{"id":286728,"date":"2019-04-02T08:40:34","date_gmt":"2019-04-02T06:40:34","guid":{"rendered":"https:\/\/hashtag.al\/?p=286728"},"modified":"2019-04-02T08:41:35","modified_gmt":"2019-04-02T06:41:35","slug":"ambasadorja-schutz-jane-shtuar-shqetesimet-e-bizneseve-gjermane-per-transparencen-e-tendereve","status":"publish","type":"post","link":"https:\/\/www.hashtag.al\/index.php\/2019\/04\/02\/ambasadorja-schutz-jane-shtuar-shqetesimet-e-bizneseve-gjermane-per-transparencen-e-tendereve\/","title":{"rendered":"Ambasadorja Sch\u00fctz: Jan\u00eb shtuar shqet\u00ebsimet e bizneseve gjermane p\u00ebr transparenc\u00ebn e tender\u00ebve","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

An\u00ebtar\u00ebt e shoqatave gjermano-shqiptare t\u00eb ekonomis\u00eb kan\u00eb ngritur koh\u00ebt e fundit gjithnj\u00eb e m\u00eb shpesh shqet\u00ebsimet p\u00ebr nj\u00eb politik\u00eb informacioni dhe transparenc\u00eb t\u00eb mang\u00ebt p.sh. n\u00eb lidhje me tender\u00ebt publik\u00eb dhe gjithashtu marr\u00ebdh\u00ebnie pron\u00ebsore t\u00eb paqarta n\u00eb objekte potenciale investimi. Ambasadorja gjermane, Susanne Sch\u00fctz, thot\u00eb se \u00ebsht\u00eb nj\u00eb detyr\u00eb t\u00eb r\u00ebnd\u00ebsishme e qeveris\u00eb, t\u00eb pengoj\u00eb q\u00eb ky trend negativ t\u00eb vazhdoj\u00eb m\u00eb tej.<\/span><\/p>\n

Shqip\u00ebria duhet t\u00eb siguroj\u00eb kushtet e duhura themelore p\u00ebr investitor\u00ebt potencial\u00eb \u2013 si shqiptar\u00eb ashtu dhe t\u00eb huaj, ku m\u00eb t\u00eb r\u00ebnd\u00ebsishmet jan\u00eb siguria, transparenca dhe nj\u00eb administrat\u00eb mir\u00ebfunksionale, efektive dhe jo e korruptuar. Ambasadorja gjermane n\u00eb Shqip\u00ebri, Susanne Sch\u00fctz, thot\u00eb n\u00eb nj\u00eb intervist\u00eb t\u00eb posa\u00e7me p\u00ebr \u201cMonitor\u201d se sip\u00ebrmarrjet gjermane, pra ato potenciale, por edhe investitor\u00ebt tashm\u00eb aktiv\u00eb n\u00eb tregun shqiptar, ankohen shpesh p\u00ebr nj\u00eb politik\u00eb informacioni dhe transparenc\u00eb t\u00eb mang\u00ebt, p.sh. n\u00eb lidhje me tender\u00ebt publik\u00eb dhe gjithashtu, marr\u00ebdh\u00ebnie pron\u00ebsore t\u00eb paqarta n\u00eb objekte potenciale investimi.<\/span><\/p>\n

Sch\u00fctz thot\u00eb se marr\u00ebdh\u00ebniet tregtare mes Shqip\u00ebris\u00eb e Gjermanis\u00eb\u00a0jan\u00eb m\u00eb t\u00eb ul\u00ebta\u00a0n\u00eb krahasim me shtetet e tjera t\u00eb rajonit, pasi k\u00ebto t\u00eb fundit kan\u00eb pasur lidhje m\u00eb t\u00eb hershme me shtetin per\u00ebndimor.<\/span><\/p>\n

Ajo shton se sektor\u00ebt kryesor\u00eb ku investitor\u00ebt gjerman\u00eb kan\u00eb shprehur interes jan\u00eb turizmi, energjia e gjelb\u00ebr, por edhe bujq\u00ebsia dhe sektori i sh\u00ebrbimeve.<\/span><\/p>\n

Sch\u00fctz pohon se Reforma n\u00eb Drejt\u00ebsi \u00ebsht\u00eb nj\u00eb histori suksesi, teksa shton se kjo reform\u00eb mund t\u00eb kontribuoj\u00eb n\u00eb m\u00ebnyr\u00eb thelb\u00ebsore n\u00eb rritjen e atraktivitetit t\u00eb Shqip\u00ebris\u00eb si destinacion investimi.<\/span><\/p>\n

Intervist\u00eb me Ambasadoren Gjermane, Susanne Sch\u00fctz<\/span><\/strong><\/p>\n

