{"id":331814,"date":"2019-11-03T15:45:25","date_gmt":"2019-11-03T14:45:25","guid":{"rendered":"https:\/\/hashtag.al\/?p=331814"},"modified":"2019-11-03T16:08:42","modified_gmt":"2019-11-03T15:08:42","slug":"nje-shpjegim-i-thjeshte-nga-mjeku-artan-koni-si-po-behet-grabitja-kolosale-me-koncesionin-e-sterilizimit-video","status":"publish","type":"post","link":"https:\/\/www.hashtag.al\/index.php\/2019\/11\/03\/nje-shpjegim-i-thjeshte-nga-mjeku-artan-koni-si-po-behet-grabitja-kolosale-me-koncesionin-e-sterilizimit-video\/","title":{"rendered":"Nj\u00eb shpjegim i thjesht\u00eb nga mjeku Artan Koni: Si po b\u00ebhet grabitja kolosale me koncesionin e sterilizimit (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/a><\/span><\/p>\n

Pas denoncimeve t\u00eb vazhdueshme t\u00eb medias dhe opozit\u00ebs lidhur me koncesionin e sterilizimit t\u00eb pajisjeve mjek\u00ebsore, vjen nj\u00eb tjet\u00ebr denoncim k\u00ebt\u00eb radh\u00eb nga nj\u00eb profesionist.<\/span><\/p>\n

Mjeku urolog, Artan Koni p\u00ebrmes nj\u00eb video thot\u00eb se po b\u00ebhet nj\u00eb \u201cgrabitje kolosale\u201d me k\u00ebt\u00eb koncesion.<\/span><\/p>\n

Arsyeja pse mjeku ka ngritur z\u00ebrin \u00ebsht\u00eb nj\u00eb shkres\u00eb e Ministris\u00eb t\u00eb Sh\u00ebndet\u00ebsis\u00eb drejtuar spitaleve kryesore t\u00eb vendit, p\u00ebr t’i k\u00ebrkuar atyre q\u00eb gjat\u00eb vitit t\u00eb ardhsh\u00ebm t\u00eb b\u00ebjn\u00eb m\u00eb pak operacione se gjat\u00eb vitit t\u00eb shkuar. Mjeku Koni shpjegon se n\u00ebse shteti do ta b\u00ebnte sterilizimin me fonde publike dhe jo me koncesion privat, me aq para sa harxhon do t\u00eb mund t\u00eb operonte plot 7 milion\u00eb shqiptar\u00eb n\u00eb vit dhe jo 90 mij\u00eb sa jan\u00eb operuar vitin e kaluar.<\/span><\/p>\n

Koncesionari i strelilizimit \u201cSani Service\u201d si\u00e7 duket po merr m\u00eb shum\u00eb para sesa jan\u00eb parashikuar. Sipas statistikave, gjat\u00eb 2018 jan\u00eb kryer rreth 90 mij\u00eb nd\u00ebrhyrje kirurgjikale p\u00ebr t\u00eb cilat shteti i ka kaluar koncesionarit 17 milion\u00eb euro, ose 3.6 milion\u00eb m\u00eb shum\u00eb sesa parashikimi. Dhe n\u00eb vend q\u00eb ministria t\u00eb negocioj\u00eb ulje \u00e7mimesh me privatin, u ka k\u00ebrkuar mjek\u00ebve t\u00eb b\u00ebjn\u00eb m\u00eb pak operacione.<\/span><\/p>\n

\u00c7far\u00eb thot\u00eb mjeku Artan Koni?<\/strong><\/span><\/p>\n

“Un\u00eb jam Artan Koni, jam mjek kirurg urolog dhe sot kam vendosur t\u00eb flas dhe t\u00eb ekspozoj me fakte dhe shifra nj\u00eb grabitje kolosale q\u00eb po i b\u00ebhet buxhetit t\u00eb shtetit n\u00ebp\u00ebrmjet koncesionit t\u00eb sterilizimit. K\u00ebtu psh si\u00e7 e shikoni, kemi disa sete t\u00eb ndryshme kirurgjikale, q\u00eb ne kirurg\u00ebt i p\u00ebrdorim p\u00ebr operacione t\u00eb ndryshme. Normalisht ky set p\u00ebrpara se t\u00eb p\u00ebrdoret duhet t\u00eb sterilizohet me disa pajisje q\u00eb quhen autoklava. <\/span><\/p>\n

