![\"\"](\"https:\/\/hashtag.al\/wp-content\/uploads\/2019\/04\/vlcsnap-2019-04-09-16h11m13s630.png\")
<\/p>\n<\/p>\n
Grabitja e nj\u00eb makine n\u00eb dalje t\u00eb nj\u00eb banke n\u00eb kryeqytet, n\u00eb shkurt t\u00eb vitit 2015, ishte e para e nj\u00eb serie vjedhjesh t\u00eb mjeteve t\u00eb transportit t\u00eb parave, me destinacion aeroportin e Rinasit. Po at\u00eb vit, n\u00eb dhjetor 2015, objektivi i sulmit ishte nj\u00eb automjet n\u00eb rrug\u00ebn q\u00eb t\u00eb \u00e7on p\u00ebr n\u00eb Rinas. N\u00eb qershor 2016, grabit\u00ebsit u \u201czhvendos\u00ebn\u201d n\u00eb Aeroportin e Rinasit, ku sulmuan brenda tij makin\u00ebn e transportit t\u00eb parave. N\u00eb shkurt 2017-n, ndodhi nj\u00eb tjet\u00ebr grabitje n\u00eb Qaf\u00eb Kashar, ku s\u00ebrish ishin objektiv mjetet q\u00eb transportonin parat\u00eb n\u00eb aeroport.\u00a0 P\u00ebr t\u00eb mb\u00ebrritur n\u00eb ngjarjen e pest\u00eb, dit\u00ebn e djeshme, ku krimi arriti kulmin dhe parat\u00eb u grabit\u00ebn nga barku i avionit, q\u00eb ishte gati p\u00ebr t\u2019u nisur drejt Vjen\u00ebs.<\/span><\/p>\n Ekspert\u00ebt e siguris\u00eb bankare than\u00eb p\u00ebr Monitor se krimi n\u00eb Rinas i ka ezaruruar t\u00eb gjitha fazat gjeografike, ka filluar n\u00eb qytet, ka vazhduar n\u00eb Qaf\u00ebn e Kasharit, n\u00eb ambientet e aeroportit dhe s\u00eb fundmi edhe brenda avionit. Gj\u00ebja e vetme q\u00eb ka mbetur t\u00eb shpresohet \u00ebsht\u00eb q\u00eb ndonj\u00eb dit\u00eb t\u00eb mos merret avioni peng me pasagjer\u00eb brenda!<\/span><\/p>\n Ekspert\u00ebt shpjegojn\u00eb disa nga arsyet se pse grabit\u00ebsit arrijn\u00eb me kaq leht\u00ebsi t\u00eb vjedhin valut\u00ebn q\u00eb bankat transportojn\u00eb jasht\u00eb vendit me q\u00ebllim investimin e parave t\u00eb lira n\u00eb bankat e huaja.<\/span><\/p>\n S\u00eb pari, nga nj\u00eb ngjarje n\u00eb tjetr\u00ebn nuk ka pasur shtim t\u00eb masave t\u00eb siguris\u00eb dhe\u00a0 kjo e inkurajon krimin t\u00eb veproj\u00eb m\u00eb tej.<\/span><\/p>\n S\u00eb dyti, zbatimi i udh\u00ebzimeve t\u00eb ministrave t\u00eb brendsh\u00ebm, fillimisht ai num\u00ebr 308 i miratuar n\u00eb maj 2017 dhe udh\u00ebzimi i ri n\u00eb mars 2018, q\u00eb disiplinojn\u00eb l\u00ebvizjen e mjeteve t\u00eb transportit t\u00eb parave n\u00eb Rinas, nuk jan\u00eb zbatuar me korrekt\u00ebsi, nd\u00ebrsa ka pasur mungesa ose trajnim t\u00eb pamjaftuesh\u00ebm t\u00eb punonj\u00ebsve t\u00eb Sh\u00ebrbimit Privat t\u00eb Siguris\u00eb Fizike (SHPSF-ve) q\u00eb kyejn\u00eb k\u00ebt\u00eb proces (kjo gjithsesi nuk lidhet me dit\u00ebn e djeshme, ku grabitja ndodhi brenda n\u00eb avion).