{"id":293798,"date":"2019-05-01T13:35:32","date_gmt":"2019-05-01T11:35:32","guid":{"rendered":"https:\/\/hashtag.al\/?p=293798"},"modified":"2019-05-01T13:33:27","modified_gmt":"2019-05-01T11:33:27","slug":"komuniteti-shqiptar-proteston-para-ambasades-serbe-ne-uashington-vdieo","status":"publish","type":"post","link":"https:\/\/www.hashtag.al\/index.php\/2019\/05\/01\/komuniteti-shqiptar-proteston-para-ambasades-serbe-ne-uashington-vdieo\/","title":{"rendered":"Komuniteti shqiptar proteston para ambasad\u00ebs serbe n\u00eb Uashington (Vdieo)","gt_translate_keys":[{"key":"rendered","format":"text"}]},"content":{"rendered":"

\"\"<\/p>\n

Dhjetra qytetar\u00eb t\u00eb komunitetit shqiptar n\u00eb SHBA jan\u00eb mbledhur p\u00ebrpara ambasad\u00ebs serbe n\u00eb Uashington p\u00ebr t\u00eb protestuar duke k\u00ebrkuar drejt\u00ebsi p\u00ebr krimet e luft\u00ebs, raporton Z\u00ebri i Amerik\u00ebs.<\/span><\/p>\n

E mbijetuara e dhun\u00ebs seksuale nga forcat serbe Vasfije Krasniqi Goodman, e cila d\u00ebshmoi t\u00eb mart\u00ebn paradite n\u00eb Kongresin amerikan, tha se ishte shum\u00eb e r\u00ebnd\u00ebsishme q\u00eb z\u00ebri i tyre u d\u00ebgjua dhe se shpreson q\u00eb p\u00ebrmes angazhimit t\u00eb Kongresit amerikan, t\u00eb \u00e7ohet drejt\u00ebsia n\u00eb vend.<\/span><\/p>\n

\u201c\u00cbsht\u00eb nj\u00eb pun\u00eb q\u00eb \u00ebsht\u00eb dashur t\u00eb hapej edhe m\u00eb her\u00ebt. Pak me vones\u00eb, por m\u00eb mire von\u00eb se hic dhe un\u00eb e kam kauz\u00ebn me luftu p\u00ebr drejt\u00ebsi dhe me thy stigm\u00ebn jo vet\u00ebm n\u00eb Kosov\u00eb, por edhe n\u00eb gjith\u00eb bot\u00ebn, ku kan\u00eb ndodhur dhunime gjat\u00eb luftrave\u201d.<\/span><\/p>\n

Ajo e pranon se p\u00ebr t\u00eb nuk ishte e leht\u00eb t\u00eb protestonte para ambasad\u00ebs s\u00eb Serbis\u00eb.<\/span><\/p>\n

\u201cPor kjo \u00ebsht\u00eb me u tregu atyre se ne nuk ndalemi para se drejt\u00ebsia t\u00eb shkoj\u00eb n\u00eb vend dhe k\u00ebta me i pranu krimet q\u00eb kan\u00eb kryer, me k\u00ebrku falje p\u00ebr krimet dhe me i d\u00ebnu kriminel\u00ebt. K\u00ebshtuq\u00eb ndihem krenare q\u00eb jam para ambasad\u00ebs serbe, me i tregu k\u00ebtyre q\u00eb ne shqiptar\u00ebt duam drejt\u00ebsi. Jo hakmarrje, por drejt\u00ebsi\u201d, thot\u00eb ajo.<\/span><\/p>\n

An\u00ebtari i K\u00ebshillit bashkiak t\u00eb Nju Jorkut, Mark Gjonaj, q\u00eb sapo \u00ebsht\u00eb kthyer nga Kosova, ishte nj\u00eb prej protagonist\u00ebve t\u00eb protest\u00ebs.<\/span><\/p>\n

\u201cSot \u00ebsht\u00eb nj\u00eb dit\u00eb q\u00eb mbas 20 vjet\u00ebve t\u00eb kujtohen gabimet, d\u00ebmi q\u00eb ka ndodhur n\u00eb Kosov\u00eb. 20 mij\u00eb femra jan\u00eb p\u00ebrdhunuar, 13 mij\u00eb vet\u00eb kan\u00eb vdekur, 1620 jan\u00eb zhdukur. Kemi filluar nj\u00eb lobim t\u00eb fort\u00eb, t\u00eb vazhduesh\u00ebm q\u00eb me u vu presion Serbis\u00eb q\u00eb kriminelat e luft\u00ebs t\u00eb paraqiten para gjykat\u00ebs, q\u00eb t\u2019i gjykojm\u00eb ne. Zoti ka me i gjyku n\u00eb jet\u00ebn tjet\u00ebr\u201d, tha ai.<\/span><\/p>\n

Ilir Bytyqi, q\u00eb edhe n\u00eb Kongres foli p\u00ebr domosdoshm\u00ebrin\u00eb e v\u00ebnies para p\u00ebrgjegj\u00ebsis\u00eb t\u00eb fajtor\u00ebve, tha n\u00eb protest\u00eb se Serbia duhet t\u00eb arrestoj\u00eb shkaktar\u00ebt e k\u00ebtyre krimeve.<\/span><\/p>\n

N\u00eb p\u00ebrgjigje t\u00eb interesimit t\u00eb Z\u00ebrit t\u00eb Amerik\u00ebs, dy vet\u00eb nga personeli i ambasad\u00ebs s\u00eb Serbis\u00eb n\u00eb Uashington than\u00eb p\u00ebr Sh\u00ebrbimin Shqip se protesta “nuk do t\u00eb thot\u00eb asgj\u00eb”. “\u00cbsht\u00eb nj\u00eb vend demokratik dhe gjithkush mund t\u00eb protestoj\u00eb,” than\u00eb ata.<\/span><\/p>\n