{"id":306077,"date":"2019-06-25T07:33:54","date_gmt":"2019-06-25T05:33:54","guid":{"rendered":"https:\/\/hashtag.al\/?p=306077"},"modified":"2019-06-25T07:36:27","modified_gmt":"2019-06-25T05:36:27","slug":"lleshaj-tregon-mesazhin-qe-i-percolli-bashes-permes-truprojes","status":"publish","type":"post","link":"https:\/\/www.hashtag.al\/index.php\/2019\/06\/25\/lleshaj-tregon-mesazhin-qe-i-percolli-bashes-permes-truprojes\/","title":{"rendered":"Lleshaj tregon mesazhin q\u00eb i p\u00ebrcolli Bash\u00ebs p\u00ebrmes truproj\u00ebs s\u00eb tij (VIDEO)","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Ministri i Brendsh\u00ebm Sand\u00ebr Lleshaj, ka treguar versionin e tij t\u00eb bised\u00ebs q\u00eb ka b\u00ebr\u00eb me truproj\u00ebn e kryetarit t\u00eb opozit\u00ebs Lulzim Basha.<\/span><\/p>\n

Nd\u00ebrsa ishte i ftuar n\u00eb emisionin “Opinion” t\u00eb Blendi Fevziut, Lleshaj tha se Garda e Republik\u00ebs ka detyr\u00eb ligjore t\u00eb marr\u00eb masa p\u00ebr sigurin\u00eb e kryetarit t\u00eb opozit\u00ebs.<\/span><\/p>\n

Sipas Lleshajt, me protestat e mbajtura ishte par\u00eb e nevojshme q\u00eb t’i p\u00ebrcillte nj\u00eb mesazh Bash\u00ebs p\u00ebr ta pyetur, n\u00ebse e shikonte normale q\u00eb t’i shtonin forcat e siguris\u00eb.<\/span><\/p>\n

Por sipas tij nuk kishte asnj\u00eb rrezik. Masat ishin shtuar p\u00ebr t\u00eb gjith\u00eb personalitetet q\u00eb Garda ka n\u00eb mbrojtje.<\/span><\/p>\n

BISEDA<\/span><\/strong><\/p>\n

Blendi Fevziu:<\/strong> A e keni thirrur ju shoq\u00ebruesin e zotit Basha?<\/span><\/p>\n

Sand\u00ebr Lleshaj:<\/strong>\u00a0Ju thash\u00eb q\u00eb Garda e Republik\u00ebs ka detyr\u00eb ligjore. Ligji i Gard\u00ebs parashikon q\u00eb Garda ruan fizikisht kryetarin e partis\u00eb m\u00eb t\u00eb madhe opozitare parlamentare. Dhe ne ende e quajm\u00eb zotin Basha kryetarin e partis\u00eb opozitare m\u00eb t\u00eb madhe parlamentare. N\u00eb k\u00ebt\u00eb situat\u00eb disi skicofrenike n\u00eb vend, ku sfidat ndaj rendit publik jan\u00eb shtuar duksh\u00ebm, ku kemi pasur protesta t\u00eb dhunshme, ku kemi pasur dhun\u00eb n\u00eb protesta, ku n\u00eb protesta jan\u00eb plagosur protestues vet\u00eb, nga vet\u00eb protestuesit\u2026<\/span><\/p>\n

Blendi Fevziu:<\/strong> Patjet\u00ebr n\u00eb \u00e7do protest\u00eb ka pasur zgjedhje t\u00eb tilla..<\/span><\/p>\n

Sand\u00ebr Lleshaj:<\/strong>\u00a0Pra kemi pasur incidente q\u00eb protestues jan\u00eb goditur nga protestues t\u00eb tjer\u00eb. Duke qen\u00eb se zoti Basha \u00ebsht\u00eb drejtues i k\u00ebtyre protestave, \u00ebsht\u00eb pjes\u00eb e tyre fizike, autoritetet e Gard\u00ebs e kan\u00eb \u00e7muar t\u00eb nevojshme nevoj\u00ebn p\u00ebr t\u00eb menduar n\u00ebse i duhet rritur apo jo niveli i siguris\u00eb.<\/span><\/p>\n

