{"id":268073,"date":"2019-01-23T12:14:46","date_gmt":"2019-01-23T11:14:46","guid":{"rendered":"https:\/\/hashtag.al\/?p=268073"},"modified":"2019-01-23T12:36:00","modified_gmt":"2019-01-23T11:36:00","slug":"betimi-hipokrit-i-edi-rames-video","status":"publish","type":"post","link":"https:\/\/www.hashtag.al\/index.php\/2019\/01\/23\/betimi-hipokrit-i-edi-rames-video\/","title":{"rendered":"Betimi hipokrit i Edi Ram\u00ebs (Video)","gt_translate_keys":[{"key":"rendered","format":"text"}]},"content":{"rendered":"

\"\"<\/span><\/p>\n

Nuk kaluan as 12 or\u00eb, nga zotimi i Edi Ram\u00ebs. Madje mund t\u00eb thuhet se ishte zotimi m\u00eb hipokrit i nj\u00eb kryeministri, i ndjekur nga publiku me z\u00eb e figur\u00eb. <\/span><\/p>\n

Pas betimit n\u00eb Presidenc\u00eb se do kryente rolin e ministrit p\u00ebr Evrop\u00ebn dhe Pun\u00ebt e Jashtme, Rama \u00ebsht\u00eb b\u00ebr\u00eb \u201cpishman\u201d, duke ia kaluar k\u00ebt\u00eb p\u00ebrgjegj\u00ebsi kandidatit q\u00eb u kund\u00ebrshtua nga presidenti Meta, Gent Cakajt. <\/span><\/p>\n

Kuptohet, kle\u00e7k\u00eb teknike, p\u00ebr t\u00eb cil\u00ebn nuk iu desh\u00ebn m\u00eb shum\u00eb se 6 minuta dje n\u00eb Presidenc\u00eb e p\u00ebr t\u00eb v\u00ebn\u00eb n\u00eb vend t\u00eb tij\u00ebn: Z\u00ebvend\u00ebsministrin e par\u00eb, q\u00eb de facto do jet\u00eb minist\u00ebr.<\/span><\/p>\n

\"\"<\/span><\/p>\n

Kush \u00ebsht\u00eb Gent Cakaj<\/strong><\/span><\/p>\n

Cakaj ka studiuar n\u00eb Universitetin e Evrop\u00ebs Qendrore (CEU), i themeluar dhe i financuar nga miliarderi George Sorosi, ku ka marr\u00eb nj\u00eb diplom\u00eb Master. <\/span><\/p>\n

Udh\u00ebheq\u00ebs i tez\u00ebs s\u00eb kandidatit t\u00eb Ram\u00ebs p\u00ebr minist\u00ebr \u00ebsht\u00eb nj\u00eb person ky\u00e7 i fondacionit, zonja Judit Sandor, profesore e k\u00ebtij universiteti dhe ajo e ka drejtuar Cakajn n\u00eb punimin \u201cNeuro-p\u00ebrmir\u00ebsimi dhe nocioni i p\u00ebrgjegj\u00ebsis\u00eb ligjore\u201d.<\/span><\/p>\n

Edhe pse Cakaj ka mbaruar dhe nj\u00eb Master t\u00eb dyt\u00eb n\u00eb Belgjik\u00eb, rezulton se s\u2019ka p\u00ebrvoj\u00eb profesionale, nd\u00ebrsa p\u00ebrvoja e par\u00eb e tij \u00ebsht\u00eb ajo e z\u00ebvend\u00ebsministrit shqiptar p\u00ebr Europ\u00ebn dhe Pun\u00ebt e Jashtme.<\/span><\/p>\n

Gent Cakaj rezulton nj\u00eb student i investuar qart\u00ebsisht nga universiteti n\u00eb pron\u00ebsi t\u00eb George Sorosit dhe studimet e tij t\u00eb m\u00ebpasshme rezultojn\u00eb po ashtu t\u00eb financuara nga OJF\u00a0 t\u00eb linj\u00ebs Soros n\u00eb Edinburg. <\/span><\/p>\n

K\u00ebto studime p\u00ebrve\u00e7 se kan\u00eb sh\u00ebrbyer p\u00ebr t\u00eb absorbuar fondet e OJF-ve, nuk rezultojn\u00eb t\u00eb cituara n\u00eb asnj\u00eb material dometh\u00ebn\u00ebs akademik ose dokumente nd\u00ebrkomb\u00ebtare.<\/span><\/p>\n

\"\"<\/span><\/p>\n

Pse nuk u dekretua nga Meta<\/strong><\/span><\/p>\n

Gent Cakaj i propozua nga Rama si ministri q\u00eb do z\u00ebvend\u00ebsonte Ditmir Bushatin n\u00eb krye t\u00eb Ministris\u00eb p\u00ebr Evrop\u00ebn dhe Pun\u00ebt e Jashtme, n\u00eb ndryshimet qeveritare q\u00eb nd\u00ebrmori n\u00eb fund t\u00eb vitit.<\/span><\/p>\n

Me fillimin e janarit, presidenti Meta i dekretoi t\u00eb gjitha propozimet e kryeministrit duke l\u00ebn\u00eb jasht\u00eb k\u00ebsaj liste vet\u00ebm emrin e Gent Cakajt, p\u00ebr t\u00eb cilin deklaroi n\u00eb media se priste verifikimet e duhura para se t\u00eb firmoste dekretin.<\/span><\/p>\n

M\u00eb 10 janar, Meta mori vendimin duke mos e dekretuar emrin e Cakajt si minist\u00ebr. <\/span><\/p>\n

Arsyet dhe argumentimi i kreut t\u00eb shtetit p\u00ebr k\u00ebt\u00eb vendim kishte t\u00eb b\u00ebnte me munges\u00ebn e p\u00ebrvoj\u00ebs, me munges\u00ebn e certifikat\u00ebs s\u00eb siguris\u00eb dhe at\u00eb t\u00eb deklaratave t\u00eb pap\u00ebrgjegjshme dhe t\u00eb rrezikshme t\u00eb b\u00ebra nga ana e Cakajt p\u00ebr \u00e7\u00ebshtjen e kufijve n\u00eb Ballkan.<\/span><\/p>\n

Mosdekretimi i Cakajt solli sulmin e kryeministrit Rama, i cili e cil\u00ebsoi si t\u00eb turpsh\u00ebm k\u00ebt\u00eb vendim dhe n\u00eb shkelje t\u00eb Kushtetut\u00ebs, duke deklaruar se do e padiste kreun e shtetit n\u00eb Gjykat\u00ebn Kushtetuese, sapo kjo t\u00eb formohej.<\/span><\/p>\n

Me betimin e djesh\u00ebm si minist\u00ebr dhe m\u00eb pas me delegimin e k\u00ebtij pozicioni te Cakaj, Rama qartazi ka mashtuar publikun dhe ka \u00e7uar deri n\u00eb fund t\u00eb tij\u00ebn, edhe pse te kandidati i tij nuk ka ndryshuar asgj\u00eb dhe ai ende nuk i plot\u00ebson kushtet e argumentuara nga Meta, p\u00ebr t\u00eb p\u00ebrfaq\u00ebsuar Shqip\u00ebrin\u00eb si minist\u00ebr.<\/span><\/p>\n

\/Hashtag.al<\/em><\/strong><\/span><\/p>\n