Si do t\u2019i vler\u00ebsonit marr\u00ebdh\u00ebniet ekonomike mes qeveris\u00eb shqiptare dhe asaj gjermane pas viteve \u201990?\u00a0<\/span><\/strong><\/p>\n

Pas dekadash izolimi, Shqip\u00ebria, n\u00eb vitet \u201990, filloi t\u00eb hapej ekonomikisht. Lidhur ngusht\u00ebsisht me k\u00ebt\u00eb ishte orientimi i saj n\u00eb drejtim t\u00eb Bashkimit Europian. Hapa t\u00eb r\u00ebnd\u00ebsish\u00ebm ishin hyrja n\u00eb fuqi e Marr\u00ebveshjes s\u00eb Tregtis\u00eb dhe Bashk\u00ebpunimit Ekonomik nd\u00ebrmjet BE-s\u00eb dhe Shqip\u00ebris\u00eb n\u00eb vitin 1992 dhe Marr\u00ebveshja e Stabilizim Asociimit nd\u00ebrmjet BE-s\u00eb dhe Shqip\u00ebris\u00eb n\u00eb vitin 2009. K\u00ebto marr\u00ebveshje vendos\u00ebn dhe themelet p\u00ebr tregtin\u00eb dhe investimet nd\u00ebrmjet Gjermanis\u00eb dhe Shqip\u00ebris\u00eb.<\/span><\/p>\n

Gjermania ka filluar t\u00eb bashk\u00ebpunoj\u00eb me Shqip\u00ebrin\u00eb n\u00eb fush\u00ebn e politikave t\u00eb zhvillimit n\u00eb vitin 1998, qysh p\u00ebrpara hapjes p\u00ebrfundimtare t\u00eb vendit. Gjermania u angazhua atje, ku nevoja ishte m\u00eb e madhe dhe ndihma m\u00eb e domosdoshme. Me Bashk\u00ebpunimin ton\u00eb p\u00ebr Zhvillim, tashm\u00eb m\u00eb t\u00eb gjat\u00eb se tridhjet\u00ebvje\u00e7ar, ne kemi arritur t\u00eb jemi tani donatori m\u00eb i r\u00ebnd\u00ebsish\u00ebm bilateral, n\u00eb ndihm\u00ebn p\u00ebr zhvillim n\u00eb Shqip\u00ebri. Mb\u00ebshtetja e zhvillimit ekonomik \u00ebsht\u00eb sot nj\u00eb nga prioritetet e bashk\u00ebpunimit ton\u00eb. Ne jemi t\u00eb lumtur q\u00eb, n\u00ebp\u00ebrmjet k\u00ebsaj, kemi dh\u00ebn\u00eb nj\u00eb kontribut konkret p\u00ebr p\u00ebrmir\u00ebsimin e kushteve t\u00eb jetes\u00ebs.<\/span><\/p>\n

Nd\u00ebrsa qeveria gjermane mbetet nj\u00eb nga donator\u00ebt m\u00eb t\u00eb m\u00ebdhenj n\u00eb Shqip\u00ebri, marr\u00ebdh\u00ebniet tregtare nuk jan\u00eb n\u00eb nivele aq t\u00eb larta. Gjermania \u00ebsht\u00eb partneri i kat\u00ebrt i Shqip\u00ebris\u00eb p\u00ebr sa u p\u00ebrket eksporteve (sipas t\u00eb dh\u00ebnave zyrtare t\u00eb INSTAT), nd\u00ebrsa n\u00eb vende t\u00eb tjera t\u00eb rajonit \u00ebsht\u00eb p\u00ebrgjith\u00ebsisht partneri kryesor. Si e shpjegoni nivelin e ul\u00ebt t\u00eb marr\u00ebdh\u00ebnieve tregtare?<\/span><\/strong><\/p>\n

Ne jemi krenar\u00eb p\u00ebr angazhimin ton\u00eb t\u00eb vazhduesh\u00ebm dhe gjith\u00ebp\u00ebrfshir\u00ebs n\u00eb fush\u00ebn e politikave p\u00ebr zhvillim. Kjo mb\u00ebshtetje \u00ebsht\u00eb n\u00eb t\u00eb v\u00ebrtet\u00eb e pavarur nga interesa t\u00eb mundshme t\u00eb sip\u00ebrmarrjeve gjermane k\u00ebtu n\u00eb Shqip\u00ebri.<\/span><\/p>\n

