![\"\"](\"https:\/\/hashtag.al\/wp-content\/uploads\/2019\/07\/vende-pune-punesim-punesuar.jpg\")
<\/p>\n<\/p>\n
T\u00eb kesh mbaruar arsimin e lart\u00eb, n\u00eb Shqip\u00ebri nuk do t\u00eb thot\u00eb q\u00eb t\u00eb jesh domosdoshm\u00ebrish i privilegjuar p\u00ebr t\u00eb gjetur nj\u00eb pun\u00eb. P\u00ebrkundrazi, n\u00eb 2018-n, \u00ebsht\u00eb rritur numri i t\u00eb diplomuarve profesionist\u00eb t\u00eb papun\u00eb, ndon\u00ebse zyrtarisht papun\u00ebsia ra ndjesh\u00ebm at\u00eb vit. Sipas t\u00eb dh\u00ebnave t\u00eb publikuara nga INSTAT, shkalla e papun\u00ebsis\u00eb p\u00ebr ata q\u00eb kan\u00eb mbaruar arsimin e lart\u00eb ishte 14.2%, nga 13.8% q\u00eb ishte vitin e m\u00ebparsh\u00ebm. Papun\u00ebsia \u00ebsht\u00eb rritur tek femrat e diplomuara (nga 13.9% n\u00eb 15.8%), nd\u00ebrsa ka r\u00ebn\u00eb tek meshkujt (nga 13.7% n\u00eb 12.1%). T\u00eb mbetur pa pun\u00eb, ka shum\u00eb t\u00eb diplomuar q\u00eb po tentojn\u00eb t\u00eb hapin vet\u00eb nj\u00eb sip\u00ebrmarrje private, duke rritur pesh\u00ebn e vet\u00ebpun\u00ebsimit te ky grup.<\/span><\/p>\n Tendenca e rritjes s\u00eb papun\u00ebsis\u00eb tek t\u00eb arsimuarit e lart\u00eb ka ecuri n\u00eb drejtim t\u00eb kund\u00ebrt me totalin e papun\u00ebsis\u00eb n\u00eb vend, q\u00eb ra nga 14.1% n\u00eb 2017-n, n\u00eb 12.8% n\u00eb 2018-n.<\/span><\/p>\n 2018-a duket se ka qen\u00eb nj\u00eb vit i mbar\u00eb p\u00ebr ata q\u00eb jan\u00eb me arsim t\u00eb ul\u00ebt 8\/9 vje\u00e7ar. Shkalla e papun\u00ebsis\u00eb p\u00ebr k\u00ebt\u00eb grup ra nga 12.9% n\u00eb 10.6%.<\/span> N\u00eb fakt, popullsia me arsim t\u00eb ul\u00ebt 8\/9 vje\u00e7ar rezulton m\u00eb e guximshme n\u00eb hapjen e nj\u00eb aktiviteti privat, duke e siguruar vet\u00eb pun\u00ebn, kryesisht n\u00eb nj\u00ebsi tregtimi me pakic\u00eb, apo dhe n\u00eb bar-restorante.<\/span><\/p>\n T\u00eb dh\u00ebna t\u00eb tjera t\u00eb INSTAT, tregojn\u00eb se 43% e t\u00eb pun\u00ebsuarve me arsim 8\/9 vje\u00e7ar jan\u00eb t\u00eb vet\u00ebpun\u00ebsuar. Kjo pesh\u00eb q\u00eb \u00ebsht\u00eb shum\u00eb m\u00eb e lart\u00eb n\u00eb krahasim me ata q\u00eb jan\u00eb me arsim t\u00eb lart\u00eb, teksa vet\u00ebm 13.5% e tyre kan\u00eb zgjedhur t\u00eb hapin nj\u00eb aktivitet t\u00eb tyrin privat, ku mbizot\u00ebrojn\u00eb meshkujt (21.4), nd\u00ebrsa femrat e kan\u00eb k\u00ebt\u00eb tregues vet\u00ebm 7%. Gjithsesi, duket se pamund\u00ebsia p\u00ebr t\u00eb gjetur nj\u00eb pun\u00eb i ka shtyr\u00eb dhe ata me universitet q\u00eb t\u2019i kthejn\u00eb syt\u00eb nga vet\u00ebpun\u00ebsimi, q\u00eb \u00ebsht\u00eb rritur me gati 2 pik\u00eb p\u00ebrqindje n\u00eb 2018-n. Kjo tendenc\u00eb ka qen\u00eb e dukshme si te meshkujt (nga 17.7 n\u00eb 21.4%) ashtu dhe tek femrat (nga 6.1 n\u00eb 7%).