{"id":306787,"date":"2019-06-28T10:27:06","date_gmt":"2019-06-28T08:27:06","guid":{"rendered":"https:\/\/hashtag.al\/?p=306787"},"modified":"2019-06-28T10:28:41","modified_gmt":"2019-06-28T08:28:41","slug":"cfare-di-klodian-braho-per-korrupsionin-e-ilir-beqjas-detajet-e-nje-pergjimi","status":"publish","type":"post","link":"https:\/\/www.hashtag.al\/index.php\/2019\/06\/28\/cfare-di-klodian-braho-per-korrupsionin-e-ilir-beqjas-detajet-e-nje-pergjimi\/","title":{"rendered":"\u00c7far\u00eb di Klodian Braho p\u00ebr korrupsionin e Ilir Beqjas? (Detajet e nj\u00eb p\u00ebrgjimi)","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

N\u00eb fund t\u00eb vitit 2015, Prokuroria p\u00ebr Krime t\u00eb R\u00ebnda nisi hetim p\u00ebr nj\u00eb tender multi-milion\u00ebsh t\u00eb zhvilluar nga Ministria e Sh\u00ebndet\u00ebsis\u00eb.<\/span><\/p>\n

N\u00eb baz\u00eb t\u00eb nj\u00eb kall\u00ebzimi t\u00eb dor\u00ebzuar pran\u00eb Krimeve t\u00eb R\u00ebnda, ekzistonin dyshime t\u00eb forta se tenderi ishte organizuar n\u00eb m\u00ebnyr\u00eb t\u00eb till\u00eb, q\u00eb t\u2019i siguronte nj\u00eb kompanie farmaceutike, t\u00eb lidhur fuqish\u00ebm me qeverin\u00eb e majt\u00eb, ekskluzivitetin p\u00ebr shitjen e nj\u00eb ila\u00e7i p\u00ebr s\u00ebmundjet e r\u00ebnda.<\/span><\/p>\n

Hetimi p\u00ebrfshinte disa zyrtar\u00eb t\u00eb lart\u00eb t\u00eb Ministris\u00eb s\u00eb Sh\u00ebndet\u00ebsis\u00eb dhe t\u00eb Qendr\u00ebs Spitalore Universitare Tiran\u00eb, t\u00eb cil\u00ebt ishin personat q\u00eb kishin zhvilluar procedurat e tenderit.<\/span><\/p>\n

Grupi hetimor kishte dyshime se zyrtar\u00eb t\u00eb af\u00ebrt me ministrin e Sh\u00ebndet\u00ebsis\u00eb s\u00eb asaj kohe, Ilir Beqja, ishin p\u00ebrfshir\u00eb n\u00eb veprime korruptive.<\/span><\/p>\n

Pas disa jav\u00ebsh hetimi, rreth marsit 2016, dosja i kalon prokurorit Klodian Braho, i cili kishte vet\u00ebm pak dit\u00eb q\u00eb ishte transferuar nga Prokuroria e Vlor\u00ebs n\u00eb at\u00eb t\u00eb Krimeve t\u00eb R\u00ebnda.<\/span><\/p>\n

Burime konfidenciale nga Prokuroria p\u00ebr Krime t\u00eb R\u00ebnda deklarojn\u00eb se disa zyrtar\u00eb t\u00eb lart\u00eb t\u00eb ministris\u00eb s\u00eb Sh\u00ebndet\u00ebsis\u00eb u vun\u00eb n\u00ebn p\u00ebrgjim, me q\u00ebllim p\u00ebr t\u00eb identifikuar t\u00eb dh\u00ebna q\u00eb mund t\u00eb ndihmonin hetimin p\u00ebr tenderin e dyshuar si korruptiv.<\/span><\/p>\n

N\u00eb nj\u00eb nga k\u00ebto p\u00ebrgjime, si\u00e7 deklarojn\u00eb burimet, \u00ebsht\u00eb regjistruar nj\u00eb bised\u00eb e Ilir Beqajt me nj\u00eb prej bashk\u00ebpun\u00ebtor\u00ebve t\u00eb tij t\u00eb ngusht\u00eb, i cili kishte lidhje me tenderin n\u00ebn hetim.<\/span><\/p>\n

N\u00eb k\u00ebt\u00eb bised\u00eb, gjithnj\u00eb sipas burime konfidenciale, Beqaj diskuton me bashk\u00ebpun\u00ebtorin e tij p\u00ebr t\u00eb \u201cfal\u00ebnderuar\u201d drejtuesit e testimit p\u00ebr infermier\u00eb, pasi ata kan\u00eb shpallur fitues disa persona q\u00eb ishin \u201cporosi\u201d e ministrit.<\/span><\/p>\n

P\u00ebr t\u00eb p\u00ebrmbushur \u201cfal\u00ebnderimin\u201d, Beqaj i k\u00ebrkon bashk\u00ebpun\u00ebtorit t\u00eb tij t\u00eb af\u00ebrt q\u00eb \u201ct\u00eb marr\u00eb disa dokumenta\u201d dhe t\u2019ia d\u00ebrgoj\u00eb personave p\u00ebrgjegj\u00ebs t\u00eb testimit p\u00ebr infermier\u00eb. N\u00eb kontekstin e bised\u00ebs, persona nga grupi hetimor kan\u00eb krijuar dyshime se kjo bised\u00eb, p\u00ebr t\u00eb cil\u00ebn k\u00ebmb\u00ebngulin se \u00ebsht\u00eb e v\u00ebrtet\u00eb, p\u00ebrmban veprime korruptive.<\/span><\/p>\n

Sipas tyre, termi \u201cdokumenta\u201d n\u00eb fakt \u00ebsht\u00eb \u201cshuma parash\u201d. Gjith\u00ebsesi, pak koh\u00eb pas regjistrimit t\u00eb k\u00ebsaj telefonate q\u00eb referojn\u00eb burime t\u00eb \u201cBN\u201d, prokurori Klodian Braho pushon hetimin p\u00ebr tenderin e ila\u00e7eve, pasi nuk zbulon element\u00eb t\u00eb vepr\u00ebs penale.<\/span><\/p>\n

S\u00eb bashku me mbylljen e hetimit, \u201cmbyllet\u201d edhe \u00e7\u00ebshtja e telefonat\u00ebs q\u00eb dyshohet se ka sfond korruptiv nd\u00ebrmjet ministrit Ilir Beqja dhe nj\u00eb prej bashk\u00ebpun\u00ebtor\u00ebve t\u00eb tij m\u00eb t\u00eb af\u00ebrt, ku diskutohej p\u00ebr testimin e infermier\u00ebve.<\/span><\/p>\n

E gjith\u00eb kjo ngjarje \u00ebsht\u00eb treguar p\u00ebr redaksin\u00eb nga burime t\u00eb brendshme t\u00eb Prokuroris\u00eb p\u00ebr Krime t\u00eb R\u00ebnda. Por, n\u00eb munges\u00eb t\u00eb dokumentave autentik\u00eb q\u00eb t\u00eb provojn\u00eb plot\u00ebsisht variantin e p\u00ebrcjell\u00eb nga burimet mediatike, \u201cBoldnews.al\u201d ka nj\u00eb pyetje publike p\u00ebr prokurorin Klodian Braho:<\/span><\/p>\n

A ka dijeni p\u00ebr korrupsionin e dyshuar t\u00eb Ilir Beqjas?<\/span><\/p>\n