![\"\"](\"https:\/\/hashtag.al\/wp-content\/uploads\/2019\/04\/lindarea.jpg\")
<\/p>\n<\/p>\n
Burime nga Shqiptarja.com m\u00ebsojn\u00eb se dit\u00ebn e sotme, Rea Xhillari ka paditur n\u00eb gjykat\u00eb gazetarin Zheji dhe 7 portale t\u00eb tjera, pas artikujve t\u00eb publikuar prej tyre, ku shkruhej se vajza e Linda Rames ishte n\u00eb nj\u00eb lidhje bashk\u00ebjetese me Ministrin n\u00eb Detyr\u00eb p\u00ebr Europ\u00ebn dhe Pun\u00ebt e Jashtme, Gent Cakaj.<\/span><\/p>\n M\u00eb posht\u00eb, Shqiptarja.com ju sjell te plote arsyetimin e Rea Xhillarit dor\u00ebzuar n\u00eb Gjykat\u00eb.<\/span><\/p>\n Arsyetimi i plot\u00eb i Rea Xhillarit:<\/strong><\/span><\/p>\n Jam detyruar t\u00eb v\u00eb n\u00eb l\u00ebvizje gjykat\u00ebn p\u00ebr t\u00eb ushtruar kontrollin gjyq\u00ebsor, mbi nj\u00eb shpifje t\u00eb sajuar e t\u00eb orkestruar ndaj meje, nga portale e individ\u00eb p\u00ebr t\u00eb cil\u00ebt m\u00ebsova se n\u00eb gjuh\u00ebn ligjore quhen “t\u00eb paditurit solidar\u00eb”. Ky sulm i mir\u00ebfillt\u00eb denigrues mbi baz\u00ebn e nj\u00eb shpifjeje, e ka filles\u00ebn n\u00eb mesin e muajit Janar 2019, kur jam v\u00ebn\u00eb n\u00eb sh\u00ebnjest\u00ebr prej t\u00eb paditurve solidar\u00eb. <\/span><\/p>\n Ata apo m\u00eb sakt\u00eb fillimisht Artur Zheji pastaj t\u00eb tjer\u00ebt, kan\u00eb sajuar dhe p\u00ebrhapur lajmin e rrem\u00eb, t\u00eb shoq\u00ebruar me komente t\u00eb turpshme, mbi nj\u00eb lidhje intime apo bashk\u00ebshortore timen me Z. Gent Caka, Zv. Minister p\u00ebr Evrop\u00ebn dhe Pun\u00ebt e Jashtme – person t\u00eb cilin as e njoh personalisht dhe as e kam takuar kurr\u00eb ndonj\u00ebher\u00eb, qoft\u00eb edhe rast\u00ebsisht.<\/span><\/p>\n Nuk i njoh as i kuptoj motivet q\u00eb kan\u00eb shtyr\u00eb Artur Zhejin, nj\u00eb person n\u00eb mosh\u00eb goxha madhore, aq sa mund t\u00eb ishte prindi im, t\u00eb m\u00eb sulmoj\u00eb kaq lig\u00ebsisht e paturp\u00ebsisht dhe n\u00eb m\u00ebnyr\u00eb t\u00eb vazhdueshme. Un\u00eb nuk merrem me politik\u00eb, nuk punoj dhe as kam punuar kurr\u00eb p\u00ebr shtetin. Respektoj cdo ligj dhe cdo detyrim si qytetare e vendit tim. Nuk kam p\u00ebrfituar kurr\u00eb prej shtetit asnj\u00eb privilegj apo favor t\u00eb \u00e7far\u00ebdo lloji.<\/span><\/p>\n I vetmi fill lidh\u00ebs mes meje dhe bot\u00ebs s\u00eb shpifjeve, mediokritetit dhe imoralitetit intelektual ku noton ky soj t\u00eb paditurish solidar\u00eb, \u00ebsht\u00eb fakti se jam vajza e Linda Ram\u00ebs, e cila nga ana e saj, vet\u00ebm p\u00ebr shkak se \u00ebsht\u00eb gruaja e Edi Ram\u00ebs, \u00ebsht\u00eb v\u00ebn\u00eb n\u00eb sh\u00ebnjest\u00ebr, goditur, p\u00ebrbaltur nga i nj\u00ebjti soj, me t\u00eb nj\u00ebjtat mjete denigruese t\u00eb bot\u00ebs s\u00eb tyre t\u00eb ul\u00ebt.