<\/span><\/p>\n K\u00ebt\u00eb tendenc\u00eb e konfirmojn\u00eb dhe t\u00eb dh\u00ebnat e INSTAT p\u00ebr llojet e bizneseve, sipas t\u00eb cilave sh\u00ebrbimet profesionale jan\u00eb ato q\u00eb po hapen m\u00eb shum\u00eb vitet e fundit, teksa po mbyllen subjektet tregtare dhe ato t\u00eb bar-kafeneve.<\/span><\/p>\n Bizneset q\u00eb kan\u00eb sh\u00ebnuar rritjen m\u00eb t\u00eb lart\u00eb n\u00eb vler\u00eb absolute n\u00eb 2019-n jan\u00eb ato n\u00eb \u201cAktivitete t\u00eb drejtimit t\u00eb nd\u00ebrmarrjeve dhe aktivitete t\u00eb konsultimit\u201d. 186 subjekte t\u00eb reja (shtesa neto) t\u00eb k\u00ebsaj kategorie u hap\u00ebn n\u00eb 2018-n, duke arritur n\u00eb total n\u00eb 793. Ndon\u00ebse numri total i tyre \u00ebsht\u00eb i ul\u00ebt n\u00eb raport me sip\u00ebrmarrjen tradicionale t\u00eb shqiptar\u00ebve, at\u00eb t\u00eb tregtis\u00eb (ku ka gjithsej 35 mij\u00eb subjekte), biznesi i shefave dhe i konsulenc\u00ebs ka arritur nj\u00eb rekord t\u00eb tijin n\u00eb 2018-n sa i p\u00ebrket hyrjeve t\u00eb reja n\u00eb treg. N\u00eb raport me vitin 2013, numri i tyre \u00ebsht\u00eb kat\u00ebrfishuar.<\/span><\/p>\n Pse t\u00eb diplomuarit po mbesin pa pun\u00eb<\/span><\/strong><\/p>\n Tendenca e p\u00ebrzgjedhjes s\u00eb deg\u00ebs s\u00eb shkoll\u00ebs s\u00eb lart\u00eb vitet e fundit rezulton q\u00eb t\u00eb mos ket\u00eb qen\u00eb n\u00eb t\u00eb nj\u00ebjt\u00ebn linj\u00eb me k\u00ebrkesat e tregut t\u00eb pun\u00ebs, duke b\u00ebr\u00eb q\u00eb mij\u00ebra t\u00eb diplomuar t\u00eb mbesin pa pun\u00eb, ose t\u00eb pun\u00ebsohen n\u00eb nj\u00eb aktivitet q\u00eb nuk ka lidhje me arsimin e tyre.<\/span><\/p>\n T\u00eb dh\u00ebnat e INSTAT tregojn\u00eb se tregu i pun\u00ebs po mbushet me jurist\u00eb e ekonomist\u00eb, q\u00eb jan\u00eb dhe dy deg\u00ebt m\u00eb t\u00eb preferuara nga studentet. Nga 139 mij\u00eb student\u00eb q\u00eb jan\u00eb t\u00eb regjistruar n\u00eb vitin akademik 2018\/2019, rreth 24% e tyre jan\u00eb n\u00eb fush\u00ebn e studimit \u201cBiznes, administrim dhe ligj\u201d, 15% n\u00eb \u201cSh\u00ebndet dhe mir\u00ebqenie\u201d, dhe e treta \u00ebsht\u00eb \u201cInxhinieri, prodhim dhe nd\u00ebrtim\u201d, me 14% t\u00eb totalit t\u00eb student\u00ebve t\u00eb regjistruar.<\/span><\/p>\n
\nN\u00eb r\u00ebnie ka qen\u00eb dhe papun\u00ebsia tek popullsia aktive n\u00eb mosh\u00eb pune, q\u00eb ka mbaruar shkoll\u00ebn e mesme, nga 15.7% n\u00eb 14.5%.<\/span><\/p>\n
![\"\"](\"https:\/\/hashtag.al\/wp-content\/uploads\/2019\/07\/A6D6180C-6E6D-4CA7-A5CF-4842DF027618-768x410.jpeg\")
![\"\"](\"https:\/\/hashtag.al\/wp-content\/uploads\/2019\/07\/E4725A9D-5701-43E3-AFA2-3310625DE253-768x465.jpeg\")
![\"\"](\"https:\/\/hashtag.al\/wp-content\/uploads\/2019\/07\/582B47C8-80FC-4651-BB67-C2F489DB13D4-768x403.jpeg\")
<\/p>\n","protected":false,"gt_translate_keys":[{"key":"rendered","format":"html"}]},"excerpt":{"rendered":"