Fluksi nd\u00ebrkomb\u00ebtar i mallrave ndikohet nga faktor\u00eb t\u00eb ndrysh\u00ebm. Nj\u00eb kriter i r\u00ebnd\u00ebsish\u00ebm jan\u00eb sigurisht doganat dhe barriera t\u00eb tjera tregtare, por edhe faktori i af\u00ebrsis\u00eb gjeografike luan nj\u00eb rol. K\u00ebshtu, ne shohim se vende, t\u00eb cilat jan\u00eb n\u00eb af\u00ebrsi direkte me Shqip\u00ebrin\u00eb, para s\u00eb gjithave Italia, jan\u00eb partner\u00eb t\u00eb r\u00ebnd\u00ebsish\u00ebm. N\u00eb tregtin\u00eb me vendet e tjera fqinj\u00eb n\u00eb rajon, si p.sh. Kosova ose Maqedonia e Veriut, ne shohim nj\u00eb volum tregtar n\u00eb rritje. Dhe kjo \u00ebsht\u00eb nj\u00eb gj\u00eb e mir\u00eb. Ne do t\u00eb d\u00ebshironim q\u00eb shk\u00ebmbimi me vendet fqinj\u00eb t\u00eb merrte edhe m\u00eb shum\u00eb vrull.<\/span><\/p>\n

P\u00ebrve\u00e7 k\u00ebsaj, marr\u00ebdh\u00ebniet tregtare t\u00eb Gjermanis\u00eb me shum\u00eb nga vendet fqinj\u00eb t\u00eb Shqip\u00ebris\u00eb kan\u00eb mundur t\u00eb zhvillohen tashm\u00eb prej nj\u00eb kohe shum\u00eb m\u00eb t\u00eb gjat\u00eb. Qysh kur Shqip\u00ebria ishte ende nj\u00eb vend i mbyllur, Gjermania kishte marr\u00ebdh\u00ebnie tregtare t\u00eb konsiderueshme me ish-Jugosllavin\u00eb.<\/span><\/p>\n

\u00cbsht\u00eb gjithashtu e v\u00ebrtet\u00eb q\u00eb Shqip\u00ebria ndodhet n\u00eb nj\u00eb konkurrenc\u00eb globale p\u00ebr marr\u00ebdh\u00ebnie tregtare dhe investime. P\u00ebr t\u00eb rritur pesh\u00ebn e tyre n\u00eb ekonomi, aktor\u00ebt e tregut nga Gjermania dhe vende t\u00eb tjera, duhet t\u00eb binden q\u00eb Shqip\u00ebria \u00ebsht\u00eb nj\u00eb destinacion t\u00ebrheq\u00ebs dhe ofron kushte t\u00eb drejta.<\/span><\/p>\n

Cil\u00ebt jan\u00eb sektor\u00ebt konkret\u00eb ku investitor\u00ebt gjerman\u00eb kan\u00eb shprehur interes p\u00ebr t\u00eb investuar dhe \u00e7far\u00eb duhet t\u00eb b\u00ebj\u00eb Shqip\u00ebria p\u00ebr t\u00eb konkretizuar interesin e tyre?<\/span><\/strong><\/p>\n

Shqip\u00ebria ka nj\u00eb potencial t\u00eb madh zhvillimi n\u00eb shum\u00eb sektor\u00eb, ku b\u00ebjn\u00eb pjes\u00eb turizmi, sektori i energjis\u00eb s\u00eb gjelb\u00ebr, por edhe bujq\u00ebsia dhe sektori i sh\u00ebrbimeve. N\u00eb t\u00eb gjith\u00eb sektor\u00ebt \u00ebsht\u00eb po aq e r\u00ebnd\u00ebsishme t\u00eb krijohen kushtet e duhura themelore p\u00ebr investitor\u00ebt potencial\u00eb \u2013 si shqiptar\u00eb ashtu dhe t\u00eb huaj. K\u00ebtu vlejn\u00eb para s\u00eb gjithash siguria, transparenca dhe nj\u00eb administrat\u00eb mir\u00ebfunksionale, efektive dhe jo e korruptuar. E r\u00ebnd\u00ebsishme \u00ebsht\u00eb q\u00eb investitor\u00ebt potencial\u00eb nga Gjermania t\u00eb priten krah\u00ebhapur nga pala shqiptare dhe t\u00eb marrin prej saj nj\u00eb kujdes profesional.<\/span><\/p>\n