<\/span><\/p>\n N\u00eb fakt, as n\u00ebna ime nuk ka p\u00ebrfituar kurr\u00eb ndonj\u00eb favor nga t\u00eb q\u00ebnit gruaja e kryeministrit. Jeta e saj vazhdon e nj\u00ebjt\u00eb, pa asnj\u00eb lidhje t\u00eb drejtp\u00ebrdrejt\u00eb ose jo, materiale apo financiare me shtetin. Profili i saj \u00ebsht\u00eb nj\u00eb model sh\u00ebmbullor i nj\u00eb jete pa privilegje, me nj\u00eb p\u00ebrditshm\u00ebri t\u00eb pandryshuar dhe t\u00eb lidhur ngusht\u00eb me pun\u00ebn e saj, t\u00eb cil\u00ebn e kryen me profesionaliz\u00ebm e pasion prej 30 vitesh, pavar\u00ebsisht se i shoqi \u00ebsht\u00eb prej af\u00ebr 6 vjet\u00ebsh Kryeminist\u00ebr i Shqip\u00ebris\u00eb.<\/span><\/p>\n Shpifjet kan\u00eb arritur deri tek im at\u00eb, Thanas Xhillari, profesor i mir\u00ebnjohur i algjebr\u00ebs p\u00ebrgjat\u00eb gjith\u00eb karrier\u00ebs s\u00eb tij profesionale n\u00eb Fakultetin e Shkencave t\u00eb Natyr\u00ebs n\u00eb Universitetin e Tiran\u00ebs, i cili gjithashtu respekton \u00e7do ligj dhe \u00e7do detyrim si \u00e7do qytetar i k\u00ebtij vendi. <\/span><\/p>\n P\u00ebr interesat politike t\u00eb atyre q\u00eb k\u00ebrkojn\u00eb t’i hedhin hije t\u00eb shkuar\u00ebs s\u00eb n\u00ebn\u00ebs sime p\u00ebr t\u00eb shtuar p\u00ebrbaltjen ndaj t\u00eb shoqit, edhe im at\u00eb u p\u00ebrfshi prej t\u00eb paditurve solidar\u00eb, p\u00ebrmes disa pseudoakuzave, n\u00eb nj\u00eb tjet\u00ebr maskarad\u00eb mediatike. Ai u ballafaqua edhe me nj\u00eb proces t\u00eb gjat\u00eb hetimi nga prokuroria, ku e t\u00ebr\u00eb balta e hedhur mbi t\u00eb u tret n\u00eb lumin e fakteve kok\u00ebforta q\u00eb dol\u00ebn nga hetimi i provimeve t\u00eb algjebr\u00ebs, t\u00eb disa pseudostudent\u00ebve q\u00eb s’kishin marr\u00eb dot provimin.<\/span><\/p>\n Ashtu si n\u00ebna ime, babai im \u00ebsht\u00ebgjithashtu nj\u00eb model sh\u00ebmbullor i munges\u00ebs s\u00eb kompromiseve q\u00eb mund t\u00eb d\u00ebmtojn\u00eb profesionin e tij t\u00eb cilin e kryen me pasion e p\u00ebrpikm\u00ebri prej 40 vitesh.<\/span><\/p>\n K\u00ebto modele t\u00eb cilat jan\u00eb edhe udh\u00ebrrefyesi im n\u00eb rrug\u00ebtimin e jet\u00ebs, siduket jan\u00eb t\u00eb pap\u00ebrfytyrueshme , t\u00eb pabesueshme dhe t\u00eb papranueshme p\u00ebr sojin e t\u00eb paditurve solidar\u00eb. E v\u00ebrteta p\u00ebr ta nuk ka asnj\u00eb r\u00ebnd\u00ebsi, nd\u00ebrsa interesat e tyre mesa duket justifikojn\u00eb \u00e7do mjet sado t\u00eb ul\u00ebt.<\/span><\/p>\n Por e v\u00ebrteta mund t\u00eb vonoj\u00eb, po nuk harron asnj\u00ebher\u00eb, megjith\u00ebse kur ajo del mbi llumin e t\u00eb paditurve solidar\u00eb k\u00ebta t\u00eb fundit refuzojn\u00eb ta ndajn\u00eb at\u00eb me publikun.