Blendi Fevziu:<\/strong> Po k\u00ebt\u00eb e gjykon Garda e Republik\u00ebs?<\/span><\/p>\n

Sand\u00ebr Lleshaj:<\/strong>\u00a0Patjet\u00ebr.<\/span><\/p>\n

Blendi Fevziu:<\/strong> Po ju si Minist\u00ebr i Brendsh\u00ebm p\u00ebrse e keni th\u00ebrritur shoq\u00ebruesin e Bash\u00ebs?<\/span><\/p>\n

Sand\u00ebr Lleshaj:<\/strong>\u00a0Po Garda \u00ebsht\u00eb n\u00eb var\u00ebsin\u00eb time dhe p\u00ebrgjegj\u00ebsin\u00eb politike p\u00ebr veprimet apo mosveprimet e Gard\u00ebs i mbaj un\u00eb. Dhe un\u00eb p\u00ebrpara se Garda t\u00eb merrte veprime konkrete p\u00ebr shtimin e rojeve t\u00eb siguris\u00eb, n\u00eb m\u00ebnyr\u00eb q\u00eb kjo t\u00eb mos keqkuptohej, i kam \u00e7uar n\u00eb m\u00ebnyr\u00eb diskrete nj\u00eb pyetje zotit Basha, p\u00ebrmes bodigardit.<\/span><\/p>\n

Blendi Fevziu:<\/strong> Nuk gjenit dot nj\u00eb m\u00ebnyr\u00eb tjet\u00ebr zoti Minist\u00ebr?<\/span><\/p>\n

Sand\u00ebr Lleshaj<\/strong>:Kjo \u00ebsht\u00eb rruga m\u00eb konfidente e mundshme. Kjo \u00ebsht\u00eb rrug\u00eb krejt\u00ebsisht normale, p\u00ebr ta pyetur n\u00ebse e konsideron normale apo jo? Ai e konsideroi jo normale, kaq.<\/span><\/p>\n

Blendi Fevziu:<\/strong> I fol\u00ebt ju p\u00ebr nj\u00eb rrezik?<\/span><\/p>\n

Sand\u00ebr Lleshaj:<\/strong>\u00a0Nuk ka patur rrezik. Nuk kemi patur asnj\u00eb informacion p\u00ebr rrezik t\u00eb shtuar.<\/span><\/p>\n

Blendi Fevziu:<\/strong> P\u00ebrse mos ta b\u00ebnte k\u00ebt\u00eb komandanti i Gard\u00ebs, por duhet ta b\u00ebni ju?<\/span><\/p>\n

Sand\u00ebr Lleshaj:<\/strong>\u00a0Komandanti i Gard\u00ebs nuk komunikon me drejtuesit e nj\u00eb partie politike. I kam p\u00ebrcjell\u00eb nj\u00eb mesazh zotit Basha n\u00eb m\u00ebnyr\u00eb diskrete, q\u00eb n\u00eb kushtet e situat\u00ebs q\u00eb kemi, mendohet t\u00eb rrisim nivelin e siguris\u00eb p\u00ebr t\u00eb gjith\u00eb personalitetet q\u00eb Garda ka n\u00eb mbrojtje. Edhe kryeministrit i \u00ebsht\u00eb rritur niveli i siguris\u00eb, edhe p\u00ebr t\u00eb tjer\u00eb, edhe p\u00ebr mua \u00ebsht\u00eb rritur.<\/span><\/p>\n

Blendi Fevziu:<\/strong> Po p\u00ebrse duhet ta pyesnit dhe t\u00eb mos e b\u00ebnit?<\/span><\/p>\n

Sand\u00ebr Lleshaj:<\/strong>\u00a0Po q\u00eb t\u00eb mos keqkuptohej politikisht, sepse gjith\u00e7ka keqkuptohet nga opozita jon\u00eb sot, gjith\u00e7ka. \u00c7do vullnet edhe m\u00eb normali, keqkuptohet, si\u00e7 u keqkuptua kjo.<\/span><\/p>\n