{"id":332143,"date":"2019-11-05T09:06:16","date_gmt":"2019-11-05T08:06:16","guid":{"rendered":"https:\/\/hashtag.al\/?p=332143"},"modified":"2019-11-05T09:07:34","modified_gmt":"2019-11-05T08:07:34","slug":"dekonspiroi-aksionin-per-drogen-arrestohet-shoferi-i-fnsh-se-qe-shpertheu-ne-te-qara-ne-sallen-e-gjyqit","status":"publish","type":"post","link":"https:\/\/www.hashtag.al\/index.php\/2019\/11\/05\/dekonspiroi-aksionin-per-drogen-arrestohet-shoferi-i-fnsh-se-qe-shpertheu-ne-te-qara-ne-sallen-e-gjyqit\/","title":{"rendered":"Dekonspiroi aksionin p\u00ebr drog\u00ebn, arrestohet shoferi i FNSH-s\u00eb q\u00eb shp\u00ebrtheu n\u00eb t\u00eb qara n\u00eb sall\u00ebn e gjyqit","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/p>\n

Arrestohet nj\u00eb shoferi i FNSH-s\u00eb, i cili ishte shpallur n\u00eb kerkim, pasi ishte d\u00ebnuar me burg, me akuz\u00ebn e shp\u00ebrdorimit t\u00eb detyr\u00ebs.<\/span><\/p>\n

B\u00ebhet fjal\u00eb p\u00ebr Ardian Locin, ish-shoferin e FNSH-s\u00eb i cili akuzohet se ka dekonsioruar nj\u00eb aksion policie n\u00eb vitin 2017. P\u00ebr k\u00ebt\u00eb akuz\u00eb ai u d\u00ebnua me 1 vit e 10 muaj burg n\u00eb qershor t\u00eb k\u00ebtij viti.<\/span><\/p>\n

\u201cVijon puna p\u00ebr kapjen dhe ndalimin e personave t\u00eb shpallur n\u00eb k\u00ebrkim.\u00a0Kapet dhe ndalohet nj\u00eb shtetas i shpallur n\u00eb k\u00ebrkim p\u00ebr shp\u00ebrdorim detyre.<\/span><\/em><\/p>\n

Nga strukturat e Drejtoris\u00eb Vendore t\u00eb Policis\u00eb Shkod\u00ebr, n\u00eb baz\u00eb t\u00eb informacioneve t\u00eb marra n\u00eb rrug\u00eb operative, \u00ebsht\u00eb b\u00ebr\u00eb kapja e personit t\u00eb shpallur n\u00eb k\u00ebrkim, shtetasit Ardian Loci, 48 vje\u00e7, banues n\u00eb lagjen \u201cSkenderbeg\u201d, Shkod\u00ebr.<\/span><\/em><\/p>\n

Kapja dhe ndalimi i tij u b\u00eb pasi Gjykata e Apelit Shkod\u00ebr, me vendim nr. 243, dat\u00eb 21.06.2019 e ka denuar me 1 vit e 10 muaj burg, p\u00ebr vepr\u00ebn penale \u201cShp\u00ebrdorimi i detyr\u00ebs\u201d.<\/span><\/em><\/p>\n

Materialet iu referuan Prokuroris\u00eb s\u00eb Rrethit Gjyq\u00ebsor Shkod\u00ebr p\u00ebr veprime t\u00eb m\u00ebtejshme\u201d<\/em>,\u00a0njoftoi sot policia.<\/span><\/p>\n

Loci nuk \u00ebsht\u00eb nj\u00eb personazh i panjohur p\u00ebr mediat, pasi kur u arrestua dy vite m\u00eb par\u00eb, ai do t\u00eb shp\u00ebrthente n\u00eb lot brenda sall\u00ebs s\u00eb gjyqit.<\/span><\/p>\n

Ai tha asokohe se po kalonte nj\u00eb periudh\u00eb t\u00eb v\u00ebshtir\u00eb n\u00eb familje, p\u00ebr shkak se i kishte gruan dhe vajz\u00ebn t\u00eb s\u00ebmura.<\/span><\/p>\n

\u00a0\u201cKam 21 vite shofer n\u00eb FNSH. I kam sh\u00ebrbyer shtetit me zem\u00ebr e me mendje. Kam gruan t\u00eb s\u00ebmur\u00eb dhe vajz\u00ebn e s\u00ebmur\u00eb po ashtu me s\u00ebmundje t\u00eb keqe n\u00eb kok\u00eb.<\/span><\/em>
\nKam vajz\u00ebn tjet\u00ebr t\u00eb vog\u00ebl q\u00eb s\u2019ka kush ma \u00e7on n\u00eb sht\u00ebpi. S\u2019kam marr\u00eb asnj\u00eb shp\u00ebrblim. Kam sht\u00ebpin\u00eb pa pllaka. E ndjej veten shum\u00eb t\u00eb r\u00ebnduar aq sa t\u00eb vras veten. Jan\u00eb akuza te shpifura. S\u2019kam buk\u00eb n\u00eb sht\u00ebpi. Edhe nj\u00eb shp\u00ebrblim q\u00eb mora kam shlyer borxhet dhe energjin\u00eb.<\/span><\/em><\/p>\n

S\u2019kam patur lek\u00eb t\u2019i paguaj vajz\u00ebs ila\u00e7et. Nuk i p\u00ebrkas asaj kategorie. I kam \u00e7uar nj\u00eb shoku nje thes miell se s\u2019kishte me \u00e7far\u00eb e merrte dhe i thash\u00eb mos m\u00eb thuaj m\u00eb ashtu se kushedi si merret, n\u00eb rregull m\u00eb tha. Si qenka, un\u00eb kam folur me nj\u00eb n\u00eb lagje. Kam qen\u00eb n\u00eb sh\u00ebrbim m\u00eb p\u00ebrpara dhe sa shkova ne sht\u00ebpi duke ngr\u00ebn\u00eb buke m\u00eb arrestuan. Jam shume i zhg\u00ebnjyer me k\u00ebt\u00eb q\u00eb m\u00eb \u00ebsht\u00eb bere. M\u00eb falni p\u00ebr shqet\u00ebsimin\u201d<\/em>, deklaronte Loci n\u00eb 2017-t\u00ebn.<\/span><\/p>\n