N\u00eb vitin 2016, Ministria e Sh\u00ebndet\u00ebsis\u00eb n\u00ebnshkroi nj\u00eb marr\u00ebveshje me PPP me kompanin\u00eb ‘Sani Service’ p\u00ebr sterilizimin e pajisjeve kirurgjikale n\u00eb t\u00eb gjitha spitalet e Shqip\u00ebris\u00eb. Sipas k\u00ebsaj marr\u00ebveshjeje, kompania duhet t\u00eb paguaj\u00eb p\u00ebr sterilizimin e \u00e7do seti kirurgjikal. Konretisht kompania duhet t\u00eb paguaj\u00eb rreth 100 euro p\u00ebr k\u00ebt\u00eb setin e vog\u00ebl, rreth 190 euro p\u00ebr k\u00ebt\u00eb setin mesatar dhe 290 euro p\u00ebr setet e m\u00ebdhaja. Me vler\u00eb totale t\u00eb k\u00ebtij koleksioni q\u00eb u vendos rreth 12.3 miliard\u00eb lek\u00eb ose rreth 100 milion\u00eb euro. <\/span><\/p>\n

N\u00ebse marrim vet\u00ebm t\u00eb dh\u00ebnat e vitit 2018, bazuar n\u00eb t\u00eb dh\u00ebnat e Fondit t\u00eb Sigurimit, jan\u00eb kryer n\u00eb rang komb\u00ebtar 90 mij\u00eb nd\u00ebrhyrje kirurgjikale dhe shteti shqiptar i ka paguar kompanis\u00eb private, 87 miliard\u00eb lek\u00eb ose rreth 17 milion\u00eb euro. Pra shteti shqiptar ka paguar mesatarisht rreth 190 euro p\u00ebr sterilizimin e nj\u00eb seti t\u00eb vet\u00ebm kirurgjikal. <\/span><\/p>\n

Kjo pages\u00eb prej 17 milion\u00eb eurosh, kaloi me 3.6 milion\u00eb euro parashikimin e Ministris\u00eb s\u00eb Sh\u00ebndet\u00ebsis\u00eb, p\u00ebr vitin 2018. E gjendur p\u00ebrball\u00eb k\u00ebsaj situate, n\u00eb fillim t\u00eb vitit 2019, Ministria e Sh\u00ebndet\u00ebsis\u00eb i d\u00ebrgoi nj\u00eb shkres\u00eb spitaleve m\u00eb t\u00eb m\u00ebdha n\u00eb vend ku i k\u00ebrkon t\u00eb zvog\u00ebloj\u00eb numrin e operacioneve t\u00eb planifikuara. <\/span><\/p>\n

E th\u00ebn\u00eb ndryshe, Ministria e Sh\u00ebndet\u00ebsis\u00eb nuk i k\u00ebrkon kompanis\u00eb private t\u00eb rishikoj\u00eb tarifat apo t\u00eb anuloj\u00eb t\u00ebr\u00ebsisht k\u00ebt\u00eb koncesion, por i k\u00ebrkon mjek\u00ebve t\u00eb d\u00ebrgojn\u00eb n\u00eb sht\u00ebpi disa prej pacient\u00ebve t\u00eb cil\u00ebt kan\u00eb nevoj\u00eb p\u00ebr operacion. Pra midis sh\u00ebndetit t\u00eb pacientit dhe fitimit t\u00eb kompanis\u00eb, ministria zgjedh kompanin\u00eb. <\/span><\/p>\n

Para se t\u00eb n\u00ebnshkruhej ky koncesion \u00e7far\u00eb ndodhte?!\u00a0 Spitalet shtet\u00ebrore i sterilizonin vet\u00eb setet kirurgjikale me autoklava t\u00eb cilat edhe sot q\u00eb flasim nuk jan\u00eb hedhur n\u00eb plehra, por jan\u00eb l\u00ebn\u00eb n\u00eb harres\u00eb n\u00ebp\u00ebr magazinat e spitaleve. Ato edhe sot q\u00eb flasim jan\u00eb funksionale por nuk p\u00ebrdoren p\u00ebr shkak t\u00eb k\u00ebsaj PPP-je me ‘Sani Service’. <\/span><\/p>\n

Por le ta l\u00ebm\u00eb m\u00ebnjan\u00eb k\u00ebt\u00eb koncesion dhe t\u00eb b\u00ebjm\u00eb nj\u00eb llogari t\u00eb thjesht\u00eb se sa lek\u00eb i duhen shtetit shqiptar, p\u00ebr sterilizimin e t\u00eb gjitha seteve kirurgjikale n\u00eb rang komb\u00ebtar. Po llogarisim maksimumin e mundsh\u00ebm t\u00eb lek\u00ebve q\u00eb i duhen shtetit shqiptar p\u00ebr sterilizimin e t\u00eb gjithave pajisjeve mjek\u00ebsore. <\/span><\/p>\n