<\/span><\/p>\n N\u00eb rastin e fundit, skenari ishte ndryshe nga grabitjet e tjera. Pasi jan\u00eb l\u00ebn\u00eb parat\u00eb brenda n\u00eb aeroport, shoq\u00ebrit\u00eb e sigurimit fizik jan\u00eb larguar dhe vlerat jan\u00eb futur n\u00eb barkun e avionit dhe grabit\u00ebsit i kan\u00eb marr\u00eb n\u00eb procesin e fundit. Pra \u00ebsht\u00eb siguria brenda aeroportit q\u00eb ka ceduar, duke filluar nga masat n\u00eb kargo, dogan\u00eb, e aeroport, policia private e aeroportit dhe policia e shtetit, n\u00eb nj\u00eb rast q\u00eb ekspert\u00ebt e siguris\u00eb fizike e cil\u00ebsojn\u00eb si skandaloz.<\/span><\/p>\n Grabitja ishte e mir\u00ebmenduar, pasi \u00ebsht\u00eb studiuar momenti i fundit, si dhe jan\u00eb p\u00ebrdorur kamuflazhe t\u00eb Policis\u00eb Tatimore p\u00ebr t\u00eb humbur gjurm\u00ebn p\u00ebr t\u00eb mos t\u00ebrhequr v\u00ebmendjen.<\/span><\/p>\n Ekspert\u00ebt e siguris\u00eb pohojn\u00eb se duhet t\u00eb ngrihet task forc\u00eb p\u00ebr t\u00eb verifikuar ngjarjen dhe element e p\u00ebrgjegj\u00ebsit q\u00eb kan\u00eb \u00e7uar n\u00eb cedimin e siguris\u00eb s\u00eb nj\u00eb prej institucioneve m\u00eb strategjike n\u00eb vend. M\u00eb pas duhet t\u00eb mendohet p\u00ebr t\u00eb shtuar masat e siguris\u00eb n\u00eb t\u00eb gjith\u00eb vektor\u00ebt e transportit t\u00eb mjeteve monetare.<\/span><\/p>\n N\u00eb procesin e transportit t\u00eb parave, aktor\u00ebt e par\u00eb jan\u00eb bankat, Sh\u00ebrbimit Privat t\u00eb Siguris\u00eb Fizike (SHPSF) dhe kompanit\u00eb e sigurimit, q\u00eb sigurojn\u00eb transportin. K\u00ebto t\u00eb fundit, thon\u00eb ekspert\u00ebt, jan\u00eb dhe hallka m\u00eb e dob\u00ebt dhe nuk kan\u00eb pesh\u00eb, ndryshe nga vendet e tjera t\u00eb Europ\u00ebs.<\/span><\/p>\n Aktor\u00ebt e dyt\u00eb lidhen me pjes\u00ebn e transportit, ku p\u00ebrfshihen SHPSF-t\u00eb dhe policia e shtetit.<\/span><\/p>\n Faktori i tret\u00eb jan\u00eb masat e siguris\u00eb brenda n\u00eb aeroport, n\u00eb kargo, dogan\u00eb, ku rol kan\u00eb policia private e aeroportit dhe policia e shtetit. Nisur dhe nga ngjarja e qershorit 2016, siguria brenda ambienteve t\u00eb Rinasit mbetet shum\u00eb e dob\u00ebt.<\/span><\/p>\n Ekspert\u00ebt e siguris\u00eb pohojn\u00eb se n\u00eb vendet e tjera, p\u00ebrgjith\u00ebsisht parat\u00eb ngarkohen n\u00eb avion\u00eb n\u00eb xhepa t\u00eb ve\u00e7ant\u00eb t\u00eb aeroportit dhe jo si\u00e7 ndodh n\u00eb Shqip\u00ebri, ku pasi hidhen valixhet, n\u00eb nj\u00eb cep vendosen dhe parat\u00eb q\u00eb transportohen nga bankat.\u00a0 Kjo metod\u00eb v\u00eb n\u00eb rrezik edhe sigurin\u00eb e pasagjer\u00ebve t\u00eb avionit. \u00a0Ata sugjerojn\u00eb q\u00eb bankat t\u00eb p\u00ebrdorin chartera t\u00eb ve\u00e7ant\u00eb p\u00ebr t\u00eb l\u00ebvizur vlerat.<\/span><\/p>\n Brumbulli: Ka shum\u00eb pik\u00ebpyetje n\u00eb k\u00ebt\u00eb mes!<\/span><\/strong><\/p>\n Spiro Brumbulli, kryetar i Shoqat\u00ebs s\u00eb Bankave thot\u00eb se kjo ngjarje ishte jasht\u00eb juridiksionit t\u00eb bankave.