u00eb pastrojn\u00eb mes \u00e7adrave.<\/span><\/p>\n

Jan\u00eb me mij\u00ebra n\u00eb Al Hawl. M\u00eb shum\u00eb se nj\u00eb kamp, \u00ebsht\u00eb nj\u00eb burg gjigant ku familjar\u00ebt e ushtar\u00ebve t\u00eb ISIS t\u00eb kapur rob, jan\u00eb t\u00eb izoluar dhe t\u00eb detyruar t\u00eb jetojn\u00eb n\u00eb \u00e7adra.<\/span><\/p>\n

P\u00ebr t\u00eb gjetur grat\u00eb dhe f\u00ebmij\u00ebt shqiptar\u00eb, grupi i xhirimit i A2 iu desh t\u00eb endej p\u00ebr disa or\u00eb. P\u00ebr minuta me radh\u00eb, gazetari Julian Kasapi nuk merr asnj\u00eb p\u00ebrgjigje n\u00eb shqip n\u00eb k\u00ebt\u00eb kamp gjigant n\u00eb kufi me Irakun.<\/span><\/p>\n

Kushtet e jetes\u00ebs jan\u00eb \u00e7njer\u00ebzore. Rreziku \u00ebsht\u00eb konstant dhe kurd\u00ebt q\u00eb ruajn\u00eb kampin e din\u00eb se shum\u00eb prej grave q\u00eb jetojn\u00eb aty kan\u00eb qen\u00eb t\u00eb trajnuara p\u00ebr t\u00eb luftuar.<\/span><\/p>\n

Ushqimi dhe veshjet shp\u00ebrndahen nga forcat kurde, nd\u00ebrsa uji i pijsh\u00ebm mbahet n\u00eb depozita plastike.<\/span><\/p>\n

Qindra f\u00ebmij\u00eb enden rrug\u00ebve t\u00eb kampit, t\u00eb uritur, t\u00eb zbathur, disa punojn\u00eb p\u00ebr t\u00eb shp\u00ebrndar\u00eb ushqim e veshje.<\/span><\/p>\n

Pas tre or\u00ebsh k\u00ebrkim p\u00ebrgjat\u00eb kampit d\u00ebgjohen z\u00ebra shqip. Jan\u00eb grat\u00eb dhe vajzat shqiptare q\u00eb kan\u00eb mbetur t\u00eb izoluara n\u00eb kamp.<\/span><\/p>\n

\u201cUn\u00eb jam Mentije Dumani. Jam nga Tirana. Jemi m\u00eb pak se 20 familje shqiptare. K\u00ebtu ka shqiptar\u00eb, turq. Kushtet i kemi t\u00eb mira. Ne k\u00ebrkojm\u00eb nga shteti dhe t\u00eb interesohet. Na ka mbajtur me g\u00ebnjeshtra se do t\u00eb na marrin. Ne duam t\u00eb kthehemi n\u00eb vendin ton\u00eb. Mos t\u00eb na l\u00ebn\u00eb pas dore. I b\u00ebjm\u00eb thirrje shtetit t\u00eb na marr\u00eb sa m\u00eb par\u00eb\u201d, tregon nj\u00eb nga shqiptaret n\u00eb k\u00ebt\u00eb kamp. \u00a0<\/span><\/p>\n

\u201cUn\u00eb jam Rruzhdie Balliu nga Librazhdi. I b\u00ebjm\u00eb thirrje shtetit t\u00eb na kthej\u00eb n\u00eb vendin ton\u00eb. Un\u00eb nuk kam kontakt me asnj\u00eb nga familjar\u00ebt. Burrin nuk e di fare se ku \u00ebsht\u00eb. Ali quhet<\/em>\u201d, shprehet nj\u00eb tjet\u00ebr shtetase shqiptare.<\/span><\/p>\n

\u201cUn\u00eb jam Brunilda nga Tirana. K\u00ebtu kam 6 vite q\u00eb kam ardhur bashk\u00eb me f\u00ebmij\u00ebt e mi. Tani po vjen darka dhe k\u00ebtu \u00ebsht\u00eb shum\u00eb ftoht\u00eb n\u00ebp\u00ebr \u00e7adra. Ne duam t\u00eb kthehemi\u201d<\/span><\/em><\/p>\n

\u201cUn\u00eb jam Revajet Shahini nga Maqedonia. Kam 6 vite k\u00ebtu. Kam 6 f\u00ebmij\u00eb. I b\u00ebj thirrje shtetit q\u00eb t\u00eb na marr\u00eb pasi k\u00ebtu nuk rrihet, \u00ebsht\u00eb rrezik\u201d<\/em>, thot\u00eb nj\u00eb shqiptare nga Maqedonia.<\/span><\/p>\n

N\u00eb kushte t\u00eb tilla jetojn\u00eb me dhjet\u00ebra mij\u00ebra t\u00eb till\u00eb. Forcat kurde, nd\u00ebrkoh\u00eb, jan\u00eb v\u00ebn\u00eb n\u00eb l\u00ebvizje p\u00ebr t\u00eb nxjerr\u00eb nga kampi grupin e xhirimit t\u00eb A2. T\u00eb armatosur r\u00ebnd\u00eb, ata i thon\u00eb grupit t\u00eb A2 se duhet t\u00eb dalin jasht\u00eb p\u00ebr pak minuta.<\/span><\/p>\n

P\u00ebrgjigjet jan\u00eb t\u00eb shkurtra. Jetojn\u00eb n\u00eb mjerim prej muajsh me shpres\u00ebn se dikush do t\u00eb vij\u00eb t\u2019i nxjerr\u00eb jasht\u00eb. Gra dhe f\u00ebmij\u00eb t\u00eb mbetur n\u00eb m\u00ebshir\u00eb t\u00eb fatit, q\u00eb kan\u00eb par\u00eb tmerret e luft\u00ebs, n\u00eb pritje q\u00eb dikush t\u2019i t\u00ebrheq\u00eb nga rruga q\u00eb vite m\u00eb par\u00eb mor\u00ebn drejt Siris\u00eb, t\u00eb g\u00ebnjyer nga propaganda ekstremiste p\u00ebr krijimin e kalifatit.<\/span><\/p>\n

Dalja nga Al-Hawl \u00ebsht\u00eb e shpejt\u00eb. Ushtar\u00ebt kurd\u00eb nxitojn\u00eb q\u00eb grupi t\u00eb dal\u00eb nga kampi para per\u00ebndimit t\u00eb diellit. Kampi mbetet nj\u00eb vend i rreziksh\u00ebm dhe pjesa m\u00eb radikale, thon\u00eb kurd\u00ebt, \u00ebsht\u00eb pik\u00ebrisht vendi ku jetojn\u00eb grat\u00eb e mb\u00ebrritura jasht\u00eb Siris\u00eb, aty ku mbeten edhe ato shqiptar\u00eb.<\/span><\/p>\n