{"id":322132,"date":"2019-09-17T08:49:13","date_gmt":"2019-09-17T06:49:13","guid":{"rendered":"https:\/\/hashtag.al\/?p=322132"},"modified":"2019-09-17T08:51:31","modified_gmt":"2019-09-17T06:51:31","slug":"tjeter-proteste-ne-paris-kush-ngrihet-kete-radhe-kunder-macron","status":"publish","type":"post","link":"https:\/\/www.hashtag.al\/index.php\/2019\/09\/17\/tjeter-proteste-ne-paris-kush-ngrihet-kete-radhe-kunder-macron\/","title":{"rendered":"Tjet\u00ebr protest\u00eb n\u00eb Paris, kush ngrihet k\u00ebt\u00eb radh\u00eb kund\u00ebr Macron","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Jurist\u00eb, mjek\u00eb, infermier\u00eb, pilot\u00eb dhe t\u00eb tjer\u00eb u mblodh\u00ebn dje n\u00eb rrug\u00ebt e Parisit p\u00ebr t\u00eb protestuar ndaj ndryshimeve t\u00eb planifikuara nga qeveria e presidentit francez Emmanuel Macron, lidhur me pensionet.<\/span><\/p>\n

Qeveria e presidentit Emmanuel Macron sapo ka nisur nj\u00eb nga reformat m\u00eb ambicioze t\u00eb saj: bashkimin e 42 sistemeve t\u00eb ndryshme t\u00eb pensioneve n\u00eb Franc\u00eb n\u00eb nj\u00eb sistem t\u00eb vet\u00ebm, t\u00eb bazuar n\u00eb pik\u00eb.<\/span><\/p>\n

Qeveria ka premtuar se mosha e pensionit q\u00eb aktualisht \u00ebsht\u00eb 62 vje\u00e7, nuk do t\u00eb ndryshoj\u00eb, por kushtet e reja mund t’i inkurajojn\u00eb njer\u00ebzit t\u00eb punojn\u00eb m\u00eb gjat\u00eb.<\/span><\/p>\n

Sipas k\u00ebtyre reformave, ata q\u00eb dalin n\u00eb pension para mosh\u00ebs 64 vje\u00e7 po ashtu do t\u00eb marrin pension m\u00eb t\u00eb ul\u00ebt. Qeveria e Franc\u00ebs do q\u00eb parlamenti t\u00eb votoj\u00eb p\u00ebr to n\u00eb fillim t\u00eb vitit t\u00eb ardhsh\u00ebm.<\/span><\/p>\n

Pjesa m\u00eb e madhe e atyre q\u00eb protestuan ishin avokat\u00eb, pasi K\u00ebshilli Komb\u00ebtar i Avokat\u00ebve, pretendon se ndryshimet e propozuara do t\u00eb dyfishojn\u00eb taksat q\u00eb paguajn\u00eb an\u00ebtar\u00ebt e saj, shkruan Yahoo<\/a><\/span>.<\/span><\/p>\n

Me uniformat e zeza t\u00eb avokat\u00ebve, ata marshuan n\u00eb rrug\u00ebt kryesore t\u00eb Parisit duke k\u00ebnduar “jo, jo, jo p\u00ebr reform\u00ebn e Macron”.<\/em><\/span><\/p>\n

Infermier\u00ebt, pediatr\u00ebt dhe punonj\u00ebsit e tjer\u00eb t\u00eb sh\u00ebndet\u00ebsis\u00eb t\u00eb veshur me uniforma t\u00eb bardha marshuan p\u00ebrkrah avokat\u00ebve, duke shprehur t\u00eb nj\u00ebjtat frik\u00ebra.<\/span><\/p>\n

N\u00eb fund t\u00eb jav\u00ebs s\u00eb kaluar, pun\u00ebtor\u00ebt e transportit publik n\u00eb Paris kan\u00eb qen\u00eb po ashtu n\u00eb grev\u00eb p\u00ebr shkak t\u00eb reformave n\u00eb pensione.<\/span><\/p>\n

Macron \u00ebsht\u00eb dob\u00ebsuar politikisht nga protestat antiqeveritare t\u00eb l\u00ebvizjes \u201cJelek\u00ebt e verdh\u00eb\u201d qysh n\u00eb fund t\u00eb vitit 2018 dhe n\u00eb fillim t\u00eb k\u00ebtij viti.<\/span><\/p>\n