<\/span><\/p>\n \u201cNga informacioni rezulton q\u00eb \u00ebsht\u00eb vjedhur te barku i avionit, kjo \u00ebsht\u00eb shum\u00eb e r\u00ebnd\u00eb nuk ka t\u00eb b\u00ebj\u00eb me bankat\u201d<\/em>, pohon ai, duke shtuar se kjo \u00ebsht\u00eb nj\u00eb ngjarje e r\u00ebnd\u00eb dhe e p\u00ebrs\u00ebritur. \u201cSi ka mund\u00ebsi t\u00eb hyjn\u00eb mjete n\u00eb nj\u00eb zon\u00eb kaq t\u00eb kufizuar, duke pasur brenda njer\u00ebz t\u00eb armatosur dhe t\u00eb panjohur\u201d<\/em>, pohon ai.<\/span><\/p>\n Brumbulli thot\u00eb se pas ngjarjeve t\u00eb ndodhura m\u00eb par\u00eb jan\u00eb shtuar masat e siguris\u00eb n\u00eb transportin e vlerave monetare, por n\u00eb rastin konkret, shqet\u00ebsimi kufizohet n\u00eb zon\u00ebn e siguris\u00eb s\u00eb Rinasit.<\/span><\/p>\n \u201cAvioni ishte i mbushur me njer\u00ebz dhe nj\u00eb makin\u00eb pa targa futet shum\u00eb kollaj, ka shum\u00eb pik\u00ebpyetje n\u00eb k\u00ebt\u00eb mes\u201d<\/em>, shton ai.<\/span><\/p>\n Pse bankat transportojn\u00eb parat\u00eb jasht\u00eb<\/span><\/strong><\/p>\n Transferimi i parave jasht\u00eb vendit \u00ebsht\u00eb nj\u00eb procedur\u00eb normale e bankave, t\u00eb cilat nj\u00eb pjes\u00eb t\u00eb parave t\u00eb lira nga depozituesit (euro, dollar\u00eb, paund etj), i vendosin n\u00eb institucionet financiare jasht\u00eb vendit, si form\u00eb alternative e investimit. Ky transferim kryhet fizikisht dhe kjo \u00ebsht\u00eb nj\u00eb marr\u00ebdh\u00ebnie q\u00eb bankat e zgjidhin me shoq\u00ebrit\u00eb private t\u00eb siguris\u00eb fizike.<\/span><\/p>\n Krahas d\u00ebrgimit t\u00eb tepric\u00ebs s\u00eb eurove apo dollar\u00ebve, (kur nuk kan\u00eb mund\u00ebsi kreditimi apo angazhimi n\u00eb investime t\u00eb tjera n\u00eb Shqip\u00ebr p\u00ebr at\u00eb monedh\u00eb), bankat grumbullojn\u00eb edhe cash t\u00eb nj\u00eb monedhe n\u00eb treg. Zakonisht n\u00eb Shqip\u00ebri grumbullojn\u00eb cash Paund ose Franga Zvicerane. K\u00ebto monedha i tregtojn\u00eb n\u00eb Bankat Rajonale, zakonisht n\u00eb Vjen\u00eb, por edhe Credit S\u00ebissZyrich duke i konvertuar n\u00eb Eur ose dollar, t\u00eb cilat ose i sjellin mbrapsht fizikisht n\u00eb Shqip\u00ebri ose i kreditojn\u00eb n\u00eb llogarit\u00eb me Bankat korrespondente n\u00eb Austri apo Zvicer, n\u00eb vart\u00ebsi t\u00eb Bank\u00ebs q\u00eb b\u00ebn marr\u00ebveshjen. Ky \u00ebsht\u00eb nj\u00eb trasanksion i thjesht\u00eb k\u00ebmbimi cash.<\/span><\/p>\n Transporti b\u00ebhet me Cargo Ajrore q\u00eb \u00ebsht\u00eb sh\u00ebrbim q\u00eb e ofrojn\u00eb kompanit\u00eb Ajrore e quhet \u201cHigh Value Cargo Service\u201d. Ky \u00ebsht\u00eb nj\u00eb sh\u00ebrbim i shtrenjt\u00eb, si rrjedhoj\u00eb transaksioni i k\u00ebmbimit b\u00ebhet me vlera t\u00eb m\u00ebdha q\u00eb t\u00eb jet\u00eb i leverdissh\u00ebm dhe p\u00ebr k\u00ebt\u00eb arsye disa banka b\u00ebhen bashk\u00eb p\u00ebr t\u00eb rritur vler\u00ebn.<\/span><\/p>\n