Edhe n\u00eb kahun e investimeve, Gjermania \u00ebsht\u00eb partneri i dhjet\u00eb i Shqip\u00ebris\u00eb p\u00ebr sa i p\u00ebrket stokut t\u00eb investimeve t\u00eb huaja n\u00eb fund t\u00eb tremujorit t\u00eb tret\u00eb 2018. Si e shpjegoni interesin e ul\u00ebt t\u00eb investitor\u00ebve privat\u00eb gjerman\u00eb p\u00ebr Shqip\u00ebrin\u00eb?\u00a0N\u00eb nj\u00eb dalje t\u00eb fundit p\u00ebr shtyp ju deklaruat: \u201cP\u00ebr fat t\u00eb keq, shpesh investitor\u00ebt gjerman\u00eb dhe t\u00eb huaj, t\u00eb cil\u00ebt kan\u00eb tashm\u00eb p\u00ebrvoj\u00eb n\u00eb tregun shqiptar, kan\u00eb shprehur koh\u00ebt e fundit dyshime serioze dhe shqet\u00ebsime t\u00eb shtuara n\u00eb lidhje me nj\u00eb mjedis jo \u2018fair\u2019 dhe solid n\u00eb sektorin e ekonomis\u00eb n\u00eb Shqip\u00ebri\u201d. Konkretisht p\u00ebr \u00e7far\u00eb e kishit fjal\u00ebn dhe sa ndikon kjo klim\u00eb n\u00eb t\u00ebrheqjen e investimeve t\u00eb huaja?<\/span><\/strong><\/p>\n

Sip\u00ebrmarrjet gjermane, pra ato potenciale, por edhe investitor\u00ebt tashm\u00eb aktiv\u00eb n\u00eb tregun shqiptar, ankohen shpesh p\u00ebr nj\u00eb politik\u00eb informacioni dhe transparenc\u00eb t\u00eb mang\u00ebt p.sh. n\u00eb lidhje me tender\u00ebt publik\u00eb dhe gjithashtu marr\u00ebdh\u00ebnie pron\u00ebsore t\u00eb paqarta n\u00eb objekte potenciale investimi. Mang\u00ebsia n\u00eb sjelljen e pagesave n\u00eb tender\u00ebt publik\u00eb nuk kontribuon edhe n\u00eb krijimin e nj\u00eb imazhi t\u00eb mir\u00eb t\u00eb Shqip\u00ebris\u00eb si destinacion biznesi.<\/span><\/p>\n

T\u00eb gjith\u00eb k\u00ebto probleme jan\u00eb ngritur koh\u00ebt e fundit gjithnj\u00eb e m\u00eb shpesh nga an\u00ebtar\u00ebt e shoqatave gjermano-shqiptare t\u00eb ekonomis\u00eb. Un\u00eb e shoh k\u00ebt\u00eb si nj\u00eb detyr\u00eb t\u00eb r\u00ebnd\u00ebsishme t\u00eb qeveris\u00eb, t\u00eb pengoj\u00eb q\u00eb ky trend negativ t\u00eb vazhdoj\u00eb m\u00eb tej. Q\u00ebllimi yn\u00eb i p\u00ebrbashk\u00ebt duhet t\u00eb jet\u00eb, t\u00eb kund\u00ebrshtojm\u00eb k\u00ebt\u00eb p\u00ebrshtypje me shembuj pozitiv\u00eb dhe t\u00eb tregojm\u00eb q\u00eb Shqip\u00ebria i mir\u00ebpret investitor\u00ebt e huaj.<\/span><\/p>\n

Si do ta vler\u00ebsonit ecurin\u00eb e Reform\u00ebs n\u00eb Drejt\u00ebsi dhe sa prisni t\u00eb ndikoj\u00eb ajo n\u00eb klim\u00ebn p\u00ebr t\u00eb b\u00ebr\u00eb biznes dhe t\u00ebrheqjen e investimeve t\u00eb huaja?<\/span><\/strong><\/p>\n

Reforma n\u00eb Drejt\u00ebsi \u00ebsht\u00eb nj\u00eb histori suksesi, p\u00ebr t\u00eb cil\u00ebn Shqip\u00ebria mund t\u00eb krenohet. Sidomos procesi i vetting-ut, i cili mesa duket \u00ebsht\u00eb unikal n\u00eb t\u00eb gjith\u00eb bot\u00ebn, forcon besimin n\u00eb shtetin e s\u00eb drejt\u00ebs dhe mund t\u00eb kontribuoj\u00eb n\u00eb m\u00ebnyr\u00eb thelb\u00ebsore n\u00eb rritjen e atraktivitetit t\u00eb Shqip\u00ebris\u00eb si destinacion investimi. Ai m\u00eb \u00ebsht\u00eb mburrur edhe nga sip\u00ebrmarr\u00ebs gjerman\u00eb. Nga k\u00ebndv\u00ebshtrimi i ekonomis\u00eb gjermane, k\u00ebto reforma duhet t\u00eb vazhdojn\u00eb medoemos.<\/span><\/p>\n