{"id":280530,"date":"2019-03-07T17:31:17","date_gmt":"2019-03-07T16:31:17","guid":{"rendered":"https:\/\/hashtag.al\/?p=280530"},"modified":"2019-03-07T17:42:22","modified_gmt":"2019-03-07T16:42:22","slug":"ky-eshte-biznesmeni-qe-humbi-jeten-sot-ne-aksidentin-e-shumefishte-ne-gjilan-foto","status":"publish","type":"post","link":"https:\/\/www.hashtag.al\/index.php\/2019\/03\/07\/ky-eshte-biznesmeni-qe-humbi-jeten-sot-ne-aksidentin-e-shumefishte-ne-gjilan-foto\/","title":{"rendered":"Ky \u00ebsht\u00eb biznesmeni q\u00eb humbi jet\u00ebn sot n\u00eb aksidentin e shum\u00ebfisht\u00eb n\u00eb Gjilan (FOTO)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Zbulohet identiteti i personit q\u00eb humbi jet\u00ebn nga aksidenti i r\u00ebnd\u00eb q\u00eb ndodhi sot n\u00eb Gjilan, ku nj\u00eb kamion u p\u00ebrplas me disa makina dhe turm\u00ebn e njer\u00ebzve n\u00eb trotuar.<\/span><\/p>\n

Viktima \u00ebsht\u00eb identifikuar si Qerim \u00c7o\u00e7aj. Lajmi \u00ebsht\u00eb konfirmuar dhe nga furra \u201cV\u00ebllez\u00ebrit \u00c7o\u00e7aj\u201d, n\u00eb nj\u00eb postim n\u00eb rrjetin social \u201cFacebook\u201d ku kan\u00eb njoftuar se n\u00eb aksidentin e ndodhur n\u00eb Gjilan, ka humbur jet\u00ebn pronari i saj.<\/span><\/p>\n

\u201cNjoftojm\u00eb t\u00eb gjith\u00eb qytetar\u00ebt dhe t\u00eb af\u00ebrmit tan\u00eb q\u00eb sot nga nj\u00eb aksident tragjik nd\u00ebrroi jet\u00eb Qerim \u00c7ocaj, pronari i furr\u00ebs V\u00ebllez\u00ebrit \u00c7o\u00e7aj, n\u00eb Gjilan\u2026 Krenar gjith\u00eb jet\u00ebn \u2026. Ishe dhe do t\u00eb mbetesh shembull p\u00ebr t\u00eb gjith\u00eb\u2026\u201d<\/em>, thuhet n\u00eb njoftimin.<\/span><\/p>\n

\"\"<\/p>\n

Deri m\u00eb tani, n\u00eb aksidentin zinxhir q\u00eb ka ndodhur n\u00eb qend\u00ebr t\u00eb qytetit t\u00eb Gjilanit, raportohet dhe p\u00ebr 16 t\u00eb plagosur.<\/span><\/p>\n

Drejtori i spitalit t\u00eb Gjilanit, Nisret Hajrullahu ka treguar p\u00ebr gazet\u00ebn \u201cTelegraf\u201d<\/a><\/span> se 16 persona t\u00eb aksidentuar jan\u00eb pranuar p\u00ebr trajtim sh\u00ebndet\u00ebsor n\u00eb k\u00ebt\u00eb spital, ku dy prej tyre jan\u00eb d\u00ebrguar n\u00eb Qendr\u00ebn Klinike Universitare t\u00eb Kosov\u00ebs (QKUK).<\/span><\/p>\n

Mediat n\u00eb Kosov\u00eb raportojn\u00eb se nj\u00eb kamion q\u00eb ka qen\u00eb duke l\u00ebvizue me shpejt\u00ebsi \u00ebsht\u00eb p\u00ebrplasur me disa makina dhe me njer\u00ebz q\u00eb ndodheshin n\u00eb trotuar, duke i marr\u00eb k\u00ebshtu jet\u00ebn nj\u00ebrit prej tyre dhe duke l\u00ebn\u00eb t\u00eb plagosur dhjet\u00ebra t\u00eb tjer\u00eb.<\/span><\/p>\n

Paraprakisht dyshohet se shkak i aksidentit ka qen\u00eb nj\u00eb problem teknik n\u00eb sistemin e frenimit t\u00eb kamionit.<\/span><\/p>\n