<\/span><\/p>\n \u201c Fenomeni i nepotizmit godet ashp\u00ebr qeverin\u00eb Rama 2 n\u00eb Ministrin\u00eb e jashtme t\u00ebShqip\u00ebris\u00eb. N\u00eb rrjetet sociale, dhe disa portale koh\u00ebt e fundit po flitet gjithnj\u00eb e m\u00eb shum\u00eb se vajza e gruas s\u00eb Kryeministrit Rama, Linda Ram\u00ebs, Rea dhe Ministri i Europ\u00ebs dhe Pun\u00ebve t\u00eb Jashtme-Genti Cakaj, jan\u00eb n\u00eb \u201cbashk\u00ebjetes\u00eb\u201d si i thon\u00eb n\u00eb Shqip\u00ebri k\u00ebtij lloj trendi ..[omissis] Madje, ka edhe dyshime se Ilir Meta-mund t\u00eb kishte marr informacion nga sh\u00ebrbimet sekrete t\u00eb siguris\u00eb kombetare t\u00eb Shqip\u00ebris\u00eb p\u00ebr k\u00ebt\u00eb lidhje \u201cdashurie\u201d mes Genti Cakaj dhe Rea Xhillarit”…<\/span><\/p>\n Kjo \u00ebsht\u00eb nj\u00eb cop\u00ebz e nxjerr\u00eb nga moria e paragraf\u00ebve trillues, t\u00eb shkruar gjat\u00eb k\u00ebtyre dit\u00ebve me nj\u00eb gjuh\u00eb t\u00eb lemeritshme n\u00eb \u00e7do drejtim, t\u00eb cil\u00ebt kam qen\u00eb e detyruar t’i lexoj dhe koleksionoj p\u00ebr gjyqin me k\u00ebt\u00eb soj t\u00eb paftuarish n\u00eb jet\u00ebn time.<\/span><\/p>\n Un\u00eb kam lindur n\u00eb vitin e ndryshimit t\u00eb sistemeve dhe nuk e kam njohur p\u00ebrve\u00e7se nga tregimet e gjysh\u00ebrve, prind\u00ebrve, m\u00ebsuesve apo dhe nga leximet e rastit, barbarin\u00eb e regjimit komunist deri n\u00eb fisin dhe far\u00ebn e kund\u00ebrshtarit politik. Nuk dua t\u00eb b\u00ebj krahasime q\u00eb \u00e7alojn\u00eb me nj\u00eb koh\u00eb kur edhe lidhjet e dashuris\u00eb, b\u00ebheshin shkak p\u00ebr pushkatime, internime apo denigrime publike vajzash. <\/span><\/p>\n Nuk e di n\u00ebse n\u00eb at\u00eb koh\u00eb sajoheshin p\u00ebr q\u00ebllime politike, deri edhe lidhje t\u00eb paq\u00ebna mes njer\u00ebzish krejt t\u00eb panjohur p\u00ebr nj\u00ebri-tjetrin. Por ajo q\u00eb di me siguri \u00ebsht\u00eb se shtrirja e kthetrave t\u00eb dhun\u00ebs verbale dhe presionit psikologjik t\u00eb k\u00ebtij soji , brez pas brezi, deri tek f\u00ebmij\u00ebt e kujt konsiderohet kund\u00ebrshtar politik, \u00ebsht\u00eb shprehje e t\u00eb nj\u00ebjt\u00ebs lig\u00ebsi kriminale q\u00eb karakterizon \u00e7do sistem padrejt\u00ebsie.<\/span><\/p>\n N\u00eb sistemin q\u00eb lindi bashk\u00eb me brezin tim, personi \u00ebsht\u00eb privat dhe jo pron\u00eb e shoq\u00ebris\u00eb. N\u00eb sistemin q\u00eb lindi bashk\u00eb me brezin tim, gj\u00ebja e par\u00eb q\u00eb m\u00ebson \u00ebsht\u00eb se liria jote mbaron aty ku fillon liria e tjetrit. Sajimi i nj\u00eb lidhjeje t\u00eb paq\u00ebn\u00eb mes dy te rinjsh p\u00ebr t\u00eb luftuar politikisht me prindin e nj\u00ebrit prej tyre, \u00ebsht\u00eb nj\u00eb perversitet i pashoq q\u00eb s’ka asnj\u00eb lidhje me k\u00ebt\u00eb sistem.<\/span><\/p>\n Un\u00eb nuk kam asnj\u00eb arm\u00eb tjet\u00ebr p\u00ebr t’u mbrojtur nga pasojat e k\u00ebtij perversiteti, p\u00ebrvecse duke i’u drejtuar drejt\u00ebsis\u00eb.<\/span><\/p>\n