N\u00eb Shqip\u00ebri ka 42 spitale shtet\u00ebrore, dikush ka nj\u00eb autoklav\u00eb, dikush ka 10. N\u00ebse supozojm\u00eb se mesatarisht \u00e7do spital ka pes\u00eb autoklava, at\u00ebhere n\u00eb rang komb\u00ebtar kemi 210 autoklava. E dim\u00eb shum\u00eb mir\u00eb se shumica e k\u00ebtyre spitaleve kryejn\u00eb shum\u00eb pak nd\u00ebrhyrje kirurgjikale, sepse pjesa m\u00eb e madhe e tyre b\u00ebhet n\u00eb spitalet rajonale shtet\u00ebrore. Por le t\u00eb supozojm\u00eb se t\u00eb gjitha k\u00ebto spitale, punojn\u00eb me kapacitet t\u00eb plot\u00eb. Le t\u00eb supozojm\u00eb se operacionet nuk kan\u00eb t\u00eb sosur n\u00eb secilin prej k\u00ebtyre spitaleve dhe se autoklavat e tyre punojn\u00eb pa pushim 24 or\u00eb n\u00eb dit\u00eb, p\u00ebr 365 dit\u00eb t\u00eb vitit. Vet\u00ebm nj\u00eb autoklav\u00eb harxhon mesatarisht 6 kilovat n\u00eb or\u00eb, energji elektrike e cila kushton 0.13 euro. 210 autoklava, her\u00eb 24 or\u00eb, her\u00eb 365 dit\u00eb t\u00eb vitit, harxhojn\u00eb gjithsej 1.5 milion\u00eb euro energji elektrike n\u00eb vit. Dometh\u00ebn\u00eb, nga 1.5 milion\u00eb euro q\u00eb \u00ebsht\u00eb kostoja maksimale e sterilizimit n\u00eb rang komb\u00ebtar, shteti shqiptar\u00eb i ka paguar kompanis\u00eb private 17 milion\u00eb euro. Pra sterilizimi i seteve kirurgjikale, na kushton 12 her\u00eb m\u00eb shum\u00eb sesa vlera maksimale e mundshme.<\/span><\/p>\n

T\u00eb mos harrojm\u00eb se kemi marr\u00eb maksimalen e mundshme. Le t\u00eb supozojm\u00eb gjithashtu se autoklavat q\u00eb kishin spitalet n\u00eb gjendje ishin t\u00eb amortizuara dhe na duhet t\u00eb blejm\u00eb autoklava t\u00eb reja. Tani nj\u00eb autoklav\u00eb moderne, p\u00ebr p\u00ebrdorim spitalor b\u00ebhet fjal\u00eb, kushton mesatarisht 25 mij\u00eb euro. 210 autoklava kushtojn\u00eb 5.2 milion\u00eb euro. Autoklavat p\u00ebrdoren minimumi 10 vjet, k\u00ebshtu q\u00eb 5.2 milion\u00eb euro p\u00ebr autoklavat dhe 15 milion\u00eb euro kosto maksimale e sterilizimit p\u00ebr 10 vjet, i bie q\u00eb shteti shqiptar me 22 milion\u00eb euro, t\u00eb mbyll\u00eb nevojat p\u00ebr sterilizim n\u00eb rang komb\u00ebtar p\u00ebr nj\u00eb periudh\u00eb 10 vje\u00e7are.<\/span><\/p>\n

Tani nuk duhet t\u00eb harrojm\u00eb disa detaje t\u00eb vogla, n\u00eb vitin 2018 jan\u00eb kryer 19 mij\u00eb operacione dhe kemi paguar 17 milion\u00eb euro. Me k\u00ebt\u00eb llogarin\u00eb ton\u00eb t\u00eb thjesht\u00eb i bie q\u00eb sterilizimi i 19 mij\u00eb seteve kirurgjikale t\u00eb kushtonte mesatarisht 215 mij\u00eb euro, n\u00ebse do kryhej si m\u00eb par\u00eb n\u00eb spitalet shtet\u00ebrore. Dometh\u00ebn\u00eb nga 2.4 euro p\u00ebr nj\u00eb set t\u00eb vet\u00ebm kirurgjikal, i kemi paguar kompanis\u00eb 190 euro. Pra 80 her\u00eb m\u00eb shum\u00eb sesa kostoja reale.<\/span><\/p>\n

Me k\u00ebt\u00eb llogarin\u00eb ton\u00eb prap\u00eb maksimale t\u00eb mundshme, duhet ta theksoj, kuptojm\u00eb q\u00eb ne mund t\u00eb paguanim 1.5 milion\u00eb euro dhe t\u00eb kryenim 650 mij\u00eb operacione n\u00eb vit, por kemi paguar 17 milion\u00eb euro dhe kemi kryer 90 mij\u00eb.<\/span><\/p>\n

E th\u00ebn\u00eb ndryshe n\u00eb vitin 2018 kemi paguar aq lek\u00eb sa p\u00ebr t\u00eb operuar rreth 7 milion\u00eb shqiptar\u00eb, por kemi operuar vet\u00ebm 90 mij\u00eb.”\/Hashtag.al<\/strong><\/span><\/p>\n