\"\"<\/p>\n

\u201cJemi n\u00eb vend t\u00eb ngjarjes. E konfirmojm\u00eb q\u00eb ka qen\u00eb nj\u00eb aksident me pasoja fatale ku p\u00ebr fat t\u00eb keq nj\u00eb person ka humbur jet\u00ebn. Ka me dhjet\u00ebra e dhjet\u00ebra t\u00eb l\u00ebnduar, jan\u00eb n\u00eb spital t\u00eb Gjilanit p\u00ebr momentin. P\u00ebr momentin jan\u00eb trajtim dhe spitali \u00ebsht\u00eb mobilizuar dhe gjendja \u00ebsht\u00eb e jasht\u00ebzakonshme. Aksidenti ka ndodhur p\u00ebr shkak t\u00eb nj\u00eb automjeti transportues. Dyshohet se ka d\u00ebshtuar di\u00e7ka teknikisht dhe ka humbur drejtimin mbi 300-400 metra duke u p\u00ebrplasur me automjete t\u00eb ndryshme. Drejtuesi i kamionit nuk ka p\u00ebsuar l\u00ebndime dhe p\u00ebr momentin \u00ebsht\u00eb duke u mbajtur n\u00eb stacionin policor\u201d<\/em>, ka th\u00ebn\u00eb kryeprokurori i Prokuroris\u00eb Themelore t\u00eb Gjilanit, Jetish Maloku.<\/span><\/p>\n

Lidhur me ngjarjen e r\u00ebnd\u00eb ka reaguar dhe ambasadori i Britanis\u00eb s\u00eb Madhe n\u00eb Kosov\u00eb, Ruairi O\u2019Connelli.<\/span><\/p>\n

\u00a0\u201cMendimet e mia jan\u00eb me t\u00eb gjith\u00eb t\u00eb prekurit nga ngjarja tragjike n\u00eb Gjilan sot, ve\u00e7an\u00ebrisht me viktimat dhe familjet e tyre\u201d,<\/em> ka shkruar O\u2019Connell.<\/span><\/p>\n

Pas tragjedis\u00eb, deputet\u00ebt e Kosov\u00ebs i kan\u00eb k\u00ebrkuar qeveris\u00eb q\u00eb t\u2019i dal n\u00eb ndihm\u00eb k\u00ebsaj komune.<\/p>\n

\u201cNuk e di n\u00ebse komuna e Gjilanit ka kapacitete me menaxhu k\u00ebt\u00eb emergjenc\u00eb tash p\u00ebr tash. E ftoj kryeministrin me dikasterin e sh\u00ebndet\u00ebsis\u00eb t\u00eb pun\u00ebve t\u00eb brendshme q\u00eb t\u2019i dal n\u00eb ndihm\u00eb sa m\u00eb shpejt komun\u00ebs s\u00eb Gjilanit, n\u00eb m\u00ebnyr\u00eb q\u00eb t\u00eb tejkalohet ky rast, kjo emergjenc\u00eb dhe po ashtu i k\u00ebrkojm\u00eb q\u00eb t\u00eb jemi pran\u00eb familjar\u00ebve dhe t\u00eb gjith\u00eb atyre q\u00eb kan\u00eb humbur n\u00eb k\u00ebt\u00eb tragjedi dhe do t\u2019i dalim n\u00eb mb\u00ebshtetje me sa mund\u00ebsi q\u00eb kemi\u201c<\/em>, ka th\u00ebn\u00eb deputeti i PDK-s\u00eb, Zenun Pajazit.<\/p>\n

Kurse, kryeministri i Kosov\u00ebs, Ramush Haradinaj, tha se po e ndjek mnga af\u00ebr situat\u00ebn. \u201cJam d\u00ebgjuar m\u00eb her\u00ebt me kryetarin e Gjilanit, Haziri, mekanizmat lokal jan\u00eb veprues, kemi biseduar me gjith\u00eb nivelin nacional, p\u00ebrfshir\u00eb inteligjenc\u00ebn, sigurin\u00eb, emergjencat po edhe nj\u00ebsit\u00eb sh\u00ebndet\u00ebsore. Situata \u00ebsht\u00eb n\u00eb kontroll, n\u00eb menaxhim, do t\u00eb vazhdojm\u00eb t\u2019iu q\u00ebndrojm\u00eb af\u00ebr dhe t\u00eb p\u00ebrcjellim nga af\u00ebr k\u00ebt\u00eb gjendje\u201d<\/em>, jan\u00eb fjal\u00ebt e Haradinajt.\/Hashtag.al<\/strong><\/p>\n